More
അസം പൗരത്വ രജിസ്റ്റര്; അമിത്ഷാക്ക് കത്ത് നല്കി മമത; പൗരത്വ രജിസ്റ്റര് ബംഗാളില് വേണ്ടെന്നും മമത ബാനര്ജി
ന്യൂഡല്ഹി: അസമില് പൗരത്വ രജിസ്റ്റര്(എന്ആര്സി) നടപ്പിലാക്കിയ സംഭവത്തില് കേന്ദ്ര ആഭ്യന്തര മന്ത്രി അമിത്ഷാക്ക് കത്ത് നല്കി പശ്ചിമ ബംഗാള് മുഖ്യമന്ത്രി മമത ബാനര്ജി. പുറത്താക്കപ്പെട്ട ജനങ്ങളില് ഭൂരിപക്ഷവും ഇന്ത്യക്കാരാണെന്ന് മമത പറഞ്ഞു. അമിത്ഷായുമായുള്ള കൂടിക്കാഴ്ച്ചക്ക് ശേഷം മാധ്യമങ്ങളോട് പ്രതികരിക്കുകയായിരുന്നു മമത.
ദേശീയ പൗരത്വ ബില് പശ്ചിമബംഗാളില് വേണ്ടെന്ന് അമിത് ഷായോട് പറഞ്ഞു. എന്നാല് ബംഗാളില് നടപ്പാക്കുന്നതിനെക്കുറിച്ച് അദ്ദേഹം ഒന്നും പറഞ്ഞില്ലെന്നും മമത ബാനര്ജി വ്യക്തമാക്കി. ഹിന്ദി സംസാരിക്കുന്നവരും ബംഗാളി സംസാരിക്കുന്നവരും സാധാരണക്കാരായ അസമികളും അടക്കം 19 ലക്ഷം പേരാണ് അസമില് ദേശീയ പൗരത്വ രജിസ്റ്ററില്നിന്ന് പുറത്താക്കപ്പെട്ടത്. പുറത്താക്കപ്പെട്ട ജനങ്ങളില് ഭൂരിപക്ഷവും ഇന്ത്യയിലെ വോട്ടര്മാരാണ്. ഇക്കാര്യം പരിഗണിക്കണമെന്നും അമിത് ഷായോട് ആവശ്യപ്പെട്ടുവെന്ന് മമത ബാനര്ജി പറഞ്ഞു. ഇക്കാര്യം വ്യക്തമാക്കി മമത അമിത് ഷാക്ക് കത്ത് നല്കുകയും ചെയ്തു.
മമത ബാനര്ജി കഴിഞ്ഞദിവസം പ്രധാനമന്ത്രി നരേന്ദ്ര മോദിയുമായും കൂടിക്കാഴ്ച നടത്തിയിരുന്നു. ബംഗാളിലെ രാഷ്ട്രീയവിഷയങ്ങളെക്കുറിച്ച് മമത നരേന്ദ്ര മോദിയോട് സംസാരിച്ചു. ബംഗാളിന്റെ പേര് മാറ്റുന്നതടക്കമുള്ള കാര്യങ്ങളാണു പ്രധാനമന്ത്രിയുമായുള്ള ചര്ച്ചയില് മമത ഉന്നയിച്ചത്.
