Connect with us

Culture

സുപ്രീംകോടതി ഞങ്ങളുടേതാണെന്ന് ബി.ജെ.പി മന്ത്രി

Published

on

ന്യൂഡല്‍ഹി: ഭരണഘടനാ ബെഞ്ച് മുമ്പാകെ വാദം നടന്നുകൊണ്ടിരിക്കുന്ന ബാബരി കേസില്‍ ഉത്തര്‍പ്രദേശ് മന്ത്രി നടത്തിയ പ്രകോപനപരമായ പരാമര്‍ശം ഗുരതരമാണെന്ന് സുപ്രീംകോടതി. കേസ് പരിഗണിക്കവെ അഞ്ചംഗ ഭരണഘടനാ ബെഞ്ചിന്റെ അധ്യക്ഷനായ ചീഫ് ജസ്റ്റിസ് രഞ്ജന്‍ ഗൊഗോയി ആണ് വിഷയം പരാമര്‍ശിച്ചത്. തര്‍ക്ക സ്ഥലത്തുതന്നെ രാമക്ഷേത്രം നിര്‍മ്മിക്കുമെന്നും സുപ്രീംകോടതി നമ്മുടേതാണ് എന്നുമുള്ള ഉത്തര്‍പ്രദേശ് സഹകരണ വകുപ്പ് മന്ത്രി മുകുത് ബിഹാരി വര്‍മ്മയുടെ വാക്കുകളാണ് കോടതിയെ ചൊടിപ്പിച്ചത്.
കേസില്‍ ഇരുപക്ഷത്തിനും സ്വതന്ത്രമായും ഭയരഹിതമായും വാദങ്ങള്‍ ഉന്നയിക്കാനുള്ള സാഹചര്യം വേണെന്ന് കോടതി പറഞ്ഞു. അതിന് തടസ്സം നില്‍ക്കുന്ന തരത്തിലുള്ള പരാമര്‍ശങ്ങള്‍ ആരുടെ ഭാഗത്തുനിന്നും പാടില്ല. ഉത്തര്‍പ്രദേശ് മന്ത്രി നടത്തിയ പരാമര്‍ശങ്ങള്‍ ഗുരുതരമാണ്. മേലില്‍ ഇത്തരം വാക്കുകള്‍ ആവര്‍ത്തിക്കരുതെന്നും നിരുത്തരവാദ സമീപനം ആവര്‍ത്തിച്ചാല്‍ നടപടികള്‍ സ്വീകരിക്കേണ്ടി വരുമെന്നും കോടതി താക്കീതു ചെയ്തു.
അതേസമയം കേസില്‍ മുസ്‌ലിം കക്ഷികള്‍ക്കു വേണ്ടി ഹാജരാകുന്നതില്‍ തനിക്കു നേരെ ഭീഷണിയുണ്ടെന്ന് മുതിര്‍ന്ന അഭിഭാഷകന്‍ രാജീവ് ധാവന്‍ ഇന്നലേയും കോടതിയില്‍ ആവര്‍ത്തിച്ചു. തന്റെ വാദം ഹിന്ദുക്കള്‍ക്ക് എതിരെയല്ല. തന്റെ തൊഴിലിനോടുള്ള ധാര്‍മ്മിക ഉത്തരവാദിത്തമാണ് താന്‍ നിറവേറ്റുന്നത്. സുന്നി വഖഫ് ബോര്‍ഡിനു വേണ്ടി കേസില്‍ ഹാജരാകുന്നതിന്റെ പേരില്‍ നിരന്തര ഭീഷണികളാണ് തനിക്ക് നേരിടേണ്ടി വരുന്നതെന്നും തന്റെ ക്ലാര്‍ക്കിനു പോലും കൈയേറ്റ ഭീഷണി നേരിടേണ്ടി വരുന്നുവെന്നും രാജീവ് ധവാന്‍ കൂട്ടിച്ചേര്‍ത്തു.
രാജീവ് ധവാന് ഭീഷണി സന്ദേശം അയച്ചതിന്റെ പേരില്‍ ചെന്നൈ കേന്ദ്രമായി പ്രവര്‍ത്തിക്കുന്ന വ്യവസായി എന്‍ ഷണ്‍മുഖത്തിനെതിരെ കഴിഞ്ഞ ദിവസം സുപ്രീംകോടതി കോടതിയലക്ഷ്യ നടപടിക്ക് തുടക്കം കുറിച്ചിരുന്നു. സഞ്ജയ് കലാല്‍ ബജ്‌റംഗി എന്നയാള്‍ വാട്‌സ്ആപ്പ് വഴി നിരന്തരം ഭീഷണി സന്ദേശം അയക്കുന്നുണ്ട്. കേസിലെ കക്ഷിയായ ഇഖ്ബാല്‍ അന്‍സാരിക്കു നേരേയും ഭീഷണിയുണ്ട്. അദ്ദേഹത്തിന്റെ വീട്ടിലെത്തി ഭാര്യ ഉള്‍പ്പെടെയുള്ളവരെ ദമ്പതികള്‍ എന്നവകാശപ്പെട്ട രണ്ടംഗ സംഘം കഴിഞ്ഞ ദിവസം ഭീഷണിപ്പെടുത്തിയതായും രാജീവ് ധവാന്‍ ചൂണ്ടിക്കാട്ടി. രാജ്യാന്തര തലത്തില്‍ മികവു തെളിയിച്ച ഷൂട്ടര്‍ എന്നാണ് യുവതി സ്വയം പരിചയപ്പെടുത്തിയത്.
കേസ് പിന്‍വലിച്ചില്ലെങ്കില്‍ ഗുരുതര പ്രത്യാഘാതം നേരിടേണ്ടി വരുമെന്നായിരുന്നു ഭീഷണി. ഈ സാഹചര്യത്തില്‍ സ്വതന്ത്രവും നിഷ്പക്ഷവുമായ വിചാരണ ഉറപ്പാക്കുന്നതിന് കേസിലെ കക്ഷികള്‍ക്കും അഭിഭാഷകര്‍ക്കും മതിയായ സുരക്ഷ ഒരുക്കണമെന്നും അഡ്വ. രാജീവ് ധാവന്‍ കൂട്ടിച്ചേര്‍ത്തു.

