News
കര്ഷക പ്രക്ഷോഭങ്ങള്ക്ക് മുന്നില് തകര്ന്നടിഞ്ഞ് ജിയോ; നേട്ടം കൊയ്ത് എയര്ടെല്
നാലു വര്ഷത്തിനിടെ ഇത് ആദ്യമായാണ് എയര്ടെല് മുന്നിലെത്തുന്നത്
രാജ്യത്തെ ടെലികോം വിപണിയില് മല്സരം ശക്തമാകുകയാണ്. ടെലികോം റെഗുലേറ്റര് അതോറിറ്റി ഓഫ് ഇന്ത്യ പുറത്തുവിട്ട കണക്കുകള് പ്രകാരം പുതിയ വരിക്കാരെ സ്വന്തമാക്കുന്നതില് ജിയോയെ പിന്നിലാക്കി എയര്ടെല് മുന്നിലെത്തി. സെപ്റ്റംബറിലെ വരിക്കാരുടെ എണ്ണത്തിലാണ് എയര്ടെല് മുന്നിലെത്തിയത്. നാലു വര്ഷത്തിനിടെ ഇത് ആദ്യമായാണ് എയര്ടെല് മുന്നിലെത്തുന്നത്.
മൊത്തം വരിക്കാരുടെ എണ്ണത്തില് ജിയോ തന്നെയാണ് മുന്നിലെങ്കിലും സെപ്റ്റംബറില് പുതിയ വരിക്കാരെ സ്വന്തമാക്കുന്നതില് എയര്ടെല് മുന്നേറ്റം നടത്തുകയായിരുന്നു. സെപ്റ്റംബറില് ഭാരതി എയര്ടെല് 38 ലക്ഷത്തിലധികം പുതിയ വരിക്കാരെ സ്വന്തമാക്കിയപ്പോള് ജിയോ നേടിയത് 15 ലക്ഷത്തിലേറെ വരിക്കാരെയാണ്.
അതേസമയം, വോഡഫോണ് ഐഡിയക്ക് 35 ലക്ഷം വരിക്കാരെ നഷ്ടപ്പെടുകയും ചെയ്തു. സെപ്റ്റംബറില് ബ്രോഡ്ബാന്ഡ് വരിക്കാരുടെ എണ്ണവും വര്ധിച്ചു 95 ലക്ഷത്തിലെത്തി. ഭാരതി എയര്ടെല്ലിന് 70 ലക്ഷത്തിലധികം വരിക്കാരും റിലയന്സ് ജിയോക്ക് 17 ലക്ഷത്തിലധികം ബ്രോഡ്ബാന്ഡ് വരിക്കാരുമുണ്ട്. സെപ്റ്റംബറിലെ കണക്കുകള് പ്രകാരം ജിയോക്ക് 40.6 കോടി വരിക്കാരുണ്ട്. എയര്ടെലിന് 29.4 കോടിയും വോഡഫോണ് ഐഡിയക്ക് 27.2 കോടി വരിക്കാരുമുണ്ട്.
വരും മാസങ്ങളിലെ കണക്കുകളും ജിയോയ്ക്ക് ദോഷമായി ബാധിക്കുമെന്നാണ് വിലയിരുത്തല്. കുത്തക കമ്പനിയായ റിലയന്സിന്റെ ജിയോ കണക്ഷനുകള് ഉപേക്ഷിക്കണമെന്ന് കര്ഷകര് ആഹ്വാനം ചെയ്തിരുന്നു. കര്ഷകര് ജിയോ കണക്ഷനുകള് ഉപേക്ഷിക്കാന് തുടങ്ങിയതോടെ വലിയ പ്രതിസന്ധിയിലേക്ക് നീങ്ങുമെന്നാണ് ജിയോ കരുതുന്നത്. മൊത്തം വരിക്കാരുടെ എണ്ണത്തില് ഒന്നാം സ്ഥാനം എന്ന പദവി നഷ്ടപ്പെടുമോയെന്ന ആശങ്കയിലാണ് ജിയോ.
kerala
വയനാട്ടില് സ്കൂള് വിനോദയാത്രയ്ക്കിടെ ഭക്ഷ്യവിഷബാധ; 24 വിദ്യാര്ത്ഥികള് ആശുപത്രിയില്
യാത്രയ്ക്കിടെ ഭക്ഷ്യവിഷബാധയേറ്റ 24 വിദ്യാര്ത്ഥികളെ ആശുപത്രിയില് പ്രവേശിപ്പിക്കേണ്ടി വന്നു.
