Connect with us

More

“ഗുരുവായൂരപ്പാ, അബ്ദുല്‍ വസീദിനെ കാത്തുകൊള്ളണേ…” വൈറലായി; സ്‌നേഹം പരന്ന ഒരു പോസ്റ്റ്!!

Published

on

അര്‍ധരാത്രിയില്‍ പെരുമഴയത്ത് വഴിയില്‍ പെട്ടുപ്പോയ അനീഷ് ആനിക്കാടിന്റെ മുന്നില്‍ സ്‌നേഹമരമയാണ് അബ്ദുല്‍ വസീദെന്ന സാധാരണ ഓട്ടോക്കാരന്‍ പ്രത്യക്ഷപ്പെട്ടത്. ദുരിതത്തില്‍ സ്‌നഹമഴയായി പെയ്ത വസീദിന്റെ കുറിച്ച് അനീഷ് എഴുതിയ ഫെയ്‌സ്ബുക് പോസ്റ്റാണ് ഇപ്പോള്‍ വൈറലായിരിക്കുന്നത്.
അനീഷ് തന്റെ അനുഭവം പങ്കുവെച്ച പോസ്റ്റ് ഇങ്ങനെ…

ഗുരുവായൂരപ്പാ…. അബ്ദുൾ വസീദിനെ കാത്തു കൊള്ളണെ…………. കഴിഞ്ഞ ദിവസം അർധരാത്രിയിൽ ദൈവദൂതനെപ്പോലെയെത്തിയ തൃശൂർ തൃപ്പയാറിലെ ഓട്ടോ ഡ്രൈവർ അബ്ദുൾ വസീദിനൊരു സ്റ്റേഹക്കുറിപ്പ്….. ഗുരുവായൂരിലേക്കു പോകും വഴി തൃപ്പയാറിനു 5 കി.മി അകലെ വലിയൊരു കുഴിയിലേക്ക് ചാടി കാറിന്റെ മുൻ ടയർ പഞ്ചറായി…. ഞാനും സുഹൃത്തുക്കളായ അജി ചേട്ടനും, നമ്പൂതിരി ചേട്ടനും ചേർന്നു മുൻ ടയർ മാറ്റിയിടാൻ മഴക്കിടെ ശ്രമം തുടങ്ങി… ഊരിമാറ്റിയ ടയറിന്റെ സ്ഥാനത്ത് സ്റ്റെപ്പിനി ടയർ കയറ്റിയിട്ടപ്പോൾ അറിയുന്നു… മാസങ്ങളായി നോക്കാതിരുന്ന സ്റ്റെപ്പിനി Sയറിനും കാറ്റില്ല…. പരീക്ഷണത്തിന്റെ സമയം.. കടത്തിണ്ണയിൽ ഇരിക്കുന്ന ഞങ്ങളുടെ അടുത്ത് ഹൈവേ പൊലിസ് സംഘം നിർത്തി… വിവരമറിഞ്ഞപ്പോൾ മൂന്നു കി.മി പുറകിലേക്കു പോയാൽ പമ്പ് ഉണ്ടെന്നും കാറ്റടിക്കാമെന്നും പൊലീസ്…… കാറ്റു കുറഞ്ഞു വരുന്ന ടയറുമായി കാറോടിച്ചു പമ്പിലേക്ക്… ഉറക്കച്ചടവോടെയിരുന്ന പമ്പ് ജീവനക്കാരൻ സ്റ്റേ ഹ പൂർവ്വം പറഞ്ഞതിങ്ങനെ.. ഇവിടുത്തെ കാറ്റടിക്കുന്ന സംവിധാനം കേടായിട്ടു ഒരാഴ്ചയായി…. പരസ്പരം കണ്ണിൽ നോക്കി വിഷമത്തിലായി ഞങ്ങൾ. കോട്ടയത്തു നിന്നു വരിക യാണെന്നുൾപ്പെടെ പറഞ്ഞതോടെ ഒന്നു പരീക്ഷിച്ചു നോക്കാം എന്നു പറഞ്ഞ് അയാൾ കാറ്റടിക്കാൻ ശ്രമം തുടങ്ങി… പമ്പിലെ കേടായ കാറ്റു കുറ്റിയിൽ നിന്നു സ്വൽപ്പം വീതം കാറ്റാണ് Sയറിലേക്ക് കയറുന്നത്… 15 മിനിട് സമയം കൊണ്ട് കാറ്റ് നിറഞ്ഞു…. പക്ഷെ ടയറിൽ നിന്നും കാറ്റ് ഇറങ്ങി പോകുന്ന ശബ്ദം ഇരട്ടി വേഗതയിലും…. അർധരാത്രിയിൽ ചെയ്ത സേവനത്തിനു പ്രതിഫലം പോലും പറ്റാത്ത അയാൾ പറഞ്ഞു ഇനി 13 കി.മി മുന്നിൽ അടുത്ത പമ്പ് പ ഉണ്ടെന്ന്….. അവിടെ വരെ മുന്നോട്ട് പോകാൻ തീരുമാനിച്ചു… പക്ഷെ തൃപ്പയാർ എത്തുന്നതിനു മുമ്പേ കാറ്റ് തീർന്നു വണ്ടി നീങ്ങാതായി….. രാത്രി ഓട്ടം കഴിഞ്ഞു അർധരാത്രി ഒന്നേകാലോടെ വിട്ടിലേക്ക് ഓട്ടോയുമായി പോകാൻ നിൽക്കുന്ന വസീദിനെ അവിടെ വെച്ചു കണ്ടു…. കാര്യം പറഞ്ഞപ്പോൾ ഇവിടെ നിന്നു 7 കി.മി. മുന്നോട്ടു പോയാൽ ഒരു പഞ്ചർ വർക്ക് സ് കടയിൽ ആൾ കാണുമെന്നു വസീദ്…. മുന്നോട്ടു പോകാനാകാത്ത കാർ റോഡരികിലേക്ക് മാറ്റിയിട്ടു… ഒന്നു കൂടി Sയർ ഊരി മാറ്റാൻ ഊർജം കുറഞ്ഞു നിന്ന ഞങ്ങളുടെ അവസ്ഥ മനസിലാക്കിയ വസീദ് തന്നെ ടയർ ഊരിയെടുത്തു… തുടർന്നു ഞങ്ങളെ കയറ്റി പഞ്ചർ വർക്ക് സ് കടയിലേക്ക്.. ഉറങ്ങി കിടന്ന കടയിലെ ആളെ വിളിച്ചുണർത്തി തകരാർ പരിഹരിച്ചു… 14 കി.മിദൂരം ഓട്ടോ ഓടി തിരിച്ചെത്തി വസിദ് തന്നെ യർ ഇട്ടു തന്നു….. പോകും വഴിയെല്ലാം രാത്രിയിൽ ചെയ്ത വിവിധ സേവനങ്ങളുടെ സ്റ്റേഹസ്പർശമുള്ള കഥകൾ വസിദ് ഞങ്ങളോടു പറഞ്ഞു കൊണ്ടിരുന്നു…. ടയർ ഇട്ട ശേഷം രാത്രി രണ്ടു മണി വരെ ഞങ്ങൾക്കൊപ്പം ചിലവഴിച്ചതിനു കനത്ത തുക പ്രതിഫലം ചോദിക്കുമെന്നു കരുതിയ വസിദ് ഞങ്ങളെ ശരിക്കും ഞെട്ടിച്ചു…. എനിക്ക് 160 രൂപ ഓട്ടോ ക്കൂലി മാത്രം മതി ചേട്ടന്മാരെ……….. 200 രൂപ സ്റ്റേ ഹ പൂർവ്വം നൽകി ഗുരുവായൂരിലേക്ക് മുന്നോട്ടു പോകുമ്പോൾ വസിദ് ഓട്ടോ യിൽ പോകുമ്പോൾ പറഞ്ഞ ഒരു സംഭവം മനസിൽ തുടിച്ചു കൊണ്ടിരുന്നു….. അത് ഇങ്ങനെ : തൃപ്പയാറിൽ നിന്നു തൃശൂർ മെഡിക്കൽ കോളജിലേക്ക് കാൻസർ രോഗികൾ ഉൾപ്പെടെ ഓട്ടോറിക്ഷ ഓട്ടം വിളിക്കാറുണ്ട്… പല ഓട്ടോക്കാരും വെയിറ്റിങ് ചാർജ് ഉൾപ്പെടെ ചേർത്ത് 1200 – മുതൽ 16oo വരെ ചാർജ് ഈടാക്കും….. പക്ഷെ ഞാൻ 960 രൂപയെ ഈടാക്കു…. പല രോഗികളും ചോദിക്കും ഇതെന്താ ഇങ്ങനെയെന്ന്…. രോഗികൾ ഡോക്ടറെ കാണാൻ പോകുമ്പോൾ ഓട്ടോ പാർക്ക് ചെയ്ത ശേഷം മരുന്ന് ലഭിക്കുന്നതിനുള്ള നീണ്ട ക്യൂവിൽ കയറി താൻ നിൽക്കും…. രോഗി ഡോക്ടറെ കണ്ട് മരുന്ന് ചീട്ടുമായി വരുമ്പോഴേക്കും താൻ ക്യൂവിന്റ ഏറ്റവും മുൻനിരയിൽ കാണും… അപ്പോ അവർക്ക് വല്യൊരു കാത്തിരിപ്പ് ഒഴിവാകുകയും വെയിറ്റിങ് കൂലി ലാഭിച്ചു നൽകുകയും ചെയ്യാമല്ലോ……. വസീദിന്റെ ഈ പോളിസി എല്ലാ സ്റ്റേ ഹ നിധികളായ ഓട്ടോ ചേട്ടന്മാർക്കും സമർപ്പിക്കുന്നു…. വസീദിന്റെ സ്റ്റേ ഹ മനസിനു നന്ദിയുടെ ആയിരം പൂച്ചെണ്ടുകൾ…”

