Culture
കരിപ്പൂരില് ലഗേജ് നഷ്ടപ്പെട്ട സംഭവം; ശക്തമായ ഇടപെടലുകളുമായി കുഞ്ഞാലിക്കുട്ടി എം.പി
കോഴിക്കോട്: കരിപ്പൂരില് ലഗേജ് നഷ്ടപ്പെട്ട സംഭവം വ്യോമയാന മന്ത്രാലത്തിന്റെയും, വിദേശകാര്യ മന്ത്രാലയത്തിന്റെയും ശ്രദ്ധയില് കൊണ്ടുവരുമെന്ന് കുഞ്ഞാലിക്കുട്ടി എം.പി പറഞ്ഞു. ‘എയര് ഇന്ത്യ കരിപ്പൂര് എയര്പോര്ട്ട് മാനേജര് ആനന്ദ് ശുഭറാമും, സ്റ്റേഷന് മാനേജര് റസ അലി ഖാനും ആയി ഇന്ന് കൂടിക്കാഴ്ച്ച നടത്തിയിരുന്നു. ലഗേജ് നഷ്ടപ്പെട്ടത് അറിഞ്ഞ ഉടനെ എയര്പോര്ട്ട് ഡയറക്ടറോട് വിശദാംശങ്ങള് തേടിയിരുന്നു. ഇതേ തുടര്ന്നാണ് എയര് ഇന്ത്യ ഉദ്യോഗസ്ഥര് ഇന്ന് സന്ദര്ശനത്തിനെത്തിയത്.’ഫേസ്ബുക്ക് പോസ്റ്റിലൂടെ അദ്ദേഹം അറിയിച്ചു.
പോസ്റ്റിന്റെ പൂര്ണ്ണരൂപം:
കരിപ്പൂര് എയര്പോര്ട്ടില് യാത്രക്കാരുടെ ലഗേജ് നഷ്ടപ്പെട്ട സംഭവങ്ങളുമായി ബന്ധപ്പെട്ട് എയര് ഇന്ത്യ കരിപ്പൂര് എയര്പോര്ട്ട് മാനേജര് ആനന്ദ് ശുഭറാമും, സ്റ്റേഷന് മാനേജര് റസ അലി ഖാനും ആയി ഇന്ന് കൂടിക്കാഴ്ച്ച നടത്തി. ദുബായില് നിന്നുള്ള യാത്രക്കാരുടെ ലഗേജ് നഷ്ടപ്പെട്ടത് അറിഞ്ഞ ഉടനെ എയര്പോര്ട്ട് ഡയറക്ടറോട് വിശദാംശങ്ങള് തേടിയിരുന്നു. ഇതേ തുടര്ന്നാണ് എയര് ഇന്ത്യ ഉദ്യോഗസ്ഥര് ഇന്ന് സന്ദര്ശനത്തിനെത്തിയത്.
ലഗേജ് നഷ്ടപ്പെട്ട പരാതി ഇതാദ്യമല്ല. ഞാന് അധ്യക്ഷനായ എയര്പോര്ട്ട് ഉപദേശക സമിതിയുടെ ആദ്യ യോഗത്തിലും സമാനമായ പരാതികള് ഉയര്ന്നിരുന്നു. കൂടാതെ ലഗേജ് നഷ്ടപ്പെട്ട വ്യക്തികളില് ഒരാള് പരാതിയുമായി അന്നെത്തുകയും ചെയ്തിരുന്നു. യോഗത്തില് സംബന്ധിച്ച ഉയര്ന്ന ഉദ്യോഗസ്ഥരുടെ ശ്രദ്ധയില് വിഷയം കൊണ്ട് വരികയും, കര്ശന നടപടികള് സ്വീകരിക്കാന് ആവശ്യപ്പെടുകയും ചെയ്തിരുന്നതാണ്. പക്ഷേ നിര്ഭാഗ്യവശാല് വീണ്ടുമത് ആവര്ത്തിച്ചു.
