സംസ്ഥാനത്ത് സ്വര്ണവിലയില് വന് വര്ധന. ഗ്രാമിന് 195 രൂപ കൂടി 9,295 രൂപയും പവന് 1,560 രൂപ കൂടി 74, 360 രൂപയുമാണ് ഇന്നത്തെ വില. ഇതോടെ സ്വര്ണവില സര്വകാല റെക്കോഡിലെത്തി. ഇക്കഴിഞ്ഞ ഏപ്രിലില് ഉയര്ന്ന നിരക്കായ 74,320 രൂപയില് സ്വര്ണവില എത്തിയിരുന്നു. ഈ റെക്കോഡാണ് ഇന്ന് തകര്ന്നത്. പശ്ചിമേഷ്യയില് ഇറാന് ഇസ്രായേല് സംഘര്ഷം രൂക്ഷമായ സാഹചര്യത്തിലാണ് വില കുതിച്ചുയര്ന്നത്.
തുടര്ച്ചയായ മൂന്ന് ദിവസം വില കുറഞ്ഞ ശേഷമാണ് ഇപ്പോള് മൂന്ന് ദിവസം തുടരെ വില വര്ധിച്ചത്. മൂന്ന് ദിവസംകൊണ്ട് 2800 രൂപയുടെ വര്ധനയാണ് വന്നത്. 18 കാരറ്റ് സ്വര്ണത്തിന് ഗ്രാമിന് 160 രൂപ കൂടി 7625 രൂപക്കും വെള്ളി ഗ്രാമിന് 155 രൂപക്കുമാണ് (വിലയില് മാറ്റമില്ല) വില്പ്പന നടക്കുന്നത്. അന്താരാഷ്ട്ര വിപണിയില് ഔണ്സിന് 3,438 ഡോളറാണ് സ്വര്ണവില.