Education
സംസ്ഥാനത്ത് ഈ മാസം 15 മുതല് തുടങ്ങാനിരുന്ന എല്ലാ സര്വകലാശാല പരീക്ഷകളും മാറ്റിവച്ചു
ലോക്ക്ഡൗണ് പതിനാറു വരെ നീട്ടിയ സാഹചര്യത്തിലാണ് നടപടി. പുതുക്കിയ തീയതികള് പിന്നീട് അറിയിക്കും
തിരുവനന്തപുരം: സംസ്ഥാനത്ത് ഈ മാസം 15 മുതല് തുടങ്ങാനിരുന്ന എല്ലാ സര്വകലാശാല പരീക്ഷകളും മാറ്റിവച്ചു. ലോക്ക്ഡൗണ് പതിനാറു വരെ നീട്ടിയ സാഹചര്യത്തിലാണ് നടപടി. പുതുക്കിയ തീയതികള് പിന്നീട് അറിയിക്കും.
സംസ്ഥാനത്ത് 12, 13 തീയതികളില് കര്ശന നിയന്ത്രണങ്ങളോടെയുള്ള സമ്പൂര്ണ ലോക്ക്ഡൗണ് ആയിരിക്കുമെന്ന് കോവിഡ് അവലോകന യോഗത്തില് മുഖ്യമന്ത്രി പിണറായി വിജയന് അറിയിച്ചു. കോവിഡ് വ്യാപന തോത് പ്രതീക്ഷിച്ച തോതില് കുറയാത്തതിനെ തുടര്ന്നാണ് ലോക്ക്ഡൗണ് 16 വരെ നീട്ടിയിരിക്കുന്നതെന്നും എല്ലാ പരീക്ഷകളും ജൂണ് 16 ശേഷം മാത്രമേ ആരംഭിക്കൂ എന്നും മുഖ്യമന്ത്രി പറഞ്ഞു.
അവശ്യ വസ്തുക്കള് വില്ക്കുന്ന സ്ഥാപനങ്ങള്, വ്യവസായത്തിനാവശ്യമായ അസംസ്കൃത വസ്തുക്കള് (പാക്കേജിങ് ഉള്പ്പെടെ), നിര്മ്മാണ സാമഗ്രികള് വില്ക്കുന്ന സ്ഥാപനങ്ങള് തുടങ്ങിയവയ്ക്ക് ജൂണ് 16 വരെ പ്രവര്ത്തനാനുമതി നല്കും. ബാങ്കുകള് നിലവിലുള്ളതുപോലെ തിങ്കള്, ബുധന്, വെള്ളി ദിവസങ്ങളില് പ്രവര്ത്തിക്കും.
സ്റ്റേഷനറി, ജ്വല്ലറി, പാദരക്ഷകളുടെ ഷോറൂം, തുണിക്കടകള്, ഒപ്റ്റിക്കല്സ് തുടങ്ങിയ കടകള്ക്ക് ജൂണ് 11ന് ഒരു ദിവസം മാത്രം രാവിലെ 7 മണിമുതല് വൈകീട്ട് 7 വരെ പ്രവര്ത്തനാനുമതി നല്കും.
സര്ക്കാര്, അര്ദ്ധ സര്ക്കാര് സ്ഥാപനങ്ങള്, പൊതുമേഖലാ സ്ഥാപനങ്ങള്, കോര്പറേഷനുകള്, കമ്മീനുകള് തുടങ്ങിയവ ജൂണ് 17 മുതല് 50 ശതമാനം ഉദ്യോഗസ്ഥരെ ഉള്പ്പെടുത്തി പ്രവര്ത്തനം ആരംഭിക്കും.
സ്വകാര്യ ആശുപത്രികള്ക്ക് വാക്സിനേഷന് പ്രവര്ത്തനങ്ങള്ക്ക് വേണ്ട സഹായം നല്കും. അതാത് ജില്ലകളിലെ സ്വകാര്യ ആശുപത്രികളെ വാക്സിനേഷന് പ്രവര്ത്തനങ്ങളില് ഉപയോഗപ്പെടുത്താന് മുഖ്യമന്ത്രി നിദ്ദേശിച്ചു.
വാഹന ഷോറൂമുകള് മെയിന്റനന്സ് വര്ക്കുകള്ക്ക് മാത്രം ജൂണ് 11ന് തുറക്കാവുന്നതാണ്. മറ്റ് പ്രവര്ത്തനങ്ങളും വില്പനയും അനുവദിക്കില്ല.