kerala

കോഴിക്കോട് കോര്‍പ്പറേഷന്‍ അക്കൗണ്ടിലെ എട്ട് കോടി കൂടി നഷ്ടപ്പെട്ടതായി പരാതി

പിഎന്‍ബിയുടെ കോഴിക്കോട് ലിങ്ക് റോഡിലെ ശാഖയുടെ മാനേജറായിരുന്ന റിജില്‍ 98 ലക്ഷത്തിന്റെ തട്ടിപ്പ് നടത്തിയെന്നായിരുന്നു നേരത്തേ കണ്ടെത്തിയത്.

Published

on

കോഴിക്കോട് കോര്‍പ്പറേഷന്റെ അക്കൗണ്ടില്‍ നിന്നും എട്ടു കോടി രൂപ കൂടി നഷ്ടപ്പെട്ടതായി പരാതി. ടൗണ്‍ പോലീസ് സ്‌റ്റേഷനിലാണ് പരാതി നല്‍കിയത്. പിഎന്‍ബിയുടെ കോഴിക്കോട് ലിങ്ക് റോഡിലെ ശാഖയുടെ മാനേജറായിരുന്ന റിജില്‍ 98 ലക്ഷത്തിന്റെ തട്ടിപ്പ് നടത്തിയെന്നായിരുന്നു നേരത്തേ കണ്ടെത്തിയത്. എന്നാല്‍ പരിശോധന തുടരുന്നതിനിടെ എട്ട് കോടിയോളം രൂപയുടെ തിരിമറി നടന്നതായി കണ്ടെത്തി.

നേരത്തേ തട്ടിപ്പിലൂടെ കോഴിക്കോട് കോര്‍പ്പറേഷന് നഷ്ടപ്പെട്ട പണം പഞ്ചാബ് നാഷണല്‍ ബാങ്ക് തിരിച്ചു നല്‍കിയിരുന്നു. റെയില്‍വേ ലിങ്ക് റോഡ് ബ്രാഞ്ചിലെ മാനേജറായിരുന്ന റിജില്‍ സ്വന്തം അക്കൗണ്ടിലേക്ക് മാറ്റിയ 2.83 കോടി രൂപയാണ് പഞ്ചാബ് നാഷണല്‍ ബാങ്ക് തിരിച്ച് നല്‍കിയത്. ബാങ്കിന്റെ സ്വന്തം ഫണ്ടില്‍ നിന്നായിരുന്നു പണം നല്‍കിയത്.

