Video Stories

അങ്ങാടിയില്‍ തോറ്റതിന് അമ്മയോടോ ?

Published

7 years ago

August 1, 2017

ആവിഷ്‌കാര സ്വാതന്ത്ര്യത്തെക്കുറിച്ച് പുരപ്പുറത്തുകയറി പ്രസംഗിക്കുന്നവരാണ് കമ്യൂണിസ്റ്റുകള്‍. അഭിപ്രായ സ്വാതന്ത്ര്യത്തിനുള്ള വിലങ്ങ് അധികാരമില്ലാത്തവര്‍ക്കു നേരെയുള്ള ബൂര്‍ഷ്വാവര്‍ഗത്തിന്റെ ഉപകരണമാണെന്ന് കാറല്‍മാര്‍ക്‌സ് പറയുന്നു. ഏലംകുളം മനയ്ക്കല്‍ ശങ്കരന്‍ നമ്പൂതിരിപ്പാട്, സി. അച്യുതമേനോന്‍, പി.കെ വാസുദേവന്‍നായര്‍, ഇ.കെ നായനാര്‍, വി.എസ് അച്യുതാനന്ദന്‍ എന്നിവര്‍വരെയെത്തി നില്‍ക്കുന്നു കേരളത്തിലെ കമ്യൂണിസ്റ്റ് മുഖ്യമന്ത്രിമാരുടെ പൂര്‍വകാല പട്ടിക. അവരിലൂടെയൊന്നും കേരളം കാണാത്ത രീതിയാണ് നിര്‍ഭാഗ്യവശാല്‍ കേരളത്തിനിപ്പോള്‍ പിണറായി വിജയനിലൂടെ അനുഭവപ്പെടുന്നത്. തിങ്കളാഴ്ച തിരുവനന്തപുരത്ത് സി.പി.എമ്മും ബി. ജെ.പി-ആര്‍.എസ്.എസ് നേതാക്കളുമായി പിണറായി വിജയന്‍ നടത്താനിരുന്ന സമാധാനചര്‍ച്ച റിപ്പോര്‍ട്ട് ചെയ്യാനും ചിത്രങ്ങളെടുക്കാനുമായെത്തിയ മാധ്യമപ്രവര്‍ത്തകരോട് മുഖ്യമന്ത്രി നടത്തിയ പരാമര്‍ശം ഏറെ വേദനാജകം എന്നല്ലാതെ വിശേഷിപ്പിക്കാനാവില്ല. ചര്‍ച്ചക്കുമുമ്പ് മാധ്യമ പ്രവര്‍ത്തകരെ ഹോട്ടലിലെ ഹാളില്‍കണ്ട പിണറായി ഇന്നോളം ഒരു മുഖ്യമന്ത്രിയോ മന്ത്രിയോ രാഷ്ട്രീയ നേതാവോ പോലും പറയാന്‍ അറയ്ക്കുന്ന വാചകമാണ് പുറത്തെടുത്തത്. ‘കടക്ക് പുറത്ത്’ എന്നു പറഞ്ഞ് രോഷത്തോടെ ആക്രോശിക്കുന്ന പിണറായി വിജയന്റെ ഭാവവും സ്വരവും അതേ മാധ്യമ പ്രവര്‍ത്തകര്‍തന്നെ കാമറകളില്‍ ഒപ്പിയെടുത്തു. പാര്‍ട്ടി സെക്രട്ടറി കോടിയേരി ബാലകൃഷ്ണന്‍ അടുത്തുനില്‍ക്കെയാണ് പിണറായി മാധ്യമ പ്രവര്‍ത്തകരോട് ധാര്‍ഷ്ട്യപ്രകടനം നടത്തിയത്. മാധ്യമപ്രവര്‍ത്തകരോട് പുറത്തുപോകാന്‍ ‘പറഞ്ഞിരുന്നു’ എന്നു കോടിയേരിതന്നെ പിണറായിയോട് പറയുന്നതും അതിന്, ‘എന്ത് പറഞ്ഞിരുന്നു’ എന്ന് പിണറായി തട്ടിക്കയറുന്നതും കോടിയേരി ജാള്യനാകുന്നതുമൊക്കെ ദൃശ്യങ്ങളില്‍ കാണാം, കേള്‍ക്കാം. മാധ്യമ പ്രവര്‍ത്തകരെ യോഗത്തിന് ക്ഷണിച്ചിരുന്നില്ല എന്ന മുഖ്യമന്ത്രിയുടെ ഓഫീസിന്റെ ന്യായം വിചിത്രമായിരിക്കുന്നു. മുഖ്യമന്ത്രിയുടേത് ഗ്രാമ ഭാഷയാണെന്നാണ് സി.