kerala
വാചക കസര്ത്ത് മാത്രം; യാഥാര്ത്ഥ്യ ബോധമില്ലാത്ത ബജറ്റ് – ഡോ.എം.കെ മുനീര്
മുന്ബജറ്റുകളില് പ്രഖ്യാപിച്ച വന് പദ്ധതികളൊന്നും നടപ്പിലാക്കാതെ ജനങ്ങളുടെ കണ്ണില്പൊടിയിടാനാണ് ധനമന്ത്രി ശ്രമിക്കുന്നത്.
തിരുവനന്തപുരം: ജനങ്ങളെ കബളിപ്പിക്കുന്ന ബജറ്റെന്ന് പ്രതിപക്ഷ ഉപനേതാവ് ഡോ.എം.കെ മുനീര് പറഞ്ഞു. തെരഞ്ഞെടുപ്പ് അടുത്തിരിക്കെയുള്ള വാചകകസര്ത്ത് മാത്രമാണ് ധനമന്ത്രി നടത്തിയത്. കിഫ്ബിയില് പത്ത് ശതമാനമാണ് ഇതുവരെ ചെലവഴിച്ചത്. പിന്നെയും കൂടുതല് തുക പ്രഖ്യാപിക്കുന്നതല്ലാതെ പ്രവൃത്തികളൊന്നും നടക്കുന്നില്ല.
യാഥാര്ത്ഥ്യബോധമില്ലാത്ത ബജറ്റാണിത്. തദ്ദേശസ്ഥാപനങ്ങള്ക്ക് ആനുപാതികമായി തുക വര്ധിപ്പിക്കുമെങ്കിലും ഈ പണം ഉപയോഗിക്കാന് കഴിയാത്ത സ്ഥിതിയാണ്. ഇത് സര്ക്കാരിലേക്ക് തന്നെ വന്നുചേരുന്നു. മുന്ബജറ്റുകളില് പ്രഖ്യാപിച്ച വന് പദ്ധതികളൊന്നും നടപ്പിലാക്കാതെ ജനങ്ങളുടെ കണ്ണില്പൊടിയിടാനാണ് ധനമന്ത്രി ശ്രമിക്കുന്നത്. വാഗ്ദാനങ്ങളുടെ പെരുമഴമാത്രമാണിത്. ഇതില് എത്രമാത്രം നടപ്പിലാക്കിയെന്ന് പരിശോധിക്കുമ്പോള് ആവര്ത്തനവിരസമാണെന്ന് വ്യക്തമാക്കുമെന്നും മുനീര് കൂട്ടിചേര്ത്തു.
kerala
എസ്ഐആറിന് അടിയന്തര സ്റ്റേ ഇല്ല; തെരഞ്ഞെടുപ്പ് കമ്മീഷന് നോട്ടീസയച്ച് സുപ്രിംകോടതി
ഹരജി 26ന് വീണ്ടും പരിഗണിക്കും.
ന്യൂഡല്ഹി: കേരളത്തിലെ വോട്ടര് പട്ടിക തീവ്ര പരിഷ്കരണത്തിനെതിരായ ഹരജികളില് തെരഞ്ഞെടുപ്പ് കമ്മിഷന് നോട്ടീസ് അയച്ച് സുപ്രിംകോടതി. ഹരജി 26ന് വീണ്ടും പരിഗണിക്കും. കേരളത്തിലെ ഹരജികള് പ്രത്യേകം പരിഗണിക്കും. കേരളത്തിലെ എസ്ഐആര് നടപടികള്ക്ക് അടിയന്തര സ്റ്റേയില്ലെന്നും കോടതി അറിയിച്ചു. തെരഞ്ഞെടുപ്പ് കമ്മീഷനെ കേട്ടതിന് ശേഷമായിരിക്കും എസ്ഐആറില് ഇടക്കാല ഉത്തരവ് പുറപ്പെടുവിക്കുക.
കേരളത്തിലെ തദ്ദേശ തെരഞ്ഞെടുപ്പ് സാഹചര്യം കോടതിക്ക് ബോധ്യമായതുകൊണ്ടാണ് കേരളത്തിന്റെ ഹരജികള് മാത്രം ഉടന് പരിഗണിക്കാമെന്ന് അറിയിച്ചതെന്ന് അഭിഭാഷകന് ഹാരിസ് ബീരാന് പറഞ്ഞു. തെരഞ്ഞെടുപ്പ് കമ്മീഷന് അഭിഭാഷകന് ഇന്ന് ഹാജരായില്ല. കേസ് നീട്ടി കൊണ്ടുപോകാനുള്ള ഉദ്ദേശ്യം കൊണ്ടായിരിക്കാം അഭിഭാഷകന് ഹാജരാകാതിരുന്നതെന്നും അദ്ദേഹം പറഞ്ഞു.
സംസ്ഥാന സര്ക്കാരും മുസ്ലിം ലീഗും കോണ്ഗ്രസും സിപിഎമ്മും നല്കിയ ഹരജികളാണ് ഇന്ന് സുപ്രിംകോടതി പരിഗണിച്ചത്. ജസ്റ്റിസ് സൂര്യകാന്ത് അധ്യക്ഷനായ മൂന്നംഗ ബെഞ്ചാണ് ഹരജികള് പരിഗണിച്ചത്. തദ്ദേശ തെരഞ്ഞെടുപ്പിനിടെ എസ്ഐആര് നടത്തുന്നത് പ്രശ്നങ്ങള് സൃഷ്ടിക്കുമെന്നുമാണ് കേരളത്തിന്റെ വാദം. തെരഞ്ഞെടുപ്പ് പൂര്ത്തിയാകുംവരെ എസ്ഐആര് മാറ്റിവയ്ക്കണമെന്നും സര്ക്കാര് ഹരജിയില് ആവശ്യപ്പെട്ടിരുന്നു.
kerala
ഇന്ന് ഇടിമിന്നലോട് കൂടിയ ഒറ്റപ്പെട്ട അതിശക്തമായ മഴയ്ക്ക് സാധ്യത
തിരുവനന്തപുരം മുതല് ഇടുക്കി വരെയുള്ള ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. മറ്റന്നാള് വരെ മഴ തുടരും.