tech
33 വര്ഷം മുമ്പ് ലോകത്തെ മാറ്റിയ ‘മെറി ക്രിസ്മസ്’; ആദ്യ എസ്എംഎസിന് ഇന്ന് ജന്മദിനം
1992 ഡിസംബര് 3ന് വോഡഫോണ് എഞ്ചിനിയര് നീല് പാപ്വോര്ത്ത് തന്റെ കമ്പ്യൂട്ടറില് നിന്ന് സഹപ്രവര്ത്തകനായ റിച്ചാര്ഡ് ജാര്വീസിന്റെ ഓര്ബിറ്റല് 901 മൊബൈല് ഫോണിലേക്ക് അയച്ച ‘Merry Christmas’ ആയിരുന്നു ലോകത്തെ ആദ്യ എസ്എംഎസ് സന്ദേശം
വാഷിങ്ടണ്: ആഗോള ആശയവിനിമയത്തില് വിപ്ലവം സൃഷ്ടിച്ച ആദ്യത്തെ ടെക്സ്റ്റ് മെസേജിന് ഇന്ന് 33 വര്ഷം. 1992 ഡിസംബര് 3ന് വോഡഫോണ് എഞ്ചിനിയര് നീല് പാപ്വോര്ത്ത് തന്റെ കമ്പ്യൂട്ടറില് നിന്ന് സഹപ്രവര്ത്തകനായ റിച്ചാര്ഡ് ജാര്വീസിന്റെ ഓര്ബിറ്റല് 901 മൊബൈല് ഫോണിലേക്ക് അയച്ച ‘Merry Christmas’ ആയിരുന്നു ലോകത്തെ ആദ്യ എസ്എംഎസ് സന്ദേശം. അതുവരെ മൊബൈല് ഫോണിലൂടെ എഴുത്ത് സന്ദേശങ്ങള് അയയ്ക്കാനുള്ള സംവിധാനം ഇല്ലാതിരുന്നതിനാല് ഈ ചെറുസന്ദേശം തന്നെ ആശയവിനിമയരംഗത്ത് വലിയ വഴിത്തിരിവായി.
160 അക്ഷരപരിധിയുള്ള ലഘു മെസേജായിരുന്നെങ്കിലും ഈ സാങ്കേതിക പരീക്ഷണം പിന്നീട് ലോകമൊട്ടുക്കും ആശയവിനിമയത്തിന്റെ മുഖച്ഛായ തന്നെ മാറ്റിയ സംഭവമായി. ഈ ആദ്യ സന്ദേശം അയച്ചതോടെ ആശയവിനിമയ രംഗത്ത് പുതിയ അധ്യായം തുടങ്ങിയതും തുടര്ന്ന് എസ്എംഎസ് ആഗോള നിലവാരമായി മാറുകയും ചെയ്തു. ഇന്ന് വാട്ട്സ്ആപ്പ്, ഫേസ്ബുക്ക് മെസഞ്ചര്, ഇന്സ്റ്റാഗ്രാം ഡി.എം., ഇമോജികള്, ഏകഎകള്, ഗ്രൂപ്പ് ചാറ്റുകള് തുടങ്ങി അനവധി സംവിധാനങ്ങളിലൂടെ ഓരോ സെക്കന്ഡിലും ദശലക്ഷക്കണക്കിന് സന്ദേശങ്ങള് ലോകമെമ്പാടും കൈമാറുന്നു.
സോഷ്യല് മീഡിയയില് ഇന്ന് ആദ്യ എസ്എംഎസിനെ കുറിച്ച് രസകരമായ പ്രതികരണങ്ങളും ഉയരുന്നുണ്ട്. ‘ക്രിസ്മസിന് മുന്പേ ‘മെറി ക്രിസ്മസ്’ അയച്ചത് എന്തിനു?’ എന്ന പരിഹാസത്തിനൊപ്പം, ഒരു ലളിതമായ രണ്ട് വാക്കുകളുടെ സന്ദേശം ലോകത്തെ സാങ്കേതിക പുരോഗതിയുടെ വഴി തുറന്ന മഹത്തായ നിമിഷമാണെന്ന് പലരും ഓര്മ്മിപ്പിക്കുന്നു. 33 വര്ഷം മുമ്പ് ആരംഭിച്ച ഈ ചെറുസന്ദേശത്തിന്റെ യാത്ര ഇന്ന് കോടിക്കണക്കിന് ആശയങ്ങള് കൈമാറ്റം ചെയ്യുന്ന അതിവേഗ ഡിജിറ്റല് ലോകത്തിന്റെയും അടിസ്ഥാനം തന്നെയാണെന്ന് വിദഗ്ധര് ചൂണ്ടിക്കാട്ടുന്നു
tech
ഗൂഗിള് ജെമിനി; 2025-ല് ഇന്ത്യയില് ഏറ്റവും കൂടുതല് ജനങ്ങള് തെരഞ്ഞ എ.ഐ. ടൂള്
ഗൂഗിളിന്റെ പുതിയ ‘ഇയര് ഇന് സെര്ച്ച്’ റിപ്പോര്ട്ടിലാണ് ജെമിനി ചാറ്റ് ജിപിടിയെയും പെര്പ്ലെക്സിറ്റിയെയും ഉള്പ്പെടെ നിരവധി എ.ഐ. പ്ലാറ്റ്ഫോമുകളെ മറികടന്ന് ഒന്നാം സ്ഥാനത്തെത്തിയതായി വ്യക്തമാക്കുന്നത്.