Education
പരീക്ഷയില് പിന്നാക്കം നില്ക്കുന്ന വിദ്യാര്ത്ഥികള്ക്ക് പ്രത്യേക പഠനപിന്തുണ നല്കാന് നിര്ദേശം
പരീക്ഷയില് 30 ശതമാനത്തില് താഴെ മാര്ക്ക് നേടിയ കുട്ടികള്ക്ക് പ്രത്യേക പഠനസഹായം നല്കണമെന്നും ഇതിനായി സ്കൂളുകള് ആക്ഷന് പ്ലാന് തയ്യാറാക്കാനുമാണ് നിര്ദേശം.
തിരുവനന്തപുരം: പാദവാര്ഷിക പരീക്ഷകള്ക്കു ശേഷം സ്കൂളുകള് വീണ്ടും തുറന്ന സാഹചര്യത്തില്, പഠനത്തില് പിന്നോക്കം നില്ക്കുന്ന കുട്ടികള്ക്ക് പ്രത്യേക പിന്തുണ നല്കാന് പൊതുവിദ്യാഭ്യാസ വകുപ്പിന്റെ നിര്ദേശം. പരീക്ഷയില് 30 ശതമാനത്തില് താഴെ മാര്ക്ക് നേടിയ കുട്ടികള്ക്ക് പ്രത്യേക പഠനസഹായം നല്കണമെന്നും ഇതിനായി സ്കൂളുകള് ആക്ഷന് പ്ലാന് തയ്യാറാക്കാനുമാണ് നിര്ദേശം.
ഈ മാസം 9-നകം മൂല്യനിര്ണയം പൂര്ത്തിയാക്കി ഉത്തരക്കടലാസുകള് വിദ്യാര്ത്ഥികള്ക്ക് വിതരണം ചെയ്യണം. ഇതിനുശേഷം സെപ്റ്റംബര് 10നും 20നും ഇടയില് ക്ലാസ് പി.ടി.എ യോഗങ്ങള് വിളിച്ചുചേര്ക്കണം. സബ്ജക്ട് കൗണ്സില്, സ്കൂള് റിസോഴ്സ് ഗ്രൂപ്പ് എന്നിവയുടെ നേതൃത്വത്തില് അധിക പഠനപിന്തുണ നല്കുന്നതിനുള്ള കാര്യങ്ങള് ആലോചിച്ച് ആക്ഷന് പ്ലാന് തയ്യാറാക്കണം. താഴ്ന്ന ഗ്രേഡുകളിലുള്ള കുട്ടികളുടെ നിലവാരം മനസ്സിലാക്കി ഡയറ്റ്, എസ്.എസ്.കെ, വിദ്യാഭ്യാസ ഓഫീസര്മാര് തുടങ്ങിയവര് സ്കൂളുകളില് നേരിട്ടെത്തി പഠനപിന്തുണ നല്കണം. ഈ പ്രവര്ത്തനങ്ങളുടെ സമഗ്ര റിപ്പോര്ട്ട് എസ്.എസ്.കെ പൊതുവിദ്യാഭ്യാസ ഡയറക്ടര്ക്ക് നല്കണം.
എ.ഇ.ഒ, ഡി.ഇ.ഒ. എന്നിവര് തങ്ങളുടെ റിപ്പോര്ട്ടുകള് സെപ്റ്റംബര് 25നകം ഡി.ഡി.ഇ.മാര്ക്ക് കൈമാറണം. ഡി.ഡി.ഇ.മാര് ഈ റിപ്പോര്ട്ടുകള് ക്രോഡീകരിച്ച് സെപ്റ്റംബര് 30നകം പൊതുവിദ്യാഭ്യാസ ഡയറക്ടര്ക്ക് നല്കണം. നിരന്തര മൂല്യനിര്ണയം കുട്ടികളുടെ കഴിവുകള്ക്കനുസരിച്ച് മാത്രമാണ് നല്കുന്നതെന്ന് ഉറപ്പുവരുത്തണമെന്നും നിര്ദേശിച്ചിട്ടുണ്ട്. കൂടാതെ, എല്ലാ അധ്യാപകര്ക്കും കോണ്ഫിഡന്ഷ്യല് റിപ്പോര്ട്ട് (സി.ആര്.) രേഖപ്പെടുത്തുന്ന കാര്യം പരിഗണനയിലാണെന്ന് വിദ്യാഭ്യാസ മന്ത്രി ശിവന്കുട്ടി പറഞ്ഞു. അധ്യാപക സംഘടനകളുമായി ഇത് ചര്ച്ച ചെയ്യും. നിലവില് പ്രധാനാധ്യാപകര്ക്ക് മാത്രമാണ് സി.ആര്. ബാധകമാക്കിയിട്ടുള്ളത്.
