india
കോവിഡ് വ്യാപനം: ലോക്ഡൗണ് നടപ്പിലാക്കാന് സാധ്യതയുള്ള അഞ്ച് സംസ്ഥാനങ്ങള് ഇവയാണ്
അതേസമയം, രാജ്യം പ്രതിദിന കോവിഡ് കേസുകളുടെ എണ്ണത്തില് സര്വകാല റെക്കോഡും ഇന്ന് സൃഷ്ടിച്ചു
ഡല്ഹി: കോവിഡ് കേസുകള് അധികരിക്കുന്ന സാഹചര്യത്തില് സംസ്ഥാനങ്ങള് ചില നഗരങ്ങളിലും ജില്ലകളിലും ലോക്ഡൗണിന് സമമായ നിയന്ത്രണങ്ങള് ഏര്പ്പെടുത്താന് തുടങ്ങിയിട്ടുണ്ട്. അതേസമയം, രാജ്യം പ്രതിദിന കോവിഡ് കേസുകളുടെ എണ്ണത്തില് സര്വകാല റെക്കോഡും ഇന്ന് സൃഷ്ടിച്ചു.
ഇപ്പോള് തുടരുന്ന സാഹചര്യം പരിഗണിച്ച് നിയന്ത്രണങ്ങള് പുനഃസ്ഥാപിച്ചതും ഏത്രയും പെട്ടന്ന് സമ്പൂര്ണ്ണ ലോക്ഡൗണ് ഏര്പ്പെടുത്താന് സാധ്യതയുള്ളത് അഞ്ച് സംസ്ഥാനങ്ങളാണ്. മഹാരാഷ്ട്ര, ഡല്ഹി, ഉത്തര്പ്രദേശ്, മധ്യപ്രദേശ്, കര്ണാടക എന്നിവയാണ് ഈ സംസ്ഥാനങ്ങള്
മഹാരാഷ്ട്രയില് സമ്പൂര്ണ്ണ ലോക്ഡൗണ് ഏര്പ്പെടുത്താതെ രക്ഷയില്ലെന്നാണ് മുഖ്യമന്ത്രി ഉദ്ധവ് താക്കറെ സമഗ്ര കക്ഷി അവലോകന യോഗത്തിന് ശേഷം മുന്നറിയിപ്പ് നല്കിയത്. അത് സംബന്ധിച്ച തീരുമാനം ഒരു ദിവസത്തിനകം പ്രഖ്യാപിക്കുമെന്നും അദ്ദേഹം പറഞ്ഞു.
ഡല്ഹിയില് അരവിന്ദ് കെജ്രിവാളിന്റെ നേതൃത്വത്തിലുള്ള ദില്ലി സര്ക്കാര് ശനിയാഴ്ച വൈകിട്ട് പുതിയ മാര്ഗ്ഗനിര്ദ്ദേശങ്ങള് പുറപ്പെടുവിച്ചിരുന്നു. എല്ലാ സാമൂഹിക, രാഷ്ട്രീയ, കായിക, വിനോദ, സാംസ്കാരിക, മതപരമായ ഒത്തുചേരലുകള് മറ്റൊരു മുന്നറിയിപ്പ് വരുന്നത് വരെ നിരോധിച്ചിരിക്കുകയാണ്.
ഉത്തര്പ്രദേശില് കോവിഡ് വ്യാപനം തടയാനായി ഉത്തര്പ്രദേശിലെ യോഗി ആദിത്യനാഥ് സര്ക്കാര് മീററ്റ്, ഗാസിയാബാദ്, നോയിഡ, വാരണാസി, കാണ്പൂര്, പ്രയാഗ്രാജ്, ബറേലി ജില്ലകളില് രാത്രി കര്ഫ്യൂ പ്രഖ്യാപിച്ചിരിക്കുകയാണ്. കൂടാതെ, ആരാധനാലയങ്ങളില് ഒരേസമയം അഞ്ചില് കൂടുതല് പേര് പ്രവേശിക്കുന്നത് നിരോധിക്കാനും തീരുമാനിച്ചിട്ടുണ്ട്.