ലഗേജ് നഷ്ടമാകുന്നത് ദുബായ് എയര്പോര്ട്ടിലെ ടെര്മിനല് രണ്ടില് നിന്നാണെന്ന നിലപാടിലാണ് ഉദ്യോഗസ്ഥര്. 24 അന്താരാഷ്ട്ര വിമാന സര്വീസുകള് കരിപ്പൂര് കേന്ദ്രീകരിച്ച് നടക്കുന്നുണ്ട്. ദുബായ് വിമാനത്താവളത്തിലെ രണ്ടാം ടെര്മിനലില് നിന്ന് കരിപ്പൂര് വിമാനതാവളത്തിലേക്ക് പുറപ്പെടുന്ന ഒരു വിമാനത്തില് നിന്ന് മാത്രമാണ് ലഗേജ് മോഷണം റിപ്പോര്ട്ട് ചെയ്യപ്പെട്ടിട്ടുള്ളത്. കരിപ്പൂര് എയര്പോര്ട്ടില് ഇത്തരം മോഷണങ്ങള് സംഭവിക്കാ റില്ലെന്നും അവര് പറയുന്നു. പക്ഷേ പരസ്പര കുറ്റപ്പെടുത്തലുകള്ക്കപ്പുറം എന്ത് നടപടിയാണ് ഇനി കൈക്കൊള്ളാനാവുക എന്നതാണ് പ്രസക്തം. മാത്രമല്ല പാസ്പോര്ട്ട് അടക്കമുള്ളവ നഷ്ടപ്പെട്ടവര്ക്ക് അത് തിരിച്ച് ലഭിക്കുന്നതിനുള്ള മാര്ഗവും കണ്ടെത്തേണ്ടതുണ്ട്.
ദുബായ് പോലീസുമായി ബന്ധപ്പെട്ട് പരാതി നല്കുക എന്നതാണ് പോംവഴി. അതിനുള്ള നടപടികള് സ്വീകരിക്കാന് എയര് ഇന്ത്യ അധികൃതരോട് ആവശ്യപ്പെട്ടിട്ടുണ്ട്. പക്ഷേ ഇത് കൊണ്ട് മാത്രം എയര് ഇന്ത്യയുടെ ഉത്തരവാദിത്വം തീരുന്നില്ല. ഇത്തരം സംഭവങ്ങള് ആവര്ത്തിക്കാതിരിക്കാന് ശക്തമായ ഇടപെടലുകള് അവരുടെ ഭാഗത്ത് നിന്ന് ഉണ്ടാകണമെന്ന് ഉദ്യോഗസ്ഥരോട് ആവശ്യപ്പെട്ടിട്ടുണ്ട്. കരിപ്പൂര് എയര്പോര്ട്ട് ഉപദേശക സമിതി ചെയര്മാനെന്ന നിലയിലും, എം പിയെന്ന നിലയിലും ഈ വിഷയം വ്യോമയാന മന്ത്രാലത്തിന്റെയും, വിദേശകാര്യ മന്ത്രാലയത്തിന്റെയും ശ്രദ്ധയില് കൊണ്ടുവരും.
entertainment
മിഷന് 90 ഡേയ്സ് സിനിമ ചിത്രീകരണത്തിനിടെ മമ്മൂട്ടിയും മേജര് രവിയും തമ്മില് തര്ക്കം; നിര്മ്മാതാവിന്റെ വെളിപ്പെടുത്തല്
ചിത്രീകരണ സമയത്ത് നടന്ന വലിയ തര്ക്കത്തെ കുറിച്ച് നിര്മ്മാതാവ് ശശി അയ്യന്ചിറ വെളിപ്പെടുത്തി.