Education
യു.ജി.സി നെറ്റ് 2025 പരീക്ഷ ഫലം ഉടന് പ്രസിദ്ധീകരിക്കും
നാഷനല് ടെസ്റ്റിങ് ഏജന്സി (എന്.ടി.എ) 2025 ജൂണില് നടത്തിയ യു.ജി.സി നെറ്റ് പരീക്ഷാഫലം ഉടന് പ്രസിദ്ധീകരിക്കും.
നാഷനല് ടെസ്റ്റിങ് ഏജന്സി (എന്.ടി.എ) 2025 ജൂണില് നടത്തിയ യു.ജി.സി നെറ്റ് പരീക്ഷാഫലം ഉടന് പ്രസിദ്ധീകരിക്കും. പരീക്ഷ നടത്തി 33 മുതല് 42 ദിവസത്തിനകം ഫലം പ്രസിദ്ധീകരിക്കുന്ന രീതിയിലായിരുന്നു കഴിഞ്ഞ വര്ഷം. ഇത് കണക്കിലെടുത്താല് ഈ വര്ഷം ആഗസ്റ്റ് ഒന്നിനോ ആഗസ്റ്റ് 10നോ യു.ജി.സി നെറ്റ് ഫലം പുറത്തുവരുമെന്നാണ് ലഭിക്കുന്ന സൂചന. ഈ പറഞ്ഞ തീയതികള്ക്കകം ഉറപ്പായും യു.ജി.സി നെറ്റ് പരീക്ഷ ഫലം അറിയാന് സാധിക്കും. പരീക്ഷ എഴുതിയവര്ക്ക് ugcnet.nta.ac.in എന്ന വെബ്സൈറ്റില് കയറി പരിശോധിക്കാവുന്നതാണ്.
ഫലം എങ്ങനെ പരിശോധിക്കാം?
സൈറ്റില് കയറി യു.ജി.സി നെറ്റ് റിസല്റ്റ് 2025 എന്ന ലിങ്കില് ക്ലിക്ക് ചെയ്യുക. അതിനു ശേഷം ലോഗിന് വിവരങ്ങള് നല്കുക. അപ്പോള് ഫലം സ്ക്രീനില് കാണാന് സാധിക്കും. പിന്നീട് മാര്ക്ക് ഷീറ്റിന്റെ പി.ഡി.എഫ് ഡൗണ്ലോഡ് ചെയ്ത് എടുക്കാം.
Education
തപാല് മാര്ഗം നിര്ത്തലാക്കും; പിഎസ്സി നിയമന ശിപാര്ശ പൂര്ണമായും ഡിജിറ്റല് സംവിധാനത്തിലേക്ക്
ഇന്നലെ ചേര്ന്ന യോഗത്തിലാണ് തീരുമാനം.
പിഎസ്സി നിയമന ശിപാര്ശ പൂര്ണമായും ഡിജിറ്റല് സംവിധാനത്തിലേക്ക് മാറുന്നു. കേരള പബ്ലിക് സര്വീസ് കമ്മീഷന്റെ നിയമന ശിപാര്ശ ചെയ്യപ്പെട്ട ഉദ്യോഗാര്ഥികള്ക്ക് കാലതാമസം കൂടാതെ അഡ്വൈസ് മെമ്മോ ലഭിക്കുന്നു എന്ന് ഉറപ്പ് വരുത്തുന്നതിനും അഡൈ്വസ് മെമ്മോ കൂടുതല് സുരക്ഷിതമാക്കുന്നതിനുമായാണ് നടപടി. ഇന്നലെ ചേര്ന്ന യോഗത്തിലാണ് തീരുമാനം.
ഡിജിറ്റല് സംവിധാനത്തിലേക്ക് മാറുന്നതോടെ തപാല് മാര്ഗം അയക്കുന്ന രീതി നിര്ത്തലാക്കും. ജൂലൈ 1 മുതല് എല്ലാ നിയമന ശിപാര്ശകളും ഉദ്യോഗാര്ഥികളുടെ പ്രൊഫൈലില് ലഭ്യമാക്കും. ക്യൂആര് കോഡ് ഉള്പ്പെടുത്തി സുരക്ഷിതമായ നിയമന ശിപാര്ശകളാണ് പ്രൊഫൈലില് ലഭിക്കുക.
-
GULF12 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം
-
Video Stories24 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു