Connect with us

main stories

ചൈന വിടൂ, ഇന്ത്യയിലേക്ക് പോകൂ; കമ്പനികളോട് ജപ്പാന്‍- 1,615 കോടിയുടെ ഇളവുകള്‍ പ്രഖ്യാപിച്ചു

നിലവില്‍ ഉത്പാദനത്തിനായി ജപ്പാനീസ് കമ്പനികള്‍ ചൈനയെ ആണ് വലിയ തോതില്‍ ആശ്രയിക്കുന്നത്.

Published

on

ടോക്യോ: ചൈനയില്‍ നിന്ന് ഇന്ത്യയിലേക്കോ ബംഗ്ലാദേശിലേക്കോ ഉത്പാദന യൂണിറ്റുകള്‍ മാറ്റുന്ന കമ്പനികള്‍ക്ക് ഉത്തേജന പാക്കേജ് പ്രഖ്യാപിച്ച ചൈന. 23.5 ബില്യണ്‍ യെന്‍ (1615 കോടി ഇന്ത്യന്‍ രൂപ)യുടെ പാക്കേജാണ് കമ്പനികള്‍ക്കായി പ്രഖ്യാപിച്ചത്. മെഡിക്കല്‍, ഇലക്ട്രോണിക് ഉപകരണങ്ങള്‍ക്ക് ഏതെങ്കിലും മേഖലയെ അമിതമായി ആശ്രയിക്കുന്നത് ഇല്ലാതാക്കുകയാണ് പദ്ധതിയുടെ ല്ക്ഷ്യമെന്ന് വാര്‍ത്ത റിപ്പോര്‍ട്ട് ചെയ്ത നിക്കി ഏഷ്യന്‍ റിവ്യൂ റിപ്പോര്‍ട്ട് ചെയ്യുന്നു.

ചൈനയില്‍ നിന്ന് പിന്മാറാനുള്ള നീക്കത്തിന് പിന്നാലെ, ആസിയാന്‍-ജപ്പാന്‍ വിതരണ ശൃംഖലയുടെ പുനഃസ്ഥാപനവുമായി ബന്ധപ്പെട്ടുള്ള പദ്ധതികള്‍ വ്യാഴാഴ്ച ആരംഭിച്ചിട്ടുണ്ട്. ഇന്ത്യയും ബംഗ്ലാദേശുമായുള്ള വിതരണ ശൃംഖല പുനഃസ്ഥാപിക്കാന്‍ ജപ്പാന്‍ ആഗ്രഹിക്കുന്നുവെന്നാണ് അറിയിച്ചിരിക്കുന്നത്. സാധാരണ സാഹചര്യങ്ങളില്‍ ജപ്പാന്റെ ഏറ്റവും വലിയ വ്യാപാര പങ്കാളിയാണ് ചൈന. എന്നാല്‍ ഫെബ്രുവരി മുതലുള്ള കണക്കുകള്‍ പ്രകാരം ചൈനയില്‍ നിന്നുള്ള ഇറക്കുമതി പകുതിയോളം കുറഞ്ഞിട്ടുണ്ട്.

നിലവില്‍ ഉത്പാദനത്തിനായി ജപ്പാനീസ് കമ്പനികള്‍ ചൈനയെ ആണ് വലിയ തോതില്‍ ആശ്രയിക്കുന്നത്. കോവിഡ് മഹാമാരിക്കിടെ ഈ വിതരണ ശംഖലയ്ക്ക് തടസ്സം നേരിട്ടിരുന്നു. ഇത് പരിഹരിക്കുക കൂടി പദ്ധതിയുടെ ലക്ഷ്യമാണ്.

main stories

ഗോള്‍വല തീര്‍ത്ത് നെതര്‍ലാന്‍ഡ് ; അമേരിക്കയെ തോല്‍പ്പിച്ച് ക്വാര്‍ട്ടര്‍ ഫൈനലില്‍

പത്താം മിനിറ്റില്‍ മെംഫിസ് ഡിപെയുടെ ഗോളിലൂടെ നെതര്‍ലന്‍ഡ്സാണ് ആദ്യം മുന്നിലെത്തിയത്.