Art

ഡോക്യൂമെന്ററി പ്രദര്‍ശനം; ജാമിഅ മില്ലിയയില്‍ കസ്റ്റഡിയിലെടുത്ത വിദ്യാര്‍ഥികളെ വിട്ടയക്കാതെ പൊലീസ്

ആറു മലയാളി വിദ്യാര്‍ഥികള്‍ ഉള്‍പ്പെടെ 16 പേരെയാണ് പൊലീസ് കസ്റ്റഡിയിലെടുത്തത്

Published

on

ഡല്‍ഹി: ജാമിഅ മില്ലിയ സര്‍വകലാശാലയില്‍ ബിബിസി ഡോക്യുമെന്‍ററി പ്രദര്‍ശനത്തിന്‍റെ പേരില്‍ കസ്റ്റഡിയിലെടുത്ത വിദ്യാര്‍ഥികളെ വിട്ടയക്കാതെ പൊലീസ്.ആറു മലയാളി വിദ്യാര്‍ഥികള്‍ ഉള്‍പ്പെടെ 16 പേരെയാണ് പൊലീസ് കസ്റ്റഡിയിലെടുത്തത്. വിദ്യാര്‍ഥികളെ കാണാന്‍ എത്തിയ അഭിഭാഷകരെ പൊലീസ് തടഞ്ഞു.

കസ്റ്റഡിയിലെടുത്ത വിദ്യാര്‍ഥികള വിട്ടയക്കണമെന്ന് ആവശ്യപ്പെട്ട് വിദ്യാര്‍ഥി സംഘടനാ നേതാക്കള്‍ ഫത്തേപൂര്‍ ബെരി പൊലീസ് സ്റ്റേഷനിലെത്തിയെങ്കിലും പൊലീസ് വിട്ടയച്ചില്ല. തുടര്‍ന്നാണ് അഭിഭാഷകര്‍ എത്തിയത്. എന്നാല്‍ ഇവരെ സ്റ്റേഷന് അകത്തേക്ക് പൊലീസ് പ്രവേശിപ്പിച്ചില്ല. അഞ്ചു മണിക്കൂര്‍ അഭിഭാഷകര്‍ സ്റ്റേഷന് പുറത്ത് കാത്തുനിന്നു. വനിതാ അഭിഭാഷകരോട് പൊലീസ് മോശമായി പെരുമാറിയെന്നും സംഘടനാ നേതാക്കള്‍ പറഞ്ഞു.

