Connect with us

Culture

എം.എസ്.എഫ് മെഡിഫെഡ് സംസ്ഥാന നേതാവായ എം.ബി.ബി.എസ് വിദ്യാര്‍ത്ഥി മരണപ്പെട്ടു

Published

on

കോഴിക്കോട്: എം.എസ്.എഫ് മെഡിഫെഡ് സംസ്ഥാന നേതാവും കോഴിക്കോട് മെഡിക്കല്‍ കോളേജിലെ മൂന്നാം വര്‍ഷ എം.ബി.ബി.എസ് വിദ്യാര്‍ത്ഥിയുമായ മുഹമ്മദ് അസ്‌ലം (22) മരണപ്പെട്ടു. മെഡിക്കല്‍ കോളേജിന് സമീപത്തുള്ള പാലക്കോട്ട് വയല്‍ ക്ഷേത്രക്കുളത്തില്‍ കൂട്ടുകാര്‍ക്കൊപ്പം കുളിക്കാന്‍ പോയപ്പോള്‍ മുങ്ങിപ്പോവുകയായിരുന്നു. നാട്ടുകാരും ഫയര്‍ഫോഴ്‌സും ചേര്‍ന്ന് മെഡിക്കല്‍ കോളേജിലെത്തിച്ചെങ്കിലും രക്ഷിക്കാനായില്ല.

സാമ്പത്തികമായി പിന്നോക്കം നില്‍ക്കുന്ന കുടുംബത്തില്‍ അംഗമായ അസ്‌ലം കഠിന പരിശ്രമത്തിലൂടെയാണ് എം.ബി.ബി.എസിന് അഡ്മിഷന്‍ നേടിയത്. പഠനത്തിനിടയിലും സംഘടനാ പ്രവര്‍ത്തനത്തില്‍ സജീവമായിരുന്നു. യൂത്ത് ലീഗ് വൈറ്റ് ഗാര്‍ഡ് അംഗമായിരുന്നു. മുസ്‌ലിം യൂത്ത് ലീഗ് യുവജനയാത്രയില്‍ മെഡിക്കല്‍ സംഘത്തില്‍ അംഗമായിരുന്നു. സി.എച്ച് സെന്ററിന്റെ പ്രവര്‍ത്തനങ്ങളിലും സജീവമായി പങ്കുവഹിക്കാറുള്ള വ്യക്തിയായിരുന്നു അസ്‌ലം.

നിഴലായി കൂടെ നടന്ന എന്റെ കൊച്ചൂട്ടൻ ഇനിയില്ല..

കൂടെപ്പിറപ്പിന്റെ കരുതലോടെ ഞാൻ എന്നും ചേർത്ത് പിടിച്ച എന്റെ അസ്‌ലം,നിന്റെ പേരിൽ മറ്റുള്ളവരുടെ മുമ്പിൽ ഈ ഉള്ളവൻ ഒരുപാട് അഭിമാനം കൊണ്ടിട്ടുണ്ട്,നിന്റെ ഓരോ നേട്ടങ്ങളിലും നിന്നെക്കാൾ സന്തോഷിച്ചിട്ടുണ്ട്..
ഞാൻ എന്തിനു വിളിച്ചാലും എന്താണ് എന്ന് പോലും ചോദിക്കാതെ എന്റെ കൂടെ ഇറങ്ങി വരാറായിരുന്നല്ലോ നിന്റെ പതിവ്…
ഓരോ നേട്ടങ്ങളും നീ നേടി എടുക്കുമ്പോഴും വിനയം കൊണ്ട് ഒരുപാട് ചെറുതാകാൻ ആയിരുന്നല്ലോ നിനക്കിഷ്ട്ടം…നിന്നോട് ചങ്ങാത്തമില്ലാത്തവരായി നമ്മുടെ പ്രദേശത്തു കുഞ്ഞുങ്ങൾ പോലും ബാക്കി ഇല്ലായിരുന്നല്ലോ…ഈ കാലഘട്ടത്തിലെ വിദ്യാർത്ഥികൾക്ക് നമ്മുടെ നാട്ടിൽ നിന്നോളം മാതൃകാ വിദ്യാർത്ഥി വേറെ ആരായിരുന്നുണ്ടായിരുന്നത്..

ഒരു കുടുംബത്തിന്റെ ഒരു നാടിന്റെ പ്രതീക്ഷയും അത്താണിയുമാണ് അല്ലാഹുവിലേക്ക് യാത്ര ആയിരിക്കുന്നത്..

കരയാൻ ഇനി കണ്ണുനീർ ബാക്കി ഇല്ല റബ്ബേ…ഓർക്കുമ്പോൾ മനസ്സാകെ പിടയുകയാണ് റബ്ബേ..അവനില്ലാത്ത ഫോട്ടോസ് ഗ്യാലറിയിൽ കുറവാണ് റബ്ബേ..ഒരുമിച്ചു ഉണ്ടും ഉറങ്ങിയവരുമാണ് ഞങ്ങൾ റബ്ബേ… നാളെ നിന്റെ സ്വർഗത്തിൽ ഞങ്ങളെ വീണ്ടും ഒരുമിപ്പിക്കണെ നാഥാ..

എന്റെ കുടപിറപ്പിനു നീ രക്തസാക്ഷിത്യത്തിന്റെ പ്രതിഫലം നൽകി സ്വർഗം കൊണ്ട് അനുഗ്രഹിക്കട്ടെ നാഥാ ……
ആമീൻ യാ റബ്ബൽ ആലമീൻ

(എം എസ് എഫ് മെഡിഫെഡ് സ്റ്റേറ്റ് കമ്മിറ്റി മെമ്പറും എം എസ് എഫ് അമ്പലപ്പുഴ വടക്ക് പഞ്ചായത്ത് വൈസ് പ്രസിഡന്റും കോഴിക്കോട് മെഡിക്കൽ കോളേജ് എം ബി ബി എസ് വിദ്യാർത്ഥിയുമാണ് മുഹമ്മദ് അസ്‌ലം,കുളിക്കാൻ കുളത്തിൽ ഇറങ്ങിയവഴി മുങ്ങി മരിച്ചതാണ്)

അൽത്താഫ് സുബൈർ (msf ജില്ലാ പ്രസിഡന്റ്)

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending