Connect with us

Culture

മുസ്‌ലിം യൂത്ത് ലീഗ് സംസ്ഥാന സമ്മേളനം; സന്ദേശമറിയിച്ച് നാളെ ജില്ലകളില്‍ യൂത്ത് ബാന്‍ഡ്

Published

on

കോഴിക്കോട്: മുസ്‌ലിം യൂത്ത് ലീഗ് സംസ്ഥാന സമ്മേളന വിളംബരമറിയിച്ച് കൊണ്ട് നാളെ സംസ്ഥാന കമ്മറ്റിയുടെ ആഹ്വാനപ്രകാരം ജില്ലകളില്‍ യൂത്ത് ബാന്‍ഡ് സംഘടിപ്പിക്കും. ബാനറുകളും, നാസിക് ഡോള്‍ പോലുള്ള വാദ്യോപകരണങ്ങളുമടങ്ങുന്ന യൂത്ത് ബാന്‍ഡ് വ്യത്യസ്തത നിറഞ്ഞതാക്കാനുള്ള ഒരുക്കമാണ് ജില്ലകള്‍ തോറും നടക്കുന്നത്. യുവാക്കളും വിദ്യാര്‍ത്ഥികളും യൂത്ത് ബാന്‍ഡില്‍ അണിനിരക്കും. കാസര്‍കോട് ജില്ലാ കമ്മറ്റിയടെ ആഭിമുഖ്യത്തില്‍ 8ന് വൈകീട്ട് നാല് മണിക്ക് കാസര്‍കോട് ടൗണില്‍ യൂത്ത് ബാന്‍ഡ് സംഘടിപ്പിക്കും.

