Connect with us

Video Stories

ഹരിതകേരളം സാധ്യമാക്കാന്‍ കേരളം ഒരുമിക്കുന്നു

Published

on

കേരളം ഇന്ന് മണ്ണിലേക്ക് ഇറങ്ങുകയാണ്; ഒറ്റ മനസ്സോടെ ഒരേ ലക്ഷ്യത്തോടെ. നവകേരളം സൃഷ്ടിക്കുക എന്ന കാഴ്ചപ്പാടോടെ സംസ്ഥാന സര്‍ക്കാര്‍ നടപ്പാക്കുന്ന ഹരിത കേരളം മിഷന്‍ സംസ്ഥാനത്തെ ആബാവലൃദ്ധം ജനങ്ങള്‍ക്കായി സമര്‍പ്പിക്കുന്ന ദിനമാണിത്. തദ്ദേശ സ്വയംഭരണ സ്ഥാപനങ്ങളുടെ ഓരോ വാര്‍ഡിലും ഒരു വികസന പ്രവര്‍ത്തനമെങ്കിലും ശുചിത്വം, ജല സംരക്ഷണം, കൃഷി വികസനം, പരിസ്ഥിതി സംരക്ഷണം തുടങ്ങിയ മേഖലകളില്‍ ഇന്ന് ആരംഭിക്കും.

 

സ്‌കൂളുകളിലും മറ്റു സ്ഥാപനങ്ങളിലും വിവിധ വികസന പ്രവര്‍ത്തനങ്ങള്‍ നടക്കും. കുട്ടികള്‍ മുതല്‍ സമൂഹത്തില്‍ വിവിധ രംഗങ്ങളില്‍ വ്യക്തിമുദ്ര പതിപ്പിച്ച് ജനങ്ങളുടെ ആദരം ഏറ്റുവാങ്ങിയ വ്യക്തികള്‍ വരെ വികസന പ്രവര്‍ത്തനങ്ങളില്‍ കേരളത്തില്‍ വിവിധ പ്രദേശങ്ങളിലായി അണിനിരക്കുന്നുണ്ട്.

പ്രകൃതി കനിഞ്ഞുനല്‍കിയ സമ്പത്ത് നമുക്കുണ്ട്. ദേശീയ തലത്തില്‍ തന്നെ അഭിമാനിക്കാവുന്ന തരത്തില്‍ അതിജീവന ശേഷിയും ഗുണമേന്മയുമുള്ള മനുഷ്യസമ്പത്തുണ്ട്. എന്നാല്‍, അതിവേഗം മാറിക്കൊണ്ടിരിക്കുന്ന ജീവിതശൈലിയും വര്‍ധിക്കുന്ന ഉപഭോഗ ആവശ്യങ്ങളും പ്രകൃതിയുടെയും മനുഷ്യ ജീവിതത്തിന്റെയും സമനില തെറ്റിക്കുന്നു. അവശേഷിക്കുന്ന പച്ചപ്പിന്റെ ഉറപ്പില്‍ കാലാവസ്ഥാ വ്യതിയാനം പോലെയുള്ള ഗുരുതര പരിസ്ഥിതി പ്രശ്‌നങ്ങളെ നേരിടാനാവില്ല. കാര്‍ഷിക സംസ്‌കൃതിയുടെ ഗതകാല സമൃദ്ധിയുടെ സ്മരണയില്‍ മാത്രം ഒരു ജനതക്ക് മുന്നോട്ടുപോകാനാകില്ല.

 

നേടിയ നേട്ടങ്ങള്‍ നിലനിര്‍ത്താനും പുതിയ കാലത്തിന്റെ ആവശ്യങ്ങള്‍ നേടിയെടുക്കാനും കഴിയുകയെന്ന ഉത്തരവാദിത്വം സമൂഹം ഏറ്റെടുക്കണം.ആ മഹാ യത്‌നത്തിന് നേതൃത്വം കൊടുക്കുകയെന്ന കടമയാണ് സര്‍ക്കാര്‍ രൂപം നല്‍കിയ ഹരിത കേരളം മിഷന്‍ നിര്‍വഹിക്കുക. വരുംതലമുറകള്‍ക്ക് ഈ നാടിനെ അതിന്റെ എല്ലാ നന്മകളോടെയും കൈമാറണമെന്ന ബോധ്യത്തില്‍നിന്നാണ് ഹരിതകേരളം മിഷന്‍ രൂപം കൊണ്ടത്. വായു മലിനീകരണവും ഖര-ജല മലിനീകരണവും മണ്ണിനെയും വായുവിനെയും വിഷമയമാക്കുന്നു.

 

നിയന്ത്രണാതീതമായ നിലയില്‍ രോഗാണുക്കളും പകര്‍ച്ചവ്യാധികളും കേരളത്തെയും കീഴടക്കുന്ന കാലം ഉണ്ടാകരുത്. അതുകൊണ്ടാണ് നാടിന്റെ പച്ചയും മണ്ണിന്റെ നന്മയും ജലത്തിന്റെയും വായുവിന്റെയും ശുദ്ധിയും വീണ്ടെടുക്കാന്‍ സാക്ഷരതാപ്രസ്ഥാനം പോലെ ജനകീയ യജ്ഞം തന്നെ വേണമെന്ന് സര്‍ക്കാര്‍ തീരുമാനിച്ചത്. ലാഘവത്തോടെ നടപ്പാക്കാന്‍ പറ്റുന്ന പദ്ധതിയാണ് ഇതെന്ന ധാരണ സര്‍ക്കാരിനില്ല. ദീര്‍ഘനാളുകളിലെ തെറ്റായതും അശാസ്ത്രീയവുമായ പ്രകൃതി ചൂഷണത്തിലൂടെ തകര്‍ന്ന പരിസ്ഥിതിയുടെ സമനില വീണ്ടെടുക്കണമെങ്കില്‍ വിപുലവും ദീര്‍ഘവീക്ഷണത്തോടു കൂടിയതുമായ ഇടപെടലുകള്‍ ആവശ്യമാണ്. നാടിന്റെ ശക്തിയും ദൗര്‍ബല്യങ്ങളും എന്താണെന്ന് നല്ലവണ്ണം തിരിച്ചറിയണം. ആവശ്യങ്ങളുടെ മുന്‍ഗണന തീര്‍ച്ചപ്പെടുത്തണം.

 
മാലിന്യ സംസ്‌കരണം, ജൈവകൃഷിയും വീട്ടുവളപ്പിലെ പച്ചക്കറി കൃഷിയും വ്യാപിപ്പിക്കല്‍, കേരളത്തെ കീടനാശിനി വിമുക്തമാക്കല്‍, നഷ്ടപ്പെട്ടുകൊണ്ടിരിക്കുന്ന വനസമ്പത്തും ജലസമ്പത്തും സംരക്ഷിക്കാനും വ്യാപ്തി വര്‍ധിപ്പിക്കാനും സാധിക്കല്‍ തുടങ്ങിയവയെല്ലാം ഇന്നത്തെ കേരള സമൂഹത്തിന്റെ അടിയന്തിര ആവശ്യങ്ങളാണ്. ഇവ മുന്‍ഗണനാടിസ്ഥാനത്തില്‍ നടപ്പാക്കാനും ഓരോ പ്രദേശത്തിനും ഉചിതമായ ഇടപെടല്‍ രീതികള്‍ വികസിപ്പിക്കാനും ആവശ്യമായ പിന്തുണ നല്‍കുന്ന പിന്തുണാസംവിധാനമായിട്ടായിരിക്കും ഹരിതകേരളം മിഷന്‍ പ്രവര്‍ത്തിക്കുക.

