Video Stories

കായലില്‍ വീണ മണ്ണും മന്ത്രിയുടെ രാജിയും

Published

6 years ago

November 13, 2017

ശാരി പി.വി

കേരളത്തിലിപ്പോള്‍ കയ്യേറ്റ വിലാസം മുന്നണിയുടെ ഭരണ കാലമാണ്. എല്ലാം ശരിയാക്കുമെന്നും, ഇപ്പ ശരിയാക്കിത്തരാമെന്നുമൊക്കെ പറഞ്ഞ് അധികാരത്തിലേറിയവരിപ്പോള്‍ കായലും മലയും, പുഴയുമെല്ലാം കയ്യേറി മാതൃകാ പുരുഷന്‍മാരായി വിലസുകയാണ്. കായല്‍ കയ്യേറിയ മന്ത്രി സര്‍ക്കാറിനെ അപ്പടി വിഴുങ്ങാന്‍ പ്രാപ്തനായതിനാല്‍ അദ്ദേഹത്തെ എങ്ങനെ രക്ഷപ്പെടുത്താനാവും എന്നതിനെ കുറിച്ചാണ് ഇപ്പോള്‍ മുന്നണിയും പാര്‍ട്ടികളും മാറി മാറി ദിവസങ്ങളായി ചര്‍ച്ച ചെയ്യുന്നത്. മന്ത്രിസഭക്കു നേതൃത്വം നല്‍കുന്ന സി.പി.എം ഏതാണ്ട് കോര്‍പറേറ്റ് സ്ഥാപനമായി പരിണമിച്ചതിനാല്‍ അവരില്‍ നിന്നും ഒന്നും പ്രതീക്ഷിക്കേണ്ടതില്ല. പിന്നെ മൂന്നാം വിക്കറ്റ് വീഴ്ത്തും വീഴ്ത്തുമെന്ന് ഇടക്കിടെ വീമ്പ് പറയുമെന്നല്ലാതെ ആദര്‍ശത്തിന്റെ അപ്പോസ്തലന്‍മാരാകാന്‍ വാര്‍ത്തകളില്‍ നിറയുന്നതിനപ്പുറം സി.പി.എം കണ്ണുരുട്ടിയാല്‍ കമിഴ്ന്നടിച്ചു വീഴുമെന്നതിനാല്‍ ആദര്‍ശമൊക്കെ പ്രവര്‍ത്തിയില്‍ കൊണ്ടുവരേണ്ടതില്ലെന്നാണ് സി.പി.ഐക്കാരുടെ പക്ഷം. പക്ഷേ സി.പി.ഐ ഹാപ്പിയാണ്. തങ്ങള്‍ പറയുന്നത് കേട്ടാല്‍ മതിയെന്നാണ് പാര്‍ട്ടി പറയുന്നത്. പിന്നെ മന്ത്രിയും ശിങ്കിടികളും കായല്‍ കയ്യേറിയെന്ന് കണ്ടെത്തിയ ജില്ലാ കലക്ടറെ പുകച്ചു ചാടിക്കുക എന്നതു മാത്രമാണ് ഇനി മുന്നിലുള്ള വഴി. തോമസ് ചാണ്ടി കുട്ടനാട്ടില്‍ നടത്തിയ ഭൂമിയിടപാടുകള്‍ ഭൂപരിഷ്‌കരണ നിയമത്തിന്റെ ലക്ഷ്യം അട്ടിമറിച്ചെന്നും, ഭൂസംരക്ഷണ നിയമവും, നെല്‍വയല്‍ നിയമവും ലംഘിച്ചെന്നും ചൂണ്ടിക്കാട്ടിയ കലക്ടര്‍, അഞ്ചുവര്‍ഷം വരെ തടവും രണ്ടു ലക്ഷം രൂപ വരെ പിഴയും ലഭിക്കാവുന്ന കുറ്റം അദ്ദേഹം ചെയ്തതായും കണ്ടെത്തിയിട്ടുണ്ട്. മാര്‍ത്താണ്ഡം കായലിലെ ഭൂമി കയ്യേറ്റവും ലേക്ക് പാലസ് റിസോര്‍ട്ടിന് മുന്നിലെ നിലംനികത്തലും സ്ഥിരീകരിച്ച റിപ്പോര്‍ട്ട്, ചാണ്ടി ഡയറക്ടറായ വാട്ടര്‍ വേള്‍ഡ് ടൂറിസം കമ്പനി ആലപ്പുഴ ജില്ലയിലാകെ നടത്തിയ ഭൂമി ഇടപാട് അന്വേഷിക്കണമെന്നും ശുപാര്‍ശ ചെയ്തിരുന്നു. ശിപാര്‍ശ ശിപാര്‍ശയായി നിന്നാല്‍ മതിയെന്നും നടപടി തന്നോടു വേണ്ടെന്നുമാണ് വേണ്ടി വന്നാല്‍ ആവശ്യമുള്ളിടത്തൊക്കെ നികത്തുമെന്നു തന്നെയാണ് ചാണ്ടിയുടെ വെല്ലുവിളി. ഇടത് മുന്നണിയെന്നൊക്കെ പറയുമെങ്കിലും എല്ലാ കാര്യത്തിലും മുണ്ടുടുത്ത മോദി തന്നെയാണ് തീരുമാനമെടുക്കുക എന്നത് അരിയാഹാരം കഴിക്കുന്ന ഏതൊരാള്‍ക്കും അറിയാം. അതിനാല്‍ കായല്‍ വിഴുങ്ങിയ കാര്യത്തിലും മാറ്റമൊന്നുമില്ല. കുവൈത്ത് ചാണ്ടിയെക്കൊണ്ട് രാജിവെപ്പിക്കാന്‍ ടിയാന്‍ എന്തായാലും മിനക്കെടില്ലെന്നതും മൂന്നു തരം. ഇനിയിപ്പോള്‍ അഥവാ രാജി ഉണ്ടാവുകയാണെങ്കില്‍ ചാനലിന്റെ ഫോണ്‍ കെണിയില്‍ വീണ് മന്ത്രിസ്ഥാനം തെറിച്ച ശശീന്ദ്രനെ തന്നെ പൊക്കിക്കൊണ്ടു വരാനാണ് എന്‍.സി.പിയെന്ന ആഗോള പാര്‍ട്ടിയുടെ തീരുമാനം. കേരള രാഷ്ട്രീയത്തിന്റെ ഗതിവിധികള്‍ നിര്‍ണയിക്കാന്‍ ശേഷിയുള്ള ശക്തമായ പാര്‍ട്ടിയായതിനാലും ഇന്ത്യയിലിപ്പോള്‍ എന്‍.സി.പിയുടേതായി ഏക മന്ത്രി ഭരണത്തിലിരിക്കുന്നത് കേരളത്തിലായതിനാലും മന്ത്രി സ്ഥാനത്തു അള്ളിപ്പിടിച്ചിരുന്നേ പറ്റൂ. രാജി അനിവാര്യമെന്ന് പറയുമ്പോള്‍ ഇനി ശശീന്ദ്രനെതിരായ കേസ് എങ്ങനെയെങ്കിലും അവസാനിപ്പിച്ചു കൊണ്ടു വരണം. അതിനുള്ള കാത്തിരിപ്പാണ് ഇനി ബാക്കിയുള്ളത്. കായല്‍ അപ്പടി മണ്ണിട്ടാലും കേരളത്തില്‍ വലിയ പ്രശ്‌നമൊന്നും ഇപ്പോള്‍ സംഭവിക്കില്ല. പക്ഷേ മിനിമം കോടീശ്വരനാവണമെന്ന നിബന്ധനയുണ്ട്. കാരണം എന്തു കയ്യേറ്റം കണ്ടെത്തിയാലും ഉപദേശവും ഉപദേശത്തിന്‍മേല്‍ ഉപദേശവുമൊക്കെ ലഭിച്ച ശേഷം മാത്രമേ എന്തേലും നടപടി എടുക്കൂ. പക്ഷേ ഒരു കലക്ടര്‍ ഇതു പോലൊരു പണി പറ്റിക്കുമെന്ന് ശരിയാക്കല്‍ ടീംസും സര്‍വോപരി പാവങ്ങളുടെ പടത്തലവനായ മന്ത്രിയും കരുതിയില്ലെന്നതാണ് വാസ്തവം. വേദനിക്കുന്ന കോടീശ്വരന്‍മാരുടെ കഞ്ഞിയില്‍ ഇങ്ങനെ മണ്ണിടാന്‍ പാടുണ്ടോ എന്നാണ് എല്‍.ഡി.എഫ് ചര്‍ച്ചയില്‍ ചില അംഗങ്ങള്‍ ചോദിച്ചതത്രേ!. ഇപ്പോള്‍ രാജിവെക്കും രാജിവെക്കുമെന്ന് മുന്നണിയിലെ പാര്‍ട്ടികള്‍ നാമജപം നടത്തുമ്പോഴും രണ്ട് കൊല്ലം കഴിഞ്ഞ് കാണാമെന്നാണ് തോമസ് ചാണ്ടി അവര്‍കള്‍ മൈക്ക് കെട്ടി പറഞ്ഞിട്ടുള്ളത്. പക്ഷേ ആലപ്പുഴ ജില്ലാ കലക്ടര്‍ ടിയാനെതിരെ കൊടുത്ത റിപ്പോര്‍ട്ട് രണ്ട് കൊല്ലം പോയിട്ട് രണ്ട് ദിവസം പോലും കടിച്ചു തൂങ്ങാന്‍ സാധിക്കാത്ത രീതിയിലാണ് മേപ്പടിയാനെ കൊണ്ടെത്തിച്ചിട്ടുള്ളത്. പുറത്ത് രാജി, സി.