india
ശ്രദ്ധിക്കുക!, ഏപ്രില് ഒന്ന് മുതല് ഈ എട്ടു കാര്യങ്ങളില് മാറ്റം വരും
അടുത്തിടെ കേന്ദ്ര ധനകാര്യമന്ത്രി നിര്മ്മല സീതാരാമന് അവതരിപ്പിച്ച കേന്ദ്രബജറ്റില് പ്രഖ്യാപിച്ച പല കാര്യങ്ങളുമാണ് ഏപ്രില് ഒന്നുമുതല് പ്രാബല്യത്തില് വരുന്നത്
പുതിയ സാമ്പത്തികവര്ഷം ആരംഭിക്കുന്ന ഏപ്രില് ഒന്നുമുതല് പലകാര്യങ്ങളിലും മാറ്റങ്ങള് വരും. അടുത്തിടെ കേന്ദ്ര ധനകാര്യമന്ത്രി നിര്മ്മല സീതാരാമന് അവതരിപ്പിച്ച കേന്ദ്രബജറ്റില് പ്രഖ്യാപിച്ച പല കാര്യങ്ങളുമാണ് ഏപ്രില് ഒന്നുമുതല് പ്രാബല്യത്തില് വരുന്നത്. അതുകൊണ്ട് തന്നെ നടപ്പുസാമ്പത്തിക വര്ഷത്തെ അവസാന ദിനമായ മാര്ച്ച് 31 നികുതിദായകര് ഉള്പ്പെടെയുള്ളവര്ക്ക് ഏറെ നിര്ണായകമാണ്. ശ്രദ്ധിക്കേണ്ട കാര്യങ്ങള് ഇവയാണ്.
1. 201920 സാമ്പത്തിക വര്ഷത്തെ ടാക്സ് റിട്ടേണ് സമര്പ്പിക്കുന്നതിനുള്ള സമയപരിധി മാര്ച്ച് 31ന് അവസാനിക്കുകയാണ്. നിരവധി തവണകളായി നീട്ടിയാണ് കാലാവധി മാര്ച്ച് 31ല് എത്തിയത്. കോവിഡിന്റെ പശ്ചാത്തലത്തിലാണ് കേന്ദ്രസര്ക്കാര് ഇളവ് അനുവദിച്ചത്. റിട്ടേണ് ഇതുവരെ സമര്പ്പിക്കാത്തവര് വൈകിയതിന് പിഴ ഒടുക്കി മാര്ച്ച് 31നകം നടപടികള് പൂര്ത്തിയാക്കേണ്ടതാണ്.
2. 201920 സാമ്പത്തികവര്ഷത്തെ റിട്ടേണ് സമര്പ്പിച്ചവര്ക്ക്, പാകപ്പിഴകള് കണ്ടെത്തിയിട്ടുണ്ടെങ്കില് അത് തിരുത്തുന്നതിനുള്ള സമയപരിധിയും മാര്ച്ച് 31ന് അവസാനിക്കുകയാണ്. ഈ സമയപരിധിക്കുള്ളില് പിശകുകള് ഉണ്ടെങ്കില് അത് തിരുത്തി സമര്പ്പിക്കാവുന്നതാണ്.
3. പാന് ആധാറുമായി ബന്ധിപ്പിക്കുന്നതിനുള്ള സമയപരിധിയും മാര്ച്ച് 31ന് അവസാനിക്കും. മാര്ച്ച് 31ന് ശേഷവും ആധാറുമായി ബന്ധിപ്പിച്ചില്ലെങ്കില് പാന് അസാധുവാകും.
4. 202021 സാമ്പത്തികവര്ഷത്തിലെ നികുതി ഇളവുകള്ക്കായി നിക്ഷേപം നടത്താന് ആഗ്രഹിക്കുന്നവര്ക്കുള്ള കാലാവധിയും മാര്ച്ച് 31ന് അവസാനിക്കും. നികുതി ഇളവ് ലഭിക്കാന് വിവിധ നിക്ഷേപ പദ്ധതികളില് ഈ മാസം 31നകം ചേരാവുന്നതാണ്.
