ദുബൈ: മുൻ മുഖ്യമന്ത്രിയും മുസ്‌ലിം ലീഗ് നേതാവുമായിരുന്ന സി.എച്ച് മുഹമ്മദ് കോയ യുടെ നാൽപ്പതാം ചരമ വാർഷികത്തോടുബന്ധിച്ച് അനുസ്മരണ സമ്മേളനം 40 അമര വർഷങ്ങൾ “റിഫ്ലക്ഷൻസ് ഓൺ സി.എച്ച് – എ കോമെമ്മറേഷൻ” എന്ന പേരിൽ നവംബർആദ്യ വാരത്തിൽ ദുബൈയിൽ നടക്കുമെന്ന് സി എച്ച് ഫൗണ്ടേഷൻ പത്ര പ്രസ്താവനയിൽ അറിയിച്ചു.

സി.എച്ച് മുഹമ്മദ് കോയ തന്റെ ജീവിതത്തിലൂടെ. നൽകിയ സന്ദേശം പൊതു ജനങ്ങളിലേക്കും , പുതു തലമുറക്കും പരിചയപ്പെടുത്തുന്നതായിരിക്കും പരിപാടി . മികച്ച ഭരണാധികാരി ,രാഷ്ട്രീയ നേതാവ് ,എഴുത്തുകാരൻ,പത്ര പ്രവർത്തകൻ,വിദ്യാഭ്യാസ പരിഷ്കർത്താവ്,സാംസ്കാരിക നായകൻ തുടങ്ങിയ മേഖലകളിൽ പ്രശോഭിക്കുമ്പോഴും സാധാരണക്കാരായ തൊഴിലാളികളുയും,പ്രയാസമനുഭവിക്കുന്നവരുടെയും ശബ്ദമാമാൻ സി.എച്ചിന് കഴിഞ്ഞു.മത സൗഹാർദ്ദം വളർത്തുന്നതിനും,പ്രശ്ന ബാധിത പ്രദേശങ്ങളിൽ സമാധാനത്തിൻ്സന്ദേശവാഹകൻ ആവാനും സി.എച്ച് ന് കഴിഞ്ഞു. ഇന്നത്തെ ഇന്ത്യൻ രാഷ്ട്രീയ സാഹ ചര്യത്തിൽ സി എച്ച് നൽകിയ ജീവിത സന്ദേശം ചർച്ച ചെയ്യപ്പെടുകയും ജീവിതത്തിൽ പകർത്തുകയും ചെയ്യേണ്ടതുണ്ട് .

ചടങ്ങിൽ ഇന്ത്യയിലെയും വിദേശങ്ങളിലെയും ഭരണ നേതൃത്വത്തിൽ ഉള്ളവർ സാമൂഹ്യ,സാംസ്കാരിക,രാഷ്ട്രീയ,ബിസിനസ്സ് രംഗത്തെ പ്രമുഖർ സംബന്ധിക്കും. സിഎച്ച് മുഹമ്മദ് കോയ ഫൗണ്ടേഷൻ്റെ ആഭിമുഖ്യത്തിൽ ആണ് പരിപാടി . ഫൗണ്ടേഷൻ മുഖ്യരക്ഷാധികാരി ഡോ. എം.കെ. മുനീർ എംഎൽഎ ഭാരവാഹികളായ ഡോ.മുഹമ്മദ് മുഫ്ലിഹ്, മുഹമ്മദ് മിന്നാഹ് എന്നിവർ പങ്കെടുത്തു. സ്വാഗത സംഘം ഭാരവാഹികളായി ഡോ.മുഹമ്മദ് മുഫ്ലിഹ് (ചെയർമാൻ ),ജലീൽ മഷ്ഹൂർ തങ്ങൾ (ജനറൽ കൺവീനർ)’ ,ഫിറോസ് അബദുല്ല (ട്രഷറർ)ഷബീർ മണ്ടോളി,നാസിം പാണക്കാട് ,അബ്ദുള്ള നൂറുദ്ധിൽ,ഓകെ സലാം ,സൽമാൻ ഫാരിസ് (വൈസ് ചെയ്മാൻമാർ ),സെമീർ മഹമൂദ് മനാസ്‌,റാഷിദ്’ കിഴക്കയിൽ,ജസീൽ കായണ്ണ,ഡോക്ടർ ഫിയാസ്,കെ സി സിദ്ധീഖ് (കൺവീനർമാർ) എന്നിവരെതെരഞ്ഞെടുത്തു .
യോഗത്തിൽ ഡോ.മുഹമ്മദ് മുഫ്ലിഹ് അദ്ധ്യക്ഷത വഹിച്ചു.ഡോ. എം.കെ.മുനീർ എം.എൽ.എ ഉദ്ഘാടനം നിർവ്വഹിച്ച. മുഹമ്മദ് മിന്നാഹ്, സെമീർ മഹമൂദ്‌ മനാസ്‌ , ഡോ . ഫിയാസ് , അഷ്‌റഫ് പള്ളിക്കര , റഹീം പേട്ട , നാസിം പാണക്കാട് , റിഫിയത്ത്‌ എൻ കെ , നബീൽ നാരങ്ങോളി , .സൽമാൻ ഫാരിസ് പ്രസംഗിച്ചു.ജലീൽ മഷ്ഹൂർ തങ്ങൾ സ്വാഗതവും ,ഫിറോസ് അബ്ദുല്ല നന്ദിയും പറഞ്ഞു.