 
ഒട്ടേറെ സാങ്കേതിക സൗകര്യങ്ങള്‍ ദൈനംദിന ജീവിതത്തില്‍ കേരളീയര്‍ അനുഭവിക്കുന്നുണ്ട്. ജീവിതം സുഗമവും ആസ്വാദ്യകരവും ആക്കുന്നതിനുള്ള സംവിധാനങ്ങള്‍ ഒരുക്കാന്‍ നാം താല്‍പര്യം കാണിക്കാറുണ്ട്. എന്നാല്‍, ജീവിത ചുറ്റുപാടുകളില്‍ സൃഷ്ടിക്കപ്പെടുന്ന മാലിന്യങ്ങള്‍ ആരോഗ്യകരമായ രീതിയില്‍ സംസ്‌കരിക്കപ്പെടേണ്ടതുണ്ട് എന്ന ബോധ്യം സമൂഹത്തിനാകെ ഉണ്ടാകുന്നില്ല. തീര്‍ച്ചയായും അമിതവേഗത്തില്‍ സംഭവിച്ചുകൊണ്ടിരിക്കുന്ന നഗരവത്കരണത്തിന്റെ കൂടി സൃഷ്ടിയാണ് ഗുരുതരമായ മലിനീകരണം.

 

കേരളത്തില്‍ നഗരങ്ങളായി സെന്‍സസ് കണക്കാക്കുന്ന പ്രദേശങ്ങളെടുത്താല്‍ മൊത്തം ഭൂ വിസ്തൃതിയുടെ 16 ശതമാനം മാത്രമേയുള്ളു. എന്നാല്‍, ജനങ്ങളുടെ 50 ശതമാനവും ജീവിക്കുന്നത് ഈ നഗര പ്രദേശങ്ങളിലാണ്. വ്യവസായ-വ്യാപാര പ്രവര്‍ത്തനങ്ങളുടെ കേന്ദ്രങ്ങള്‍ കൂടിയാണ് ഇവിടങ്ങള്‍ എന്നതിനാല്‍ പ്ലാസ്റ്റിക്, ഇ-മാലിന്യം, നിര്‍മാണ അവശിഷ്ടങ്ങള്‍ തുടങ്ങി സംസ്‌കരിക്കാന്‍ ബുദ്ധിമുട്ടുള്ള മാലിന്യങ്ങളുടെ കൂനകള്‍ നഗര കേന്ദ്രങ്ങളിലടക്കം കാണാം. ജൈവവും അജൈവവും മാലിന്യവും അപകടകാരിയായ മാലിന്യവും കൈകാര്യം ചെയ്യാനുള്ള ശാസ്ത്രീയ രീതി നഗരങ്ങളിലും ഗ്രാമങ്ങളിലും ഉണ്ടെങ്കില്‍ മാത്രമേ മലിനീകരണത്തിന്റെ വെല്ലുവിളി നേരിടാനാകൂ.

 
കേരളത്തില്‍ നിരവധി തദ്ദേശ ഭരണ സ്ഥാപനങ്ങളും സംഘടനകളും ഈ മേഖലകളിലെല്ലാം വൈവിധ്യമാര്‍ന്ന പരീക്ഷണങ്ങള്‍ നടത്തുന്നുണ്ട്. ഈ നല്ല അനുഭവങ്ങളില്‍ നിന്നെല്ലാം ഊര്‍ജം ഉള്‍ക്കൊണ്ടുകൊണ്ട്, തദ്ദേശഭരണ സ്ഥാപനങ്ങളുടെ മുന്‍കൈയില്‍ സാമൂഹ്യ സംഘടനകളുടെയും സ്ഥാപനങ്ങളുടെയും എല്ലാ ജനവിഭാഗങ്ങളുടെയും പങ്കാളിത്തത്തോടെ വൃത്തിയുള്ള നാടാക്കി കേരളത്തെ മാറ്റണം എന്നാണ് സര്‍ക്കാര്‍ ആഗ്രഹിക്കുന്നത്.
വ്യക്തി ശുചിത്വത്തെക്കുറിച്ച് സ്വയം അഭിമാനിക്കുന്നവരാണ് കേരളീയര്‍.

 

ഈ നല്ല ശീലം നല്‍കിയത് ജല സമൃദ്ധിയാല്‍ കേരളത്തെ അനുഗ്രഹിച്ച പ്രകൃതിയാണ്. കാര്‍ഷിക സംസ്‌കൃതി രൂപം കൊണ്ടതും ജലത്തിന്റെ കനിവില്‍ നിന്നുതന്നെയാണ്. എന്നാല്‍, ജല സ്രോതസ്സുകളുടെ വര്‍ധിച്ച മലിനീകരണവും ഇവ നികത്തപ്പെടുന്നതും കുറയുന്ന മഴയും പെയ്‌തൊഴിയും മുമ്പേ കടലില്‍ ഒഴുകിച്ചേരുന്ന മഴവെള്ളവും നദികളിലെ മണല്‍വാരലും എല്ലാം ചേര്‍ന്നു ഭീതിതമായ അവസ്ഥയാണ് കാണുന്നത്.

 
2030 ആകുമ്പോഴേക്കും ഇപ്പോഴുള്ളതിനേക്കാള്‍ 64 ശതമാനം അധിക ജലം കേരളത്തിനു വേണ്ടി വരും. കുടിവെള്ളത്തിന് 29 ശതമാനത്തിന്റെയും ജലസേചനത്തില്‍ 81 ശതമാനത്തിന്റെയും അധിക ആവശ്യമാണ് മൂന്നു ദശകം കഴിയുമ്പോള്‍ നേരിടാന്‍ പോകുന്നത്. ഇന്നത്തെ നിലയില്‍ എങ്ങനെയാണ് ഈ വെല്ലുവിളി നേരിടുക? അടിയന്തിരമായി തന്നെ ജലസ്രോതസ്സുകളുടെ സംരക്ഷണവും മഴവെള്ള സംഭരണവും പോലുള്ള പ്രവര്‍ത്തനങ്ങളും വ്യാപിപ്പിക്കേണ്ടതുണ്ട് എന്നാണ് സ്ഥിതിഗതികള്‍ സൂചിപ്പിക്കുന്നത്. നദികളുടെയും കനാലുകളുടെയും കുളങ്ങളുടെയും മലിനീകരണം ഉപയോഗയോഗ്യമായ ജലത്തിന്റെ ലഭ്യതയെ തന്നെ വലിയ തോതില്‍ കുറച്ചിട്ടുണ്ട്.

 

ഹരിതകേരളം മിഷന്റെ പ്രധാന ഊന്നല്‍ കേരളത്തിലെ ജലസ്രോതസ്സുകളെ സംരക്ഷിച്ചുകൊണ്ടും ജലത്തിന്റെ ദുരുപയോഗം തടഞ്ഞുകൊണ്ടും മഴവെള്ള സംഭരണം പോലെയുള്ള ജല സംഭരണ മാര്‍ഗങ്ങള്‍ വ്യാപിപ്പിച്ചുകൊണ്ട് ഭാവിയില്‍ ജലദൗര്‍ലഭ്യത്തെ എങ്ങനെ നേരിടാം എന്നതിലായിരിക്കും. കൃഷിയില്‍ കേരളത്തിന് സംഭവിച്ച പിന്നോട്ടുപോക്കിന് ചരിത്രപരവും സാമൂഹികവുമായ നിരവധി കാരണങ്ങളുണ്ട്. നെല്ലും കപ്പയും പച്ചക്കറികളും സമൃദ്ധമായി വിളയിച്ച നാട്ടില്‍ പച്ചക്കറികള്‍ക്കുവേണ്ടി മറ്റു സംസ്ഥാനങ്ങളില്‍ നിന്നുള്ള വരവ് കാത്തിരിക്കുന്ന അവസ്ഥയെക്കുറിച്ച് ഖേദിക്കാറുണ്ട്.

 

എന്നാല്‍, ഇപ്പോഴും കേരളത്തിലെ ജനസംഖ്യയില്‍ മൂന്നില്‍ രണ്ടു ഭാഗമാളുകളും ജീവിത മാര്‍ഗത്തിനായി ആശ്രയിക്കുന്നത് കൃഷിയെയാണ്. സംസ്ഥാനത്തിന്റെ ജി.ഡി.പിയുടെ നാലിലൊന്ന് സംഭാവന ചെയ്യുന്നത് കൃഷിയും അനുബന്ധ മേഖലകളുമാണ്. ഒരു ഹെക്ടറില്‍ നിന്നും ഏറ്റവും കൂടുതല്‍ വരുമാനമുണ്ടാക്കുന്നതില്‍ (53000 രൂപ) കേരളമാണ് മറ്റു സംസ്ഥാനങ്ങളേക്കാള്‍ മുന്നില്‍. നമ്മുടെ ഉല്‍പന്നങ്ങള്‍ക്ക് കമ്പോളത്തിലും കയറ്റുമതിയിലും ഗുണമേന്മയുള്ളത് എന്ന അംഗീകാരവുമുണ്ട്.

 
എന്നാല്‍, കൃഷി ചെയ്യുന്നതില്‍ ബഹുഭൂരിപക്ഷവും അഞ്ചുസെന്റിനും 25 സെന്റിനും ഇടയിലുള്ളവരാണ്. അതിന്റെയര്‍ത്ഥം നല്ല നിലയിലുള്ള പിന്തുണയില്ലെങ്കില്‍ കൃഷിയില്‍ തുടരാന്‍ ബുദ്ധിമുട്ടുന്നവരാണ് ഏറിയ പങ്കും എന്നാണ്. കേരളത്തിന്റെ ഭക്ഷ്യ സുരക്ഷ മുന്‍നിര്‍ത്തി തന്നെ ഭക്ഷ്യവിളകളുടെ കാര്യത്തില്‍ കൂടുതല്‍ ശ്രദ്ധിക്കേണ്ട ഘട്ടമാണിത്. വിഷമില്ലാത്ത പച്ചക്കറികള്‍ ലഭ്യമാക്കാന്‍ പറ്റുന്ന തരത്തില്‍ ജൈവ പച്ചക്കറി വ്യാപിപ്പിക്കണം. നെല്ലിന്റെ ഉത്പാദനം വര്‍ധിപ്പിക്കണം. ഇതിനെല്ലാം പറ്റുന്ന തരത്തില്‍ കൃഷി വികസനത്തിന് അനുഗുണമായ സംവിധാനങ്ങള്‍ ശക്തിപ്പെടുത്തണം.

 

കേരളത്തിലെ 70 ലക്ഷത്തിലധികം വരുന്ന വീടുകളില്‍ ഓരോ വീട്ടിലും കുറഞ്ഞത് ഒരു പച്ചക്കറിയെങ്കിലും ഉത്പാദിപ്പിക്കാന്‍ കഴിഞ്ഞാല്‍ സമൂഹത്തിനുവേണ്ടിയുള്ള മഹത്തായ കരുതലും സ്‌നേഹവുമായി അത് മാറും. കേരളത്തിന്റെ നഷ്ടപ്പെട്ടുകൊണ്ടിരിക്കുന്ന വന സമ്പത്തിന്റെ സംരക്ഷണം കാടിന്റെ മാത്രമല്ല, കാടിനെ ആശ്രയിച്ചു ജീവിക്കുന്ന മനുഷ്യരുടെ കൂടി സംരക്ഷണമാണ്. അതോടൊപ്പം പരിസ്ഥിതി സൗഹൃദപരമായ ഉത്തരവാദിത്ത ടൂറിസത്തിലേക്ക് വിനോദസഞ്ചാര മേഖലയെ കൊണ്ടുവരേണ്ടതുണ്ട്.

 
ഹരിത കേരളം മിഷന്റെ ഭാഗമായി സംസ്ഥാനതലം മുതല്‍ താഴേക്കു ത്രിതല പഞ്ചായത്തുകളിലും നഗരസഭകളിലും മിഷനുകള്‍ രൂപീകരിച്ചാകും പ്രവര്‍ത്തിക്കുക. മിഷനുകളെ സഹായിക്കാന്‍ ബന്ധപ്പെട്ട മേഖലകളിലെ ഉദ്യോഗസ്ഥരും വിദഗ്ധരും ഉണ്ടാകും. താഴേത്തട്ടിലെ പ്രശ്‌നങ്ങള്‍ പഠിച്ചുകൊണ്ട് ഓരോ പ്രദേശത്തിനും അനുയോജ്യമായ ഇടപെടല്‍ രീതികളാണ് വികസിപ്പിക്കേണ്ടത്. സംസ്ഥാനം കൈവരിക്കേണ്ട വികസന ലക്ഷ്യത്തിന് സര്‍ക്കാരും മിഷനും ചേര്‍ന്ന് രൂപം നല്‍കുമ്പോഴും ഇത് പ്രായോഗികമായി ആസൂത്രണം ചെയ്തു നടപ്പിലാക്കുന്നതിനുള്ള ഉത്തരവാദിത്തം തദ്ദേശ സ്വയംഭരണ സ്ഥാപനങ്ങള്‍ക്കാണ്.

 

ഹ്രസ്വകാലാടിസ്ഥാനത്തിലും ദീര്‍ഘകാലാടിസ്ഥാനത്തിലുമുള്ള പദ്ധതികള്‍ക്ക് രൂപം നല്‍കാന്‍ ഈ രംഗത്ത് ഗവേഷണ പ്രവര്‍ത്തനങ്ങള്‍ നടത്തിവരുന്ന സ്ഥാപനങ്ങളുടെയും വിദഗ്ധരുടെയും സഹായം ലഭ്യമാക്കുന്നതിന് മിഷന്‍ മുന്‍കൈയടുക്കും. വകുപ്പുകള്‍ തമ്മിലും വകുപ്പുകളും തദ്ദേശ സ്വയംഭരണ സ്ഥാപനങ്ങളും തമ്മിലും തദ്ദേശ സ്വയംഭരണ സ്ഥാപനങ്ങളുളടെ പദ്ധതികള്‍ തമ്മിലും ഒക്കെ ഉണ്ടാകേണ്ട ഫലപ്രദമായ ഏകോപനത്തിനുള്ള സാധ്യതകള്‍ പരമാവധി ഉപയോഗിക്കേണ്ടതുണ്ട്.

 
ഹരിത കേരളം മിഷന്റെ വിജയം ഈ പദ്ധതി എത്രമാത്രം ജനങ്ങളിലേക്ക് എത്തിക്കാന്‍ കഴിയും എന്നതിനെ ആശ്രയിച്ചാണ് നിര്‍ണയിക്കപ്പെടുക. പ്രകൃതി സംരക്ഷണം ജനങ്ങളുടെ മനോഭാവവും ജീവിത ശൈലിയും കൂടിയായി ബന്ധപ്പെട്ടിരിക്കുന്ന ഒന്നാണ്. അതുകൊണ്ടുതന്നെ സ്‌കൂളുകളും കോളജുകളും കേന്ദ്രീകരിച്ചുള്ള വിപുലമായ പ്രചാരണ പരിപാടികള്‍ ഇതിന്റെ ഭാഗമായി സംഘടിപ്പിക്കേണ്ടതുണ്ട്. കേരളത്തിലെ എല്ലാ സ്‌കൂളുകളും കോളജുകളും ഹരിത കാമ്പസുകളായി മാറിയാല്‍ അത് വിദ്യാര്‍ത്ഥികളുടെ മനോഭാവത്തില്‍ വരുത്തുന്ന സ്വാധീനം ചെറുതായിരിക്കില്ല.

 

ഹരിതകേരളം മിഷന്റെ ഭാഗമായുള്ള പദ്ധതികള്‍ വിജയിപ്പിക്കുന്നതില്‍ മുഖ്യപങ്കാണ് രണ്ടുലക്ഷത്തിലധികം വരുന്ന കുടുംബശ്രീ സംഘങ്ങളിലെ സഹോദരിമാര്‍ക്കുള്ളത്. പൂര്‍ണ അര്‍ത്ഥത്തില്‍ വികസനത്തിന്റെ വാഹകരായി സ്ത്രീകള്‍ മാറുന്നതിനുള്ള വഴി അങ്ങനെയൊരുക്കാനാകും. സംസ്ഥാനതലം മുതല്‍ പ്രദേശികതലം വരെ പ്രവര്‍ത്തിക്കുന്ന വിവിധ സാമൂഹ്യസംഘടനകള്‍, സ്ഥാപനങ്ങള്‍ തുടങ്ങി മുഴുവന്‍ ആളുകള്‍ക്കും അര്‍ത്ഥവത്തായ ഇടപെടല്‍ നടത്താന്‍ കഴിയുന്ന തരത്തില്‍ മിഷന്‍ പ്രവര്‍ത്തനങ്ങള്‍ മുന്നോട്ടുകൊണ്ടുപോകണമെന്നാണ് സര്‍ക്കാര്‍ ആഗ്രഹിക്കുന്നത്.