റിജിലിനായുള്ള അന്വേഷണം നടക്കുകയാണ്. രണ്ടരക്കോടിയിലേറെ പണം ഫണ്ടില്‍ നിന്ന് നഷ്ടമായിട്ടും മാസങ്ങള്‍ക്ക് ശേഷമാണ് കോര്‍പ്പറേഷന്‍ തിരിച്ചറിഞ്ഞത്. രേഖകള്‍ പലതും സൂക്ഷിച്ചിരുന്നില്ലെന്ന വിമര്‍ശനവും ഉയരുന്നുണ്ട്.

Continue Reading

Article

ഇഷ്ടദാനവും കോടതിവിധിയും പരിഹാരവും

സി.എച്ച് മുഖ്യമന്ത്രിയായി അധികാരമേറ്റ ശേഷം കേവലം ആറ് ദിവസങ്ങള്‍ മാത്രമാണ് സഭ ചേര്‍ന്നത്. ഈ ദിവസങ്ങള്‍ക്കുള്ളില്‍ അദ്ദേഹം സുപ്രധാനമായ പല ബില്ലുകളും അവതരിപ്പിച്ച് പാസാക്കിയെടുത്തു. അതിലേറ്റവും സുപ്രധാനമായത് ഇഷ്ടദാനബില്‍ തന്നെയായിരുന്നു.

Published

on

സുഫ്‌യാന്‍ അബ്ദുസ്സലാം

കോടതിവിധി വന്നതോടെ കേരളത്തിലെ കുടുംബങ്ങളില്‍, വിശേഷിച്ചും മുസ്‌ലിം, ക്രിസ്ത്യന്‍ കുടുംബങ്ങളില്‍ അങ്കലാപ്പും അനിശ്ചിതത്വവും പ്രകടമായി. ഭൂപരിഷ്‌കരണ നിയമമനുസരിച്ച് മാതാവും പിതാവും മൂന്ന് മൈനര്‍ (18 വയസ്സിന് താഴെയുള്ള) കുട്ടികളും അടങ്ങുന്ന കുടുംബത്തിന് പരമാവധി കൈവശം വെക്കാവുന്ന ഭൂമി 20 സ്റ്റാന്‍ഡേര്‍ഡ് ഏക്കറായിരുന്നു. ബാക്കി വരുന്ന ഭൂമി സര്‍ക്കാരിന് നല്‍കണം. അതോടെ 18 വയസ്സ് പൂര്‍ത്തിയായ ഒരാള്‍ക്ക് കുടുംബ സ്വത്തില്‍ അവകാശം നഷ്ടപ്പെട്ടു. ഓരോ ഉള്‍ക്കുടുംബങ്ങള്‍ക്കും പ്രത്യേകം ഭൂപരിധി നിശ്ചയിക്കുന്ന രീതിയാണ് അവിഭക്ത ഹൈന്ദവ കുടുംബങ്ങളില്‍ ഉണ്ടായിരുന്നത് എന്നതിനാല്‍ ഇത് ഹൈന്ദവ കുടുംബങ്ങളെ സാരമായി ബാധിച്ചിരുന്നില്ല. എന്നാല്‍ പ്രത്യേക പിന്തുടര്‍ച്ചാനിയമങ്ങള്‍ പിന്തുടരുന്ന മുസ്‌ലിം-ക്രിസ്ത്യന്‍ കുടുംബങ്ങളെ ഇത് പ്രതികൂലമായി ബാധിച്ചു. മുസ്‌ലിം വ്യക്തി നിയമമനുസരിച്ച് പിതാവ് ജീവിച്ചിരിക്കുമ്പോള്‍ മക്കള്‍ക്ക് അവകാശം ലഭിക്കില്ല എന്ന അവസ്ഥ പരിഗണിച്ച് മുസ്‌ലിം കുടുംബനാഥന്മാര്‍ നല്‍കിയ ഇഷ്ടദാനം 1974 ലെ ഹൈക്കോടതി വിധിയിലൂടെ അസാധുവായി.

അവിഭക്ത ഹിന്ദു കുടുംബങ്ങള്‍ക്ക് ലഭിക്കുന്ന ആനുകൂല്യം മുസ്‌ലിം, ക്രിസ്ത്യന്‍ കുടുംബങ്ങള്‍ക്ക്കൂടി ലഭ്യമാകുന്ന ഭേദഗതി അതോടെ അനിവാര്യമായി. തദനുസൃതമായ ഇഷ്ടദാന ബില്‍ കൊണ്ടുവരാന്‍ ഐക്യമുന്നണി സര്‍ക്കാര്‍ തീരുമാനമെടുത്തു. തീരുമാനമെടുത്തത് മുഖ്യമന്ത്രി പി.കെ വാസുദേവന്‍ നായരും റവന്യു മന്ത്രി ബേബി ജോണിന്റെയും നേതൃത്വത്തിലായിരുന്നു.

പി.കെ.വി സര്‍ക്കാര്‍ ഇഷ്ടദാനബില്‍ കൊണ്ടുവരുന്നതിന്റെ മുന്നോടിയായി 1970 മുതല്‍ 1974 വരെയുള്ള ഇഷ്ടദാനങ്ങള്‍ക്ക് നിയമ പ്രാബല്യം നല്‍കിക്കൊണ്ട് ഗവര്‍ണര്‍ ജ്യോതി വെങ്കിടാചലം ഓര്‍ഡിനന്‍സ് പുറപ്പെടുവിച്ചു. ഗവര്‍ണറുടെ ഓര്‍ഡിനന്‍സ് പ്രകാരമുള്ള ബില്ലുകള്‍ നിയമസഭയില്‍ കൊണ്ടുവരാന്‍ മുന്നില്‍ നില്‍ക്കേണ്ട മുഖ്യമന്ത്രി പി.കെ.വിക്ക് അപ്പോഴാണ് ചാഞ്ചാട്ടമുണ്ടാകുന്നത്. അക്കാലമത്രയും നിയമസഭയില്‍ ഇഷ്ടദാനത്തിന് വേണ്ടി ഘോരഘോരം പ്രസംഗിച്ച പി.കെ.വി പെടുന്നനെ ഇഷ്ടദാന ബില്‍ ‘ശരിയല്ല’ എന്ന വാദമുന്നയിച്ച് ഐക്യമുന്നണിയില്‍ നിന്ന് ഇറങ്ങിപ്പോയി. 1979 ഒക്ടോബര്‍ 8 നു ഇഷ്ടദാനബില്‍ നിയമസഭയില്‍ അവതരിപ്പിച്ച് പാസാക്കാന്‍ തീരുമാനമായതായിരുന്നു. എന്നാല്‍ അതേദിവസം തന്നെ മുഖ്യമന്ത്രിപദം രാജിവെക്കാന്‍ പി.കെ.വി തിരഞ്ഞെടുത്തു. കമ്യൂണിസ്റ്റുകാരിലെ ന്യൂനപക്ഷ വിരുദ്ധമായ ‘വരേണ്യവീര്യം’ പ്രകടമായ സംഭവമായിരുന്നു അത്. ഐക്യമുന്നണിയുടെ നേതൃത്വത്തില്‍ കൊണ്ടുവന്ന ഇഷ്ടദാന ബില്ലിനെതിരെ നിലപാട് സ്വീകരിക്കുന്നത് നയ വഞ്ചനയാണെന്ന് കോണ്‍ഗ്രസ് നേതാക്കള്‍ പറഞ്ഞു. ന്യൂനപക്ഷ സമുദായങ്ങള്‍ പ്രതീക്ഷയോടെ കാത്തിരിക്കുന്ന ഇഷ്ടദാന ബില്ലിന്റെ കാര്യത്തില്‍ വിട്ടുവീഴ്ചക്കില്ലെന്ന് മുസ്‌ലിംലീഗും പ്രഖ്യാപിച്ചു.