2025-ല് ഇന്ത്യയില് ഏറ്റവും കൂടുതല് ജനങ്ങള് തെരഞ്ഞ എ.ഐ. ടൂളായി ഗൂഗിളിന്റെ ജെമിനി എ.ഐ ഉയര്ന്നു. ഗൂഗിളിന്റെ പുതിയ ‘ഇയര് ഇന് സെര്ച്ച്’ റിപ്പോര്ട്ടിലാണ് ജെമിനി ചാറ്റ് ജിപിടിയെയും പെര്പ്ലെക്സിറ്റിയെയും ഉള്പ്പെടെ നിരവധി എ.ഐ. പ്ലാറ്റ്ഫോമുകളെ മറികടന്ന് ഒന്നാം സ്ഥാനത്തെത്തിയതായി വ്യക്തമാക്കുന്നത്.
ഇന്ത്യക്കാര് സര്ഗ്ഗാത്മകതക്കും ഉല്പ്പാദനക്ഷമതക്കും വേണ്ടിയുള്ള എ.ഐ. ഉപകരണങ്ങള് കൂടുതലായി അന്വേഷിക്കുകയാണ് എന്നതാണ് റിപ്പോര്ട്ട് ചൂണ്ടിക്കാണിക്കുന്നത്. ഈ വര്ഷം ഇന്ത്യയില് ഏറ്റവും കൂടുതല് ആളുകള് തിരഞ്ഞത് ഐ.പി.എല് ആയപ്പോള്, അതിന് താഴെ ജെമിനി രണ്ടാമതായി.
ഗൂഗിള് പുറത്തിറക്കിയ ഏറ്റവും ട്രെന്ഡിങ് എ.ഐ. സെര്ച്ച് പട്ടികയിലും ജെമിനി ഒന്നാംസ്ഥാനത്ത്. ‘ജെമിനി എ.ഐ ഫോട്ടോ’ രണ്ടാമതും ഗ്രോക്ക് മൂന്നാമതും ഡീപ്സീക്ക് നാലാമതും പെര്പ്ലെക്സിറ്റി അഞ്ചാമതും ഗൂഗിള് എ.ഐ സ്റ്റുഡിയോ ആറാമതുമാണ്. ചാറ്റ് ജിപിടി ഏഴാം സ്ഥാനത്തും ‘ചാറ്റ് ജിപിടി ഗിബ്ലി ആര്ട്ട്’ എട്ടാം സ്ഥാനത്തും ഫ്ലോ ഒമ്പതാം സ്ഥാനത്തും ‘ഗിബ്ലി സ്റ്റൈല് ഇമേജ് ജനറേറ്റര്’ പത്താംസ്ഥാനത്തുമാണ് സ്ഥാനം പിടിച്ചത്.
ഇന്ത്യയിലെ സമഗ്ര ട്രെന്ഡിങ്ങ് പട്ടികയിലും ജെമിനിയുമായി ബന്ധപ്പെട്ട സെര്ചുകള് തന്നെ മുന്പന്തിയില്. ‘ജെമിനി ട്രെന്ഡ്’ ഒന്നാമതും ‘ഗിബ്ലി ട്രെന്ഡ്’ രണ്ടാമതും ‘3ഡി മോഡല് ട്രെന്ഡ്’ മൂന്നാമതും ‘ജെമിനി സാരി ട്രെന്ഡ്’ നാലാമതും ‘ആക്ഷന് ഫിഗര് ട്രെന്ഡ്’ അഞ്ചാമതും ഇടം പിടിച്ചു.