 
സംസ്ഥാന സര്‍ക്കാരും തദ്ദേശ ഭരണ സ്ഥാപനങ്ങളും സാമൂഹ്യ സംഘടനകളും ജനകീയ കൂട്ടായ്മകളും സ്ഥാപനങ്ങളും തുടങ്ങി കേരളത്തിലെ ഓരോ കുടുംബത്തിലേക്കും വ്യക്തികളിലേക്കും വരെ എത്തുന്ന പ്രചാരണ-പ്രായോഗിക പ്രവര്‍ത്തനങ്ങളുടെ വിപുലമായ ശൃംഖല ഇതിനായി സൃഷ്ടിക്കണം. പ്രകൃതിയെ സംരക്ഷിക്കേണ്ടത് സ്വന്തം ഉത്തരവാദിത്തമാണ് എന്നു വിശ്വസിക്കുന്ന പൗരബോധവും കര്‍മ സന്നദ്ധതയുമുള്ള ജനങ്ങള്‍ക്ക് മാത്രമേ വരും തലമുറയെക്കുറിച്ച് കരുതലോടെ ചിന്തിക്കാനാവൂ. അത്തരമൊരു സമൂഹമായി നമുക്ക് മാറാം.
പിണറായി വിജയന്‍
(കേരള മുഖ്യമന്ത്രി)

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

നഴ്സിങ് കോളേജിലെ റാഗിങ്ങ് കേസ്; മുഖ്യപ്രതികളിലൊരാള്‍ സി.പി.എം അനുകൂല സംഘടനയുടെ സംസ്ഥാന ജനറല്‍ സെക്രട്ടറി

കെ.പി. രാഹുല്‍ രാജാണ് നഴ്സിങ് വിദ്യാര്‍ഥികളുടെ സി.പി.എം അനുകൂല സംഘടന കെ.ജി.എസ്.എന്‍.എയുടെ സംസ്ഥാന ജനറല്‍ സെക്രട്ടറി

Published

on

കോട്ടയം നഴ്സിങ് കോളേജിലെ ഒന്നാം വര്‍ഷ വിദ്യാര്‍ഥിയെ ക്രൂരമായി റാഗിങ്ങിനിരയാക്കിയ കേസിലെ പ്രതികളിലൊരാള്‍ നഴ്സിങ് വിദ്യാര്‍ഥികളുടെ സി.പി.എം അനുകൂല സംഘടനയുടെ സംസ്ഥാന ജനറല്‍ സെക്രട്ടറി. മലപ്പുറം വണ്ടൂര്‍ സ്വദേശി കെ.പി. രാഹുല്‍ രാജാണ് കേരള ഗവ. സ്റ്റുഡന്റ്സ് നഴ്സസ് അസോസിയേഷന്റെ (കെ.ജി.എസ്.എന്‍.എ) സംസ്ഥാന ജനറല്‍ സെക്രട്ടറി. നേരത്തെ സംഘടനയുടെ സംസ്ഥാന സെക്രട്ടറിയായിരുന്ന രാഹുല്‍രാജിനെ ഇക്കഴിഞ്ഞ സമ്മേളനത്തിലാണ് സംസ്ഥാന കമ്മിറ്റിയുടെ ജനറല്‍ സെക്രട്ടറിയായി തിരഞ്ഞെടുത്തത്.

കഴിഞ്ഞദിവസമാണ് കോട്ടയത്തെ ഗവ. നഴ്സിങ് കോളേജിലെ ജൂനിയര്‍ വിദ്യാര്‍ഥികളെ ക്രൂരമായി റാഗ് ചെയ്തതതിന് അഞ്ച് സീനിയര്‍ വിദ്യാര്‍ഥികളെ പോലീസ് അറസ്റ്റ് ചെയ്തത്. കേസിലെ മുഖ്യപ്രതികളിലൊരാളാണ് രാഹുല്‍രാജ്. ഇയാള്‍ ഉള്‍പ്പെടെയുള്ള പ്രതികള്‍ ജൂനിയര്‍ വിദ്യാര്‍ഥിയെ കട്ടിലില്‍ കെട്ടിയിട്ട് ക്രൂരമായി പീഡിപ്പിക്കുന്നതിന്റെ ദൃശ്യങ്ങളും ഇന്ന് പുറത്തുവന്നിരുന്നു.

സീനിയര്‍ വിദ്യാര്‍ഥികളായ കോട്ടയം വാളകം സ്വദേശി സാമുവല്‍ ജോണ്‍സണ്‍(20), മലപ്പുറം വണ്ടൂര്‍ സ്വദേശി രാഹുല്‍ രാജ്(22), വയനാട് നടവയല്‍ സ്വദേശി ജീവ(18), മലപ്പുറം മഞ്ചേരി പയ്യനാട് സ്വദേശി റിജില്‍ ജിത്ത്(20), കോട്ടയം കോരുത്തോട് സ്വദേശി വിവേക്(21) എന്നിവരാണ് അറസ്റ്റിലായത്. കഴിഞ്ഞദിവസം കോടതിയില്‍ ഹാജരാക്കിയ അഞ്ചുപ്രതികളെയും റിമാന്‍ഡ് ചെയ്തിരുന്നു. കേസില്‍ അറസ്റ്റിലായതിന് പിന്നാലെ പ്രതികളെ കോളേജില്‍നിന്ന് സസ്‌പെന്‍ഡ് ചെയ്തിട്ടുണ്ട്.

Continue Reading

Celebrity

“എല്ലാം ഓകെ അല്ലേ അണ്ണാ”; ആന്റണി പെരുമ്പാവൂരിന് പിന്തുണയുമായി പൃഥ്വിരാജ് രംഗത്ത്

സമൂഹമാധ്യമത്തില്‍ ആന്റണിയുടെ പോസ്റ്റ് പങ്കുവെച്ചായിരുന്നു താരം പിന്തുണ അറിയിച്ചത്.

Published

on

ആന്റണി പെരുമ്പാവൂരിന് പിന്തുണയുമായി നടന്‍ പൃഥ്വിരാജ്. സമൂഹമാധ്യമത്തില്‍ ആന്റണിയുടെ പോസ്റ്റ് പങ്കുവെച്ചായിരുന്നു താരം പിന്തുണ അറിയിച്ചത്. എല്ലാം ഓകെ അല്ലേ അണ്ണാ എന്ന അടിക്കുറിപ്പോടെയാണ് പോസ്റ്റ് പങ്കുവെച്ചിട്ടുള്ളത്.

പ്രിഥ്വിരാജ് സംവിധാനം ചെയ്യുന്ന എമ്പുരാന്റെ ബജറ്റ് 141 കോടിയാണെന്ന് സുരേഷ് കുമാര്‍ പറഞ്ഞിരുന്നു. ഇതിനെതിരെയും വിമര്‍ശനവുമായി ആന്റണി പെരുമ്പാവൂര്‍ രംഗത്തെത്തിയിരുന്നു. ഇതിനു പിന്നാലെ ആന്റണി പെരുമ്പാവ് സമൂഹ മാധ്യമത്തില്‍ ഉന്നയിച്ച പല വിഷയങ്ങളോടും യോജിക്കുന്നുവെന്ന് പറഞ്ഞ് സംവിധായകന്‍ വിനയനും രംഗത്തെത്തിയിരുന്നു.