പി.കെ.വി രാജിവെച്ചതോടെ ഐക്യമുന്നണി സര്‍ക്കാര്‍ തകരുമെന്നാണ് കമ്യൂണിസ്റ്റുകാര്‍ സ്വപ്‌നം കണ്ടത്. അതുവഴി ഇഷ്ടദാനത്തെ ഇല്ലാതാക്കാനും കമ്യൂണിസ്റ്റ് ഐക്യം സാക്ഷാത്കരിക്കാനും കഴിയുമെന്നവര്‍ കരുതി. ന്യൂനപക്ഷങ്ങള്‍ കോണ്‍ഗ്രസിന്റെ പിന്തുണയോടെ കൈകോര്‍ത്തുപിടിച്ചു. സര്‍ക്കാരിനെ തള്ളിയിട്ട് ഇഷ്ടദാനത്തെ ഇല്ലാതാക്കാമെന്ന് മനക്കോട്ട കെട്ടിയവര്‍ക്ക് വലിയ തിരിച്ചടിയുണ്ടായി. ഇഷ്ടദാന നിയമത്തിന്റെ അഭാവം ഏറെ കഷ്ടപ്പെടുത്തിയിരുന്ന ക്രിസ്ത്യന്‍ സമൂഹവും അതിനനുകൂലമായ സാഹചര്യം സൃഷ്ടിക്കാന്‍ യത്‌നിച്ചു. പ്രതിഭാധനനും സര്‍വസ്വീകാര്യനും തന്ത്രശാലിയുമായ സി.എച്ച് മുഖ്യമന്ത്രി സ്ഥാനത്ത് വരിക മാത്രമാണ് പരിഹാരമെന്ന് അവരും തിരിച്ചറിഞ്ഞു. സി.എച്ചിനെ മുഖ്യമന്ത്രിയാക്കാന്‍ പാലാ ബിഷപ്പ് ഡോ. സെബാസ്റ്റ്യന്‍ വയലില്‍ തിരുവനന്തപുരം ആര്‍ച്ച് ബിഷപ്പ് ഡോ. ജോര്‍ജ് മാത്യൂവിന് കത്ത് കൈമാറി. അതോടെ കേരള കോണ്‍ഗ്രസ് നേതാക്കള്‍ പിന്തുണ പ്രഖ്യാപിച്ചു. കോണ്‍ഗ്രസ് (ഐ), കോണ്‍ഗ്രസ് (യു), എന്‍.ഡി. പി, പി.എസ്.പി, ജനതാപാര്‍ട്ടി എന്നീ രാഷ്ട്രീയകക്ഷികളും പിന്തുണ പ്രഖ്യാപിച്ചു. അതോടെ സി.എച്ച് മുഹമ്മദ്‌കോയയെ മുഖ്യമന്ത്രിയായി ഐക്യമുന്നണി പ്രഖ്യാപിച്ചു. സി.എച്ച് മന്ത്രിസഭ വരാതിരിക്കാന്‍ കമ്യൂണിസ്റ്റുകാര്‍ പല അടവുകളും പയറ്റിനോക്കി. പക്ഷേ സംഭവിക്കേണ്ടത് സംഭവിച്ചു. 1979 ഒക്ടോബര്‍ 12 വെള്ളിയാഴ്ച ജുമുഅ നമസ്‌കാരാനന്തരം സി.എച്ച് മുഖ്യമന്ത്രിയായി സത്യപ്രതിജ്ഞ ചെയ്തു.