എ.ഐ. ഉപകരണങ്ങള് ഇന്ത്യയിലെ നിത്യജീവിതത്തിലും സൃഷ്ടിപരവുമായ മേഖലകളിലും കൂടുതല് ചേര്ന്ന് വരുന്നതിന്റെ തെളിവാണ് ഈ റിപ്പോര്ട്ടുകള് വ്യക്തമാക്കുന്നത്.
Auto
റോയല് എന്ഫീല്ഡിന്റെ നാല് പുതിയ കരുത്തുറ്റ മോഡലുകള് ഇന്ത്യയില് എത്താന് ഒരുങ്ങുന്നു
പൂര്ണ്ണമായും പുതിയ സെഗ്മെന്റുകളെ ലക്ഷ്യംവെച്ച് അത്യാധുനിക സാങ്കേതികവിദ്യ ഉള്ക്കൊള്ളിച്ച നാലു പുതിയ മോട്ടോര്സൈക്കിളുകള് പുറത്തിറക്കുമെന്ന് കമ്പനി ഔദ്യോഗികമായി സ്ഥിരീകരിച്ചു.
അടുത്ത 12 മാസത്തിനുള്ളില് ഇന്ത്യയില് ഇതുവരെയുള്ളതില് വച്ച് ഏറ്റവും വലിയ ലോഞ്ചിംഗ് പദ്ധതിയുമായി എത്തിയിരിക്കുകയാണ് റോയല് എന്ഫീല്ഡ്. പൂര്ണ്ണമായും പുതിയ സെഗ്മെന്റുകളെ ലക്ഷ്യംവെച്ച് അത്യാധുനിക സാങ്കേതികവിദ്യ ഉള്ക്കൊള്ളിച്ച നാലു പുതിയ മോട്ടോര്സൈക്കിളുകള് പുറത്തിറക്കുമെന്ന് കമ്പനി ഔദ്യോഗികമായി സ്ഥിരീകരിച്ചു. ഇവയില് പുതുതായി വികസിപ്പിച്ച 650 സിസി മോഡലുകളും റോയല് എന്ഫീല്ഡിന്റെ ആദ്യ ഇലക്ട്രിക് മോട്ടോര്സൈക്കിളും ഉള്പ്പെടുന്നു. ബുള്ളറ്റ് 650 ബ്രാന്ഡിന്റെ ഏറ്റവും ശക്തമായ മോഡലുകളില് ഒന്നായി വിപണിയിലെത്തും.
പരമ്പരാഗത മിനിമലിസ്റ്റ് റെട്രോ ഡിസൈന് നിലനിര്ത്തിയെങ്കിലും പാരലല്ട്വിന് എന്ജിനോടാണ് ഇത് വരുന്നത്. 648 സിസി ട്വിന് എന്ജിന് 47 bhp കരുത്തും 52 Nm ടോര്ക്കും വരെ ഉത്പാദിപ്പിക്കുന്നു. ആറുസ്പീഡ് ഗിയര്ബോക്സിനോടൊപ്പം സ്ലിപ്പ്അസിസ്റ്റ് ക്ലച്ചും ലഭിക്കും. വൃത്താകാര ഹെഡ്ലാമ്പ്, പിന്സ്ട്രിപ്പ് ചേര്ത്ത ടാങ്ക്, മെറ്റല് ഫിനിഷ് തുടങ്ങിയ ഘടകങ്ങള് ക്ലാസിക് ബുള്ളറ്റ് സ്റ്റൈലിംഗിനെ നിലനിര്ത്തുന്നു. കൂടുതല് ശക്തിയുള്ള എന്ജിന് കൈകാര്യം ചെയ്യുന്നതിനായി ഫ്രെയിം ശക്തിപ്പെടുത്തിയിട്ടുണ്ട്. അടുത്ത മാസങ്ങളില് പുറത്തിറങ്ങുന്ന ഈ മോഡലിന്റെ എക്സ്ഷോറൂം വില ഏകദേശം 3.5 ലക്ഷം രൂപയായിരിക്കും. റോയല് എന്ഫീല്ഡിന്റെ 125ാം വാര്ഷികത്തോടനുബന്ധിച്ച് EICMA 2025ല് ക്ലാസിക് 650ന്റെ പ്രത്യേക എഡിഷനും അവതരിപ്പിച്ചു.