സമൂഹമാധ്യമ കുറിപ്പിലൂടെയാണ് ആന്റണി പെരുമ്പാവൂര്‍ തന്റെ നിലപാട് വ്യക്തമാക്കിയിരുന്നത്. മലയാള സിനിമ തകര്‍ച്ചയുടെ വക്കിലാണെന്ന് ആരോപിച്ച് ജി. സുരേഷ് കുമാര്‍ കഴിഞ്ഞയാഴ്ച വാര്‍ത്താസമ്മേളനം നടത്തിയിരുന്നു. ‘സിനിമകളുടെ കലക്ഷന്‍ പെരുപ്പിച്ച് കാട്ടുകയാണ്, യഥാര്‍ഥത്തില്‍ നിര്‍മാതാക്കള്‍ക്ക് നഷ്ടമാണ്, മലയാള സിനിമയ്ക്ക് താങ്ങാവുന്നതിന്റെ പത്തിരട്ടിയാണ് താരങ്ങള്‍ പ്രതിഫലമായി വാങ്ങുന്നത് ‘ -സുരേഷ് കുമാര്‍ പറഞ്ഞു. സുരേഷ് കുമാറിന്റെ വാദം വിവാദമായതോടെയാണ് ആന്റണി പെരുമ്പാവൂര്‍ തന്റെ നിലപാട് വ്യക്തമാക്കിയത്.

നിര്‍മാതാക്കളുടെ സംഘടനയെ പ്രതിനിധീകരിച്ച് ആരാണ് ഇതൊക്കെ പറയാന്‍ ജി. സുരേഷ് കുമാറിനെ ചുമതലപ്പെടുത്തിയത്. എന്താണ് അതിനു പിന്നിലെ ചേതോവികാരം എന്നൊക്കെയുള്ള കാര്യങ്ങളില്‍ വ്യക്തത വേണ്ടതുണ്ട്. എംപുരാന്‍ എന്ന സിനിമയുടെ ബജറ്റിനെക്കുറിച്ച് പൊതുസമക്ഷം അദ്ദേഹം സംസാരിച്ചതിന്റെ ഔചിത്യബോധമെന്തെന്ന് എത്രയാലോചിച്ചിട്ടും മനസിലാവുന്നില്ല. പോസ്റ്റ് പ്രൊഡക്ഷന്‍ വര്‍ക്കുകള്‍ പൂര്‍ത്തിയാവാത്തൊരു സിനിമയുടെ ചെലവിനെപ്പറ്റി പൊതുവേദിയില്‍ പരസ്യചര്‍ച്ചയ്ക്കു വിധേയമാക്കിയതെന്തിനാണ്- ആന്റണി പെരുമ്പാവൂര്‍ ചോദിച്ചു.

Continue Reading

Video Stories

ആയിരങ്ങളുടെ യാത്രാമൊഴി; ഈസക്കാക്ക ഇനി ഓര്‍മയില്‍

മ​യ്യി​ത്ത്​ ന​മ​സ്​​കാ​ര​ത്തി​ൽ പ​​ങ്കെ​ടു​ക്കാ​ൻ ഇ.​ടി മു​ഹ​മ്മ​ദ്​ ബ​ഷീ​ർ എം.​പി​യും മു​ന​വ്വ​റ​ലി ശി​ഹാ​ബ്​ ത​ങ്ങ​ളും നാ​ട്ടി​ൽ നി​ന്നും എ​ത്തി​യി​രു​ന്നു. ഖ​ത്ത​റി​ലെ വി​വി​ധ ക​മ്യൂ​ണി​റ്റി, സാം​സ്​​കാ​രി​ക സം​ഘ​ട​നാ ഭാ​ര​വാ​ഹി​ക​ളും പ്ര​വ​ർ​ത്ത​ക​രും ഉ​ൾ​പ്പെ​ടെ ആ​യി​ര​ങ്ങ​ളെ​ത്തി.

Published

on

അ​ര​നൂ​റ്റാ​ണ്ടി​ന​ടു​ത്ത്​ കാ​ലം ക​ർ​മ​ഭൂ​മി​യാ​ക്കി​യ മ​ണ്ണി​ൽ ഖ​ത്ത​ർ പ്ര​വാ​സി മ​ല​യാ​ളി​ക​ളു​ടെ സ്വ​ന്തം ഈ​സ​ക്കാ​ക്ക്​ അ​ന്ത്യ​നി​ദ്ര. മി​സൈ​മീ​റി​ലെ പ​ള്ളി​യെ ജ​ന​സാ​ഗ​ര​മാ​ക്കി. ബു​ധ​നാ​ഴ്​​ച രാ​ത്രി​യി​ൽ ഒ​ഴു​കി​യെ​ത്തി​യ ആ​യി​ര​ങ്ങ​ളു​ടെ പ്രാ​ർ​ഥന​ക​ളേ​റ്റു​വാ​ങ്ങി ആ​റ​ടി മ​ണ്ണി​ലേ​ക്ക്​ അ​ദ്ദേ​ഹം മ​ട​ങ്ങി.

രാ​വി​ലെ മ​ര​ണ​വാ​ർ​ത്ത എ​ത്തി​യ​ത്​ മു​ത​ൽ ആ​ശു​പ​ത്രി പ​രി​സ​ര​ങ്ങ​ളി​ലേ​ക്ക്​ ഒ​ഴു​കി​യെ​ത്തി​യത് ആ​യി​ര​ങ്ങ​ളാ​യി​രു​ന്നു. ശേ​ഷം, വൈ​കു​ന്നേ​രം അ​ബൂ​ഹ​മൂ​ർ പ​ള്ളി​യി​ലേ​ക്ക്​ ഈ​സ​ക്ക് അ​ന്ത്യയാ​ത്ര പോ​യ​പ്പോ​ൾ അ​നു​ഗ​മി​ക്കാ​നും ആ​യി​ര​ങ്ങ​ളെ​ത്തി. ​

ഇ​ശാ​ന​മ​സ്​​കാ​ര ശേ​ഷം ന​ട​ന്ന മ​യ്യി​ത്ത്​ ന​മ​സ്​​കാ​ര​ത്തി​ലും വ​ൻ ജ​ന​ക്കൂ​ട്ടം അ​ണി​നി​ര​ന്നു. മ​ണി​ക്കൂ​റു​ക​ൾ കാ​ത്തി​രു​ന്ന ശേ​ഷ​മാ​യി​രു​ന്നു പ്രി​യ​ങ്കര​നാ​യ നേ​താ​വി​നെ അ​വ​സാ​ന​മാ​യി ഒ​രു നോ​ക്ക്​ ക​ണ്ട​ത്.

മ​യ്യി​ത്ത്​ ന​മ​സ്​​കാ​ര​ത്തി​ൽ പ​​ങ്കെ​ടു​ക്കാ​ൻ ഇ.​ടി മു​ഹ​മ്മ​ദ്​ ബ​ഷീ​ർ എം.​പി​യും മു​ന​വ്വ​റ​ലി ശി​ഹാ​ബ്​ ത​ങ്ങ​ളും നാ​ട്ടി​ൽ നി​ന്നും എ​ത്തി​യി​രു​ന്നു. ഖ​ത്ത​റി​ലെ വി​വി​ധ ക​മ്യൂ​ണി​റ്റി, സാം​സ്​​കാ​രി​ക സം​ഘ​ട​നാ ഭാ​ര​വാ​ഹി​ക​ളും പ്ര​വ​ർ​ത്ത​ക​രും ഉ​ൾ​പ്പെ​ടെ ആ​യി​ര​ങ്ങ​ളെ​ത്തി. രാ​ത്രി വൈ​കി​യാ​യി​രു​ന്നു ഖ​ബ​റ​ട​ക്ക ച​ട​ങ്ങു​ക​ൾ പൂ​ർ​ത്തി​യാ​ക്കി​യ​ത്.