1979 ഒക്ടോബര്‍ 22 ന് നിയമസഭ ചേര്‍ന്നു. 24ാം തീയതി തന്നെ ഇഷ്ടദാനവുമായി ബന്ധപ്പെട്ട ഭൂ പരിഷ്‌കരണ നിയമ ഭേദഗതി സി.എച്ച് അവതരിപ്പിച്ചു. പി.കെ.വിയും ഇ.എം.എസും നേതൃത്വം നല്‍കുന്ന പ്രതിപക്ഷം അതിനെതിരെ ശക്തമായ വാദങ്ങളുയര്‍ത്തി. ഭേദഗതി കര്‍ഷക വിരുദ്ധമാണെന്നും 1969 ല്‍ കെ.ആര്‍ ഗൗരിയമ്മ കൊണ്ടുവന്ന ബില്‍ അതേപടി നിലനിര്‍ത്തണമെന്നും ഇ.എം.എസ് പറഞ്ഞപ്പോള്‍ ആ ബില്ലില്‍ ‘സ്‌നേഹ വാത്സല്യങ്ങളുടെ’ പേരില്‍ ഇഷ്ടദാനം ചെയ്യാമെന്ന വ്യവസ്ഥയുണ്ടെന്ന കാര്യം എ.കെ ആന്റണി ഓര്‍മ്മിപ്പിച്ചു. ഗൗരിയമ്മയുടെ ബില്‍ അങ്ങനെ തന്നെ നിലനിര്‍ത്തുകയാണോ വേണ്ടതെന്ന ആന്റണിയുടെ ചോദ്യത്തിന് ‘അതെ’ എന്നായിരുന്നു ഇ.എം.എസിന്റെ മറുപടി. വാത്സല്യത്തിന്റെ പേരില്‍ ഇഷ്ടദാനം നല്‍കാമെന്ന് വ്യവസ്ഥ ചെയ്യുന്ന ബില്ലിനെ പിന്തുണക്കുന്ന ഇ.എം.എസ് ആണോ അതോ അത് റദ്ദ് ചെയ്ത കോടതിയാണോ കര്‍ഷകരുടെ ബന്ധു എന്ന് സി.എച്ച് പരിഹസിച്ചു. കര്‍ഷക വാത്സല്യത്തിന്റെ പേരിലല്ല സ്‌നേഹവാത്സല്യം എന്ന് കമ്യൂണിസ്റ്റുകാര്‍ ബില്ലില്‍ ചേര്‍ത്തത് എന്ന് അദ്ദേഹം ഇ.എം.എസിനെ ഓര്‍മിപ്പിച്ചു. സ്‌നേഹവാത്സല്യത്തിന്റെ പേരില്‍ ആര്‍ക്കും വാരിക്കോരി കൊടുക്കാമായിരുന്ന മാര്‍ക്‌സിസ്റ്റുകള്‍ പാസാക്കിയ ഇഷ്ടദാനത്തെ 1972 ല്‍ അച്യുതമേനോന്റെ നേതൃത്വത്തിലുള്ള ഐക്യമുന്നണി സര്‍ക്കാര്‍ മക്കള്‍ക്കും പേരമക്കള്‍ക്കും മാത്രമാക്കി ചുരുക്കുകയാണ് ചെയ്തത് എന്നും അതാണ് ഇപ്പോള്‍ ഹൈക്കോടതി റദ്ദ് ചെയ്തത് എന്നും അതിനുള്ള പരിഹാരമാണ് പുതിയ ബില്‍ എന്നും സി.എച്ച് സഭയെ ബോധ്യപ്പെടുത്തി.

1957 ലെയും 1960 ലെയും കാര്‍ഷിക പരിഷ്‌കാര ബില്ലിലും 1964 ലെയും 1969 ലെയും ഭൂ പരിഷ്‌കരണ ബില്ലിലും ഇഷ്ടദാനം ഉള്‍പ്പെട്ടിട്ടുണ്ട് എന്ന് അദ്ദേഹം സഭയില്‍ തെളിവുകള്‍ നിരത്തി സംസാരിച്ചു. മാത്രവുമല്ല, ന്യൂനപക്ഷങ്ങള്‍ക്കുണ്ടായ ആശങ്ക അകറ്റണമെന്നത് ഞങ്ങളുടെ മാത്രം ആവശ്യമല്ലെന്നും 1972 ജൂലൈ 23 നു രാജ്യത്തെ മുഖ്യമന്ത്രിമാരുടെ സമ്മേളനത്തില്‍ ‘വ്യത്യസ്ത വ്യക്തിനിയമങ്ങള്‍ ബാധകമായിട്ടുള്ള പ്രായപൂര്‍ത്തിയായ സന്താനങ്ങള്‍ക്ക് ഇതുമൂലം വിവേചനം ഉണ്ടാവുകയില്ലെന്ന് ഉറപ്പുവരുത്തേണ്ടതാണ്’ എന്ന് മാര്‍ഗനിര്‍ദേശം നല്‍കിയിട്ടുണ്ടെന്നും രേഖകള്‍ ഉദ്ധരിച്ച് അദ്ദേഹം സമര്‍ത്ഥിച്ചു.

സി.എച്ച് മുഖ്യമന്ത്രിയായി അധികാരമേറ്റ ശേഷം കേവലം ആറ് ദിവസങ്ങള്‍ മാത്രമാണ് സഭ ചേര്‍ന്നത്. ഈ ദിവസങ്ങള്‍ക്കുള്ളില്‍ അദ്ദേഹം സുപ്രധാനമായ പല ബില്ലുകളും അവതരിപ്പിച്ച് പാസാക്കിയെടുത്തു. അതിലേറ്റവും സുപ്രധാനമായത് ഇഷ്ടദാനബില്‍ തന്നെയായിരുന്നു. മൂന്നുദിവസത്തെ ചൂടേറിയ ചര്‍ച്ചകള്‍ക്കൊടുവില്‍ ഇ.എം.എസും പി.കെ.വിയും ടി.കെ രാമകൃഷ്ണനുമെല്ലാം ഉയര്‍ത്തിയ മറുവാദങ്ങള്‍ക്ക് വളരെ കൃത്യമായി അദ്ദേഹം മറുപടി പറഞ്ഞു. കേരള മുനിസിപ്പാലിറ്റി ഭേദഗതി ബില്‍, കേരള പഞ്ചായത്ത് ഭേദഗതി ബില്‍, കേരള അഭിഭാഷക ക്ഷേമനിധി ബില്‍, കേരള കശുവണ്ടി തൊഴിലാളി ആശ്വാസ ക്ഷേമനിധി ബില്‍ എന്നിവ ആറ് ദിവസങ്ങള്‍ക്കുള്ളില്‍ സി.എച്ച് അവതരിപ്പിച്ച് പാസാക്കിയെടുത്ത ബില്ലുകളാണ്.

ഇഷ്ടദാന ബില്‍ പാസായതിന് ശേഷം പ്രത്യേകിച്ചൊരു കാരണവും ഇല്ലാതെ കേരള കോണ്‍ഗ്രസ് (എം) പിന്തുണ പിന്‍വലിച്ചു. ശേഷം കോണ്‍ഗ്രസ് (യു) കൂടി പിന്തുണ പിന്‍വലിച്ചതോടെ സി.എച്ച് മുഖ്യമന്ത്രി പദം രാജിവെച്ചു. കേരള രാഷ്ട്രീയ ചരിത്രത്തിലെ സുപ്രധാന നാളുകളായിരുന്നു സി.എച്ചിന്റെ ഭരണകാലം.
(അവസാനിച്ചു)

Continue Reading

Article

ഇരട്ടക്കൊലയും സിപിഎമ്മിന്റെ ഇരട്ടത്താപ്പും

പാര്‍ട്ടി അംഗത്വമുള്ള സ്വന്തം സഖാക്കളെ അരുംകൊല ചെയ്ത പാറയില്‍ ബാബുവിനെ തള്ളിപ്പറയാന്‍ തയ്യാറാവാത്തത് സി.പി.എം ആ രണ്ട് വ്യക്തികളുടെ കുടുംബത്തോട് ചെയ്യുന്ന കൊടും ചതിയാണ്.