Published

on

ഖത്തര്‍ ലോകകപ്പില്‍ ക്വാര്‍ട്ടര്‍ ഫൈനലില്‍ ഇടം നേടുന്ന ആദ്യ ടീമായി നെതര്‍ലന്‍സ്. ഇന്ന് നടന്ന ‘റൗണ്ട് 16’ പോരാട്ടത്തില്‍ യുഎസ്എയെ 3-1 നാണ് നെതര്‍ലന്‍ഡ്സ് തകര്‍ത്തത്.പത്താം മിനിറ്റില്‍ മെംഫിസ് ഡിപെയുടെ ഗോളിലൂടെ നെതര്‍ലന്‍ഡ്സാണ് ആദ്യം മുന്നിലെത്തിയത്.

ആദ്യ പകുതിയുടെ ഇഞ്ചുറി ടൈമില്‍ ഡാലി ബ്ലിന്‍ഡ് ലീഡ് രണ്ടാക്കി. എന്നാല്‍ 76-ാം മിനിറ്റില്‍ ഹജി റൈറ്റ് നേടിയ ഗോളിലൂടെ യുഎസ്എ തിരിച്ചുവരവിന് ശ്രമിച്ചെങ്കിലും, 81-ാം മിനിറ്റില്‍ ഡെന്‍സില്‍ ഡംഫ്രൈസ് നേടിയ ഗോളിലൂടെ നെതര്‍ലന്‍ഡ്സ് മത്സരത്തിലെ ആധിപത്യം ഉറപ്പിക്കുകയായിരുന്നു.

മത്സരത്തിലുടനീളം നിരവധി ഗോളവസരങ്ങള്‍ സൃഷ്ടിച്ച് അക്രമണ ഫുട്ബോള്‍ കളിച്ചെങ്കിലും, ഫിനിഷിംഗിലെ പോരായ്മയാണ് യുഎസ്എയ്ക്ക് തിരിച്ചടിയായത്. പുലര്‍ച്ചെ 12.30 ന് നടക്കുന്ന അര്‍ജന്റീന-ഓസ്ട്രേലിയ മത്സരത്തിലെ വിജയികളാകും ക്വാര്‍ട്ടര്‍ ഫൈനലില്‍ നെതര്‍ലന്‍ഡ്സിന്റെ എതിരാളികള്‍.

 

Continue Reading

kerala

പ്രതീക്ഷയുടെ ഫ്രീകിക്ക്; ജുവാന്റോയുടെ മുറിയാത്ത കാല്‍ചലനങ്ങള്‍

തന്റെ പരിമിതികളെ സര്‍ഗാത്മകത കൊണ്ടു മറികടന്ന് പ്രതീക്ഷയുടെ പുതിയ ലോകം തീര്‍ത്തയാളാണ് ജുവാന്റോ.

Published

on

ദോഹ ദവാര്‍

കഴിഞ്ഞ ദിവസം ദോഹ കോര്‍ണിഷ് തീരത്ത് സന്ദര്‍ശകര്‍ക്കായുള്ള ഇരിപ്പിടത്തിലിരുന്ന് ബെഞ്ചില്‍ വെച്ചിരുന്ന രിഹ്ല പന്ത് ഒരു കാലില്‍ നിന്ന് മറുകാലിലേക്ക് മാറ്റുകയായിരുന്നു ഇടതു കൈ ഇല്ലാത്ത, പാതിമുറിഞ്ഞ ഒരുവലതുകൈ മാത്രമുള്ള ആ യുവാവ് ആദ്യം. ഇടക്കെപ്പോഴോ ആകാശത്തേക്ക് കണ്ണുംനട്ട് കിടന്നുകഴിഞ്ഞിട്ടുണ്ടാവും. ഇരുകാലുകള്‍ക്കിടയിലൂടെ പന്ത് പെട്ടെന്ന് കറങ്ങിക്കൊണ്ടിരുന്നു.

