നന്തി ബസാർ: സർക്കാരിൻ്റെയും ബ്ലോക്ക് പഞ്ചായത്തിൻ്റെ പ്രവർത്തനങ്ങളും പദ്ധതികളുമെല്ലാം കടലൂരിലെ ജനങ്ങളെ അറിയിക്കാനും അതിവേഗത്തിൽ വിവരങ്ങൾ കൈമാറാനും നിർദ്ദേശങ്ങൾ പങ്ക് വെക്കാനുമായെല്ലാം പുതിയ മാതൃക. പന്തലായനി ബ്ലോക്ക് പഞ്ചായത്ത് കടലൂർ ഡിവിഷനിലെ മെംബർ പി.കെ മുഹമ്മദലി ‘ജനഹിതം’ എന്ന പേരിലാണ് ന്യൂ മീഡിയ ഫ്ലാറ്റ് ഫോം ആരംഭിച്ചത്.

പുതിയ കാലത്ത് സർക്കാരിൻ്റെ പദ്ധതികളും അനുകൂല്യങ്ങളും അറിയിപ്പുകളുമെല്ലാം വേഗത്തിൽ ജനങ്ങളിലെത്താനും,ജനങ്ങളുടെ നിർദ്ദേശങ്ങൾ പങ്ക് വെക്കാനുമാണ് പുതിയ സംവിധാനം ഒരുക്കിയെതെന്ന് പി.കെ മുഹമ്മദലി പറഞ്ഞു. ബ്ലോക്ക് പഞ്ചായത്ത് പ്രസിഡണ്ട് അശ്വതി ഷിനിലേഷ് ലോഞ്ചിംഗ് നിർവ്വഹിച്ചു.ചടങ്ങിൽ വൈസ് പ്രസിഡണ്ട് പിവി അനുഷ,ബ്ലോക്ക് സിക്രട്ടറി സബിത,ബ്ലോക്ക് എച്ച് എസി മനോജ്,ശാന്തി മാവീട്ടിൽ,തസ്ലീന കാപ്പാട്,ശ്രീലത,സന്തോഷ് കുന്നുമ്മൽ,വിപിൻ തുടങ്ങി ഉദ്യോഗസ്ഥൻമാർ,മെംബർമാർ സംബന്ധിച്ചു

മലപ്പുറം: മലപ്പുറം താനൂര്‍ ശോഭപറമ്പ് ശ്രീകുറുംബ ഭഗവതി ക്ഷേത്രോത്സവത്തിനിടെ വെടിവഴിപാടിനിടയില്‍ അപകടം. വെടിമരുന്നിന് തീപിടിച്ചതിനെ തുടര്‍ന്നാണ് അപകടമുണ്ടായത്. സംഭവത്തില്‍ മൂന്ന് പേര്‍ക്ക് പരിക്കേറ്റു. പരിക്കേറ്റവരെ ഉടന്‍ തന്നെ സമീപത്തെ ആശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്ന് അധികൃതര്‍ അറിയിച്ചു. താനൂര്‍ ശോഭപറമ്പില്‍ ക്ഷേത്രോത്സവം ഇന്ന് നടക്കാനിരിക്കെയാണ് അപകടം ഉണ്ടായത്.