5. പിഎഫിലുള്ള ജീവനക്കാരന്റെ വാര്ഷിക നിക്ഷേപം രണ്ടരലക്ഷത്തിന് മുകളിലാണെങ്കില് ഏപ്രില് ഒന്നുമുതല് പലിശയിന്മേല് നികുതി ഈടാക്കും. ബജറ്റിലാണ് ഇക്കാര്യം പ്രഖ്യാപിച്ചത്.
6. റിട്ടേണ് സമര്പ്പിക്കാത്തവരില് നിന്ന് ഉയര്ന്ന തോതിലുള്ള ടിഡിഎസും ടിസിഎസും ഏപ്രില് ഒന്നുമുതല് പിടിക്കും. കഴിഞ്ഞ ബജറ്റിലായിരുന്നു പ്രഖ്യാപനം.
7. പുതിയ സാമ്പത്തികവര്ഷത്തില് 75വയസിന് മുകളിലുള്ളവര് റിട്ടേണ് സമര്പ്പിക്കേണ്ടതില്ല. പെന്ഷന്, പലിശ വരുമാനം എന്നിവയില് നിന്ന് മാത്രം വരുമാനമുള്ളവര്ക്കാണ് ഈ ഇളവ്.
8. ഏപ്രില് ഒന്നുമുതല് മുന്കൂട്ടി പൂരിപ്പിച്ച റിട്ടേണ് ഫോമാണ് നികുതിദായകര്ക്ക് ലഭിക്കുക. ഓഹരിവിപണിയിലേതടക്കം നിക്ഷേപങ്ങള് ആദായനികുതി വകുപ്പ് പരിശോധിക്കുന്നതിന്റെ ഭാഗമായാണ് നടപടി.
india
ഗസ്സ; 6000 ഇന്ത്യന് വിദ്യാര്ത്ഥികളുടെ യുഎസ് വിസ റദ്ദാക്കിയ നടപടി; വിദേശകാര്യ മന്ത്രിയോട് ചോദ്യമുയര്ത്തി അഡ്വ. ഹാരിസ് ബീരാന്
ഗസ്സക്ക് അനുകൂലമായി പ്രതികരിച്ചതിന്റെ പേരില് 6000 ഇന്ത്യന് വിദ്യാര്ത്ഥികളുടെ യു എസ് – എഫ് വണ് വിസ റദ്ദാക്കി യു എസ് സര്ക്കാരിന്റെ തീരുമാനത്തോട് ഇന്ത്യയുടെ പ്രതികരണം എന്താണെന്ന് വ്യക്തമാക്കണമെന്ന് അഡ്വ. ഹാരിസ് ബീരാന് എം പി.
ഗസ്സക്ക് അനുകൂലമായി പ്രതികരിച്ചതിന്റെ പേരില് ആറായിരത്തോളം വരുന്ന ഇന്ത്യന് വിദ്യാര്ത്ഥികളുടെ യു എസ് – എഫ് വണ് വിസ റദ്ദാക്കി യു എസ് സര്ക്കാരിന്റെ തീരുമാനത്തോട് ഇന്ത്യയുടെ പ്രതികരണം എന്താണെന്ന് വ്യക്തമാക്കണമെന്ന് അഡ്വ. ഹാരിസ് ബീരാന് എം പി. രാജ്യസഭയില് ചോദ്യോത്തര വേളയില് കേന്ദ്ര വിദേശകാര്യ മന്ത്രി ഡോ. എസ് ജയശങ്കറിനോടാണ് എം പി ചോദ്യമുന്നയിച്ചത്. കഴിഞ്ഞ ഏപ്രില് 25 മുതലാണ് ചെറിയ കുറ്റങ്ങള്ക്ക് പോലും വിദ്യാര്ത്ഥികളുടേതുള്പ്പടെയുള്ള വിസ റദ്ദാക്കുന്നതടക്കം കടുത്ത