ഇടക്ക് രണ്ട് കാലിലും പിടിച്ച് ചുഴറ്റി തന്റെ വലതുകാലിലെ ഷൂവിനടയിലേക്ക് പന്തെത്തിയതെങ്ങിനെയെന്ന് നാം അത്ഭൂതംപൂണ്ടിരിക്കവെ പന്ത് ആ ഷൂവിനടിയില്‍ വീഴാതെ കറങ്ങിക്കൊണ്ടേയിരിക്കും, മനോഹരമായ ഒരു ദൃശ്യാനുഭവം നാം കണ്ടുകഴിയും. ചുറ്റുമുള്ള ആള്‍ക്കൂട്ടം നിറകൈയ്യടിയോടെ അത് ഏറ്റുവാങ്ങും. ഫ്രീസ്‌റ്റൈല്‍ ഫുട്‌ബോളില്‍ ഇന്ദ്രജാലം തീര്‍ക്കുന്നയാള്‍ ജുവാന്റോ അഗ്വിലോ. ഖത്തറില്‍ ലോകകപ്പിന് അതിഥിയായി എത്തിയതാണ് ലോകത്തിലെ അറിയപ്പെടുന്ന മോട്ടിവേഷണല്‍ സ്പീക്കറായ ഈ ചെറുപ്പക്കാരന്‍.

അംഗപരിമിതരോ ശാരീരിക പ്രയാസമുള്ളവരോ അരികുചേര്‍ന്ന് നടക്കേണ്ടവരല്ലെന്ന് ഖത്തറിലെ തെരുവുകളിലൂടെ പ്രഖ്യാപിക്കുകയാണ് ജുവാന്റോ. ആ യുവാവിന്റെ പ്രകടനം പലപ്പോഴും ആള്‍ക്കൂട്ടം അയാള്‍ക്ക് ചുറ്റിലും ശ്വാസമടക്കി നിന്നാണ് കാണുന്നത്. തന്റെ പരിമിതികളെ സര്‍ഗാത്മകത കൊണ്ടു മറികടന്ന് പ്രതീക്ഷയുടെ പുതിയ ലോകം തീര്‍ത്തയാളാണ് ജുവാന്റോ. ചിലിയാണ് സ്വദേശം. പിന്നീട് ബ്രസീലിലേക്കും അമേരിക്കയിലേക്കും താമസം മാറ്റി. ചിലിയിലെ ഏറ്റവും മികച്ച പരസ്യ ഏജന്‍സിയുടെ കലാസംവിധായകനായി പ്രവര്‍ത്തിച്ച അനുഭവസമ്പത്തുണ്ട്. 2013 ലെ ചിലി ഫ്രീസ്‌റ്റൈല്‍ ഫുട്‌ബോള്‍ ദേശീയ ചാമ്പ്യനായി.

അഡിഡാസ് അംബാസഡറായും പ്രവര്‍ത്തിച്ചു. പതിവു ലോകകപ്പുകളില്‍ നിന്ന് വ്യത്യസ്തമായി അംഗപരിമിതര്‍ക്കും പ്രത്യേക പരിഗണന ആവശ്യമുള്ളവര്‍ക്കും ഏറെ മുന്‍ഗണന നല്‍കുന്ന ഖത്തര്‍ ലോകകപ്പ് ഉദ്ഘാടന ചടങ്ങില്‍ അതിന്റെ ഒരു വിളംബരം തന്നെ നടത്തിയെന്ന് ജുവാന്റോ. ഇന്ത്യയില്‍ നിന്നുള്‍പ്പെടെ പല രാജ്യങ്ങളില്‍ നിന്നും നൂറുകണക്കിന് അംഗപരിമിതരാണ് ലോകകപ്പിന്റെ ഇരുപത്തിരണ്ടാം പതിപ്പിന് സാക്ഷിയാവാനെത്തിയത്. തങ്ങളുടെ ഭൂമിയും ആകാശവും മറ്റുമനുഷ്യരുടേതിനൊപ്പമാണെന്ന് തെളിയിച്ച് വ്യത്യസ്തമായ ലോകകപ്പ് അനുഭവം പകര്‍ന്ന ഖത്തറിന് ജുവാന്റോ അഗ്വിലോ ഹൃദയംചേര്‍ത്ത് സ്പാനിഷില്‍ നന്ദി പറയുന്നു: ഗ്രാസീയാസ് ഖത്തര്‍; നന്ദി ഖത്തര്‍.

