Connect with us

Views

ഭീതിയുടെ കനലൊടുങ്ങാതെ വാഗിപര ഗ്രാമം

Published

on

അഹമ്മദാബാദ്: ഗുജറാത്തിലെ പത്താന്‍ ജില്ലയിലുള്ള വാഗിപര ഗ്രാമവാസികളുടെ മുഖത്ത് ഭീതിയുടെ നിഴല്‍പ്പാടുകള്‍ ഇനിയും മാഞ്ഞിട്ടില്ല. അപ്രതീക്ഷിതമായുണ്ടായ വര്‍ഗീയ സംഘര്‍ഷത്തില്‍ നാടു മുഴുവന്‍ കലാപഭൂമിയായി മാറിയപ്പോള്‍ നിസ്സഹായരായി നോക്കിനില്‍ക്കാനും നിലവിളിക്കാനും മാത്രമേ പലര്‍ക്കും കഴിഞ്ഞുള്ളൂ. കൊലവിളികളുമായി അക്രമികള്‍ സംഹാര താണ്ഡവമാടിയപ്പോള്‍ കാര്യക്ഷമമായി പ്രവര്‍ത്തിക്കുന്നതിലും സുരക്ഷ ഒരുക്കുന്നതിലും പൊലീസ് പോലും പരാജയപ്പെട്ടു.