മധ്യപ്രദേശ് സര്ക്കാര് 11 ജില്ലകളിലായി വാരാന്ത്യ ലോക്ക്ഡൗണ് നീട്ടിയിരിക്കുകയാണ്. ഏപ്രില് 19 വരെ, ബര്വാനി, രാജ്ഗഡ്, വിദിഷ, ഇന്ഡോര് സിറ്റി, റൗ നഗര്, മാഹു നഗര്, നര്സിംഗ്പുര്, ഷാജാപുര്, ഉജ്ജൈന് എന്നിവിടങ്ങളില് ഏര്പ്പെടുത്തിയ ലോഡ്കൗണ് നീട്ടി.
കര്ണാടകയില് രാവിലെ 10 മുതല് പുലര്ച്ചെ അഞ്ച് മണി വരെ ബെംഗളൂരു, മൈസൂരു, മംഗളൂരു, കലബുറഗി, ബിദാര്, തുംകുരു, ഉഡുപ്പി, മണിപ്പാല് എന്നിവയുള്പ്പെടെ കര്ണാടകയിലെ ഏഴ് ജില്ലകളില് 10 ദിവസത്തെ കൊറോണ നൈറ്റ് കര്ഫ്യൂ ഏര്പ്പെടുത്തിയിട്ടുണ്ട്. ഏപ്രില് 10 മുതലാണ് ഇത് നടപ്പിലാക്കിയിരിക്കുന്നത്. ഏപ്രില് 20 വരെ നിയന്ത്രണങ്ങള് നിലനില്ക്കും.
india
ഇന്ത്യന് ജലാതിര്ത്തിയില് പാക് മത്സ്യബന്ധന ബോട്ട് പിടികൂടി; 11 പേര് കസ്റ്റഡിയില്
ബോട്ടിലുണ്ടായിരുന്ന 11 ജീവനക്കാരെയും കസ്റ്റഡിയില് എടുത്തിട്ടുണ്ട്
അഹമ്മദാബാദ്: ഇന്ത്യന് ജലാതിര്ത്തിയില് അനധികൃതമായി പ്രവര്ത്തിച്ചിരുന്ന പാകിസ്ഥാനി മത്സ്യബന്ധന ബോട്ട് ഇന്ത്യന് കോസ്റ്റ് ഗാര്ഡ് പിടികൂടി. ബോട്ടിലുണ്ടായിരുന്ന 11 ജീവനക്കാരെയും കസ്റ്റഡിയില് എടുത്തിട്ടുണ്ട്. ബുധനാഴ്ച നടന്ന ഓപ്പറേഷന് തുടര്ന്ന് ഇവരെ കൂടുതല് അന്വേഷണത്തിനായി ജഖാവു മറിന് പൊലീസിന് കൈമാറി.
ഗുജറാത്ത് ഡിഫന്സ് പിആര്ഒ വിംഗ് കമാന്ഡര് അഭിഷേക് കുമാര് തിവാരി എക്സിലൂടെ പ്രതികരിക്കുമ്പോള്, ഇന്ത്യയുടെ എക്സ്ക്ലൂസീവ് ഇക്കണോമിക് സോണില് (EEZ) പ്രവര്ത്തിച്ചിരുന്ന പാകിസ്ഥാന് ബോട്ടിനെയാണ് പിടികൂടിയത് എന്ന് അറിയിച്ചു. ദേശീയ സമുദ്രസുരക്ഷാ തന്ത്രത്തിന്റെ ഭാഗമായുള്ള തുടര്ച്ചയായ ജാഗ്രതയുടെ ഫലമാണിതെന്നും അദ്ദേഹം വ്യക്തമാക്കി.