പി.ഐ തീരുമാനം, മുഖ്യന്റെ തീരുമാനം, എന്‍.സി.പിയുടെ യമണ്ടന്‍ യോഗം എന്നൊക്കെ വിളിച്ചു പറയുമ്പോഴും മൂന്നാം വിക്കറ്റ് ഹൈക്കോടതി വിധി വരുന്നതു വരെ വീഴ്‌ത്തേണ്ടെന്നാണ് മുന്നണിയുടെ തീരുമാനം. സരിതയുടെ വ്യാജ കത്ത് അന്വേഷണ റിപ്പോര്‍ട്ടാക്കി പുറത്തു വിട്ടവര്‍ക്ക് അല്ലേല്‍ എന്ത് പ്രതിഛായ, ആകെയുള്ളത് പ്രതിയുടെ ഛായ മാത്രമാണ്. കായല്‍ വിഴുങ്ങിയയാളെ സംരക്ഷിക്കാന്‍ മുഖ്യനും കൂട്ടരും പെടാപാടു പെടുമ്പോഴാണ് മറ്റൊരു സീമന്ത പുത്രനും ഇടുക്കി എം.പിയുമായ ജോയ്‌സ് ജോര്‍ജ്ജിന്റെ കൊട്ടക്കമ്പൂരിലെ ഭൂമി കയ്യേറ്റത്തിന്റെ പട്ടയം ദേവികുളം സബ്കലക്ടര്‍ റദ്ദാക്കി. ഒന്നും രണ്ടുമല്ല 20 ഏക്കറാണ് ഇടത് എം.പി വ്യാജ പട്ടയം വഴി കൈവശം വെച്ചിരുന്നത്. പട്ടിക ജാതിക്കാര്‍ക്കു വിതരണം ചെയ്ത ഭൂമിയാണു എംപിയും കുടുംബാംഗങ്ങളും തട്ടിയെടുത്തത്. തട്ടിപ്പിനു തുടക്കം കുറിച്ചത് ജോയ്‌സ് ജോര്‍ജിന്റെ പിതാവ് പാലിയത്ത് ജോര്‍ജാണെന്നും റിപ്പോര്‍ട്ട് പറയുന്നു. പിതാവില്‍ നിന്നും പുത്രനു ലഭിച്ച പിതൃസ്വത്താണെന്നും ഇതില്‍ യാതൊരു അപാകതയുമില്ലെന്നായിരുന്നു നിയമസഭയില്‍ ഇരട്ടച്ചങ്കന്‍ പറഞ്ഞിരുന്നത്. നിലമ്പൂര്‍ എം.എല്‍.എ ജപ്പാനില്‍ മഴ പെയ്യാതിരിക്കാന്‍ വേണ്ടി പുഴയുടെ നീരൊഴുക്ക് തടയണ നിര്‍മിച്ചാണ് മാതൃകയായതെങ്കില്‍ ചാണ്ടി കായല്‍ കയ്യേറി മറ്റൊരു മാതൃകയിട്ടു. ദാണ്ടേ ഇപ്പോ എം.പി മലയും കയ്യേറി. അങ്ങനെ കായലും പുഴയും മലയുമടക്കം എല്ലാം ശരിയായി. ഇനി നാട്ടുകാരെ മാത്രമേ ശരിയാക്കാനുള്ളൂ. അതും ഒരുവിധം പലതീരുമാനങ്ങളായി നടപ്പിലാക്കിക്കൊണ്ടിരിക്കുകയാണ്.
ലാസ്റ്റ് ലീഫ്:
ഗുജറാത്തിലെ ഉനയില്‍ ദളിതരെ കെട്ടിയിട്ട് മര്‍ദ്ദിച്ച സംഭവം ചെറിയ സംഭവമെന്ന് കേന്ദ്ര മന്ത്രി രാംവിലാസ് പസ്വാന്‍. അപ്പോള്‍ വലിയ സംഭവങ്ങള്‍ ഇനിയും പ്രതീക്ഷിക്കാമെന്ന് സാരം.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

2 days ago

April 23, 2024

webdesk13

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

2 days ago

April 23, 2024

webdesk13

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

4 days ago

April 22, 2024

webdesk13

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.