കല്പ്പറ്റ: വയനാട് പുല്പ്പള്ളി ചേകാടി എയുപി സ്ക്കൂളിലെ വിനോദയാത്ര സന്തോഷത്തിനിടയില് തന്നെ ആശങ്കയിലാക്കി. യാത്രയ്ക്കിടെ ഭക്ഷ്യവിഷബാധയേറ്റ 24 വിദ്യാര്ത്ഥികളെ ആശുപത്രിയില് പ്രവേശിപ്പിക്കേണ്ടി വന്നു.
കഴിഞ്ഞ ദിവസമാണ് സ്കൂളില് നിന്ന് വിനോദയാത്രക്ക് പോയത്. യാത്രാമധ്യേ കുട്ടികള്ക്ക് ശാരീരിക അസ്വാസ്ഥ്യം അനുഭവപ്പെട്ടതോടെയാണ് അധ്യാപകര് അവരെ ആശുപത്രിയിലെത്തിച്ചത്. വിനോദയാത്രയ്ക്കായി കൊണ്ടുപോയ ഭക്ഷണത്തിലാണ് വിഷബാധ സംശയിക്കുന്നതെന്ന് പ്രാഥമിക നിഗമനം.
വിദ്യാര്ത്ഥികള് മാനന്തവാടി മെഡിക്കല് കോളേജ് ആശുപത്രിയില് ചികിത്സയിലാണ്. എല്ലാവരുടെയും ആരോഗ്യനില തൃപ്തികരമാണെന്ന് ആശുപത്രി അധികൃതരും സ്കൂള് ഭരണസമിതിയും അറിയിച്ചു.
സംഭവവുമായി ബന്ധപ്പെട്ട് കൂടുതല് വിശദാംശങ്ങള് അന്വേഷിക്കുന്നതായി സ്കൂള് അധികൃതര് വ്യക്തമാക്കി.
world
ഗസ്സയിലെ വെടിനിര്ത്തല് ലംഘനം; 497 ആക്രമണങ്ങള്, 342 പേര് കൊല്ലപ്പെട്ടു
തുടര്ന്നുള്ള ആക്രമണങ്ങളിലായി 342 സാധാരണക്കാര് കൊല്ലപ്പെട്ടതായും അധികാരികള് വ്യക്തമാക്കി
ഗസ്സ സിറ്റി: അമേരിക്കയുടെ മധ്യസ്ഥതയില് ഒക്ടോബര് 10 മുതല് പ്രാബല്യത്തില് വന്ന വെടിനിര്ത്തല് കരാര് ഇസ്രാഈല് കുറഞ്ഞത് 497 തവണ ലംഘിച്ചതായി ഗസ്സ ഗവണ്മെന്റ് മീഡിയ ഓഫീസ് റിപ്പോര്ട്ട് ചെയ്തു. തുടര്ന്നുള്ള ആക്രമണങ്ങളിലായി 342 സാധാരണക്കാര് കൊല്ലപ്പെട്ടതായും അധികാരികള് വ്യക്തമാക്കി. മരിച്ചവരില് ഭൂരിഭാഗവും കുട്ടികളും സ്ത്രീകളും വയോധികരുമാണ്.
മീഡിയ ഓഫീസ് പ്രസ്താവനയില് ഇസ്രാഈല് വെടിനിര്ത്തല് കരാറിന്റെ ഗുരുതരവും വ്യവസ്ഥാപിതവുമായ ലംഘനങ്ങള് തുടരുന്നതിനെ ശക്തമായി അപലപിച്ചു.
അവസാന 24 മണിക്കൂറിനുള്ളില് ഗസ്സയില് നടന്ന ഇസ്രഈലി വ്യോമാക്രമണത്തില് 24 പേര് കൊല്ലപ്പെട്ടു. കുട്ടികള് ഉള്പ്പെടുന്നു. 87 പേര്ക്ക് പരിക്കേല്ക്കുകയും ചെയ്തു. ഗസ്സയിലെ തിരക്കേറിയ തെരുവില് ഇസ്രഈലി ഡ്രോണ് പൊട്ടിത്തെറിച്ചതില് 5 പേര് മരിക്കുകയും 7 പേര്ക്ക് ഗുരുതരമായി പരിക്കേല്ക്കുകയും ചെയ്തു.
ഇസ്രാഈല് അധീനതയിലുള്ള പ്രദേശത്ത് ഹമാസ് സേന ഇസ്രാഈല് സൈനികരെ ആക്രമിച്ചതിനൊടുവിലാണ് തിരിച്ചാക്രമണം നടത്തിയതെന്ന് പ്രധാനമന്ത്രി ബിന്യമിന് നെതന്യാഹുവിന്റെ ഓഫീസ് വ്യക്തമാക്കി.
