സഊദി അറേബ്യയില്‍ കഴിഞ്ഞ 24 മണിക്കൂറില്‍ 315 പേര്‍ക്ക് കൂടി കോവിഡ് സ്ഥിരീകരിച്ചു. അസുഖ ബാധിതരില്‍ 349 പേര്‍ രോഗമുക്തരായി. നാലു മരണങ്ങളും പുതുതായി റിപ്പോര്‍ട്ട് ചെയ്തു.

ഇതുവരെ രോഗം സ്ഥിരീകരിച്ചവരുടെ ആകെ എണ്ണം 3,75,006 ആയി. ഇതില്‍ 3,65,006 പേര്‍ സുഖം പ്രാപിച്ചു. ആകെ മരണസംഖ്യ 6461 ആയി. 2451 പേര്‍ രാജ്യത്തെ വിവിധ ആശുപത്രികളിലും മറ്റുമായി ചികിത്സയില്‍ കഴിയുന്നു. ഇവരില്‍ 508 പേരുടെ നില ഗുരുതരമാണ്. ചികിത്സയിലുള്ള ബാക്കിയുള്ളവരുടെ ആരോഗ്യനില തൃപ്തികരമാണ്.