മസ്കറ്റ് : മസ്കറ്റ് കെഎംസിസി കോട്ടയം ജില്ലാ കമ്മറ്റി ഭാരവാഹികളെ തെരഞ്ഞെടുത്തു. റൂവി കെഎംസിസി ഓഫീസിൽ നടന്ന കോട്ടയം ജില്ലാ കെഎംസിസി ജനറൽ ബോഡി യോഗം മസ്കറ്റ് കെഎംസിസി ഹരിതസാന്ത്വനം കൺവീനർ മുജീബ് കടലുണ്ടി ഉൽഘാടനം ചെയ്തു.

മസ്കറ്റ് കെഎംസിസി കേന്ദ്രകമ്മറ്റി വൈസ് പ്രസിഡന്റ് ഷമീർ പാറയിൽ കാഞ്ഞിരപ്പള്ളി ആണ് മുഖ്യ രക്ഷാധികാരി. പ്രസിഡന്റായി മുഹമ്മദ് ഷാ റസാഖ് എരുമേലി, ജനറൽ സെക്രട്ടറിയായി നൈസാം ഹനീഫ് വാഴൂർ, ട്രഷററായി ഫൈസൽ മുഹമ്മദ് വൈക്കം എന്നിവരെയും തിരഞ്ഞെടുത്തു.

അൻസാരി ഖാൻ ചോറ്റി, മുഹമ്മദ് കാബൂസ് ചാമംപതാൽ (വൈസ് പ്രസിഡന്റുമാർ) അജ്മൽ കബീർ ഇടക്കുന്നം, അജ്മൽ കാരുവേലിൽ കങ്ങഴ (സെക്രട്ടറിമാർ)

മുഹമ്മ്ദ് സാലി കോട്ടയം, ഇസ്മാഈൽ കൂട്ടിക്കൽ, കെ ഐ സിയാദ് ഇടക്കുന്നം, അബ്ദുൽ ലത്തീഫ് വാഴൂർ, ഷാനവാസ് എരുമേലി, അഫ്സൽ പാലാ, റമീസ് ഈരാറ്റുപേട്ട എന്നിവരാണ് എക്സിക്യൂട്ടിവ് അംഗങ്ങൾ.

മസ്കറ്റ് കെഎംസിസി കേന്ദ്രകമ്മറ്റി വൈസ് പ്രസിഡന്റ് നവാസ് ചെങ്കള റിട്ടേർണിംഗ് ഓഫീസറായിരുന്നു.

മുസ്ലിം ലീഗ് സംസ്ഥാന സെക്രട്ടറി അഡ്വ മുഹമ്മദ് ഷാ, മുസ്ലിം ലീഗ് കോട്ടയം ജില്ലാ പ്രസിഡന്റ് അസീസ് ബഡായിൽ ജനറൽ സെക്രട്ടറി റഫീഖ് മണിമല എന്നിവർ ഓൺലൈൻ വഴി ആശംസകൾ നേർന്നു.

സലാല: പ്രവാസി മലയാളി ഒമാനിൽ മരണപ്പെട്ടു. പാലക്കാട് കൂറ്റനാട്‌ കുമരമ്പത്തൂര്‍ സ്വദേശി കള്ളിവളപ്പില്‍ അബ്ദുല്‍ കരീം (62) ആണ് ഒമാനിലെ സലാലയില്‍ പക്ഷാഘാതത്തെ തുടര്‍ന്ന് മരണപ്പെട്ടത്.

കഴിഞ്ഞ മുപ്പത് വര്‍ഷത്തോളമായി സലാലയില്‍ ജോലി ചെയ്തുവരികയായിരുന്ന അബ്ദുല്‍ കരീം സുല്‍‌ത്താന്‍ ഖാബൂസ് ആശുപത്രിയില്‍ ചികിത്സയിലായിരുന്നു. ഭാര്യ: റഹീമ .മക്കൾ: റംസീന, ഹസനത്ത്.

സലാല സുൽത്താൻ ഖാബൂസ് ആശുപത്രി മോർച്ചറിയിൽ സൂക്ഷിച്ചിരുന്ന മൃതദേഹം നടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.