നടപടികളിലേക്ക് യു എസ് സര്ക്കാര് നീങ്ങിയത് എന്നും, ചില കേസുകളില് നടപടികളുടെ ഭാഗമായി അവരോട് സ്വയം വിസ റദ്ദാക്കി അമേരിക്കയില് നിന്നും മടങ്ങാന് യു എസ് സര്ക്കാര് സമ്മര്ദ്ദം ചെലുത്തിയിട്ടുണ്ടെന്നും ഈ വിഷയം ശ്രദ്ധയില്പ്പെട്ടപ്പോഴെല്ലാം കോണ്സുലേറ്റുകളും, എംബസിയും വഴി ഇടപെട്ടിട്ടുണ്ടെന്നും തീവ്രത കുറഞ്ഞ കുറ്റകൃത്യങ്ങളില് അകപ്പെടുന്നവരുടെ വിസ റദ്ദാക്കുന്നത് ഉള്പ്പെടെയുള്ള കടുത്ത നടപടികള് സ്വീകരിക്കരുതെന്ന് യു എസ് സര്ക്കാറിനോട് ആവശ്യപ്പെട്ടിട്ടുണ്ടെന്നും കേന്ദ്ര വിദേശകാര്യ വകുപ്പ് മന്ത്രി ഡോ. എസ് ജയശങ്കര് രാജ്യസഭയില് മറുപടി പറഞ്ഞു.
എന്നാല് അത് അമേരിക്കന് സര്ക്കാരിന്റെ സ്വന്തം അധികാരമാണെന്നും അവരുടെ രാജ്യത്തിന്റെ ആഭ്യന്തര സുരക്ഷ ഉറപ്പുവരുത്തുന്നതിന്റെ ഭാഗമായിട്ടുള്ള നടപടിക്രമങ്ങളുടെ ഭാഗമായാണ് ഇങ്ങനെയുള്ള തീരുമാനങ്ങള് എന്ന് യു എസ് അറിയിച്ചതായും അതോടൊപ്പം വിദ്യാര്ത്ഥികളുള്പ്പടെ അമേരിക്കയില് തങ്ങുന്ന മുഴുവന് ആളുകളും തങ്ങളുടെ സോഷ്യല് മീഡിയ പ്ലാറ്റ്ഫോം പബ്ലിക് ആക്കണമെന്ന് യു എസ് സര്ക്കാര് കഴിഞ്ഞ ദിവസം തീരുമാനമെടുത്തതായി അറിയാന് കഴിഞ്ഞെന്നും ജയശങ്കര് വ്യക്തമാക്കി. ഇന്ത്യയില് നിന്നും നിയമപരമായി അമേരിക്കന് വിസ സ്വയത്തമാക്കിയ വിദ്യാര്ത്ഥികള്ക്ക് നീതി ലഭിക്കുന്നതോടൊപ്പം അനധികൃത കുടിയേറ്റത്തെ പ്രോത്സാഹിപ്പിക്കുന്ന നിയമവിരുദ്ധ ഏജന്സികളെ കണ്ടെത്തുന്നതിനും നടപടികള് സ്വീകരിക്കുന്നതിനും കേന്ദ്ര സര്ക്കാര് തയ്യാറാവണമെന്നും അഡ്വ. ഹാരിസ് ബീരാന് എം.പി മാധ്യമങ്ങളോട് അഭിപ്രായം പങ്കുവച്ചു.
india
വയോധികര്ക്കും 45 വയസ്സിന് മുകളിലുള്ള സ്ത്രീകള്ക്കും ലോവര് ബര്ത്ത് ഉറപ്പാക്കി ഇന്ത്യന് റെയില്വേ
ടിക്കറ്റ് എടുക്കുമ്പോള് ഓപ്ഷന് നല്കിയില്ലെങ്കിലും മുന്ഗണന നല്കാനാണ് തീരുമാനം.