വാഗിപര സ്വദേശിയായ അംസാദ് ബെലിം ശനിയാഴ്ച പണിയിടത്തില്‍നിന്നും ഉച്ചയൂണിന് വീട്ടിലെത്തുമ്പോള്‍ അസ്വസ്ഥതയുടെ ചെറിയ സൂചനകളുണ്ടായിരുന്നു. എങ്കിലും വലിയൊരു സംഘര്‍ഷത്തിലേക്ക് അത് വഴിമാറുമെന്ന് നിനച്ചില്ല. തൊട്ടു മുമ്പത്തെ ദിവസം സമീപ പ്രദേശങ്ങളായ വാഗിപരയിലേയും സന്‍സാറിലേയും വിദ്യാര്‍ത്ഥികള്‍ തമ്മില്‍ സ്‌കൂളില്‍ ചെറിയ സംഘര്‍ഷമുണ്ടായിരുന്നു. വാക്കുതര്‍ക്കത്തിനിടെ താക്കൂര്‍ സമുദായത്തില്‍പെട്ട പെണ്‍കുട്ടിയെ മറ്റൊരു വിദ്യാര്‍ത്ഥി പിടിച്ചു തള്ളിയതാണ് പ്രശ്‌നങ്ങളുടെ തുടക്കമെന്നാണ് താക്കൂര്‍ വിഭാഗക്കാര്‍ പൊലീസില്‍ നല്‍കിയ പരാതിയില്‍ പറയുന്നത്.
ക്യാമ്പസില്‍ മാത്രം ഒതുങ്ങുമായിരുന്നെങ്കിലും വിദ്യാര്‍ത്ഥികള്‍ തന്നെ രണ്ടു ചേരിയായി തിരിഞ്ഞ് സംഘര്‍ഷത്തിലേക്ക് നീങ്ങി. സ്‌കൂള്‍ വിട്ട് എല്ലാവരും വീട്ടിലേക്ക് പോയതോടെ പ്രശ്‌നങ്ങള്‍ അവസാനിച്ചെങ്കിലും അടുത്ത ദിവസം ന്യൂനപക്ഷങ്ങള്‍ തിങ്ങിപ്പാര്‍ക്കുന്ന വാഗിപര ഗ്രാമത്തിലെത്തി താക്കൂര്‍ വിഭാഗത്തില്‍പെട്ട യുവാക്കള്‍ ആക്രമണം അഴിച്ചുവിടുകയായിരുന്നു.
സഹോദരന്‍ ഇമ്രാനൊപ്പം ഭക്ഷണം കഴിക്കാന്‍ വീട്ടിലെത്തുമ്പോള്‍ സമീപ ഗ്രാമമായ സന്‍സാറില്‍നിന്നുള്ള ചെറിയൊരു സംഘം വാഗിപര ലക്ഷ്യം വെച്ച് നീങ്ങുന്നത് കണ്ടതായി അംസാദ് പറഞ്ഞു. ”എല്ലാ മുസ്്‌ലിംകളേയും കൊന്നൊടുക്കുമെന്ന ഭീഷണിയുമായിട്ടായിരുന്നു മാര്‍ച്ച്. എന്നാല്‍ വാഗിപരയിലെ പ്രായംചെന്ന ആളുകള്‍ അവരെ സമാധാനിപ്പിച്ച് തിരിച്ചയച്ചു. വടന്‍വാലിക്കു സമീപം 1500ലധികം മുസ്്‌ലിം കുടുംബങ്ങള്‍ തിങ്ങിത്താമസിക്കുന്ന കോളനിയാണ് വാഗിപര. തിരിച്ചുപോയ സംഘം അര മണിക്കൂറിനകം വീണ്ടും വാഗിപരയിലെത്തി. കൈയില്‍ വടിയും മൂര്‍ച്ചയേറിയ ആയുധങ്ങളുമായിട്ടായിരുന്നു വരവ്. 10-15 പേരടങ്ങുന്ന സംഘമാണ് ആദ്യം വന്നത്. ഇവര്‍ക്കു പിന്നാലെ നൂറിലധികം പേര്‍ വേറെയും എത്തി.
തന്റെ പിതാവ് ഉള്‍പ്പെടെയുള്ളവര്‍ ഇവരെ തിരിച്ചയക്കാന്‍ വീണ്ടും ശ്രമിച്ചെങ്കിലും സംഘം ആക്രമണം അഴിച്ചുവിട്ടു. മധ്യസ്ഥതക്കു ശ്രമിച്ച പലര്‍ക്കും ഗുരുതരമായി പരിക്കേറ്റു- അംസാദ് പറഞ്ഞു.
”അഞ്ചോ-ആറോ പേരടങ്ങുന്ന പൊലീസ് സംഘം എത്തിയതോടെ അക്രമികള്‍ പിന്തിരിഞ്ഞോടി. ഇതോടെ പൊലീസും സ്ഥലം വിട്ടു. എന്നാല്‍ അര മണിക്കൂറിനകം മൂന്നാം തവണയും അക്രമികള്‍ വാഗിപരയിലെത്തി. സന്‍സാറില്‍നിന്നുള്ള 5000ത്തോളം വരുന്ന സംഘമായിരുന്നു ഇത്തവണ വന്നത്. സംഘര്‍ഷം മുന്നില്‍ കണ്ട ഗ്രാമവാസികള്‍ സ്ത്രീകളും കുട്ടികളും ഉള്‍പ്പെടെയുള്ളവരെ സമീപത്തെ പള്ളിയിലേക്ക് മാറ്റി. പത്തോ പതിനഞ്ചോ പുരുഷന്മാര്‍ മാത്രം വീടുകള്‍ക്കും വളര്‍ത്തു മൃഗങ്ങള്‍ക്കും കാവലൊരുക്കാന്‍ കോളനിയില്‍ തങ്ങി. വാഗിപരയിലെത്തിയ അക്രമികള്‍ വാഹനങ്ങളും വീടുകളും തീയിട്ടും കണ്ണില്‍ കണ്ടവരെയെല്ലാം ആക്രമിച്ചും കലാപം സൃഷ്ടിച്ചു.
അക്രമികള്‍ എത്തുമ്പോള്‍ താനും ഇമ്രാനും പിതാവിനൊപ്പം അദ്ദേഹത്തിന്റെ സഹോദരന്റെ വീട്ടിലായിരുന്നു. അടുത്ത ബന്ധുവും വീട്ടിലുണ്ടായിരുന്നു. ഏതാനും നേരത്തെ സംഘര്‍ഷത്തിനു ശേഷം അക്രമികള്‍ പോയെന്നു തോന്നിയപ്പോള്‍ പിതാവ് വാതില്‍ തുറന്നു പുറത്തിറങ്ങി. തൊട്ടു പിന്നാലെ വെടിയൊച്ച മുഴങ്ങി. കൂട്ട നിലവിളികളും. പുറത്തെത്തിയപ്പോള്‍ പിതാവ് വെടിയേറ്റു കിടക്കുന്നതാണ് കണ്ടത്.
ഗുരുതരമായി പരിക്കേറ്റ പിതാവ് ഇബ്രാഹിംഖാന്‍ ലാല്‍ക്കന്‍ ബെലിം (45) സംഭവ സ്ഥലത്തുതന്നെ കൊല്ലപ്പെട്ടു. അക്രമികളെ കണ്ടതോടെ വീണ്ടും വീടിനകത്ത് കയറി കതക് പൂട്ടി. ബലം പ്രയോഗിച്ച് കതക് പൊളിക്കാന്‍ അക്രമികള്‍ ശ്രമിച്ചെങ്കിലും പൊലീസ് എത്തിയതോടെ ഇവര്‍ പിന്തിരിഞ്ഞോടി. ഇല്ലെങ്കില്‍ തങ്ങളേയും അവര്‍ കൊല്ലുമായിരുന്നു”- അംസാദ് പറഞ്ഞു.
25ലധികം വാഹനങ്ങളാണ് അക്രമികള്‍ അഗ്നിക്കിരയാക്കിയത്. നിരവധി വീടുകള്‍ക്കും തീവെച്ചു. വിലപിടിപ്പുള്ള സാധനങ്ങളും കാലികളേയും ഭക്ഷ്യധാന്യവും വരെ കലാപകാരികള്‍ കൊള്ളയടിച്ചതായും പ്രദേശവാസികള്‍ പറയുന്നു. സംഘര്‍ഷവുമായി ബന്ധപ്പെട്ട് ഇതുവരേയും ആരെയും അറസ്റ്റു ചെയ്തിട്ടില്ലെന്ന് പൊലീസ് പറഞ്ഞു.
ഇരു വിഭാഗവും നല്‍കിയ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത് അന്വേഷണം ആരംഭിച്ചതായി പൊലീസ് വ്യക്തമാക്കി.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

ചിറക് യൂത്ത് ക്ലബ്ബ് കർമപഥത്തിലേക്ക്

കലാ കായിക സാമൂഹിക സാംസ്കാരിക ആരോഗ്യ വിദ്യാഭ്യാസ മേഖലകളിൽ ചെറുപ്പക്കാരുടെ പൊതു വേദിയാണ് ചിറക് യൂത്ത് ക്ലബ്ബ്.

Published

on

മുസ്‌ലിം യൂത്ത് ലീഗ് മലപ്പുറം ജില്ലാ കമ്മിറ്റിയുടെ കർമ പദ്ധതിയുടെ ഭാഗമായി രൂപം കൊണ്ട ചിറക് യൂത്ത് ക്ലബ്ബ് കർമപഥത്തിലേക്ക്. കലാ കായിക സാമൂഹിക സാംസ്കാരിക ആരോഗ്യ വിദ്യാഭ്യാസ മേഖലകളിൽ ചെറുപ്പക്കാരുടെ പൊതു വേദിയാണ് ചിറക് യൂത്ത് ക്ലബ്ബ്.

മത രാഷ്ട്രീയ ജാതി ചിന്താഗതികൾക്കതീതമായിട്ടായിരിക്കും ഇതിൻ്റെ പ്രവർത്തനം. കലാ കായിക രംഗത്തെ ചെറുപ്പക്കാരുടെ അഭിരുചിയെ പ്രോത്സാഹിപ്പിക്കുക, മനുഷ്യൻ്റെ ആരോഗ്യ സംരക്ഷണത്തിന് ഊന്നൽ നൽകിക്കൊണ്ടുള്ള പ്രവർത്തനം, ലഹരിക്കെതിരായിട്ടുള്ള പ്രതിരോധം എന്നിവ ക്ലബ്ബിൻ്റെ പ്രധാന ലക്ഷ്യങ്ങളാണ്.

പുലർച്ചെ 5 മണിക്ക് ഉണരുക, വ്യായാമം ചെയ്യുക, വയോജന യുവജന കൂട്ടായ്മ, റീഡിങ് ക്ലസ്റ്റർ, യൂത്ത് ഫെസ്റ്റിവൽ എന്നിവയും പ്രധാന അജണ്ടകളായിരിക്കും.
ഫുട്ബാൾ താരം അനസ് എടതൊടിക ചെയർമാനായി ജില്ലാ തലത്തിൽ പ്രത്യേക സമിതി ചിറക് യൂത്ത് ക്ലബ്ബിന് വേണ്ടി പ്രവർത്തനം ആരംഭിച്ചു. ക്ലബ്ബിൻ്റെ പ്രവർത്തനങ്ങൾക്ക് മേൽനോട്ടം വഹിക്കുന്നതിന് വേണ്ടി നിയോജക മണ്ഡലം, മുൻസിപ്പൽ, പഞ്ചായത്ത് തലങ്ങളിൽ യൂത്ത് ഓർഗനൈസർമാർ ചുമതലയേറ്റെടുത്തു.