കണ്ണൂര്‍ ജില്ലയില്‍ ഒമ്പത് കേന്ദ്രങ്ങളില്‍ യൂത്ത് ബാന്‍ഡ് സംഘടിപ്പിക്കും. കണ്ണൂര്‍ മണ്ഡലം കമ്മറ്റിയുടെ നേതൃത്വത്തില്‍ കണ്ണൂര്‍ ടൗണിലും, തളിപറമ്പ് മണ്ഡലം കമ്മറ്റിയുടെ നേതൃത്വത്തില്‍ കമ്പിലും, ഇരിക്കൂര്‍ മണ്ഡലം കമ്മറ്റിയുടെ നേതൃത്വത്തില്‍ ശ്രീകണ്ഠാപുരത്തും, പേരാവൂര്‍ മണ്ഡലം കമ്മറ്റിയുടെ നേതൃത്വത്തില്‍ ഇരിട്ടിയിലും, മട്ടന്നൂര്‍ മണ്ഡലം കമ്മറ്റിയുടെ നേതൃത്വത്തില്‍ മട്ടന്നൂര്‍ ടൗണിലും, കൂത്ത്പറമ്പ് മണ്ഡലത്തില്‍ കല്ലിക്കണ്ടി, കടവത്തുര്‍, പെരിങ്ങത്തൂര്‍ എന്നീ സ്ഥലങ്ങളിലും, അഴീക്കോട് മണ്ഡലം കമ്മറ്റിയുടെ നേതൃത്വത്തില്‍ വളപട്ടണത്തും, കല്യാശ്ശേരി മണ്ഡലം കമ്മറ്റിയുടെ നേതൃത്വത്തില്‍ മാട്ടൂലും, തലശ്ശേരി മണ്ഡലം കമ്മറ്റിയുടെ നേതൃത്വത്തില്‍ തലശ്ശേരി ടൗണിലും യൂത്ത് ബാന്‍ഡ് നടക്കും. വയനാട് ജില്ലാ കമ്മറ്റി സംഘടിപ്പിക്കുന്ന യൂത്ത് ബാന്‍ഡ് കല്‍പറ്റയില്‍ വൈകീട്ട് 4മണിക്ക് നടക്കും. ജില്ലാ കമ്മറ്റിയുടെ ആഭിമുഖ്യത്തില്‍ കോഴിക്കോട് സിറ്റിയില്‍ യൂത്ത് ബാന്‍ഡ് വൈകീട്ട് 4മണിക്ക് നടക്കും.
മലപ്പുറത്ത് വൈകീട്ട് 4മണിക്ക് സുന്നി മഹല്‍ പരിസരത്ത് നിന്ന് വിവിധ കലാരൂപങ്ങളുടെ അടമ്പടിയോടെ പ്രകടനമായി ആരംഭിക്കുന്ന യൂത്ത് ബാന്‍ഡ് കുന്നുമ്മല്‍ ടൗണില്‍ സമാപിക്കും. പാലക്കാട് ജില്ലാ കമ്മറ്റിയുടെ നേതൃത്വത്തില്‍ നടക്കുന്ന യൂത്ത് ബാന്‍ഡ് പാലക്കാട് ലീഗ് ഓഫീസ് പരിസത്ത് നിന്നാരംഭിച്ച് കോട്ട മൈതാനത്തിന് സമീപം സമാപിക്കും. തൃശ്ശൂര്‍ ജില്ലാ കമ്മറ്റിയുടെ നേതൃത്വത്തില്‍ തൃശ്ശൂര്‍ ടൗണിലും യൂത്ത് ബാന്‍ഡ് സംഘടിപ്പിക്കും. എറണാകുളത്ത് തൃക്കാക്കരയിലും, ഇടുക്കി ജില്ലയില്‍ തൊടുപുഴയിലും, കോട്ടയം ജില്ലയില്‍ കോട്ടയം ടൗണിലും, ആലപ്പുഴ ജില്ലയില്‍ കായംകുളത്തും.
പത്തനതിട്ട ജില്ലയില്‍ ചുങ്കപ്പാറയിലും യൂത്ത് ബാന്‍ഡ് നടക്കും. കൊല്ലം ജില്ലയില്‍ കൊട്ടിയത്ത് നിന്നാരംഭിച്ച് കൊല്ലം ടൗണില്‍ സമാപിക്കും, തിരുവനന്തപുരത്ത് വൈകീട്ട് 4മണിക്ക് രക്തസാക്ഷി മണ്ഡപത്തില്‍ നിന്നാരംഭിച്ച് യൂത്ത് ബാന്‍ഡ് ഗാന്ധിപാര്‍ക്കില്‍ സമാപിക്കും. യൂത്ത് ബാന്‍ഡ് യുവജന – വിദ്യാര്‍ത്ഥി പങ്കാളിത്തത്തോടെ വര്‍ണ്ണാഭമാക്കാന്‍ വന്‍ ഒരുക്കങ്ങളാണ് ജില്ലാതലങ്ങളില്‍ നടക്കുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

‘മഞ്ഞുമ്മല്‍ ബോയ്‌സ്’ നിര്‍മാതാക്കള്‍ക്കെതിരെ ഇഡി അന്വേഷണം: സൗബിന് ഷാഹിറിന് നോട്ടീസ്‌

കള്ളപ്പണ ഇടപാടുകളിലാണ് അന്വേഷണം നടക്കുന്നത്

Published

on

കൊച്ചി: ‘മഞ്ഞുമ്മൽ ബോയ്സ്’ സിനിമയുടെ നിർമാതാക്കളായ പറവ ഫിലിംസിനെതിരെ എൻഫോഴ്സ്മെന്റ് ഡയറക്ടറേറ്റ് (ഇ.ഡി) അന്വേഷണം. പറവ ഫിലിംസ് കള്ളപ്പണം ഇടപാടുകൾ നടത്തിയിട്ടുണ്ടോയെന്നാണ് ഇ.ഡി അന്വേഷിക്കുക. ഇതുമായി ബന്ധപ്പെട്ട് നടൻ സൗബിൻ ഷാഹിർ ഉൾപ്പെടെയുള്ളവരെ ഇ.ഡി ചോദ്യം ചെയ്യും.