Published

on

അഡ്വ. കെ.എ ലത്തീഫ്

കേരള സര്‍ക്കാരിന്റെ നേതൃത്വത്തില്‍ ലഹരി വിരുദ്ധ കാമ്പയിന്റെ ഭാഗമായി ലോകകപ്പിന്റെ ചുവടൊപ്പിച്ച് ലഹരിക്കെതിരെ മില്യന്‍ ഗോള്‍ അടി തുടരുന്നതിനിടയിലാണ് തലശ്ശേരി കൊടുവള്ളിയില്‍ രണ്ട് സി.പി.എം പ്രവര്‍ത്തകര്‍ മൃഗീയമായി കുത്തേറ്റ് മരിക്കുന്നത്. കൊല്ലപ്പെട്ടവരില്‍ ഷമീര്‍ എന്നയാള്‍ സി.പി.എം പാര്‍ട്ടി മെമ്പറും ഭാര്യാസഹോദരന്‍ ഖാലിദ് പാര്‍ട്ടി അനുഭാവിയുമാണ്. ഇക്കഴിഞ്ഞ 23 ന് തലശ്ശേരി സഹകരണ ആശുപത്രിക്ക് മുമ്പില്‍ നടന്ന കൊലപാതക വാര്‍ത്ത റിപ്പോര്‍ട്ട് ചെയ്ത സി.പി.എം ചാനലായ കൈരളി എഴുതിയും വായിച്ചും കണ്ണൂര്‍ പ്രതിനിധിയെകൊണ്ട് സംഭവ സ്ഥലത്തുനിന്നും പറയിപ്പിച്ചും ജനം കേട്ടത് കൊല നടത്തിയത് ലഹരി മാഫിയ സംഘത്തില്‍പെട്ടവരാണ് എന്നാണ്. (എന്നാല്‍ വണ്ടി കച്ചവടത്തിന്റെ ഭാഗമായി കൊല്ലപ്പെട്ട ഷമീറിന്റെ മകന്‍ ബാബുവുമായി തര്‍ക്കം ഉണ്ടായിരുന്നു എന്നും പ്രശ്‌നം പറഞ്ഞുതീര്‍ക്കാന്‍ കൊളശ്ശേരി ലോക്കല്‍ സെക്രട്ടറിയുടെ നേതൃത്വത്തില്‍ നിരവധി തവണ മധ്യസ്ഥ ചര്‍ച്ച നടന്നിട്ടുണ്ടെന്നും ഈ പ്രദേശത്ത് പ്രചരിച്ച വാര്‍ത്തയാണ്.) തുടര്‍ന്ന് സി.പി.എം ഏരിയ കമ്മിറ്റി മുതല്‍ സംസ്ഥാന സെക്രട്ടറി വരെയും മുഖ്യമന്ത്രി പിണറായി വിജയനും പറഞ്ഞത് ഈ അരുംകൊല നടത്തിയത് ലഹരി മാഫിയ സംഘമാണ് എന്നാണ്. നാട്ടില്‍ പാതിരാത്രിയിലെ അന്ത്യയാമങ്ങളില്‍ സാക്ഷി പോലും ഇല്ലാത്ത അക്രമങ്ങളിലെയും കൊലപാതകങ്ങളിലെയും പ്രതികളെ മഷിയിട്ട് നോക്കി ഗവേഷണം നടത്തി പേരും ഊരും തറവാട് പേരും ഉള്‍പ്പെടെ പ്രഖ്യാപിക്കുന്ന സി.പി. എം പാര്‍ട്ടിയോ ഇരട്ടചങ്കുള്ള മുഖ്യമന്ത്രിയോ ഈ ഇരട്ടകൊലപാതക കേസിലെ മുഖ്യ പ്രതിയെക്കുറിച്ച് ഇതുവരെ അറിഞ്ഞിട്ടുപോലും ഇല്ല എന്ന മട്ടിലാണ്.

കേസിലെ ഒന്നാം പ്രതി പാറായി ബാബു തലശ്ശേരി കൊടുവള്ളി പ്രദേശത്തെ കിരീടം വെക്കാത്ത രാജാവാണ്. നേരത്തെ സജീവ ബി.ജെ.പി പ്രവര്‍ത്തകനായിരുന്ന പാറായി ബാബുവിനെ ബി.ജെ.പി പുറത്താക്കിയപ്പോള്‍ ഇരുകൈയ്യും നീട്ടി സ്വീകരിച്ചത് പിണറായി വിജയന്റെ ശിഷ്യന്‍മാരാണ്. അന്ന്മുതല്‍ ഇന്നുവരെ ബാബു സജീവ പാര്‍ട്ടി പ്രവര്‍ത്തകനാണ്. പാര്‍ട്ടി അംഗത്വമുള്ള ആളാണ് എന്നു പാര്‍ട്ടിയിലെ ഒരു വിഭാഗം തന്നെ പറയുന്നുണ്ട്. ഗുണ്ടാപ്പിരിവ് ഈ പ്രദേശത്ത് ബാബു ജീവിതത്തിന്റെ ഭാഗമാക്കിയപ്പോള്‍ സഹികെട്ട പല കച്ചവടക്കാരും വിഷയം പാര്‍ട്ടി നേതൃത്വത്തിന്റെ ശ്രദ്ധയില്‍പെടുത്തിയിട്ടും ചെറുവിരല്‍ പോലും ബാബുവിനെതിരെ ചൂണ്ടാന്‍ സി.പി.എം നേതൃത്വത്തിന് സാധിച്ചിട്ടില്ല. എന്നാല്‍ ബാബു പാര്‍ട്ടിക്ക് കൂടുതല്‍ സ്വീകാര്യനാവുകയായിരുന്നു.

