Connect with us

Video Stories

അവസാനക്കാര്‍ മുഖാമുഖം

Published

on

മൂന്നാഴ്ച്ച നീണ്ട ഇടവേളക്ക് ശേഷം ബ്ലാസ്റ്റേഴ്‌സ് സ്വന്തം ഗ്രൗണ്ടില്‍ വീണ്ടും പന്തു തട്ടുന്നു. സീസണിലെ ഒമ്പതാം മത്സരത്തില്‍ ഗോവ എഫ്.സിയാണ് ഇന്ന് ബ്ലാസ്റ്റേഴ്‌സിന്റെ എതിരാളികള്‍. വൈകിട്ട് ഏഴിന് ജവഹര്‍ലാല്‍ നെഹ്‌റു സ്റ്റേഡിയത്തിലാണ് അവസാന സ്ഥാനക്കാരുടെ അങ്കം. അവസാന മത്സരത്തില്‍ ഡല്‍ഹിയോട് തോറ്റെങ്കിലും ആദ്യ പാദത്തില്‍ ഗോവക്കെതിരെ അവരുടെ തട്ടകത്തില്‍ നേടിയ വിജയമാണ് ബ്ലാസ്റ്റേഴ്‌സിന്റെ ഊര്‍ജ്ജം. അവസാന മത്സരത്തില്‍ പൂനെയോട് ജയിച്ചു കയറിയ ഗോവക്ക് ഇനി തോല്‍ക്കാനാവില്ല, നിലവില്‍ ഏറ്റവും ഒടുവിലാണ് ഗോവയുടെ സ്ഥാനം.

ഏഴാം സ്ഥാനക്കാരാണ് ബ്ലാസ്റ്റേഴ്‌സ്. അതിനാല്‍ ജയം ഇരുടീമിനും അനിവാര്യം. അല്ലെങ്കില്‍ മുന്നോട്ടുള്ള വഴി കൂടുതല്‍ ദുര്‍ഘടമാകും. ഇന്ന് ജയിച്ചാല്‍ ബ്ലാസ്‌റ്റേഴ്‌സിന് കൊല്‍ക്കത്തയോടൊപ്പം മൂന്നാം സ്ഥാനം പങ്കിടാം. ഗോവ, അഞ്ചാം സ്ഥാനത്തുള്ള നോര്‍ത്ത് ഈസ്റ്റ് യൂണൈറ്റഡിനൊപ്പവും എത്തും. മാര്‍ക്വിതാരം ആരോണ്‍ ഹ്യൂസില്ലാതെയാണ് ഇന്ന് ബ്ലാസ്റ്റേഴ്‌സ് ഇറങ്ങുക. ഹെയ്തി താരം നാസോണും കളിക്കില്ല. പരിക്കേറ്റതിനാല്‍ ജൂലിയോ സീസര്‍, ലൂസിയാനോ, റെയ്‌നാള്‍ഡോ, ജോഫ്രെ തുടങ്ങിയ നാല് പ്രമുഖ താരങ്ങള്‍ ഗോവന്‍ നിരയില്‍ ഉണ്ടാവില്ലെന്നാണ് ടീം ക്യാമ്പില്‍ നിന്നുള്ള സൂചന.

ഹ്യൂസില്ല; കോപ്പല്‍ നിരാശന്‍
പ്രധാന താരത്തിന്റെ അഭാവത്തില്‍ നിരാശനാണ് പരിശീലകന്‍ സ്റ്റീവ് കോപ്പല്‍, മത്സരത്തിന് മുന്നോടിയായി ഇന്നലെ നടത്തിയ പത്രസമ്മേളനത്തിനിടെ അദ്ദേഹം അത് പ്രകടിപ്പിക്കുകയും ചെയ്തു. 11ന് നടക്കുന്ന ലോകകപ്പ് യോഗ്യത മത്സരത്തില്‍ വടക്കന്‍ അയര്‍ലാന്റിനായി കളിക്കുന്നതിനാണ് മാര്‍ക്വിതാരം ആരോണ്‍ ഹ്യൂസ് നാട്ടിലേക്ക് തിരിച്ചത്.ഇത് കാരണത്താല്‍ ഹെയ്തി താരം ഡക്കന്‍സ് നാസോണും നാട്ടിലേക്ക് മടങ്ങി. ഹ്യൂസിന്റെ അഭാവം ടീമിനു കനത്ത തിരിച്ചടിയാണെന്ന് കോപ്പല്‍ സൂചിപ്പിച്ചു. എ.എഫ്.സി ഫൈനലിന് ശേഷം ഇന്ന് കളിക്കുമെന്ന് പ്രതീക്ഷിച്ചിരുന്ന മലയാളി താരങ്ങളായ സി.കെ വിനീതും റിനോ ആന്റോയും ഇതുവരെ ടീമിനൊപ്പം ചേരാത്തതിലും കോപ്പലിന് അനിഷ്ടമുണ്ട്. ദോഹയില്‍ നിന്ന് തിരിച്ചെത്തിയ ഇരുവരും ഇന്ന് ടീമിനൊപ്പം ചേരുമെന്നാണ് ഇന്നലെ രാത്രി മാനേജ്‌മെന്റ് അറിയിച്ചത്.