ഇതിനായി സൗബിൻ ഷാഹിറിന് നോട്ടീസ് നൽകിയിട്ടുണ്ട്. കള്ളപ്പണ ഇടപാടുകളിലാണ് അന്വേഷണം നടക്കുന്നത്. സാമ്പത്തിക തട്ടിപ്പ് കേസിൽ മഞ്ഞുമ്മൽ ബോയ്സ് നിർമ്മാതാക്കൾക്കെതിരെ പൊലീസ് കേസുണ്ട്. സിനിമയ്ക്ക് 7 കോടി രൂപ മുടക്കിയ വ്യക്തിക്ക് 250 കോടി ലാഭമുണ്ടാക്കിയിട്ടും മുടക്കുമുതൽ പോലും നൽകിയില്ലെന്നായിരുന്നു പരാതി.

നേരത്തേ സിനിമയുടെ ലാഭവിഹിതം വാഗ്ദാനം ചെയ്ത് സാമ്പത്തിക തട്ടിപ്പ് നടന്നതിലും പറവ ഫിലിംസിനെതിരെ കേസുണ്ട്. ഏഴുകോടി രൂപ സിനിമയ്ക്കായി മുടക്കിയാല്‍ 40 % ശതമാനം ലാഭവിഹിതം വാഗ്ദാനം ചെയ്ത ശേഷം വഞ്ചിച്ചെന്ന് കാട്ടി അരൂര്‍ സ്വദേശി സിറാജ് വലിയതറ ഹമീദ് നല്‍കിയ കേസില്‍ നിര്‍മാതാക്കള്‍ തട്ടിപ്പ് നടത്തിയെന്ന് കേസന്വേഷിച്ച മരട് പൊലീസ് ഹൈക്കോടതിയില്‍ റിപ്പോര്‍ട്ട് നല്‍കിയിരുന്നു. ഇതിന് പിന്നാലെയാണ് അന്വേഷണവുമായി ഇ.ഡിയും എത്തുന്നത്.

Continue Reading

Celebrity

നടി മാളബിക ദാസിനെ മരിച്ചനിലയിൽ കണ്ടെത്തി; മൃതദേഹം അഴുകിയ നിലയിൽ

ഫ്ലാറ്റിൽ നിന്ന് ദുർ​ഗന്ധമുണ്ടായതിനെ തുടർന്ന് അയൽവാസികൾ പൊലീസിനെ അറിയിക്കുകയായിരുന്നു

Published

on

മുംബൈ: ബോളിവുഡ് നടി നൂർ മാളബിക ദാസിനെ (32) മരിച്ച നിലയിൽ കണ്ടെത്തി. മുംബൈയിലെ ഫ്ലാറ്റിലാണ് നടിയെ മരിച്ച നിലയിൽ കണ്ടെത്തിയത്. ജൂൺ ആറിനാണ് നടി മരിച്ചത്. ഫ്ലാറ്റിൽ നിന്ന് ദുർ​ഗന്ധമുണ്ടായതിനെ തുടർന്ന് അയൽവാസികൾ പൊലീസിനെ അറിയിക്കുകയായിരുന്നു.

തുടർന്ന് പൊലീസെത്തി ഫ്ലാറ്റിൽ പരിശോധന നടത്തിയപ്പോഴാണ് അഴുകിയ നിലയിൽ നടിയുടെ മൃതദേഹം കണ്ടെത്തിയത്. മൃതദേഹം പോസ്റ്റ്‌മോർട്ടത്തിനായി ഗോരേഗാവിലെ സിദ്ധാർത്ഥ് ആശുപത്രിയിലേക്ക് മാറ്റി.

