Connect with us

News

ആര്‍എസ്എസ് ബന്ധമുള്ള ജോലിക്കാരെ പുറത്താക്കി ബൈഡന്‍

ദേവയാനി ഖോബ്രഗഡെ കേസില്‍ ഇടപെട്ട ഉസ്ര സിയാ, സി.എ.എ , എന്‍.ആര്‍.സി വിരുദ്ധ സമരങ്ങളില്‍ സജീവമായിരുന്ന സമീറ ഫാസിലി തുടങ്ങിയവരെ ബൈഡന്‍ തന്റെ ടീമില്‍ ഉള്‍പ്പെടുത്തുകയും ചെയ്തു

Published

on

ന്യൂയോര്‍ക്ക്: അമേരിക്കയുടെ പുതിയ പ്രസിഡന്റായി അധികാരമേറ്റ ജോ ബൈഡന്റെ പ്രചാരണ ടീമിന്റെ ഭാഗമായിരുന്ന സംഘപരിവാര്‍ പ്രവര്‍ത്തകരെ ഒഴിവാക്കി. സോണല്‍ ഷാ, അമിത് ജാനി എന്നിവരെയാണ് പുറത്താക്കിയത്. ഇരുവര്‍ക്കും ആര്‍എസ്എസ്, ബിജെപി ബന്ധം ഉണ്ടെന്ന് കണ്ടെത്തിയതിന്റെ അടിസ്ഥാനത്തിലാണ് ഒഴിവാക്കല്‍. അമേരിക്കയില്‍ സജീവമായ ഇന്തോ അമേരിക്കന്‍ സംഘടനകളാണ് ഇവരുടെ ബന്ധം പുറത്തു കൊണ്ടു വന്നത്.

അതേ സമയം ദേവയാനി ഖോബ്രഗഡെ കേസില്‍ ഇടപെട്ട ഉസ്ര സിയാ, സി.എ.എ , എന്‍.ആര്‍.സി വിരുദ്ധ സമരങ്ങളില്‍ സജീവമായിരുന്ന സമീറ ഫാസിലി തുടങ്ങിയവരെ ബൈഡന്‍ തന്റെ ടീമില്‍ ഉള്‍പ്പെടുത്തുകയും ചെയ്തു.

ബൈഡന്റെ യൂണിറ്റി ടാസ്‌ക് ഫോഴ്‌സിന്റെ ഭാഗമായിരുന്ന സൊണാല്‍ ഷാ ‘Overseas Friends of BJPUSA’ യുടെയും സംഘ് പരിവാര്‍ പിന്തുണയോടെ നടത്തപ്പെടുന്ന ഏകള്‍ വിദ്യാലയയുടെ നേതാക്കളില്‍ ഒരാളുടെ മകളാണ്. ജാനിയുടെ കുടുംബത്തിന് പ്രധാനമന്ത്രി നരേന്ദ്ര മോദിയുമായും ബിജെപിയുമായും അടുത്ത ബന്ധമുണ്ടെന്ന് കണ്ടെത്തിയതിനെ തുടര്‍ന്ന് പുറത്താക്കുകയായിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ജെ.ഇ.ഇ മെയിന്‍ പരീക്ഷ ഫലം പ്രഖ്യാപിച്ചു

പരീക്ഷ എഴുതിയ 14 വിദ്യാര്‍ഥികള്‍ക്ക് നൂറില്‍ നൂറ് മാര്‍ക്ക് ലഭിച്ചു

Published

on

രാജ്യത്തെ എഞ്ചിനീയറിങ് കോളേജുകളിലേക്ക് പ്രവേശനം നേടുന്നതിനുള്ള പരീക്ഷയായ ജെ.ഇ.ഇ മെയിന്‍ പരീക്ഷ ഫലം പ്രഖ്യാപിച്ചു. ഇതില്‍ കൂടുതല്‍ പേരും രാജസ്ഥാന്‍ സ്വദേശികളാണ്. 12.58 ലക്ഷത്തിലധികം പേരാണ് പരീക്ഷ എഴുതിയത്. പേപ്പര്‍ 2 ഫലങ്ങള്‍ പിന്നീട് പ്രഖ്യാപിക്കും.

100 മാര്‍ക്ക് നേടിയവരില്‍ രാജസ്ഥാനില്‍ നിന്നുള്ള അഞ്ച് പേരും ഡല്‍ഹി, ഉത്തര്‍പ്രദേശ് എന്നിവിടങ്ങളില്‍ നിന്ന് രണ്ട് പേര്‍ വീതവും കര്‍ണാടക, ആന്ധ്രാപ്രദേശ്, ഗുജറാത്ത്, തെലങ്കാന, മഹാരാഷ്ട്ര എന്നിവിടങ്ങളില്‍ നിന്ന് ഓരോരുത്തരും ഉള്‍പ്പെടുന്നു. പരീക്ഷയെഴുതിയവര്‍ക്ക് അവരുടെ രജിസ്‌ട്രേഷന്‍ നമ്പര്‍, ജനനത്തീയതി, ലോഗിന്‍ പേജിലെ മറ്റ് വിശദാംശങ്ങള്‍ എന്നിവ ഉപയോഗിച്ച് സ്‌കോര്‍കാര്‍ഡുകള്‍ ഡൗണ്‍ലോഡ് ചെയ്യാം. ജെ.ഇ.ഇ മെയിന്‍ 2025 സെഷന്‍ 1 ഫലങ്ങള്‍  jeemain.nta.nic.in ല്‍ ലഭ്യമാണ്.