19ന് മുംബൈയില്‍ നടക്കുന്ന മത്സരത്തിനേ ഇരുവരുടെയും സേവനം ലഭിക്കുകയുള്ളുവെന്നാണ് സൂചന. ഹ്യൂസും നാസോണും ഡല്‍ഹിക്കെതിരായ മത്സരത്തിലും കളിച്ചിരുന്നില്ല. അതിനാല്‍ ഗോവക്കെതിരെ കഴിഞ്ഞ ടീമില്‍ നിന്ന് കാര്യമായ മാറ്റങ്ങളുണ്ടാവാന്‍ സാധ്യതയില്ല. 21 ദിവസം നീണ്ട എവേ പര്യടനത്തിന് ശേഷമാണ് ബ്ലാസ്റ്റേഴ്‌സ് ഇന്ന് ഹോം മത്സരത്തിനിറങ്ങുന്നത്. നീണ്ട യാത്രകള്‍ക്ക് പുറമെ മറ്റു വേദികളില്‍ പരിശീലന സൗകര്യം വേണ്ട വിധം ലഭിച്ചില്ലെന്ന് കോപ്പല്‍ പരാതിപ്പെട്ടു. നാലു എവേ മത്സരങ്ങളില്‍ ഒരെണ്ണത്തില്‍ മാത്രമാണ് ബ്ലാസ്റ്റേഴ്‌സിന് ജയിക്കാനായിരുന്നത്. ഒരെണ്ണം തോറ്റു, രണ്ടെണ്ണം സമനിലയില്‍ കലാശിച്ചു.

ഗ്രൗണ്ട് നല്‍കിയില്ല; സീക്കോയ്ക്ക് പരാതി
പരിശീലനത്തിനായി കലൂരിലെ പ്രധാന സ്റ്റേഡിയം വിട്ടുനല്‍കാത്തത് ശരിയായില്ലെന്ന നിലപാടിലാണ് ഗോവ എഫ്.സി കോച്ച് സീക്കോ. കൊച്ചിയിലെ കഴിഞ്ഞ മൂന്ന് മത്സരങ്ങള്‍ക്കും ഒരു ടീമിനും സ്റ്റേഡിയത്തില്‍ പരിശീലിക്കാന്‍ അവസരം ലഭിച്ചിരുന്നില്ല. എന്നാല്‍ മറ്റു ടീമുകളുടെ സ്റ്റേഡിയങ്ങളില്‍ അതാത് ഗ്രൗണ്ടുകളിലാണ് പരിശീലനം നടത്താറ്. ഇതാണ് സീക്കോയെ ചൊടിപ്പിച്ചത്. ബ്ലാസ്റ്റേഴ്‌സ് തൃപ്പൂണിത്തുറയിലെ സ്വകാര്യ സ്‌കൂള്‍ ഗ്രൗണ്ടിലാണ് ഇന്നലെയും പരിശീലിച്ചത്. ആദ്യപാദത്തില്‍ ഗോവക്കെതിരെ ഒരു ഗോളിന് പിന്നില്‍ നിന്ന ശേഷമായിരുന്നു കേരളത്തിന്റെ വിജയം.

പക്ഷേ ഗോവക്ക് അതിനേക്കാള്‍ ആത്മവിശ്വാസം നല്‍കുന്ന ഒരു റെക്കോഡ് കൊച്ചിയിലുണ്ട്. കഴിഞ്ഞ സീസണില്‍ ഇരുടീമുകളും കണ്ടുമുട്ടിയപ്പോള്‍ ഗോവ ആതിഥേയരെ തകര്‍ത്തത് ഒന്നിനെതിരെ അഞ്ചു ഗോളുകള്‍ക്ക്. ലീഡെടുത്ത ശേഷമായിരുന്നു ബ്ലാസ്റ്റേഴ്‌സിന്റെ അതിദയനീയ തോല്‍വി. അന്ന് ഹാട്രിക് നേടിയ റെയ്‌നാള്‍ഡോയും ആദ്യ ഗോള്‍ നേടിയ ജോഫ്രെയും പരിക്കിന്റെ പിടിയിലാണെന്നത് കേരളത്തിന് ആശ്വാസമാണ്. മുമ്പ് അഞ്ചു തവണ മത്സരിച്ചപ്പോള്‍ മൂന്നിലും ഗോവക്കായിരുന്നു ജയം. രണ്ടെണ്ണത്തില്‍ ബ്ലാസ്റ്റേഴ്‌സ് വിജയം കണ്ടു.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

പ്രീക്വാര്‍ട്ടറില്‍ പോളണ്ടിനെ വീഴ്ത്തി ഫ്രാന്‍സിന്റെ തേരോട്ടം

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

Published

on

ഖത്തര്‍ ലോകകപ്പ് ഫുട്ബോളില്‍ നിലവിലെ ചാമ്പ്യന്‍മാരായ ഫ്രാന്‍സ് ക്വാര്‍ട്ടര്‍ ഫൈനലില്‍.റൗണ്ട് 16 പോരാട്ടത്തില്‍ പോളണ്ടിനെ 3-1 നാണ് ഫ്രാന്‍സ് തകര്‍ത്തത്.44-ാം മിനിറ്റില്‍ ഒലിവിയര്‍ ജിറൂദാണ് പോളണ്ട് പ്രതിരോധം തകര്‍ത്ത് ഫ്രാന്‍സിന് ആദ്യ ലീഡ് സമ്മാനിച്ചത്.

74-ാം മിനിറ്റിലും, രണ്ടാം പകുതിയുടെ ഇഞ്ചുറി ടൈമിലും ഗോളുകള്‍ അടിച്ച് കിലിയന്‍ എംബാപ്പെ പോളണ്ടിന്റെ അവസാന പ്രതീക്ഷകള്‍ ഇല്ലാതാക്കി ഫ്രാന്‍സിനെ വിജയത്തിലേക്ക് നയിക്കുകയായിരുന്നു.

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

 

 

Continue Reading

Video Stories

‘വിദേശവിമാനങ്ങള്‍ക്ക് അനുമതി വേണം’ ; കണ്ണൂര്‍ വിമാനത്താവളത്തിലെ ആദ്യയാത്രക്കാരുടെ കൂട്ടായ്മ വ്യോമയാനമന്ത്രിയ കാണാന്‍ ഡല്‍ഹിയിലേക്ക്

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം.

Published

on

കണ്ണൂര്‍: വിദേശ വിമാനങ്ങള്‍ക്ക് അനുമതി, കൂടുതല്‍ ആഭ്യന്തര സര്‍വീസുകള്‍, വിദേശത്തെ കൂടുതല്‍ വിമാനത്താവളങ്ങളിലേക്ക് സര്‍വീസുകള്‍ തുടങ്ങിയ ആവശ്യങ്ങളുമായി കണ്ണൂര്‍ വിമാനത്താവളത്തില്‍ നിന്നുള്ള ആദ്യയാത്രക്കാരുടെ കൂട്ടായ്മ ഡല്‍ഹിയിലേക്കു പറക്കും.

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം. 12ന് കണ്ണൂരില്‍ നിന്നു പുറപ്പെടുന്ന സംഘം 13, 14 ദിവസങ്ങളില്‍ ഡല്‍ഹിയിലുണ്ടാകും.നിലവില്‍ കണ്ണൂര്‍ വിമാനത്താവളത്തില്‍ നിന്നു സര്‍വീസ് നടത്തുന്ന ഗോ ഫസ്റ്റ്, ഇന്‍ഡിഗോ, എയര്‍ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ ഉന്നത ഉദ്യോഗസ്ഥരുമായി സംസാരിച്ച് സര്‍വീസുകളുടെ എണ്ണം വര്‍ധിപ്പിക്കാന്‍ ശ്രമിക്കുമെന്ന് ഭാരവാഹികള്‍ പറഞ്ഞു.

വിസ്താര, സ്പൈസ് ജെറ്റ്, ജെറ്റ് എയര്‍വെയ്സ്, ആകാശ തുടങ്ങിയ കമ്പനികളെ കണ്ണൂരിലേക്ക് ക്ഷണിക്കാനും യാത്ര ലക്ഷ്യമിടുന്നു.

 

Continue Reading

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Trending