Continue Reading

kerala

യാത്രാ ധൂര്‍ത്തിന്റെ ചുരുളഴിയുമ്പോള്‍-എഡിറ്റോറിയല്‍

മുഖ്യമന്ത്രി പിണറായി വിജയന്‍ ഒക്‌ടോബര്‍ മാസത്തില്‍ നടത്തിയ യൂറോപ്യന്‍ പര്യടനത്തിന്റെ ചിലവുമായി ബന്ധപ്പെട്ട കണക്കുകള്‍ പുറത്തുവരുമ്പോള്‍ വിദേശ യാത്രാ ധൂര്‍ത്തിന്റെ ചുരുളുകള്‍ ഒന്നൊന്നായി അഴിയുകയാണ്.

Published

on

മുഖ്യമന്ത്രി പിണറായി വിജയന്‍ ഒക്‌ടോബര്‍ മാസത്തില്‍ നടത്തിയ യൂറോപ്യന്‍ പര്യടനത്തിന്റെ ചിലവുമായി ബന്ധപ്പെട്ട കണക്കുകള്‍ പുറത്തുവരുമ്പോള്‍ വിദേശ യാത്രാ ധൂര്‍ത്തിന്റെ ചുരുളുകള്‍ ഒന്നൊന്നായി അഴിയുകയാണ്. 43.14 ലക്ഷം രൂപയാണ് അദ്ദേഹത്തിന്റെ ലണ്ടന്‍ സന്ദര്‍ശനത്തിന് മാത്രം ചിലവായിരിക്കുന്നതെന്നാണ് വിവരാവകാശ നിയമപ്രകാരം ലഭിച്ച കണക്കുകള്‍ വ്യക്തമാക്കുന്നത്. യാത്രകള്‍ക്ക് 22.38 ലക്ഷം, ഹോട്ടല്‍ താമസത്തിന് 18.54 ലക്ഷം, വിമാനത്താവള ലോഞ്ച് ഫീസ് 2.21 ലക്ഷം എന്നിങ്ങനെയാണ് ചിലവ്. ലണ്ടന്‍ ഹൈകമ്മീഷന്‍ ചിലവഴിച്ച തുക പിന്നീട് സംസ്ഥാനം നല്‍കുകയാണുണ്ടായത്. വിമാന യാത്രാ കൂലി ഇതില്‍ ഉള്‍പ്പെടുത്തിയിട്ടില്ല. കേരളം രൂക്ഷമായ സാമ്പത്തിക പ്രതിസന്ധിയില്‍ ഉഴലുന്ന ഘട്ടത്തില്‍ മുഖ്യമന്ത്രിയും മന്ത്രിമാരും നടത്തിയ യൂറോപ്യന്‍ യാത്ര വന്‍വിവാദങ്ങള്‍ക്ക് വഴിവെച്ചിരുന്നതാണ്. യാത്ര സുതാര്യമല്ലെന്നും സര്‍ക്കാര്‍ ചിലവില്‍ കുടുംബത്തെ ഒപ്പംകൊണ്ടുപോകുന്നത് അംഗീകരിക്കാനാവില്ലെന്നും പ്രതിപക്ഷം ആ ഘട്ടത്തില്‍ തന്നെ നിലപാടെടുത്തു. യാത്ര ഔദ്യോഗികമായി അറിയിച്ചില്ലെന്ന നിലപാടാണ് ഗവര്‍ണറും സ്വീകരിച്ചിരുന്നത്. എന്നാല്‍ സംസ്ഥാനത്തിന്റെ സര്‍വതോന്മുഖമായ പുരോഗതിക്ക് വേണ്ടിയാണ് വിദേശ പര്യടനമെന്നും യാത്രയുടെ നേട്ടങ്ങള്‍ മടങ്ങിയെത്തുമ്പോള്‍ പ്രതിപക്ഷത്തിന് ബോധ്യമാകുമെന്നുമായിരുന്നു മുഖ്യമന്ത്രിയുടെ മറുപടി. കുടുംബത്തെ കൊണ്ടുപോകുന്നത് സ്വന്തം ചിലവിലാണെന്നുമായിരുന്നു വിശദീകരണം. കണക്കുകള്‍ ഒന്നൊന്നായി പുറത്തുവരുമ്പോള്‍ അന്ന് പ്രതിപക്ഷം പങ്കുവെച്ച ആശങ്കകള്‍ അസ്ഥാനത്തായിരുന്നില്ലെന്നും ധൂര്‍ത്തിന്റെ പര്യായമായ യാത്രക്കുവേണ്ടി ലക്ഷങ്ങളാണ് പൊടിപൊടിക്കപ്പെട്ടതെന്നും ഇപ്പോള്‍ തെളിയിക്കപ്പെടുകയാണ്. യാത്രയുടെ നേട്ടങ്ങള്‍ മുഖ്യമന്ത്രി വിശദീകരിക്കുമ്പോള്‍ എത്ര മനോഹരമായ നടക്കാത്ത സ്വപ്‌നങ്ങള്‍ എന്നാണ് ഓരോ മലയാളിയും ആത്മഗതം ചെയ്തത്. മുമ്പ് അദ്ദേഹം നടത്തിയ വിദേശ യാത്രകളുടെ അനന്തരഫലങ്ങളെ കുറിച്ച് നല്ല ഓര്‍മയുള്ളതുകൊണ്ടാണ് ജനങ്ങള്‍ അത്തരത്തില്‍ ഈ യാത്രയേയും നോക്കിക്കണ്ടത്.