പി.ഐ നേതാവ് കാനംരാജേന്ദ്രന്‍ പറയുന്നത്. ക്ഷണിച്ചിട്ടാണ് മാധ്യമ പ്രവര്‍ത്തകര്‍ വാര്‍ത്തകളെടുക്കാന്‍ പോകുന്നതെന്നത് ജനാധിപത്യരീതിയല്ലെന്നും ആ പ്രസ്താവനക്ക് സ്വേഛാധിപത്യത്തിന്റെ സംസ്‌കൃത ഭാഷയാണെന്നും ബന്ധപ്പെട്ടവര്‍ ഓര്‍ക്കേണ്ടിയിരുന്നു. മാധ്യമ പ്രവര്‍ത്തകര്‍ക്ക് അവിടെ പ്രവേശനമില്ലെന്ന് ആരും മുന്‍കൂട്ടി അറിയിച്ചതുമില്ല. പിന്നീട് ഇക്കാര്യത്തില്‍ മിണ്ടാതിരുന്ന മുഖ്യമന്ത്രിയില്‍നിന്ന് എന്താണ് മനസ്സിലാക്കേണ്ടത്? അഥവാ ബി.ജെ.പിക്കാരും പിണറായിയും കൂടിയിരിക്കുന്ന ചിത്രം പുറത്തുവന്നാലെന്ത് കുഴപ്പമാണ് നാടിനുണ്ടാകുക? ഇതേ നാണയത്തില്‍ മാധ്യമ പ്രവര്‍ത്തകര്‍ തിരിച്ചടിച്ചിരുന്നെങ്കിലോ.? ഇത്തരമൊരു നേതാവിനെങ്ങനെയാണ് അക്രമികളായ അണികളെ നിയന്ത്രിക്കാനാവുക?
യഥാര്‍ത്ഥത്തില്‍ എന്താണിതിന് പ്രചോദനവും പ്രകോപനവും? സി.പി.എമ്മും ബി.ജെ.പിയും തമ്മില്‍ കഴിഞ്ഞയാഴ്ച തിരുവനന്തപുരത്ത് തുടര്‍ച്ചയായി ഉണ്ടായ സംഘട്ടനങ്ങളും കല്ലേറും വാഹനങ്ങള്‍ തകര്‍ക്കലും ആര്‍.എസ്.എസ് പ്രവര്‍ത്തകന്റെ വധവുമെല്ലാം മുഖ്യമന്ത്രിയെയും ആഭ്യന്തര വകുപ്പിനെയും പ്രതിക്കൂട്ടില്‍ നിര്‍ത്തിയിരുന്നു. സംസ്ഥാന ഭരണകൂടത്തിന്റെ മൂക്കിന്‍തുമ്പിലാണ് തുടര്‍ച്ചയായി നാലു ദിവസം അക്രമപ്പേക്കൂത്ത് അരങ്ങേറിയത്. ഞായറാഴ്ച മുഖ്യമന്ത്രിയെയും സംസ്ഥാനപൊലീസ് മേധാവിയെയും ഗവര്‍ണര്‍ നേരിട്ടുവിളിച്ചുവരുത്തി വിശദീകരണം തേടുകയും കേന്ദ്ര ആഭ്യന്തര മന്ത്രി രാജ്‌നാഥ്‌സിങ് പിണറായി വിജയനെ ഫോണില്‍ വിളിക്കുകയും ചെയ്തു. ഇവിടെയൊക്കെ പ്രതിരോധത്തിലായ പിണറായി ‘അങ്ങാടിയില്‍ തോറ്റതിന് അമ്മയോട്’ എന്ന രീതിയില്‍ മാധ്യമ പ്രവര്‍ത്തകരോട് തന്റെ അസ്വസ്ഥത കരഞ്ഞുതീര്‍ക്കുകയായിരുന്നു എന്ന് കരുതുന്നതാവും യുക്തി. രാജാവ് നഗ്നനാണ് എന്നുപറയാന്‍ മന്ത്രിമാരോ പ്രജകളോ തയ്യാറായെന്നുവരില്ല. സത്യം പറയുന്ന കുട്ടിയുടെ സ്ഥാനമാണ് മാധ്യമങ്ങള്‍ക്ക് സമൂഹത്തിലുള്ളത്. ജനാധിപത്യത്തില്‍ സര്‍ക്കാരിനും ജനങ്ങള്‍ക്കുമിടയിലെ കണ്ണിയാണ് മാധ്യമങ്ങള്‍. അവരിലൂടെയാണ് ജനങ്ങളും സര്‍ക്കാരും സമൂഹത്തിലെ ഓരോ ചലനവും മനസ്സിലാക്കുന്നതും തദനുസൃതമായി നിലപാടുകളും പരിപാടികളും നടപടികളും സ്വീകരിക്കാന്‍ കഴിയുന്നതും. നിര്‍ഭാഗ്യവശാല്‍ ഡൊണാള്‍ഡ് ട്രംപ് മുതല്‍ പോള്‍പോട്ട് വരെയുള്ള അധികാരികളൊന്നും ഇതൊന്നും വകവെച്ചുകൊടുക്കുന്നില്ല. പകരം കൃത്യനിര്‍വഹണത്തിനിടെ പലപ്പോഴും മാധ്യമപ്രവര്‍ത്തകര്‍ അവഹേളനങ്ങള്‍ക്കും അക്രമങ്ങള്‍ക്കും കൊലപാതകങ്ങള്‍ക്കും വരെ വിധേയരാകുന്നു. പൊതുസേവനത്തിന്റെ ഭാഗമായി മാധ്യമപ്രവര്‍ത്തകര്‍ ചെയ്യുന്ന ജോലിയെ മാനിച്ചില്ലെങ്കിലും ഭത്‌സിക്കാതിരിക്കുക എന്ന സാമാന്യനീതിയെങ്കിലും മുഖ്യമന്ത്രിയില്‍നിന്ന് ജനം പ്രതീക്ഷിക്കുന്ന ഒന്നാണ്. ഇതൊക്കെ അറിയാത്തയാളാണോ പിണറായിവിജയന്‍. ഇദ്ദേഹത്തിന്റെ പാര്‍ട്ടിയാണ് നാഴികക്ക് നാല്‍പതുവട്ടം സംഘ്പരിവാര്‍ ഫാസിസത്തെക്കുറിച്ച് പെരുമ്പറ കൊട്ടുന്നത്.
ഇടതുസര്‍ക്കാര്‍ അധികാരത്തിലേറിയ ഉടന്‍തന്നെ തന്റെ പിറന്നാളാഘോഷത്തിന്റെ ലഡുവുമായി മാധ്യമ പ്രവര്‍ത്തകര്‍ക്കിടയില്‍ പ്രത്യക്ഷപ്പെട്ട പിണറായി പഴയ വൈരാഗ്യമെല്ലാം അടക്കിവെച്ചെന്ന പ്രതീതിയാണ് അന്നുണ്ടാക്കിയത്. എന്നാല്‍ ആഴ്ചയിലെ മന്ത്രിസഭായോഗ തീരുമാനങ്ങള്‍ വിശദീകരിക്കാനുള്ള വാര്‍ത്താസമ്മേളനം വേണ്ടെന്നുവെച്ചതും മന്ത്രിസഭാ തീരുമാനങ്ങള്‍ വിവരാവകാശ നിയമമനുസരിച്ച് വെളിപ്പെടുത്താനാവില്ലെന്ന് അറിയിച്ചതും കാര്യങ്ങള്‍ ആശങ്കപ്പെട്ടതുപോലെതന്നെ എന്നുവന്നു. മാധ്യമപ്രവര്‍ത്തകരും അഭിഭാഷകരും തമ്മില്‍ വഴക്കുണ്ടായപ്പോള്‍ തല്ലാനും