കാസര്‍ഗോഡ് ജില്ലയില്‍ സാമൂഹ്യ സേവന രംഗത്ത് മാതൃകാപരമായ പ്രവര്‍ത്തനങ്ങളിലൂടെ ശ്രദ്ധേയനായ മുസ്‌ലിം ലീഗ് നേതാവും ജില്ലാ ട്രഷററുമായ മുനീര്‍ ഹാജിക്ക് സംഘടനാ തലത്തില്‍ വലിയ അംഗീകാരം. മുസ്‌ലിം ലീഗ് സംസ്ഥാന അധ്യക്ഷന്‍ പാണക്കാട് സാദിക്കലി ശിഹാബ് തങ്ങള്‍ കഴിഞ്ഞ ദിവസം മുനീര്‍ ഹാജിക്ക് ഈ അംഗീകാരം കൈമാറി.
ഏറ്റെടുക്കുന്ന ദൗത്യങ്ങളും ഉത്തരവാദിത്തങ്ങളും എത്ര കഠിനമായാലും, അവയെ തന്റെ കഴിവും സമര്‍പ്പണവും ഉപയോഗിച്ച് നിര്‍ധനരായ പാവപ്പെട്ടവരുടെ ആശ്വാസമാക്കി മാറ്റുന്ന പ്രവര്‍ത്തന ശൈലിയാണ് മുനീര്‍ ഹാജിയെ ജില്ലയില്‍ വ്യത്യസ്തനാക്കുന്നത്. സാമൂഹ്യമാധ്യമ പബ്ലിസിറ്റിയോ വ്യക്തിപരമായ പ്രതാപങ്ങളോ ലക്ഷ്യമാക്കി അല്ല, മറിച്ച് നിസ്വാര്‍ത്ഥ സേവന മനോഭാവത്തോടെയാണ് കഴിഞ്ഞ രണ്ടര പതിറ്റാണ്ടായി സാമൂഹിക രംഗത്ത് അദ്ദേഹം സജീവമായി ഇടപെടുന്നത്.

മുസ്‌ലിം ലീഗിന്റെ പാരമ്പര്യ കുടുംബ പശ്ചാത്തലത്തില്‍ നിന്ന് വളര്‍ന്നുവന്ന മുനീര്‍ ഹാജി ഇന്ന് മുസ്‌ലിം ലീഗ് കാസര്‍ഗോഡ് ജില്ലാ ട്രഷറര്‍ എന്ന സ്ഥാനത്ത് അദ്ദേഹം എത്തിനില്‍ക്കുന്നത്. പി.ടി.എച്ച് കാസറഗോഡ് ജില്ലയില്‍ ആരംഭിക്കുന്നതിലും അതിന്റെ തുടര്‍ന്നുള്ള പ്രവര്‍ത്തനങ്ങളിലും എന്നും അദ്ദേഹം മുന്നില്‍ തന്നെ ഉണ്ടായിട്ടുണ്ട്.

ഇടപെടുന്ന എല്ലാ മേഖലകളിലും കൃത്യവും കാര്യക്ഷമവുമായ പ്രവര്‍ത്തന ശൈലിയാണ് മുനീര്‍ ഹാജിയുടെ പ്രത്യേകത. പ്രവര്‍ത്തകര്‍ക്കിടയില്‍ വിശ്വാസം നേടിയെടുത്ത നേതാവായതിനൊപ്പം, അവര്‍ക്കെല്ലാം എന്നും പ്രചോദനവും ആവേശവും പകരുന്ന സാന്നിധ്യവുമാണ് അദ്ദേഹം. 2026-ല്‍ നടക്കുന്ന നിയമസഭാ തെരഞ്ഞെടുപ്പില്‍ കാസര്‍ഗോഡ് മണ്ഡലത്തില്‍ മത്സരിക്കാന്‍ സാധ്യതയുള്ള സ്ഥാനാര്‍ത്ഥികളുടെ പട്ടികയില്‍ മുനീര്‍ ഹാജി പ്രഥമ പരിഗണനയിലുള്ള നേതാക്കളില്‍ ഒരാളായും ഉയര്‍ന്നുവരുന്നുണ്ട്. സേവനവും സംഘടനാപരമായ കര്‍മ്മശേഷിയും ചേര്‍ന്ന മുനീര്‍ ഹാജിയുടെ പ്രവര്‍ത്തനം കാസര്‍ഗോഡ് ജില്ലയിലെ രാഷ്ട്രീയ-സാമൂഹിക രംഗത്ത് ശക്തമായ സ്വാധീനം ചെലുത്തുന്ന ഒന്നായി മാറുകയാണ്.