സംസ്ഥാനം കടുത്ത സാമ്പത്തിക പ്രതിസന്ധിയിലൂടെയാണ് കടന്നുപോകുന്നതെന്ന് നിരന്തരം പറഞ്ഞുകൊണ്ടിരിക്കുന്നത് ധനമന്ത്രി കെ.എന്‍ വേണുഗോപാല്‍ തന്നെയാണ്. ശമ്പളവും പെന്‍ഷനും നല്‍കാന്‍ വേണ്ടി മാത്രം മാസാമാസം കടമെടുത്തുകൊണ്ടിരിക്കുകയാണ്. കേന്ദ്രം വായ്പാ പരിധി ഉയര്‍ത്താത്ത പക്ഷം ഇനി കടമെടുക്കാന്‍ പോലും കഴിയാത്ത സാഹചര്യമാണുള്ളത്. കെ.എസ്.ആര്‍.ടി.സി ഉള്‍പ്പെടെയുള്ള സര്‍ക്കാറിനു കീഴില്‍ തന്നെയുള്ള ബോര്‍ഡുകളിലും കോര്‍പറേഷനുകളിലും ശമ്പളം മുടങ്ങല്‍ പതിവു സംഭവമാണ്. തൊഴിലാളികളുടെ ദീനരോദനങ്ങള്‍ സമൂഹ മാധ്യമങ്ങളും മറ്റും നിറഞ്ഞുനില്‍ക്കുന്നു. സാമൂഹ്യ സുരക്ഷാ പെന്‍ഷന്‍ വിതരണവും താളംതെറ്റിയിരിക്കുകയാണ്. ഈ പ്രതിസന്ധികള്‍ മറികടക്കാനെന്നപേരില്‍ സര്‍ക്കാര്‍ ചെയ്ത്കൂട്ടുന്നതാവട്ടേ മുഴുവന്‍ ഭാരവും ജനങ്ങളുടെ തലയില്‍ കെട്ടിവെക്കുകയെന്നതാണ്. വിലക്കയറ്റം തടയാന്‍ പൊതു വിതരണ സംവിധാനം ഉപയോഗപ്പെടുത്തി അവശ്യ വസ്തുക്കള്‍ മിതമായ വിലയില്‍ ജനങ്ങളിലെത്തിക്കുന്നതിനു പകരം ഉല്‍പന്നങ്ങള്‍ക്ക് സര്‍ക്കാര്‍ തന്നെ വിലവര്‍ധിപ്പിച്ച് വിലക്കയറ്റത്തിന് ആക്കം കൂട്ടുകയാണ് ചെയ്തത്. പാല്‍ വില വര്‍ധന ഇതിന്റെ ഏറ്റവും ഒടുവിലത്തെ ഉദാഹരണമാണ്.