വയോധികര്ക്കും 45 വയസ്സിന് മുകളിലുള്ള സ്ത്രീകള്ക്കും ലോവര് ബര്ത്ത് ഉറപ്പാക്കി ഇന്ത്യന് റെയില്വേ. ടിക്കറ്റ് എടുക്കുമ്പോള് ഓപ്ഷന് നല്കിയില്ലെങ്കിലും മുന്ഗണന നല്കാനാണ് തീരുമാനം. ഇവരെ കൂടാതെ ഭിന്നശേഷിക്കാര്ക്കും ഗര്ഭിണികള്ക്കും ഈ ആനുകൂല്യം ലഭിക്കും. സ്ലീപ്പര് കോച്ചില് ഓരോ കോച്ചിലും ആറ് മുതല് ഏഴ് വരെ ലോവര് ബെര്ത്തുകളും തേഡ് എ.സിയില് നാല് മുതല് അഞ്ച് വരെ ലോവര് ബെര്ത്തുകളും സെക്കന്ഡ് എ.സിയില് മൂന്ന് മുതല് നാല് വരെ ലോവര് ബെര്ത്തുകളും നല്കുമെന്ന് കേന്ദ്ര റെയില്വേ മന്ത്രി അശ്വിനി വൈഷ്ണവ് അറിയിച്ചു.
ഭൂരിഭാഗം മെയില്/എക്സ്പ്രസ് ട്രെയിനുകളിലും ഭിന്നശേഷിക്കാര്ക്ക് പ്രത്യേക കംപാര്ട്ടുമെന്റുകള് അനുവദിക്കും. സ്ലീപ്പര് കോച്ചില് നാല് ബെര്ത്തുകളും (രണ്ട് ലോവര് & രണ്ട് മിഡില് ബെര്ത്തുകള് ഉള്പ്പെടെ) തേഡ് എ.സിയില് നാല് ബെര്ത്തുകളും റിസര്വ് ചെയ്ത സെക്കന്ഡ് സിറ്റിങ്ങില് നാല് സീറ്റുകള് എന്നിങ്ങനെ മുന്ഗണനാക്രമണത്തില് നല്കും. വന്ദേഭാരതില് ആദ്യത്തെയും അവസാനത്തെയും കോച്ചുകളില് വീല്ചെയര് സൗകര്യവും ഭിന്നശേഷി സൗഹൃദ ശുചിമുറികളും ഒരുക്കുമെന്നും മന്ത്രി അറിയിച്ചു.
india
തിരുവനന്തപുരത്ത് നിന്നും ഡല്ഹിക്ക് 67000 രൂപ വരെ: ഇന്ഡിഗോ പ്രതിസന്ധിയില്, മുതലെടുത്ത് വിമാന കമ്പനികള്
എയര് ഇന്ത്യ അടക്കമുള്ള കമ്പനികള് ടിക്കറ്റ് നിരക്കില് വന് വര്ധനവാണ് വരുത്തിയിരിക്കുന്നത്.
തിരുവനന്തപുരം: ഇന്ഡിഗോ വിമാന സര്വ്വീസുകള് പ്രതിസന്ധിയിലായതോടെ വലഞ്ഞ് യാത്രക്കാര്. ടിക്കറ്റുകള്ക്ക് വിമാന കമ്പനികള് വലിയ തുക ഈടാക്കുന്നതായാണ് റിപ്പോര്ട്ട്. എയര് ഇന്ത്യ അടക്കമുള്ള കമ്പനികള് ടിക്കറ്റ് നിരക്കില് വന് വര്ധനവാണ് വരുത്തിയിരിക്കുന്നത്. സാധാരണ നിലയില് 10000ത്തിന് താഴെയുണ്ടായിരുന്ന ടിക്കറ്റ് നിരക്കുകള് എയര് ഇന്ത്യ 60000 രൂപ വരെയായി ഉയര്ത്തി.