തല്ലുകൊള്ളാനുമായി ഹൈക്കോടതിയിലേക്ക് പോകേണ്ടെന്ന വിചിത്രമായ പരാമര്‍ശമാണ് അദ്ദേഹം നടത്തിയത്. സംസ്ഥാന സെക്രട്ടറിയായിരിക്കെ മാധ്യമ പ്രവര്‍ത്തകരെ മാധ്യമ സിന്‍ഡിക്കേറ്റ് എന്ന് വിളിച്ച് ആക്ഷേപിച്ചതും ഇതേ വിജയനായിരുന്നു. ഭരണത്തിലേറിയതു മുതല്‍ പൊലീസ് വകുപ്പുമായി ബന്ധപ്പെട്ട് വലിയ പ്രതിരോധത്തിലാണ് മുഖ്യമന്ത്രി. മാവോയിസ്റ്റുകളെ പൊലീസ് വെടിവെച്ചുകൊന്നതും തൃശൂര്‍ നെഹ്‌റു കോളജില്‍ പാര്‍ട്ടിക്കാരനായ വിദ്യാര്‍ത്ഥി ജിഷ്ണുവിന്റെ ദുരൂഹമരണവും മനുഷ്യാവകാശ പ്രവര്‍ത്തകര്‍ക്കുനേരെ യു.എ.പി.എ ചുമത്തി പൊലീസ് തുറുങ്കിലടച്ചതുമെല്ലാം ആഭ്യന്തര വകുപ്പിന്റെ വീഴ്ചയായാണ് സ്വാഭാവികമായും വിലയിരുത്തപ്പെട്ടത്. പാര്‍ട്ടി സംസ്ഥാന കമ്മിറ്റിയിലും നിയമസഭയിലും വരെ പിണറായിക്ക് തന്റെ പിഴവ് പരസ്യമായി സമ്മതിക്കേണ്ടിവന്നു. ഇടക്കാലത്ത് തന്റെ വലംകൈയായിരുന്ന കണ്ണൂര്‍ ലോബിയിലെ പ്രമുഖനായ ഇ.പി ജയരാജന് ബന്ധു നിയമനക്കേസില്‍ മന്ത്രിസഭയില്‍നിന്ന് രാജിവെച്ചുപോകേണ്ടിയുംവന്നു. കോടിയേരിയാകട്ടെ പല ഘട്ടത്തിലും മുഖ്യമന്ത്രിയെ സഹായിക്കുന്ന നിലപാട് സ്വീകരിച്ചില്ല എന്ന വിലയിരുത്തലുമുണ്ടായി. അധികാരി അമാനുഷനൊന്നുമല്ല. ഈര്‍ഷ്യയും അസ്‌ക്യതയും സ്വാഭാവികം. എന്നാല്‍ ഭരമേല്‍പിക്കപ്പെട്ട അധികാരത്തിന്റെ വജ്രായുധം വിവേകപൂര്‍വം വിനിയോഗിക്കാന്‍ കഴിയുമ്പോഴാണ് ജനാധിപത്യവും പൗരസ്വാതന്ത്ര്യവുമൊക്കെ പരിപൂര്‍ണമായി ജനത്തിന് വേദ്യമാകുക. അതല്ലെങ്കില്‍ അതീ നാടിനുതന്നെ ദുരന്തമാകും.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

1 day ago

April 23, 2024

webdesk13

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

1 day ago

April 23, 2024

webdesk13

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

3 days ago

April 22, 2024

webdesk13

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.