അമേരിക്കയുടെ നേതൃത്വത്തില് ഗസ്സയില് വിന്യസിക്കാന് പോകുന്ന അന്താരാഷ്ട്ര സേനയിലേക്ക് സ്വന്തം സൈനികരെ അയക്കാന് തയാറാണെന്ന് തുര്ക്കി അറിയിച്ചു. ഇസ്രാഈലിന്റെ എതിര്പ്പുകള് വകവെയ്ക്കാതെ തന്നെയാണ് തുര്ക്കിയുടെ തീരുമാനം.
ഗസ്സയില് അന്താരാഷ്ട്ര സേനയെ വിന്യസിക്കുന്നതിനുള്ള കരട് പ്രമേയത്തിന് ഐക്യരാഷ്ട്രസഭ രക്ഷാ സമിതി അംഗീകാരം നല്കി. അതിര്ത്തി സുരക്ഷിതമാക്കാനും സാധാരണക്കാരെ സംരക്ഷിക്കാനും ഫലസ്തീന് പൊലീസിനൊപ്പം ഇസ്രാഈലും ഈജിപ്തും സഹകരിക്കും എന്ന് പ്രമേയം വ്യക്തമാക്കുന്നു.
വെടിനിര്ത്തല് കരാര് പ്രാബല്യത്തില് എത്തിയിട്ടും ഗസ്സയിലെ സംഘര്ഷം വീണ്ടും രൂക്ഷമാകുന്ന സാഹചര്യമാണിപ്പോള്.
kerala
പാലത്തായി പീഡനക്കേസ്; വര്ഗീയ പരാമര്ശം നടത്തി സിപിഎം നേതാവ് ഹരീന്ദ്രന്
പ്രതി ഹിന്ദുവായതിനാല് മുസ്ലിം ലീഗും എസ്ഡിപിഐയും കേസില് ഇടപെട്ടുവെന്നാണ് ഹരീന്ദ്രന്റെ വിവാദ പ്രസ്താവന.
കണ്ണൂര്: പാലത്തായി പീഡനക്കേസില് വര്ഗീയ പരാമര്ശം നടത്തി സിപിഎം കണ്ണൂര് ജില്ലാ സെക്രട്ടേറിയറ്റംഗം പി. ഹരീന്ദ്രന്. പ്രതി ഹിന്ദുവായതിനാല് മുസ്ലിം ലീഗും എസ്ഡിപിഐയും കേസില് ഇടപെട്ടുവെന്നാണ് ഹരീന്ദ്രന്റെ വിവാദ പ്രസ്താവന.
അതേസമയം, പ്രതി പത്മരാജനെ അനുകൂലിച്ച് ബി.ജെ.പിസംഘപരിവാര് നേതാക്കള് രംഗത്തെത്തിരുന്നു. തലശ്ശേരി പോക്സോ കോടതി ഈ മാസം 15ആണ്.
ഈ മാസം 15നാണ് പാലത്തായി പീഡനക്കേസില് അധ്യാപകനായ ആര്എസ്എസ് നേതാവും ബിജെപി തൃപ്രങ്ങോട്ടൂര് പഞ്ചായത്ത് പ്രസിഡന്റായിരുന്ന കടവത്തൂര് മുണ്ടത്തോട് കുറുങ്ങാട്ട് ഹൗസില് കെ.പത്മരാജന് മരണംവരെ ജീവപരന്ത്യം ശിക്ഷ വിധിച്ചത്. പോക്സോ വകുപ്പ് പ്രകാരം 20 വര്ഷം കഠിന തടവ് ഉള്പ്പെടെ 40 വര്ഷം തടവും രണ്ട് ലക്ഷം രൂപ പിഴയുമാണ് തലശ്ശേരി ജില്ലാ പോക്സോ കോടതി ശിക്ഷ വിധിച്ചത്. സംഘപരിവാര് അധ്യാപക സംഘടനാ ജില്ലാ നേതാവാണ് പ്രതി പത്മരാജന്. മൂന്ന് വകുപ്പുകളിലായാണ് ശിക്ഷ വിധിച്ചത്. 376എബി
ഐപിസി പ്രകാരം 12 വയസ്സിന് താഴെയുള്ള കുട്ടികളോടുള്ള ലൈംഗികാതിക്രമവും, ജീവപര്യന്തവും 1 ലക്ഷം രൂപ പിഴയും പോക്സോ സെക്ഷന് 5(എഫ്) പ്രകാരം 20 വര്ഷം കഠിനതടവും 50,000 രൂപ പിഴയും പോക്സോ സെക്ഷന് 5(എല്) പ്രകാരം 20 വര്ഷം തടവും 50,000 രൂപ പിഴയും വിധിച്ചിരുന്നു.
-
india2 days agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
GULF2 days agoദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
-
kerala2 days agoവിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
-
india2 days agoകേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
-
kerala3 days agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala2 days agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
kerala2 days agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി
-
world13 hours agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്