കോസ്റ്റ് ഗാര്ഡ് എക്സില് പോസ്റ്റ് ചെയ്തതില്, സമുദ്രാതിര്ത്തി സംരക്ഷണത്തില് തീരസംരക്ഷണ സേനയുടെ അചഞ്ചല ജാഗ്രതയാണ് ഈ നടപടിയിലൂടെ തെളിയുന്നതെന്ന് വ്യക്തമാക്കിയിട്ടുണ്ട്. നിരന്തര നിരീക്ഷണവും കൃത്യമായ പ്രവര്ത്തനവുമാണ് ഇന്ത്യയുടെ സമുദ്രസുരക്ഷയുടെ അടിത്തറയെന്നുമാണ് കോസ്റ്റ് ഗാര്ഡിന്റെ വിശദീകരണം.
india
എസ്ഐആര് സമയപരിധി നീട്ടി
അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമാണ് പുതുക്കിയ തീയതികള് പ്രഖ്യാപിച്ചത്.
ന്യൂഡല്ഹി: വോട്ടര് പട്ടികയുടെ തീവ്ര പരിശോധനാ പ്രക്രിയയ്ക്കുള്ള സമയപരിധി കേന്ദ്ര തെരഞ്ഞെടുപ്പ് കമ്മിഷന് നീട്ടി. അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമാണ് പുതുക്കിയ തീയതികള് പ്രഖ്യാപിച്ചത്.
തമിഴ്നാട്, ഗുജറാത്ത് സംസ്ഥാനങ്ങളില് ഡിസംബര് 14 വരെയും മധ്യപ്രദേശ്, ഛത്തീസ്ഗഢ്, ആന്ഡമാന്-നിക്കോബാര് ദ്വീപുസമൂഹങ്ങളില് ഡിസംബര് 18 വരെയും പരിശോധനാ സമയം നീട്ടിയതായി കമ്മിഷന് അറിയിച്ചു. ഉത്തര്പ്രദേശില് സമയപരിധി ഡിസംബര് 26 വരെ ദീര്ഘിപ്പിച്ചിട്ടുണ്ട്.
കേരളത്തില് എസ്ഐആര് നടപടികള് നേരത്തെ തന്നെ നീട്ടിയിരുന്നു. എന്്യൂമറേഷന് ഫോം സമര്പ്പിക്കാനുള്ള അവസാന തീയതി ഡിസംബര് 18 വരെയാണുള്ളത്. ഡിസംബര് 23ന് കരട് വോട്ടര് പട്ടിക പ്രസിദ്ധീകരിക്കും. അന്തിമ പട്ടിക ഫെബ്രുവരി 21ന് പുറത്തിറങ്ങും.
india
ഇന്ഡിഗോ വിമാന സര്വീസ് റദ്ദാക്കിയതില് നഷ്ടപരിഹാരം; 5,000 മുതല് 10,000 വരെ, കൂടാതെ ട്രാവല് വൗച്ചറും
പുറപ്പെടാനിരിക്കെ 24 മണിക്കൂറിനുള്ളില് റദ്ദാക്കിയ സര്വീസുകളാണ് നഷ്ടപരിഹാര പദ്ധതിയില് ഉള്പ്പെടുന്നത്.
വിമാന സര്വീസ് റദ്ദാക്കിയതിനെ തുടര്ന്ന് വലഞ്ഞ യാത്രക്കാര്ക്ക് നഷ്ടപരിഹാരം നല്കുമെന്ന് ഇന്ഡിഗോ പ്രഖ്യാപിച്ചു. പുറപ്പെടാനിരിക്കെ 24 മണിക്കൂറിനുള്ളില് റദ്ദാക്കിയ സര്വീസുകളാണ് നഷ്ടപരിഹാര പദ്ധതിയില് ഉള്പ്പെടുന്നത്. ഇതിന്റെ ഭാഗമായി യാത്രക്കാര്ക്ക് 5,000 മുതല് 10,000 വരെ തുക നല്കും. പ്രതിസന്ധി ഏറ്റവുമധികം ബാധിച്ച യാത്രക്കാര്ക്ക് 10,000 വിലവരുന്ന ട്രാവല് വൗച്ചറുകളും ഇന്ഡിഗോ നല്കും.