പതിനാറ് നിയോജക മണ്ഡലം യൂത്ത് ഓർഗനൈസർമാരും നൂറ്റിയാറ് പഞ്ചായത്ത്, മുൻസിപ്പൽ ഓർഗനൈസർമാരും ഇതിനോടകം പ്രവർത്തനമാരംഭിച്ചിട്ടുണ്ട്. ജില്ലയിലുടനീളം ഇത് വരെയായി 109 ചിറക് യൂത്ത് ക്ലബ്ബുകൾ നിലവിൽ വരികയും ചെയ്തു. ജൂലൈയിൽ യൂത്ത് ക്ലബ്ബിൻ്റെ ജില്ലാതല ലോഞ്ചിങ് മലപ്പുറത്ത് നടക്കും. ഇതിന് മുന്നോടിയായി യൂത്ത് ഓർഗനൈസർമാർ, ക്ലബ്ബ് ഭാരവാഹികൾ എന്നിവർക്കായി രണ്ട് മേഖലകളിലായി പ്രത്യേക വർക്ക് ഷോപ്പ് സംഘടിപ്പിക്കും.

ചിറക് യൂത്ത് ക്ലബ്ബിൻ്റെ ലോഗോ പ്രകാശനം ക്ലബ്ബ് ബ്രാൻ്റ് അംബാസിഡർ ഒളിമ്പ്യൻ കെ.ടി ഇർഫാനും ചെയർമാൻ അനസ് എടതൊടികയും ചേർന്ന് നിർവ്വഹിച്ചു. മുസ്‌ലിം യൂത്ത് ലീഗ് ജില്ലാ പ്രസിഡണ്ട് ശരീഫ് കുറ്റൂർ അധ്യക്ഷത വഹിച്ചു. ജനറൽ സെക്രട്ടറി മുസ്തഫ അബ്ദുൽ ലത്തീഫ് സ്വാഗതം പറഞ്ഞു. യൂത്ത് ക്ലബ്ബ് ജില്ലാ ജനറൽ കൺവീനർ ശരീഫ് വടക്കയിൽ പദ്ധതി വിശദീകരിച്ചു. യൂത്ത് ലീഗ് ജില്ലാ ഭാരവാഹികളായ ബാവ വിസപ്പടി, എൻ.കെ അഫ്സൽ റഹ്മാൻ, കെ.എം അലി, യൂസഫ് വല്ലാഞ്ചിറ, ഡോ. സക്കീർ ഹുസൈൻ, സമീർ ബിൻസി, കെ.വി മുഹമ്മദ് അഷ്റഫ്, പി.കെ മൻസൂർ, കെ.പി ആഷിഫ്, പി.എ അബ്ദുൽ ഹയ്യ്, ഡോ. കെ യാസിർ, ഡോ. മുഹമ്മദലി പള്ളിയാലിയിൽ എന്നിവർ പ്രസംഗിച്ചു. ചിറക് യൂത്ത് ക്ലബ്ബ് നിയോജക മണ്ഡലം കോഡിനേറ്റർമാരായ ബാസിത്ത് മോങ്ങം, സി. ജൈസൽ, ഹനീഫ പറപ്പൂർ, ഹംസത്തലി ചെനങ്ങര, ജാഫർ കരുവാരക്കുണ്ട്, റഫീഖ് ആയക്കോടൻ, ജാസർ പുന്നതല തുടങ്ങിയവർ ചടങ്ങിൽ സംബന്ധിച്ചു.

Continue Reading

kerala

സംസ്ഥാനത്ത് സ്വര്‍ണവില കുറഞ്ഞു

ഒരു പവന്‍ സ്വര്‍ണത്തിന്റെ വില 52,720 രൂപയായി.

Published

on

സംസ്ഥാനത്ത് സ്വര്‍ണവില കുറഞ്ഞു. പവന് 200 രൂപയാണ് കുറഞ്ഞത്. ഒരു പവന്‍ സ്വര്‍ണത്തിന്റെ വില 52,720 രൂപയായി. ഗ്രാമിന് 25 രൂപയാണ് കുറഞ്ഞത്. 6590 രൂപയാണ് ഒരു ഗ്രാം സ്വര്‍ണത്തിന്റെ വില.

കഴിഞ്ഞ മാസം 20ന് 55,120 രൂപയായി ഉയര്‍ന്ന് സ്വര്‍ണവില പുതിയ ഉയരം കുറിച്ചിരുന്നു. തുടര്‍ന്ന് നാലുദിവസത്തിനിടെ പവന് രണ്ടായിരം രൂപ കുറഞ്ഞ ശേഷം ഏറിയും കുറഞ്ഞും നിന്ന സ്വര്‍ണവില കഴിഞ്ഞയാഴ്ച വീണ്ടും 54,000 കടന്ന് മുന്നേറിയിരുന്നു. പിന്നീട് ഒറ്റയടിക്ക് 1500 രൂപ കുറഞ്ഞ് 52,500 നിലവാരത്തിലേക്ക് എത്തിയ സ്വര്‍ണവില ഇപ്പോള്‍ 53,000ല്‍ താഴെയാണ്.