പാര്‍ട്ടി ഏല്‍പ്പിക്കുന്ന ഏതു ദൗത്യവും കൃത്യമായി നിര്‍വഹിക്കുന്ന സഖാവ്. ഏതാനും വര്‍ഷങ്ങള്‍ക്കുമുമ്പ് കൊടുവള്ളിയിലെ ചായ കടയില്‍ വെച്ചാണ് പാറായി ബാബു ബാറ്റ ബാബു എന്ന ബി.ജെ.പിക്കാരനെ വെട്ടികൊലപ്പെടുത്താന്‍ ശ്രമിച്ചത്. കൈ അറ്റുതൂങ്ങിയ ബാറ്റബാബു രക്ഷപ്പെട്ടെങ്കിലും കൈക്കകത്ത് സ്റ്റീല്‍ ഘടിപ്പിച്ചു വീണ്ടും ജോലിക്ക് പോകവെ ആണ് വെല്‍ഡിങ് പ്രവൃത്തിക്കിടെ ഷോക്കേറ്റ് മരിക്കുന്നത്. പാറായി ബാബുവിനെതിരെ ധര്‍മ്മടം പൊലീസ് രജിസ്റ്റര്‍ ചെയ്ത വധശ്രമക്കേസ് നടത്തിയതും സി.പി.എം പാര്‍ട്ടിയായിരുന്നു. ഹാജരായത് സി.പി.എം അഭിഭാഷകനും. പാര്‍ട്ടി സമരപരിപാടികള്‍ എവിടെ ആയിരുന്നാലും അവിടങ്ങളിലൊക്കെ കുതിച്ചെത്തുന്ന കമ്യൂണിസ്റ്റാണ് ബാബു.

കേരള മുഖ്യമന്ത്രിയായിരുന്ന ഉമ്മന്‍ചാണ്ടിയെ കല്ലെറിയാല്‍ 20 കി.മീ. താണ്ടിയാണ് ബാബു കണ്ണൂര്‍ കലക്ടറേറ്റ് പരിസരത്ത് എത്തിയത്. ഉമ്മന്‍ചാണ്ടിയെ വധിക്കാന്‍ ശ്രമിച്ച കേസില്‍ പാറായി ബാബു പ്രതിയാണ്. ആ കേസിന്റെ വിചാരണ ഇപ്പോഴും കണ്ണൂര്‍ കോടതിയില്‍ നടന്നുകൊണ്ടിരിക്കുന്നു. കൂട്ടുപ്രതികള്‍ രണ്ട് മുന്‍ എം.എല്‍.എമാര്‍, ജില്ലാ സ്‌പോര്‍ട്‌സ് കൗണ്‍സില്‍ സെക്രട്ടറി, സി.പി.എം തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധി പദം അലങ്കരിച്ചവര്‍ ഉള്‍പ്പെടെ. ഇവരോടൊപ്പമാണ് പാറയില്‍ ബാബു പ്രതിപട്ടികയിലുള്ളത്. ഏതാനും ആഴ്ചകള്‍ക്ക് മുമ്പ് ഡി.വൈ.എഫ്.ഐയുടെ നേതൃത്വത്തില്‍ കൊളശ്ശേരി പ്രദേശത്ത് ലഹരിക്കെതിരെ മനുഷ്യശൃംഖല എന്ന പരിപാടി നടക്കുകയുണ്ടായി. മനുഷ്യശൃംഖലയില്‍ ഇടതും വലതുമുള്ള സഖാക്കളുടെ കൈകളില്‍ മുറുക്കെ പിടിച്ച് നില്‍ക്കുന്ന താടിക്കാരന്‍ സഖാവുണ്ട്. അവിടെ വെച്ച് ലഹരിക്കെതിരായി ശക്തമായ വിപ്ലവം നടത്താന്‍ പ്രതിജ്ഞ എടുത്ത ആ താടിക്കാരന്റെ പേരാണ് പാറയി ബാബു എന്ന ഇരട്ടകൊല കേസിലെ ഒന്നാം പ്രതി.

ബാബുവിന്റെ പ്രദേശത്ത് എം. ശ്രീജിത്ത് അനുസ്മരണ സമ്മേളനം ഉദ്ഘാടനം ചെയ്തു സി.പി.എം ജില്ലാ സെക്രട്ടറി എം.വി ജയരാജന്‍ പ്രസംഗിക്കുമ്പോള്‍ സദസ്സില്‍ ഇരിക്കുന്നവര്‍ക്ക് പാറായി ബാബു പായസം വിതരണം നടത്തുന്ന വീഡിയോയും നിയമസഭ സ്പീക്കര്‍ എ.എന്‍ ഷംസീറിനെ ഇക്കഴിഞ്ഞ നിയമസഭ തിരഞ്ഞെടുപ്പില്‍ സ്ഥാനാര്‍ത്ഥി എന്ന നിലയില്‍ സ്വീകരിച്ച് ആനയിക്കുന്ന വീഡിയോയും നവമാധ്യമങ്ങളില്‍ വൈറലാണ്. എം.വി ജയരാജന്‍ പ്രസംഗിക്കുന്ന വേദിയില്‍ മുഖ്യമന്ത്രിയുടെ പ്രൈവറ്റ് സെക്രട്ടറിയെയും വീഡിയോയില്‍ കാണാം. എന്നാല്‍ കൊലപാതകം നടന്ന് ദിവസങ്ങള്‍ പിന്നിട്ടിട്ടും ഒരു വരി പ്രസ്താവനയില്‍ എങ്കിലും പ്രതിയെ തള്ളിപ്പറയാന്‍ സി.പി.എം പാര്‍ട്ടി തയ്യാറാവാത്തതാണ് ഏവരെയും അത്ഭുതപ്പെടുത്തുന്നത്. കൊല്ലപ്പെട്ടവരുടെ മയ്യത്തുകള്‍ ഖബറടക്കിയതിനുശേഷം പരിസരത്ത് നടന്ന അനുശോചന യോഗത്തില്‍ പാര്‍ട്ടി ജില്ലാ സെക്രട്ടറി എം.വി ജയരാജന്‍ ഉള്‍പ്പെടെയുള്ള നേതാക്കള്‍ മയക്കുമരുന്ന് മാഫിയക്ക് എതിരെ ശക്തമായി പ്രസംഗിച്ചെങ്കിലും പാറായി ബാബുവിന്റെ പേര് അബദ്ധത്തില്‍ പോലും ഉച്ചരിക്കാതിരിക്കാന്‍ ശ്രദ്ധിച്ചു എന്നതും ശ്രദ്ധേയമാണ്. ദൃശ്യമാധ്യമങ്ങളും പ്രിന്റ് മീഡിയാകളും മുഖ്യപ്രതിയുടെ രാഷ്ട്രീയ ബന്ധം തെളിവ് സഹിതം നിരത്തിയിട്ടും പ്രതി ബാബുവിനെ പാര്‍ട്ടിയില്‍നിന്ന് പുറത്താക്കാനോ തള്ളിപ്പറയാനോ തയ്യാറാവാത്തത് പാര്‍ട്ടി ബാബുവിനെ ഭയപ്പെടുന്നു എന്നത് കൊണ്ട് തന്നെയാണ്.

കൊലക്ക് ശേഷം എത്ര സുന്ദരമായാണ് ബാബുവും സംഘവും തലശ്ശേരി വിട്ടത്. പ്രതികള്‍ ആയുധവുമായി വന്ന ഓട്ടോറിക്ഷ പിണറായി വിജയന്റെ വീടിനടുത്തുനിന്ന് നോക്കിയാല്‍ കാണുന്ന ദൂരത്തില്‍ കിഴക്കുംഭാഗം എന്ന സ്ഥലത്താണ് ഒളിപ്പിച്ച്‌വെച്ചത്. പാര്‍ട്ടി ഗ്രാമമായ കിഴക്കും ഭാഗത്ത് ഇത്ര ധൈര്യത്തില്‍ വണ്ടി കൊണ്ട് വെക്കാനും ഏഴാം പ്രതി സന്ദീപിന്റെ പിണറായിയിലെ വീട്ടില്‍ സൂക്ഷിച്ച പിക്അപ്പ് വാനില്‍നിന്ന് പ്രതികള്‍ ധരിച്ച വസ്ത്രവും പരിസരത്തുനിന്ന് കത്തിയും കണ്ടെടുത്തു എന്നു പറയുമ്പോള്‍ പിണറായി പ്രദേശത്തെ പ്രാദേശിക നേതൃത്വവും കൊലയാളികള്‍ക്ക് ഒപ്പമായിരുന്നു എന്ന് പറഞ്ഞാല്‍ നിഷേധിക്കാന്‍ ആവുമോ?.

പാര്‍ട്ടി അംഗത്വമുള്ള സ്വന്തം സഖാക്കളെ അരുംകൊല ചെയ്ത പാറയില്‍ ബാബുവിനെ തള്ളിപ്പറയാന്‍ തയ്യാറാവാത്തത് സി.പി.എം ആ രണ്ട് വ്യക്തികളുടെ കുടുംബത്തോട് ചെയ്യുന്ന കൊടും ചതിയാണ്. മുഖ്യമന്ത്രിയുടെ ഭാഷയില്‍ പറഞ്ഞാല്‍ സര്‍ക്കാരും പാര്‍ട്ടിയും ഏറ്റെടുത്ത ലഹരി നിര്‍മാണ കാമ്പയിന്റെ ഭാഗമായി മരണപ്പെട്ടവര്‍ നടത്തിയ ഇടപെടലാണ് ലഹരി വിപണന മാഫിയയുടെ ഭാഗമായ ബാബു സ്വന്തം സഹപ്രവര്‍ത്തകരെ കുത്തിക്കൊലപ്പെടുത്താന്‍ കാരണമായത്. എന്നിട്ടും എന്തെ പാര്‍ട്ടിയും മുഖ്യമന്ത്രിയും കൊലപാതകിയെ കുറിച്ച് മൗനം പാലിക്കുന്നു. മാത്രവുമല്ല കൊല്ലപ്പെട്ടവരുടെ കുടുംബത്തെ സഹായിക്കാന്‍ ബക്കറ്റ് പിരിവ് നടത്തി രക്തസാക്ഷി കുടുംബത്തോട് കൂറുപുലര്‍ത്തുന്നതാണ് സി.പി.എം ശൈലി. എങ്കില്‍ കൊല്ലപ്പെട്ട ഷമീറിന്റെയും ഖാലിദിന്റെയും കുടുംബത്തെ സഹായിക്കാന്‍ പാര്‍ട്ടി നേരിട്ട് രംഗത്ത് ഇറങ്ങുന്നില്ല എന്ന വാര്‍ത്തയും സാധാരണ പാര്‍ട്ടി പ്രവര്‍ത്തകരെ പോലും ഞെട്ടിച്ചിരിക്കുകയാണ്.

കഴിഞ്ഞദിവസം തലശ്ശേരി നഗരസഭ ചെയര്‍മാന്‍ ലഹരിമുക്ത കാമ്പയില്‍ നടത്താന്‍ വിളിച്ചു ചേര്‍ത്ത സര്‍വകക്ഷി യോഗത്തില്‍ വെച്ച് മുനിസിപ്പല്‍ ചെയര്‍മാന്റെ നേതൃത്വത്തില്‍ എക്‌സൈസ് ഓഫീസറെ കണ്‍വീനര്‍ ആക്കി ഫണ്ട് ശേഖരണത്തിനായി കമ്മിറ്റി ഉണ്ടാക്കിയിരിക്കുകയാണ്. കണ്ടതിനൊക്കെ മണിക്കൂറുകള്‍കൊണ്ട് ലക്ഷങ്ങള്‍ പിരിക്കുന്ന പാര്‍ട്ടി കൊല്ലപ്പെട്ട സഖാക്കളുടെ കുടുംബത്തിന് സഹായഫണ്ട് പിരിക്കാന്‍ പോലും തയ്യാറല്ലത്രെ. സ്വന്തം സഖാക്കളെ അതിക്രൂരമായി കൊലചെയ്ത കൊലയാളികളോട് ഇതിലേറെ ഐക്യദാര്‍ഢ്യം സി.പി.എം പാര്‍ട്ടിക്ക് എങ്ങിനെ പ്രകടിപ്പിക്കാനാവും. ഇരട്ട ചങ്കന്റെ നാട്ടില്‍ നടന്ന ഇരട്ട കൊലപാതകത്തിലെ പ്രതികളോടൊപ്പം ചേര്‍ന്ന് നില്‍ക്കുന്ന പാര്‍ട്ടി ഇരട്ടത്താപ്പ് അരി ആഹാരം കഴിക്കുന്നവര്‍ തിരിച്ചറിയുക തന്നെ ചെയ്യും.

Continue Reading

Trending