Continue Reading

Art

ഡോക്യുമെന്ററി പ്രദര്‍ശനം; തടയാന്‍ പോലീസും

ബിബിസി ഡോക്യൂമെന്ററി പ്രദര്‍ശന വിലക്കില്‍ പ്രതിഷേധിച്ച് ഫ്രറ്റേണിറ്റി മൂവ്‌മെന്റ് പ്രവര്‍ത്തകര്‍ കോഴിക്കോട് ബീച്ചില്‍ സംഘടിപ്പിച്ച പ്രദര്‍ശനത്തിനിടയില്‍ പൊലീസ് ഇടപെടല്‍

Published

on

ബിബിസി ഡോക്യൂമെന്ററി പ്രദര്‍ശന വിലക്കില്‍ പ്രതിഷേധിച്ച് ഫ്രറ്റേണിറ്റി മൂവ്‌മെന്റ് പ്രവര്‍ത്തകര്‍ കോഴിക്കോട് ബീച്ചില്‍ സംഘടിപ്പിച്ച പ്രദര്‍ശനത്തിനിടയില്‍ പൊലീസ് ഇടപെടല്‍. പരിപാടിക്കിടയില്‍ പൊതുസ്ഥലത്ത് അനുവാദമില്ലാതെയാണ് ഡോക്യൂമെന്ററി പ്രദര്‍ശിപ്പിച്ചെന്നാരോപിച്ചാണ് അറസ്റ്റ്.

പ്രദര്‍ശനത്തിന് വേണ്ടി ഉപയോഗിച്ച ഉപകരണങ്ങളെല്ലാം പൊലീസ് പിടിച്ചെടുത്തു. ഇത് ചോദ്യം ചെയ്തതിനെ തുടര്‍ന്ന് പ്രവര്‍ത്തകരെ അറസ്റ്റ് ചെയ്ത് നീക്കുകയായിരുന്നു. കഴിഞ്ഞ ദിവസങ്ങളില്‍ പലയിടങ്ങളിലായി പ്രദര്‍ശനം നടത്തി. പലയിടങ്ങളിലും ഇത്തരത്തിലുള്ള സംഭവങ്ങളും ഉണ്ടായി.

എറണാകുളം ലോ കോളേജില്‍ പ്രദര്‍ശനത്തിനിടയില്‍ നാടകീയ സംഭവങ്ങളാണുണ്ടായത്. പ്രദര്‍ശനം തടയുന്നതിന്റെ ഭാഗമായി പ്രിന്‍സിപ്പലിന്റെ നിര്‍ദേശപ്രകാരം കോളേജ് ജീവനക്കാര്‍ ഫ്യൂസ് ഊരി. കലാലയങ്ങളും പൊതുഇടങ്ങളും കേന്ദ്രീകരിച്ച് ഇനിയും പ്രദര്‍ശനങ്ങള്‍ തുടരാന്‍ തന്നെയാണ് സംഘടനയുടെ തീരുമാനം. കരമനയില്‍ യൂത്ത് കോണ്‍ഗ്രസ് പ്രദര്‍ശനം സംഘടിപ്പിക്കുമെന്ന് അറിയിച്ചിട്ടുണ്ട്. മറ്റു ജില്ലകളിലും വിവധ സംഘടനയുടെ നേതൃത്വത്തില്‍ പ്രദര്‍ശനം ഉണ്ടാകും.