സംസ്ഥാനത്ത് ഇന്ന് ഇടിമിന്നലോട് കൂടിയ ഒറ്റപ്പെട്ട അതിശക്തമായ മഴയ്ക്ക് സാധ്യത. തിരുവനന്തപുരം മുതല് ഇടുക്കി വരെയുള്ള ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. മറ്റന്നാള് വരെ മഴ തുടരും.
ന്യൂനമര്ദത്തിന്റെ സ്വാധീനഫലമായാണ് സംസ്ഥാനത്ത് മഴ തുടരുന്നത്. മഴയ്ക്കൊപ്പം മണിക്കൂറില് 55 കിലോമീറ്റര് വേഗതയില് കാറ്റ് വീശാനും സാധ്യതയുണ്ട്. മലയോര മേഖലയില് ഉള്ളവരും തീരദേശവാസികളും ജാഗ്രത പാലിക്കണം.അതേസമയം, കേരളതീരത്ത് മത്സ്യബന്ധനത്തിന് വിലക്കില്ല.
kerala
പൊട്ടി വീണ മരക്കൊമ്പ് കാറിലേക്ക് തുളച്ചുകയറി യുവതിക്കു ദാരുണാന്ത്യം
കാറിന്റെ മുന്വശത്തെ ചില്ലു തുളച്ച് അകത്തു കയറിയ കൊമ്പ് ആതിരയുടെ തലയില് ഇടിച്ച ശേഷം പിന്വശത്തെ ചില്ലു കൂടി തകര്ത്തു.
കണ്ടെയ്നര് ലോറി തട്ടി പൊട്ടി വീണ മരക്കൊമ്പ് ഓടിക്കൊണ്ടിരുന്ന കാറിന്റെ ചില്ലു തകര്ത്ത് അകത്തു കയറി പരിക്കേറ്റ യുവതിക്കു ദാരുണാന്ത്യം. എടപ്പാള് പൊല്പ്പാക്കര മാണിക്യപ്പാലം ചെട്ടിക്കുന്നത്ത് പരേതരായ അശോകന്റെയും ശ്രീജയുടെയും മകള് ആതിരയാണ് (27) മരിച്ചത്.
കോഴിക്കോടു ഭാഗത്തു നിന്ന് വന്നിരുന്ന ലോറി മരത്തില് ഇടിച്ചതോടെ വലിയ കൊമ്പ് ഒടിഞ്ഞ് എതിര്ദിശയില് വന്നുകൊണ്ടിരുന്ന കാറില് പതിക്കുകയായിരുന്നു. ഒപ്പമുണ്ടായിരുന്ന കാര് ഡ്രൈവര് തവനൂര് തൃപ്പാളൂര് കാളമ്പ്ര വീട്ടില് സെയ്ഫിനു പരിക്കേറ്റു. ഇന്നലെ വൈകിട്ട് 6.45ന് സംസ്ഥാനപാതയില് പെരുമ്പിലാവിന് സമീപം കടവല്ലൂര് അമ്പലം സ്റ്റോപ്പിലാണ് അപകടം ഉണ്ടായത്.
കുന്നംകുളം ഭാഗത്തു നിന്ന് എടപ്പാളിലേക്കു പോകുകയായിരുന്ന കാറിന്റെ മുന്സീറ്റിലായിരുന്നു ആതിര. കാറിന്റെ മുന്വശത്തെ ചില്ലു തുളച്ച് അകത്തു കയറിയ കൊമ്പ് ആതിരയുടെ തലയില് ഇടിച്ച ശേഷം പിന്വശത്തെ ചില്ലു കൂടി തകര്ത്തു.
റോഡില് ഉണ്ടായിരുന്ന യാത്രക്കാരും നാട്ടുകാരും ചേര്ന്ന് ഇരുവരെയും തൊട്ടടുത്തുള്ള പെരുമ്പിലാവ് അന്സാര് ആശുപത്രിയില് എത്തിച്ചെങ്കിലും ആതിരയുടെ ജീവന് രക്ഷിക്കാനായില്ല. അപകടം വരുത്തിയ ലോറി നിര്ത്താതെ പോയി. എടപ്പാള് കെ.വി.ആര് ഓട്ടോമോബൈല്സിലെ ജീവനക്കാരിയാണ് ആതിര. ഭര്ത്താവ്: വിഷ്ണു. സഹോദരങ്ങള്: അഭിലാഷ്, അനു.
-
india3 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala2 days agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala21 hours agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala2 days agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala17 hours agoശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്
-
kerala19 hours agoശബരിമല സ്വര്ണ്ണക്കൊള്ള; കടകംപള്ളി സുരേന്ദ്രന് കുരുക്കായി പത്മകുമാറിന്റെ മൊഴി
-
kerala18 hours agoഗ്യാസ് സിലിണ്ടര് പൊട്ടിത്തെറിച്ചു; കൊല്ലത്ത് വന് തീപിടിത്തം
-
kerala20 hours agoശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്