അനുശോചന ​​പ്രവാഹംകെ.​എം.​സി.​സി ദുഃ​ഖാ​ച​ര​ണം ഒ​രാ​ഴ്ച​ത്തെ മു​ഴു​വ​ൻ പ​രി​പാ​ടി​ക​ളും മാ​റ്റി​

ദോ​ഹ: സീ​നി​യ​ർ വൈ​സ് പ്ര​സി​ഡ​ന്റും ജീ​വ​കാ​രു​ണ്യ പ്ര​വ​ർ​ത്ത​ക​നു​മാ​യ കെ.​മു​ഹ​മ്മ​ദ് ഈ​സ​യു​ടെ നി​ര്യാ​ണ​ത്തി​ൽ ഖ​ത്ത​ർ കെ.​എം.​സി.​സി സം​സ്ഥാ​ന ക​മ്മി​റ്റി അ​നു​ശോ​ചി​ച്ചു. കെ.​എം.​സി.​സി പ്ര​സ്ഥാ​ന​ത്തി​നും ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളു​ടെ​യും നെ​ടും​തൂ​ണാ​യി പ്ര​വ​ർ​ത്തി​ച്ച അ​ദ്ദേ​ഹ​ത്തി​ന്റെ വി​യോ​ഗം നി​ക​ത്താ​നാ​വാ​ത്ത ന​ഷ്ട​മാ​ണ്.

ജീ​വ​കാ​ര്യ​ണ്യ പ്ര​വ​ർ​ത്ത​നം ജീ​വ​വാ​യു പോ​ലെ​യാ​യി​രു​ന്നു അ​ദ്ദേ​ഹ​ത്തി​ന്. മി​ക​ച്ച സം​ഘാ​ട​ക​നും നി​സ്വാ​ർ​ഥ​നാ​യ പൊ​തു​പ്ര​വ​ർ​ത്ത​ക​നു​മാ​യ അ​ദ്ദേ​ഹ​ത്തി​ന്റെ വി​യോ​ഗം മു​ഴു​വ​ൻ സ​മൂ​ഹ​ത്തി​നും ക​ന​ത്ത ന​ഷ്ട​മാ​ണ്. കെ.​എം.​സി.​സി പ്ര​സ്ഥാ​ന​ത്തി​ന് നി​ക​ത്താ​നാ​വാ​ത്ത വി​ട​വാ​ണ് വി​യോ​ഗം സൃ​ഷ്ടി​ക്കു​ന്ന​തെ​ന്ന് അ​നു​ശോ​ച​ന സ​ന്ദേ​ശ​ത്തി​ൽ സം​സ്ഥാ​ന ക​മ്മി​റ്റി പ​റ​ഞ്ഞു.

സം​സ്ഥാ​ന മു​സ്‍ലിം ലീ​ഗ് നേ​താ​ക്ക​ളും വി​വി​ധ രാ​ഷ്ട്രീ​യ സാം​സ്‌​കാ​രി​ക നേ​താ​ക്ക​ളും അ​നു​ശോ​ചി​ച്ചു. നി​ര്യാ​ണ​ത്തെ തു​ട​ർ​ന്ന് കെ.​എം.​സി.​സി ഖ​ത്ത​ർ സം​സ്ഥാ​ന ക​മ്മി​റ്റി ഏ​ഴ് ദി​വ​സ​ത്തെ ഔ​ദ്യോ​ഗി​ക ദുഃ​ഖാ​ച​ര​ണം പ്ര​ഖ്യാ​പി​ച്ചു. എ​ല്ലാ ഘ​ട​ക​ങ്ങ​ളു​ടെ​യും സം​ഘ​ട​നാ​പ​ര​മാ​യ മു​ഴു​വ​ൻ പ​രി​പാ​ടി​ക​ളും മാ​റ്റി​വെ​ച്ച​താ​യി സം​സ്ഥാ​ന ക​മ്മി​റ്റി അ​റി​യി​ച്ചു.

സി.​ഐ.​സി

ദോ​ഹ: കെ. ​മു​ഹ​മ്മ​ദ് ഈ​സ​യു​ടെ വി​യോ​ഗ​ത്തി​ൽ സി.​ഐ.​സി ഖ​ത്ത​ർ കേ​ന്ദ്ര ക​മ്മി​റ്റി അ​നു​ശോ​ച​നം അ​റി​യി​ച്ചു. സ​മൂ​ഹ​ത്തി​ൽ എ​ല്ലാ​വ​രെ​യും ചേ​ർ​ത്തു​പി​ടി​ക്കു​ക​യും അ​വ​രു​ടെ​യൊ​ക്കെ സ്നേ​ഹ​ഭാ​ജ​ന​മാ​വു​ക​യും ചെ​യ്യു​ക എ​ന്ന​ത് അ​പൂ​ർ​വ വ്യ​ക്തി​ത്വ​ങ്ങ​ളി​ൽ മാ​ത്രം കാ​ണു​ന്ന സ്വ​ഭാ​വ മ​ഹി​മ​യാ​ണ്.

ഈ​സ​ക്ക​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട് സ​മൂ​ഹ മാ​ധ്യ​മ​ങ്ങ​ളി​ൽ ക​ണ്ട അ​ഭൂ​ത​പൂ​ർ​വ​മാ​യ അ​നു​ശോ​ച​ന പ്ര​വാ​ഹം അ​ദ്ദേ​ഹ​ത്തി​ൽ ഉ​ണ്ടാ​യി​രു​ന്ന ഈ ​പ്ര​ത്യേ​ക സ്വ​ഭാ​വം വി​ളി​ച്ചോ​തു​ന്നു.

നാ​ലു പ​തി​റ്റാ​ണ്ടോ​ളം കാ​ത്തു​സൂ​ക്ഷി​ച്ച സ്നേ​ഹ​ബ​ന്ധ​മാ​ണ് അ​ദ്ദേ​ഹ​വു​മാ​യി സി.​ഐ.​സി(​മു​ൻ ഇ​ന്ത്യ​ൻ ഇ​സ്‍ലാ​മി​ക് അ​സോ​സി​യേ​ഷ​ൻ)​ക്കു​ള്ള​തെ​ന്ന് അ​നു​ശോ​ച​ന​ത്തി​ൽ എ​ടു​ത്തു​പ​റ​ഞ്ഞു.

ഖ​ത്ത​ർ സം​സ്​​കൃ​തി

ദോ​ഹ: ഖ​ത്ത​റി​ന്റെ സാ​മൂ​ഹി​ക സാം​സ്കാ​രി​ക ക​ലാ കാ​യി​ക ജീ​വ​കാ​രു​ണ്യ മേ​ഖ​ല​ക​ളി​ൽ ത​ന​ത് ഇ​ടം ക​ണ്ടെ​ത്തി​യ കെ. ​മു​ഹ​മ്മ​ദ് ഈ​സ​യു​ടെ വി​യോ​ഗ​ത്തി​ൽ സം​സ്കൃ​തി ഖ​ത്ത​ർ അ​നു​ശോ​ച​നം രേ​ഖ​പ്പെ​ടു​ത്തി.

ദു​രി​ത​മ​നു​ഭ​വി​ക്കു​ന്ന പ്ര​വാ​സി​ക​ൾ​ക്ക് എ​ന്നും കൈ​ത്താ​ങ്ങാ​യി നി​ന്ന, ക​ലാ​കാ​ര​ന്മാ​രെ അ​ക​മ​ഴി​ഞ്ഞ് പ്രോ​ത്സാ​ഹി​പ്പി​ച്ചി​രു​ന്ന ഈ​സ​ക്ക​യു​ടെ വി​യോ​ഗം സൃ​ഷ്ടി​ക്കു​ന്ന വി​ട​വ് വേ​ഗ​ത്തി​ൽ നി​ക​ത്താ​ൻ ക​ഴി​യി​ല്ലെ​ന്നും സം​സ്കൃ​തി അ​ഭി​പ്രാ​യ​പ്പെ​ട്ടു.