അസം സ്വദേശിയായ നൂർ അഭിനയ രംഗത്തേക്കെത്തുന്നതിന് മുമ്പ് ഖത്തർ എയർവേയ്‌സിൽ എയർ ഹോസ്റ്റസായിരുന്നു. കജോൾ നായികയായെത്തിയ ദ് ട്രയലിൽ ശ്രദ്ധേയമായ വേഷത്തിൽ നൂർ അഭിനയിച്ചിട്ടുണ്ട്. സിസ്‌കിയാൻ, വാക്ക്മാൻ തുടങ്ങി നിരവധി വെബ് സീരീസുകളിലും നടി ഭാഗമായിട്ടുണ്ട്.

Continue Reading

Film

‘മുസ്‌ലിം സമുദായത്തെ അധിക്ഷേപിക്കുന്നു’;’ഹമാരെ ബാരാ’ ചിത്രത്തിന്റെ റിലീസ് വിലക്കേര്‍പ്പെടുത്തി കര്‍ണാടക സര്‍ക്കാര്‍

സംസ്ഥാനത്തെ മതസാഹോദര്യവും സമാധാനാന്തരീക്ഷവും തകര്‍ക്കുമെന്നു ചൂണ്ടിക്കാട്ടിയാണ് കര്‍ണാടക സര്‍ക്കാര്‍ ഉത്തരവിട്ടിരിക്കുന്നത്

Published

on

ഹിന്ദി ചിത്രം ‘ഹമാരെ ബാരാ’യുടെ ചിത്രീകരണം നിരോധിച്ച് കര്‍ണാടക. അടുത്തൊരു ഉത്തരവുണ്ടാകുന്നതു വരെയാണു വിലക്ക്. സിനിമയില്‍ മുസ്‌ലിം സമുദായത്തെ അധിക്ഷേപിക്കുന്നുവെന്നു ചൂണ്ടിക്കാട്ടി മുസ്‌ലിം സംഘടനകളുടെ പ്രതിഷേധം നടക്കുന്നതിനിടെയാണു സംസ്ഥാനത്തെ തിയറ്ററുകളില്‍ ചിത്രം പ്രദര്‍ശിപ്പിക്കുന്നതു തടഞ്ഞിരിക്കുന്നത്.

1964ലെ കര്‍ണാടക സിനിമാ(നിയന്ത്രണ) നിയമം പ്രകാരമാണ് സിദ്ധരാമയ്യ സര്‍ക്കാരിന്റെ നടപടി. നിരവധി സംഘടനാ നേതാക്കള്‍ വിഷയത്തില്‍ സര്‍ക്കാരിന്റെ ഇടപെടല്‍ ആവശ്യപ്പെട്ടിരുന്നു. ചിത്രം റിലീസ് ചെയ്യുന്നതിനു പുറമെ ഇലക്ട്രോണിക് മാധ്യമങ്ങളിലും സോഷ്യല്‍ മീഡിയയിലും ചിത്രത്തിന്റെ ട്രെയിലര്‍ പ്രദര്‍ശിപ്പിക്കുന്നതിനും വിലക്കുണ്ട്. സംസ്ഥാനത്തെ മതസാഹോദര്യവും സമാധാനാന്തരീക്ഷവും തകര്‍ക്കുമെന്നു ചൂണ്ടിക്കാട്ടിയാണ് കര്‍ണാടക സര്‍ക്കാര്‍ ഉത്തരവിട്ടിരിക്കുന്നത്.

മുസ്‌ലിം സമുദായത്തെ ബോധപൂര്‍വം വേട്ടയാടുന്നതാണു ചിത്രമെന്നാണു പരാതി ഉയര്‍ന്നിരിക്കുന്നത്. സമൂഹത്തില്‍ നിലനില്‍ക്കുന്ന സമാധാനാന്തരീക്ഷം തകര്‍ക്കുകയാണു ചിത്രത്തിന്റെ അണിയറ പ്രവര്‍ത്തകര്‍ ഇതിലൂടെ ലക്ഷ്യമിട്ടിരിക്കുന്നതെന്നു ചൂണ്ടിക്കാട്ടി ഇതിനോടകം പല സംഘടനകളും രംഗത്തുവന്നിട്ടുണ്ട്.

Continue Reading

Trending