കൊച്ചിയില് നിന്നും ഇന്ന് ഡല്ഹിയിലേക്കുള്ള 4 സര്വ്വീസുകളുടേയും നിരക്ക് 34000 രൂപയാണ്. നാളെ രാവിലെ 11 മണിയുടെ വിമാനത്തിലാണ് യാത്രയെങ്കില് 24676 രൂപ നല്കിയാല് മതി. തിരുവനന്തപുരം-ഡല്ഹി റൂട്ടില് കുറഞ്ഞ നിരക്ക് 24310 രൂപയും കൂടിയ നിരക്ക് 67126 രൂപയുമാണ്. കോഴിക്കോട് നിന്നും നാളെ ഡല്ഹിയിലേക്ക് നേരിട്ടുള്ള സര്വ്വീസുകളൊന്നും ഇല്ല. ബെംഗളൂരു വഴിയുള്ള എയര് ഇന്ത്യയുടെ കണക്ഷന് സര്വ്വീസിന് 32000 രൂപയില് അധികം നല്കണം. ഇതാണ് ഈ റൂട്ടിലെ ഏറ്റവും കുറഞ്ഞ നിരക്കും.
സമാനമായ രീതിയില് മറ്റ് വിമാനക്കമ്പനികളുടെ ടിക്കറ്റ് നിരക്കിലും വലിയ വര്ധനവാണ് ഉണ്ടായിരിക്കുന്നത്. അതേസമയം ഇന്ഡിഗോയിലെ പ്രതിസന്ധി പരിഹരിക്കാന് ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ) സ്വീകരിച്ച നടപടികളുടെ പശ്ചാത്തലത്തില് ടിക്കറ്റ് നിരക്കില് നേരിയ കുറവ് വരുത്താനും വിമാന കമ്പനികള് തയ്യാറായിട്ടുണ്ട്.
പുതിയ നിയമം നടപ്പാക്കലാണ് ഇന്ഡിഗോയുടെ പ്രവര്ത്തനത്തെ അവതാളത്തിലാക്കിയത്. പൈലറ്റുമാരുടെ വിശ്രമ സമയം 36 മണിക്കൂറില് നിന്നും 48 മണിക്കൂറാക്കിയിരുന്നു. അനവദനീയമായ രാത്രി ലാന്ഡിങ് ആറ് മണിക്കൂറില് നിന്നും രണ്ട് മണിക്കൂറായും കുറച്ചു. ഈ മാറ്റങ്ങള് പൈലറ്റ് ഷെഡ്യൂളിംഗിനെ കാര്യമായി ബാധിക്കുകയായിരുന്നു.
അതേസമയം, വിമാനം റദ്ദാക്കലില് നിരവധി യാത്രക്കാര് വലഞ്ഞതിന് പിന്നാലെ പൈലറ്റുമാര്ക്കുള്ള പുതിയ മാര്ഗനിര്ദേശം ഡിജിസിഎ പിന്വലിച്ചിട്ടുണ്ട്.
-
kerala2 days agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala1 day agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
News2 days ago1967 മുതല് കൈവശപ്പെടുത്തിയ ഫലസ്തീന് പ്രദേശങ്ങളില് നിന്നും ഇസ്രാഈല് പിന്വാങ്ങണം’; പ്രമേയം പാസാക്കി യുഎന്
-
kerala1 day agoസംഘടനാപരമായ പ്രവര്ത്തനങ്ങള്ക്കുള്ള പിന്തുണ മാത്രമേ ഇതുവരെ രാഹുലിന് ഞാന് നല്കിയിട്ടുള്ളൂ: ഷാഫി പറമ്പില്
-
GULF1 day agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
india3 days agoപി.എം ശ്രീ പദ്ധതി: സിപിഎം- ബിജെപി ഡീലിലെ ഇടനിലക്കാരന് ജോണ് ബ്രിട്ടാസ്
-
india2 days agoതന്നെക്കാള് സൗന്ദര്യം കൂടുതല്; സ്വന്തം കുട്ടി ഉള്പ്പെടെ നാല് കുഞ്ഞുങ്ങളെ കൊലപ്പെടുത്തിയ സ്ത്രീ അറസ്റ്റില്
-
india2 days agoവഖഫ് സ്വത്തുക്കളുടെ രജിസ്ട്രേഷന്; സമയം ദീര്ഘിപ്പിക്കണം, മുസിലിംലീഗ് എംപിമാര് വീണ്ടും കേന്ദ്രമന്ത്രിയെ സമീപിച്ചു