ഇ​ന്ത്യ​ൻ മീ​ഡി​യ ഫോ​റം

ദോ​ഹ: ഖ​ത്ത​റി​ലെ പ്ര​മു​ഖ വ്യ​വ​സാ​യി​യും ജീ​വ​കാ​രു​ണ്യ പ്ര​വ​ർ​ത്ത​ക​നും സം​ഘാ​ട​ക​നു​മാ​യി​രു​ന്ന കെ. ​മു​ഹ​മ്മ​ദ് ഈ​സ​യു​ടെ നി​ര്യാ​ണ​ത്തി​ൽ ഇ​ന്ത്യ​ൻ മീ​ഡി​യ ഫോ​റം (ഐ.​എം.​എ​ഫ്) അ​നു​ശോ​ചി​ച്ചു.

വ​ർ​ത്ത​മാ​നം ദി​ന​പ​ത്ര​ത്തി​ന്റെ ഖ​ത്ത​ർ എ​ക്സി​ക്യൂ​ട്ടി​വ് ഡ​യ​റ​ക്ട​റാ​യും, വോ​യ്സ് ഓ​ഫ് കേ​ര​ള റേ​ഡി​യോ​യു​ടെ ഖ​ത്ത​ർ ഫ്രാ​ഞ്ചൈ​സി​ലൂ​ടെ​യും മാ​ധ്യ​മ​രം​ഗ​ത്തും സം​ഭാ​വ​ന​ക​ൾ അ​ർ​പ്പി​ക്കാ​ൻ മു​ഹ​മ്മ​ദ് ഈ​സ​ക്ക്​ സാ​ധി​ച്ച​താ​യി ഇ​ന്ത്യ​ൻ മീ​ഡി​യ ഫോ​റം എ​ക്സി​ക്യൂ​ട്ടി​വ് ക​മ്മി​റ്റി അ​നു​ശോ​ച​ന സ​ന്ദേ​ശ​ത്തി​ൽ പ​റ​ഞ്ഞു.

പ്ര​വാ​സി വെ​ൽ​ഫെ​യ​ർ

ദോ​ഹ: മു​ഹ​മ്മ​ദ്​ ഈ​സ​യു​ടെ നി​ര്യാ​ണ​ത്തി​ല്‍ പ്ര​വാ​സി വെ​ല്‍ഫെ​യ​ര്‍ അ​നു​ശോ​ചി​ച്ചു. അ​പ്ര​തീ​ക്ഷി​ത വി​യോ​ഗം​മൂ​ലം ദുഃ​ഖ​ത്തി​ലാ​യ കു​ടും​ബ​ത്തി​ന്റെ​യും സ​ഹ​പ്ര​വ​ര്‍ത്ത​ക​രു​ടെ​യും വേ​ദ​ന​യി​ൽ പ​ങ്കു​ചേ​രു​ന്നു. അ​ദ്ദേ​ഹം ഖ​ത്ത​റി​ലെ മ​ല​യാ​ളി സ​മൂ​ഹ​ത്തി​നാ​യി ചെ​യ്ത സേ​വ​ന​ങ്ങ​ള്‍ എ​ക്കാ​ല​വും ഓ​ർ​മി​ക്ക​പ്പെ​ടും.

ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ ആ​ഘോ​ഷ​മാ​ക്കാ​തെ​യും പ്ര​വാ​സി​ക​ളു​ടെ പ്ര​ശ്ന​ങ്ങ​ളി​ൽ സ​ക്രി​യ​മാ​യി ഇ​ട​പെ​ട്ടും അ​ദ്ദേ​ഹം സാ​മൂ​ഹി​ക പ്ര​വ​ർ​ത്ത​ന​ത്തി​ൽ മാ​തൃ​ക​ക​ൾ സൃ​ഷ്ടി​ച്ചു.

ഇ​ഷ്ട​മേ​ഖ​ല​ക​ളാ​യ ക​ലാ പ്ര​വ​ർ​ത്ത​ന​വും കാ​യി​ക​മേ​ള​ക​ളും അ​ദ്ദേ​ഹം ഫ​ല​പ്ര​ദ​മാ​യി ജീ​വ​കാ​രു​ണ്യ പ്ര​വ​ർ​ത്ത​ന​ത്തി​നാ​യി ഉ​പ​യോ​ഗ​പ്പെ​ടു​ത്തി.

എ​ല്ലാ​ത്തി​ന്റെ​യും ന​ല്ലൊ​രു വി​ഹി​തം പാ​വ​പ്പെ​ട്ട​വ​ർ​ക്ക്‌ എ​ത്തു​ന്ന രീ​തി​യി​ൽ അ​ദ്ദേ​ഹം സം​ഘാ​ട​ക​നാ​വു​ന്ന സം​രം​ഭ​ങ്ങ​ളെ​യെ​ല്ലാം മാ​റ്റി​യ ഈ​സ​ക്ക​യു​ടെ വി​യോ​ഗം പ്ര​വാ​സി​ക​ൾ​ക്ക്‌ ക​ന​ത്ത ന​ഷ്ട​മാ​ണെ​ന്നും പ്ര​വാ​സി വെ​ൽ​ഫെ​യ​ർ സം​സ്ഥാ​ന ക​മ്മി​റ്റി അ​ഭി​പ്രാ​യ​പ്പെ​ട്ടു.

ഗ​പാ​ഖ്​

ദോ​ഹ: മു​ഹ​മ്മ​ദ് ഈ​സ​യു​ടെ നി​ര്യാ​ണ​ത്തി​ൽ ‘ഗ​ൾ​ഫ്​ കാ​ലി​ക്ക​റ്റ്​ എ​യ​ർ പാ​സ​ഞ്ചേ​ഴ്​​സ്​ അ​സോ​സി​യേ​ഷ​ൻ ഖ​ത്ത​ർ (ഗ​പാ​ഖ്​) അ​നു​ശോ​ചി​ച്ചു. സം​ഘ​ട​ന​യു​ടെ ട്ര​ഷ​റ​റാ​യി​രു​ന്ന ഈ​സ​ക്ക​യു​ടെ അ​കാ​ല​നി​ര്യാ​ണം ദോ​ഹ​യി​ലെ സാ​മൂ​ഹി​ക ജീ​വ​കാ​രു​ണ്യ രം​ഗ​ത്ത് ക​ന​ത്ത ന​ഷ്ട​മാ​ണെ​ന്ന് ഭാ​ര​വാ​ഹി​ക​ൾ അ​നു​ശോ​ച​ന സ​ന്ദേ​ശ​ത്തി​ൽ അ​റി​യി​ച്ചു.

അ​നു​ശോ​ച​ന യോ​ഗം ഇ​ന്ന്

ദോ​ഹ: കെ.​മു​ഹ​മ്മ​ദ് ഈ​സ​യു​ടെ നി​ര്യാ​ണ​ത്തി​ൽ അ​നു​ശോ​ചി​ച്ച് കെ.​എം.​സി.​സി ഖ​ത്ത​ർ സം​സ്ഥാ​ന ക​മ്മി​റ്റി നേ​തൃ​ത്വ​ത്തി​ൽ ഇ​ന്ത്യ​ൻ ക​മ്യൂ​ണി​റ്റി അ​നു​ശോ​ച​ന യോ​ഗം വ്യാ​ഴാ​ഴ്ച ന​ട​ക്കും.

വൈ​കു​ന്നേ​രം ഏ​ഴ് മ​ണി​ക്ക് ഐ​ഡി​യ​ൽ ഇ​ന്ത്യ​ൻ സ്കൂ​ളി​ൽ അ​നു​ശോ​ച​ന യോ​ഗം ന​ട​ക്കു​മെ​ന്ന് കെ.​എം.​സി.​സി സം​സ്ഥാ​ന ക​മ്മി​റ്റി അ​റി​യി​ച്ചു.