ഹൈപ്പര്ഷിഫ്റ്റ് കളര് സ്കീമില് ചുവപ്പും സ്വര്ണ്ണവും മാറിമാറി നല്കുന്ന ഈ പ്രത്യേക പതിപ്പിനും 648 സിസി ട്വിന് എന്ജിനാണ് ഹൃദയം. ക്ലാസിക് മോഡലിന്റെ പാരമ്പര്യ സൗന്ദര്യത്തിന് കൂടുതല് പ്രീമിയം ടെച്ചാണ് ഇത് നല്കുന്നത്. റോയല് എന്ഫീല്ഡിന്റെ ആദ്യ ഇലക്ട്രിക് മോട്ടോര്സൈക്കിളായ ഫ്ലൈയിംഗ് ഫ്ളീ C6 ബ്രാന്ഡിന്റെ ചരിത്രപ്രസിദ്ധമായ എയര്ബോണ് പാരാട്രൂപ്പര് ബൈക്കില് നിന്ന് പ്രചോദനം ഉള്ക്കൊണ്ടതാണ്. അലുമിനിയം ഘടകങ്ങളുള്ള അള്ട്രാലൈറ്റ് ആര്ക്കിടെക്ചറും കോംപാക്റ്റ് ബാറ്ററി കേസും ഉള്ക്കൊള്ളുന്ന ഈ മോഡല് നിയോറെട്രോ ഡിസൈനിലാണ് എത്തുന്നത്.
ഗര്ഡര്സ്റ്റൈല് ഫ്രണ്ട് സെറ്റപ്പും സുതാര്യമായ ബോഡി വര്കും ഇതിനെ റോയല് എന്ഫീല്ഡിന്റെ മറ്റു ബൈക്കുകളില് നിന്ന് വ്യത്യസ്തമാക്കുന്നു. 2026 സാമ്പത്തിക വര്ഷാവസാനത്തോടെ ഈ മോഡലിന്റെ ഉത്പാദനം ആരംഭിക്കും. ഫ്ലൈയിംഗ് ഫ്ളീ 56 ഫ്ളീ C6ന്റെ സാഹസിക പതിപ്പാണ്. സ്ക്രാംബ്ലര് ശൈലിയില് രൂപകല്പ്പന ചെയ്ത ഈ മോഡലിന് മികച്ച സസ്പെന്ഷന് സംവിധാനവും നേരായ റൈഡിംഗ് പൊസിഷനും ഇരട്ട ഉപയോഗചക്രങ്ങളും ലഭിക്കുന്നു. കൂടുതല് കരുത്തുറ്റ ഫ്രെയിമും അതിന്റെ rugged ലുക്കിനും പിന്തുണ നല്കുന്നു. 2026 അവസാനത്തോടെ ലോഞ്ച് ചെയ്യപ്പെടുന്ന ഫ്ളീ 56, C6ന്റെ അതേ ബാറ്ററി ഘടകങ്ങള് പങ്കിടും. റോയല് എന്ഫീല്ഡ് ഈ നാല് പുതിയ മോഡലുകളിലൂടെ ഇന്ത്യന് മോട്ടോര്സൈക്കിള് വിപണിയില് വലിയ മാറ്റങ്ങള് സൃഷ്ടിക്കാമെന്നാണ് പ്രതീക്ഷ.
-
kerala1 day agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala3 days ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala2 days agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india2 days agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala3 days agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
india3 days ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്
-
kerala2 days agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്