തിരുവനന്തപുരം: സംസ്ഥാന പൊലീസിലെ 744 പേര്‍ ക്രിമിനല്‍ കേസ് പ്രതികള്‍. കഴിഞ്ഞ പത്തുവര്‍ഷത്തിനിടെയുള്ള കണക്കാണിത്. ഇതില്‍ ശിക്ഷിക്കപ്പെട്ട 18 പേരെ മാത്രമാണ് സര്‍വീസില്‍ നിന്ന് പുറത്താക്കിയത്.

താഴെ റാങ്കിലുള്ളവര്‍ മുതല്‍ ഉന്നത ഉദ്യോഗസ്ഥര്‍ വരെ ക്രിമിനല്‍ പട്ടികയില്‍ വരുന്നുണ്ട്. ഇവരില്‍ 18 പേരെ മാത്രമാണ് കഴിഞ്ഞ പത്തുവര്‍ഷത്തിനിടെ പിരിച്ചുവിട്ടതെന്ന് കണക്കുകള്‍ വ്യക്തമാക്കുന്നു.

നിലവില്‍ 691 പേര്‍ക്കെതിരെയാണ് വകുപ്പുതല അന്വേഷണം നടക്കുന്നത്. കോടതിയില്‍ കേസുള്ളപ്പോള്‍ വകുപ്പുതല അന്വേഷണവും നീളും.