Continue Reading

kerala

തൃശൂരില്‍ ബൈക്കും ബസും കൂട്ടിയിടിച്ച് വിദ്യാര്‍ത്ഥിക്ക് ദാരുണാന്ത്യം

വേലൂര്‍ സ്വദേശി നീലങ്കാവില്‍ വീട്ടിലെ ജോയല്‍ ജസ്റ്റിനാണ് മരിച്ചത്

Published

on

തൃശൂര്‍: കുന്നംകുളം ചൂണ്ടലില്‍ സ്വകാര്യ ബസും ബൈക്കും കൂട്ടിയിടിച്ച് വിദ്യാര്‍ത്ഥിക്ക് ദാരുണാന്ത്യം. വേലൂര്‍ സ്വദേശി നീലങ്കാവില്‍ വീട്ടിലെ ജോയല്‍ ജസ്റ്റിനാണ് മരിച്ചത്. കോളേജിലേക്ക് പരീക്ഷയ്ക്ക് പോകുന്നതിനിടെ ചൂണ്ടല്‍ പാറ അമ്പലത്തിന് സമീപത്ത് വെച്ച് ജസ്റ്റിന്‍ സഞ്ചരിച്ച ബൈക്കും എതിര്‍ ദിശയില്‍ വരികയായിരുന്ന ബസും തമ്മില്‍ കൂട്ടിയിടിക്കുകയായിരുന്നു.

തലക്ക് ഗുരുതരമായി പരിക്കേറ്റ ജോയല്‍ ജസ്റ്റിനെ തൃശ്ശൂരിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. ഡോണ്‍ ബോസ്‌കോ കോളേജിലെ ബിബിഎ വിദ്യാര്‍ത്ഥിയാണ് ജസ്റ്റിന്‍.

Continue Reading

kerala

അനധികൃത രൂപമാറ്റം നടത്തിയ ബസ്സുകള്‍ക്കെതിരെ കൂട്ട നടപടി; 2. 46 ലക്ഷം രൂപ പിഴ ചുമത്തി

ടൂറിസ്റ്റ് ബസുകളുടെ അനധികൃത രൂപമാറ്റത്തില്‍ കടുത്ത നിലപാട് സ്വീകരിക്കാനൊരുങ്ങി ഹൈക്കോടതി.

Published

on

സംസ്ഥാനത്ത് ടൂറിസ്റ്റ് ബസ്സുകള്‍ക്കെതിരെ കൂട്ട നടപടിയെടുത്ത് എംവിഡി. എറണാകുളം എന്‍ഫോഴ്‌സ്‌മെന്റ് ആര്‍ടിഒയുടെ നേതൃത്വത്തില്‍ നടത്തിയ പരിശോധനയില്‍ 36 ടൂറിസ്റ്റ് ബസുകളിലെ നിയമലംഘനങ്ങള്‍ പിടികൂടി. സ്പീഡ് ഗവര്‍ണര്‍ കട്ട് ചെയ്തു. എയര്‍ഹോണ്‍, ഡാന്‍സ് ഫ്‌ലോര്‍ തുടങ്ങിയ നിയമലംഘനങ്ങളാണ് കണ്ടെത്തിയത്. രൂപമാറ്റം വരുത്തിയ ബസ്സുകള്‍ക്ക് 2. 46 ലക്ഷം രൂപ പിഴ ചുമത്തി.

ടൂറിസ്റ്റ് ബസുകളുടെ അനധികൃത രൂപമാറ്റത്തില്‍ കടുത്ത നിലപാട് സ്വീകരിക്കാനൊരുങ്ങി ഹൈക്കോടതി. നിരത്തുകളില്‍ പരിശോധന ശക്തമാക്കാനും അനധികൃത രൂപമാറ്റങ്ങളില്‍ പരമാവധി ഉയര്‍ന്ന പിഴ തന്നെ ഈടാക്കണമെന്ന് എംവിഡിയോട് ഹൈക്കോടതി ആവശ്യപ്പെട്ടു.

അപകടമുണ്ടാക്കുന്ന ബസുകള്‍ക്ക് മാത്രം ഉയര്‍ന്ന പിഴ ഈടാക്കിയാല്‍ പോരെന്ന് ഹൈക്കോടതി ചൂണ്ടിക്കാട്ടി. നിയമലംഘനം നടത്തുന്ന എല്ലാ വാഹനങ്ങള്‍ക്കും പരമാവധി ഉയര്‍ന്ന പിഴ ഈടാക്കണമെന്നും ഹൈക്കോടതി നിര്‍ദേശിച്ചു.

Continue Reading

Trending