സാമ്പത്തിക പ്രതിസന്ധി പരിഹരിക്കാനുള്ള ഏറ്റവും പ്രധാനപ്പെട്ട നടപടി ചിലവു ചുരുക്കുക എന്നതാണ്. എന്നാല്‍ സര്‍ക്കാറിന് ഈ വഴിക്ക് ചിന്തിക്കാനേ സാധിക്കുന്നില്ല. കാരണം ഇക്കാര്യത്തില്‍ ആദ്യം മുണ്ടുമുറുക്കി മാതൃക കാണിക്കേണ്ടത് മുഖ്യമന്ത്രിയും മന്ത്രിമാരുമാണ്. ആര്‍ഭാഢത്തില്‍ മുങ്ങിക്കിടക്കുന്ന അവര്‍ക്ക് എങ്ങിനെ അതിനു സാധിക്കും. യാത്രകളുടെയും വാഹനങ്ങളുടെയും മറ്റുള്ള സൗകര്യങ്ങളുടെയും പേരില്‍ ഈ സര്‍ക്കാര്‍ നടത്തിക്കൊണ്ടിരിക്കുന്ന ദുര്‍വ്യയത്തിന് കൈയ്യും കണക്കുമുണ്ടോ. തുടര്‍ ഭരണം എന്നത് നാടുമുടിക്കാനുള്ള അവസരമായിട്ടാണോ പിണറായി സര്‍ക്കാര്‍ കാണുന്നതെന്നത് ന്യായമായ ചോദ്യമായി മാറുകയാണ്. ഖാദിബോര്‍ഡ് ചെയര്‍മാന് ബുള്ളറ്റ് പ്രൂഫ് കാര്‍ വാങ്ങാന്‍ 35 ലക്ഷം രൂപ അനുവദിക്കാന്‍ ധനവകുപ്പിന് യാതൊരു സങ്കോചവുമുണ്ടായിട്ടില്ല. ഇതിനെല്ലാം നിരത്തുന്ന ന്യായീകരണങ്ങളാകട്ടേ ജനങ്ങളുടെ മാനസിക നിലവാരത്തെ തന്നെ വെല്ലുവിളിക്കുന്ന തരത്തിലുള്ളതാണ്. ബുള്ളറ്റ് പ്രൂഫ് കാര്‍ താന്‍ ആവശ്യപ്പെടാതെ തന്നെ സര്‍ക്കാര്‍ തന്നതാണെന്നായിരുന്നു പി. ജയരാജന്റെ വിശദീകരണം. ഈ രീതിയിലാണ് മുന്നോട്ടു പോക്കെങ്കില്‍ ഇടതു സര്‍ക്കാര്‍ കാലാവധി പൂര്‍ത്തീകരിക്കുമ്പോഴേക്കും ഈ നാടിന്റെ അവസ്ഥ എന്തായിരിക്കുമെന്നത് അചിന്തനീയമാണ്. എന്നാല്‍ സര്‍ക്കാറിന്റെ എല്ലാ വഴിവിട്ട നീക്കങ്ങളും ജനങ്ങളിലെത്തുകയും അവര്‍ അത് തിരിച്ചറിയുകയും ചെയ്യുന്നുണ്ട്. സംസ്ഥാനത്തുണ്ടായിക്കൊണ്ടിരിക്കുന്ന വിധിയെയുത്തുകള്‍ ഇത് കൃത്യമായി അടയാളപ്പെടുത്തിക്കൊണ്ടിരിക്കുകയാണ്.

Continue Reading

Trending