മരിച്ചിട്ടും മുടങ്ങിയിട്ടില്ല അവരുടെ ശമ്പളം

ദോ​ഹ: ​അ​ലി ഇ​ന്റ​ർ​നാ​ഷ​ന​ൽ ജ​ന​റ​ൽ മാ​നേ​ജ​ർ മു​ഹ​മ്മ​ദ്​ ഈ​സ​യെ​ക്കു​റി​ച്ച്​ പ​റ​യു​​മ്പോ​ൾ അ​ദ്ദേ​ഹ​ത്തെ അ​റി​യു​ന്ന​വ​ർ​ക്കെ​ല്ലാം പ​റ​യാ​നു​ള്ള​താ​ണ്​ 2017 ന​വം​ബ​റി​ലെ ആ ​സം​ഭ​വം. സ്വ​ന്തം സ്ഥാ​പ​ന​ത്തി​ലെ ര​ണ്ടു ജീ​വ​ന​ക്കാ​ർ ഇ​ൻ​ഡ​സ്​​ട്രി​യ​ൽ ഏ​രി​യ​യി​ൽ റോ​ഡ്​ മു​റി​ച്ചു​ക​ട​ക്കു​ന്ന​തി​നി​ടെ അ​പ​ക​ട​ത്തി​ൽ മ​രി​ക്കു​ന്നു.

കോ​ഴി​ക്കോ​ട്​ ഒ​ള​വ​ണ്ണ സ്വ​ദേ​ശി പ്ര​വീ​ൺ കു​മാ​റും തി​രൂ​ർ സ്വ​ദേ​ശി മു​ഹ​മ്മ​ദ​ലി​യും. അ​ത്താ​ണി​യാ​യ ര​ണ്ടു​പേ​രു​ടെ​യും മ​ര​ണം കു​ടും​ബ​ത്തെ അ​നാ​ഥ​രാ​ക്കി.

എ​ന്നാ​ൽ, അ​ന്നു​മു​ത​ൽ അ​വ​ർ തൊ​ഴി​ലു​ട​മ​യു​ടെ സം​ര​ക്ഷ​ണ​ത്തി​ലാ​യി. ര​ണ്ടു​പേ​രും മ​രി​ച്ചു​വെ​ങ്കി​ലും അ​വ​രു​ടെ ശ​മ്പ​ളം അ​ലി ഇ​ന്റ​ർ​നാ​ഷ​ന​ലി​ൽ​നി​ന്ന് മു​ട​ങ്ങി​യി​ല്ല. മാ​സാ​വ​സാ​ന​ത്തി​ലെ തീ​യ​തി​ക്കു മു​​മ്പേ കു​ടും​ബ​ത്തി​ന്റെ അ​ക്കൗ​ണ്ടി​ൽ ശ​മ്പ​ള​മെ​ത്തും.

ഏ​റ്റ​വും ഒ​ടു​വി​ൽ ജ​നു​വ​രി​യി​ലും അ​ത്​ മു​ട​ങ്ങി​യി​ട്ടി​ല്ലെ​ന്ന്​ സ്ഥാ​പ​ന​ത്തി​ലെ ജീ​വ​ന​ക്കാ​ർ സാ​ക്ഷ്യ​പ്പെ​ടു​ത്തു​ന്നു. ക​മ്പ​നി ഉ​ള്ള കാ​ല​ത്തോ​ളം അ​വ​രു​ടെ ശ​മ്പ​ള​വും തു​ട​രും എ​ന്ന ഈ​സ​ക്ക​യു​ടെ ഉ​റ​പ്പ്​ തെ​റ്റാ​തെ​ത​ന്നെ തു​ട​രു​ന്നു. ശ​മ്പ​ളം മാ​ത്ര​മ​ല്ല, ഇ​രു​വ​ർ​ക്കും വീ​ടു​ക​ളൊ​രു​ക്കാ​നും ഒ​രാ​ളു​ടെ മ​ക​ളു​ടെ വി​വാ​ഹം ന​ട​ത്താ​നും ഈ​സ​ക്ക മു​ന്നി​ൽ​നി​ന്നു.

ആ​റു​മാ​സം മു​മ്പാ​യി​രു​ന്നു മ​ഹാ​രാ​ഷ്​​ട്രക്കാ​ര​നാ​യ ഒ​രു ജീ​വ​ന​ക്കാ​ര​ൻ ഉം​റ നി​ർ​വ​ഹി​ക്കാ​ൻ പോ​യ​പ്പോ​ൾ മ​ര​ണ​പ്പെ​ട്ട​ത്. അ​യാ​ളു​ടെ മ​ക്ക​ളു​ടെ വി​ദ്യ​ാഭ്യാ​സ ചെ​ല​വും ഈ​സ​ക്ക ഏ​റ്റെ​ടു​ത്തു.

ദോ​ഹ: ഒ​രി​ക്ക​ലെ​ങ്കി​ലും ഈ​സ​ക്ക​യു​ടെ സ്നേ​ഹം അ​നു​ഭ​വ​പ്പെ​ടാ​ത്ത​വ​രാ​യി സേ​വ​ന​രം​ഗ​ത്ത് ആ​രു​മു​ണ്ടാ​വി​ല്ല. ന​ന്മ, സ​ത്യ​സ​ന്ധ​ത, കാ​രു​ണ്യ സേ​വ​ന മ​നോ​ഭാ​വം എ​ന്നി​വ​യു​ടെ പ​ര്യാ​യ​മാ​യ ഈ​സ​ക്ക​യു​ടെ വി​യോ​ഗം സ​മൂ​ഹ​ത്തി​ന് തീ​രാ​ന​ഷ്ടം​ത​ന്നെ യാ​ണ്. പ​ര​ലോ​ക മോ​ക്ഷ​ത്തി​നാ​യി പ്രാ​ർ​ഥി​ക്കു​ന്ന​തി​നോ​ടൊ​പ്പം പു​തു​ത​ല​മു​റ​ക്ക് ഇ​ത്ത​രം ജീ​വ​കാ​രു​ണ്യ പ്ര​തി​ഭ​ക​ൾ പ്ര​ചോ​ദ​ന​മാ​വ​ട്ടെ എ​ന്ന് ആ​ശം​സി​ക്കു​ന്നു. –ശം​സു​ദ്ദീ​ൻ ബി​ൻ മു​ഹി​ദ്ദീ​ൻ (ചെ​യ​ർ​മാ​ൻ റീ​ജ​ൻ​സി ഗ്രൂ​പ് ആ​ൻ​ഡ് ഗ്രാ​ൻ​ഡ് ഹൈ​പ്പ​ർ മാ​ർ​ക്ക​റ്റ്സ്)

ദു​ബൈ: ഖ​ത്ത​റി​ലെ പ്ര​വാ​സി സ​മൂ​ഹ​ത്തി​ന്റെ നെ​ടും​തൂ​ണാ​യി​രു​ന്നു അ​ന്ത​രി​ച്ച ഈ​സ​ക്ക​യെ​ന്ന് ദു​ബൈ കെ.​എം.​സി.​സി പ്ര​സി​ഡ​ന്റ് ഡോ. ​അ​ൻ​വ​ർ അ​മീ​ൻ ചേ​ലാ​ട്ട് അ​നു​സ്മ​രി​ച്ചു. പ്ര​വാ​സി​ക​ൾ​ക്കി​ട​യി​ൽ ക​ഷ്ട​പ്പെ​ടു​ന്ന​വ​ർ​ക്ക് കൈ​ത്താ​ങ്ങാ​യി എ​പ്പോ​ഴും അ​ദ്ദേ​ഹ​മു​ണ്ടാ​യി​രു​ന്നു. ത​ന്റെ ജീ​വ​ന​ക്കാ​രെ കു​ടും​ബാം​ഗ​ങ്ങ​ളെ​പ്പോ​ലെ സ്നേ​ഹി​ക്കു​ക​യും സം​ര​ക്ഷി​ക്കു​ക​യും ചെ​യ്തു. ഒ​രു ന​ല്ല സം​രം​ഭ​ക​നും ക​ലാ​സ്‌​നേ​ഹി​യും കൂ​ടി​യാ​യി​രു​ന്നു അ​ദ്ദേ​ഹം. -ഡോ. ​അ​ൻ​വ​ർ അ​മീ​ൻ ചേ​ലാ​ട്ട് (പ്ര​സി​ഡ​ന്റ്, ദു​ബൈ കെ.​എം.​സി.​സി)

Continue Reading

Trending