ഓഹരി വിപണിയിലെയും അന്താരാഷ്ട്ര വിപണിയിലെയും ചലനങ്ങളാണ് സ്വര്‍ണവിലയില്‍ പ്രതിഫലിക്കുന്നത്.

Continue Reading

kerala

മുസ്‌ലിം ലീഗ് രാജ്യസഭാ സ്ഥാനാര്‍ഥി ഹാരിസ് ബീരാന്‍ ജിഫ്രി മുത്തുക്കോയ തങ്ങളെ സന്ദര്‍ശിച്ചു

സുപ്രഭാതത്തിന്റെ കോഴിക്കോട് ഓഫീസിലെത്തിയാണ് ഹാരിസ് ബീരാന്‍ ജിഫ്രി മുത്തുക്കോയ തങ്ങളെ സന്ദര്‍ശിച്ചത്.

Published

on

മുസ്‌ലിം ലീഗ് രാജ്യസഭാ സ്ഥാനാര്‍ഥി അഡ്വ. ഹാരിസ് ബീരാന്‍ സമസ്ത അധ്യക്ഷന്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങളെ സന്ദര്‍ശിച്ചു. സുപ്രഭാതത്തിന്റെ കോഴിക്കോട് ഓഫീസിലെത്തിയാണ് ഹാരിസ് ബീരാന്‍ ജിഫ്രി മുത്തുക്കോയ തങ്ങളെ സന്ദര്‍ശിച്ചത്.

നവാസ് പൂനൂര്‍, കോഴിക്കോട് ജില്ലാ സെക്രട്ടറി വി.കെ ഹുസ്സൈന്‍ കുട്ടി, എം.എസ്.എഫ് ദേശീയ പ്രസിഡന്റ് കെ. അഹമ്മദ് സാജു, എന്‍.സി അബൂബക്കര്‍, നസീം പുളിക്കല്‍, ആഷിഖ് ചെലവൂര്‍, ഡല്‍ഹി കെ.എം.സി.സി അംഗങ്ങളായ ഗഫൂര്‍, ഖാലിദ് തുടങ്ങിയവര്‍ ചടങ്ങില്‍ സംബന്ധിച്ചു. മുസ്‌ലിം ലീഗ് രാജ്യസഭയിലേക്ക് യു.ഡി.എഫ് സ്ഥാനാര്‍ഥിയായി അഡ്വ. ഹാരിസ് ബീരാനെ പ്രഖ്യാപിച്ചതിന് പിന്നാലെയാണ് അദ്ദേഹം സന്ദര്‍ശനം നടത്തിയത്.

തിങ്കളാഴ്ചയായിരുന്നു സുപ്രീം കോടതി അഭിഭാഷകനും ഡല്‍ഹി കെഎംസിസി പ്രസിഡന്റുമായ അഡ്വ, ഹാരിസ് ബീരാനെ മുസ്‌ലിം ലീഗിന്റെ രാജ്യസഭാ സ്ഥാനാര്‍ഥിയായി പ്രഖ്യാപിച്ചത്. തിരുവനന്തപുരത്തു നടന്ന മുസ്‌ലിം ലീഗ് നേതൃയോഗത്തിലാണ് ഹാരിസ് ബീരാനെ സ്ഥാനാര്‍ഥിയായി തിരഞ്ഞെടുത്തത്.

പൗരത്വ നിയമഭേദഗതി ഉള്‍പ്പടെയുള്ള ലീഗിന്റെ മുഴുവന്‍ കേസുകളും ഡല്‍ഹി കേന്ദ്രീകരിച്ചു സുപ്രിം കോടതിയില്‍ ഏകോപിപ്പിക്കുന്നത് ഹാരിസ് ബീരാനാണ്. പ്രവാസി വോട്ട് അവകാശം സംബന്ധിച്ചുള്ള കേസ്, ഹിജാബ് കേസ്, ഹാദിയ കേസ്, അബ്ദുല്‍ നാസര്‍ മഅദനിയുടെ കേസുകള്‍, ജേര്‍ണലിസ്റ്റ് സിദ്ധിഖ് കാപ്പന്റെ കേസ് തുടങ്ങിയ കേസുകള്‍ സുപ്രിം കോടയില്‍ വാദിച്ച് ശ്രദ്ധനേടിയിട്ടുണ്ട് ഹാരിസ് ബീരാന്‍.

 

Continue Reading

Trending