ഈ വൗച്ചറുകള് അടുത്ത 12 മാസം കാലയളവില് ഇന്ഡിഗോയുടെ ഏത് യാത്രക്കും ഉപയോഗിക്കാവുന്നതാണ്. ഡിസംബര് 3, 4, 5 തീയതികളില് നിരവധി യാത്രക്കാര് മണിക്കൂറുകളോളം വിമാനത്താവളങ്ങളില് കുടുങ്ങിപ്പോയ സംഭവത്തെത്തുടര്ന്ന്, കാര്യങ്ങള് വിശദീകരിക്കാന് ഇന്ഡിഗോ സിഇഒ പീറ്റര് എല്ബേഴ്സ് ഡിജിസിഎ ആസ്ഥാനത്തെത്തി. സ്ഥിതിഗതികള് വിലയിരുത്തുന്നതിന്റെ ഭാഗമായാണ് ഡിജിസിഎ ഇന്ഡിഗോയുടെ പ്രവര്ത്തനങ്ങള് നിരീക്ഷിക്കാന് എട്ടംഗ മേല്നോട്ട സമിതിയെ നിയമിച്ചത്.
പ്രതിസന്ധി പരിഹരിക്കുംവരെ, ഈ സംഘത്തില് നിന്നുള്ള രണ്ട് പേര് ദിവസവും ഇന്ഡിഗോയുടെ കോര്പ്പറേറ്റ് ഓഫീസില് സാന്നിദ്ധ്യം ഉറപ്പാക്കും. യാത്രക്കാര്ക്ക് നഷ്ടപരിഹാരം നല്കാനുള്ള മാര്ഗനിര്ദേശങ്ങള് കര്ശനമായി പാലിക്കണമെന്ന് ഡല്ഹി ഹൈക്കോടതിയും ഇന്ഡിഗോയെ നിര്ദേശിച്ചിട്ടുണ്ട്. 10% സര്വീസുകള് വെട്ടിക്കുറച്ചതോടെ പ്രതിദിനം ഏകദേശം 400 സര്വീസുകള് കുറയുന്ന സാഹചര്യമാണിപ്പോള് ഉണ്ടാകുന്നത്.
-
india2 days agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
kerala2 days ago‘ഒരു സ്ത്രീക്കും അനുഭവിക്കാനാകാത്ത ക്രൂരത ആ നടുക്കം ഇന്നും മനസില്’; നടിയുടെ മൊഴി രേഖപ്പെടുത്തിയ എസ്എച്ച്ഒയുടെ വെളിപ്പെടുത്തല്
-
kerala2 days agoമലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
-
india2 days agoആര്എസ്എസ് പിന്തുടരുന്നത് അരാജകത്വമാണ്, അവര് സമത്വത്തെ പിന്തുണക്കുന്നില്ല; രാഹുല് ഗാന്ധി
-
kerala2 days agoവയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്
-
kerala3 days agoഇലക്ഷൻ ഡ്യൂട്ടിയ്ക്കെത്തിയ പൊലീസ് ഉദ്യോഗസ്ഥന് പാമ്പുകടിയേറ്റു
-
kerala2 days agoഎറണാകുളത്ത് കള്ളവോട്ടിന് ശ്രമിച്ച സിപിഎം പ്രവര്ത്തകന് പിടിയില്
-
india1 day ago‘മോദിജി പകുതി സമയവും വിദേശത്ത്, പിന്നെ രാഹുലിന്റെ യാത്രയെ ചോദ്യം ചെയ്യുന്നത് എന്തിന്?’: പ്രിയങ്ക ഗാന്ധി