Continue Reading

Culture

ബഗ്ദാദി പണ്ഡിതന്‍ രിഫാഈ കുടുംബങ്ങളുമായി കൂടിക്കാഴ്ച നടത്തി

വളരെ പഴക്കം ചെന്ന ശജറയും സില്‍സിലയും നേരില്‍ കണ്ട അദ്ദേഹം സന്തോഷം പ്രകടിപ്പിച്ചു

Published

on

കോഴിക്കോട്: ബാഗ്ദാദിലെ പ്രശസ്ത മതപണ്ഡിതനും സൂഫി വര്യനുമായ സയ്യിദ് ശൈഖ് സബാഹുദ്ധീന്‍ അഹ്മദ് രിഫാഈ അല്‍ഹുസൈനി തന്റെ വംശ പരമ്പരയിലെ രിഫാഈ സയ്യിദ് കുടുംബങ്ങളുമായി കൂടിക്കാഴ്ച നടത്തി. ഹിജ്‌റ 1218 ല്‍ യമനിലെ ഹളര്‍ മൗത്തില്‍ നിന്നും കോഴിക്കോട് പാറപ്പള്ളിയിലും തുടര്‍ന്ന് പാലക്കാട് ജില്ലയിലെ പഴയ ലക്കിടിയിലും എത്തുകയും ചെയ്ത സയ്യിദ് മുഹമ്മദ് രിഫാഈ അല്‍ഹുസൈനിയുടെ ഇപ്പോഴുള്ള സന്താന പരമ്പരയാണ് കേരളത്തിലെ രിഫാഈ സയ്യിദ് കുടുംബം. ഇവരുടെ വളരെ പഴക്കം ചെന്ന ശജറയും സില്‍സിലയും നേരില്‍ കണ്ട അദ്ദേഹം വളരെ സന്തോഷം പ്രകടിപ്പിച്ചു. രിഫാഈ സയ്യിദ് വംശത്തിന്റെ ശജറയും ഉപഹാരവും അദ്ദേഹം സ്വീകരിച്ചു.

രിഫാഈ കുടുംബത്തിലെ പ്രമുഖനായ എസ്. വൈ. എസ് സംസ്ഥാന വൈസ് പ്രസിഡന്റ് സയ്യിദ് ഇമ്പിച്ചിക്കോ തങ്ങള്‍ രിഫാഈ പൊതുപ്രവര്‍ത്തകനും പ്രമുഖ വ്യവസായിയുമായ സയ്യിദ് അബ്ദുല്‍ റഷീദ് തങ്ങള്‍ രിഫാഈ പട്ടാമ്പി, സയ്യിദ് അബ്ദുറസാഖ്തങ്ങള്‍ രിഫാഈ, സയ്യിദ് അബ്ദുസലാം രിഫാഈ. സയ്യിദ് അബ്ദുള്ളക്കോയ തങ്ങള്‍ രിഫാഈ, സയ്യിദ് അബ്ദുസലാം തങ്ങള്‍ രിഫാഈ എന്നിവര്‍ അദ്ദേഹത്തെ ആദരിച്ചു.

രിഫാഈ ഖബീലയുടെ ഉപഹാരം സയ്യിദ് ഇമ്പിച്ചിക്കോയ തങ്ങള്‍ രിഫാഈയും മര്‍ഹൂം രിഫാഈ പി. പി തങ്ങള്‍ ഗ്രൂപ്പ് ഉപഹാരം സയ്യിദ് അബ്ദുറഷീദ് തങ്ങള്‍ രിഫാഈയും. രിഫാഈ ജോല്ലറി ഗ്രൂപ്പ് ഉപഹാരം സയ്യിദ് ശിഹാബുദ്ധീന്‍ തങ്ങള്‍ രിഫാഈയും നല്‍കി. സയ്യിദ് സബാഹുദ്ധീന്‍ രിഫാഈ തങ്ങളെ കുറിച്ചുള്ള അറബി കവിത സയ്യിദ് ഉബൈദ് ഫൈസി രിഫാഈ ആലപിച്ചു. സയ്യിദ് അബൂതാഹിര്‍ ലത്തീഫിരിഫാഈ. സയ്യിദ് സുഹൈല്‍ രിഫാഈ. സയ്യിദ് മഷ്ഹൂര്‍ രിഫാഈ. എന്നിവര്‍ പങ്കെടുത്തു

Continue Reading

Trending