മമ്മൂട്ടിയെ നായകനാക്കി മേജര് രവി സംവിധാനം ചെയ്ത മിഷന് 90 ഡേയ്സ് എന്ന ചിത്രത്തിന്റെ ചിത്രീകരണ സമയത്ത് നടന്ന വലിയ തര്ക്കത്തെ കുറിച്ച് നിര്മ്മാതാവ് ശശി അയ്യന്ചിറ വെളിപ്പെടുത്തി. ചിത്രീകരണം പൂര്ത്തിയാകാന് വെറും ഏഴ് ദിവസം മാത്രമുണ്ടായിരുന്നു. അപ്പോഴാണ് മമ്മൂട്ടിയും മേജര് രവിയും തമ്മില് വാക്കുതര്ക്കം ഉണ്ടായത്. മേജര് രവി സംസാരിക്കുന്ന രീതിയില് മമ്മൂട്ടിക്ക് അസൗകര്യം തോന്നിയതോടെ, ‘ഞാന് നിങ്ങളുടെ സിനിമയില് അഭിനയിക്കില്ല’ എന്ന് മമ്മൂട്ടി പറഞ്ഞുവെന്നാണ് ശശി അയ്യന്ചിറ പറയുന്നത്. ഇതിന് മറുപടിയായി ‘പിന്നെ ഞാന് ഈ സിനിമ സംവിധാനം ചെയ്യില്ല’ എന്നും മേജര് രവി പ്രഖ്യാപിച്ചു. സ്ഥിതി തീര്ത്തും ഗുരുതരമായപ്പോള്, കണ്ട്രോളര് നിര്മ്മാതാവിനെ വിളിച്ചു. ഇരുവരും പിന്മാറുമെന്ന് പ്രഖ്യാപിച്ച സാഹചര്യത്തില് ശശി അയ്യന്ചിറ ശാന്തമായി, ‘മമ്മൂക്ക അഭിനയിക്കണ്ട, മേജര് സാര് സംവിധാനം ചെയ്യണ്ട’ ഞാന് നോക്കിക്കോളാം എന്ന നിലപാടാണ് എടുത്തത്. ഇത് കഴിഞ്ഞ്, അദ്ദേഹം ഇരുവരുടെയും കൈ പിടിച്ച് ഒരു മുറിയിലേക്ക് കൊണ്ടുപോയി കതക് അടച്ചു. വെറും അഞ്ച് മിനിറ്റിനുള്ളില് തന്നെ എല്ലാ പ്രശ്നങ്ങളും പരിഹരിച്ചതായി അദ്ദേഹം പറയുന്നു. തുടര്ന്ന് മൂവരും ചിരിച്ചുകൊണ്ട് മുറിയില് നിന്ന് പുറത്തിറങ്ങുകയും, ‘എന്നാ തുടങ്ങാം’ എന്ന് മമ്മൂട്ടി മേജര് രവിയോടു പറയുകയും ചെയ്തതായാണ് വെളിപ്പെടുത്തല്. മലയാള സിനിമയില് ഏറ്റവും കൃത്യവും സമയനിയമനമുള്ള നടന് മമ്മൂട്ടിയാണെന്നും, ചെറിയ വിഷമങ്ങള് വന്നാലും അത് കൈകാര്യം ചെയ്താല് മതി എന്നും ശശി അയ്യന്ചിറ അഭിമുഖത്തില് പറഞ്ഞു. മിഷന് 90 ഡേയ്സ് ബോക്സ് ഓഫീസില് വലിയ വിജയം നേടിയില്ലെങ്കിലും ചിത്രത്തിന്റെ ലൊക്കേഷന് ഓര്മ്മകളില് ഈ സംഭവത്തിന് പ്രത്യേക സ്ഥാനമുണ്ട്.
kerala
ശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്
ക്ഷേത്രം കൊള്ളയടിച്ച നേതാക്കള് ഒരോരുത്തരും ജയിലേക്ക് പോകുന്ന ഘോഷയാത്രയാണ് കാണുന്നതെന്നും വി ഡി സതീശന് പറഞ്ഞു.
ശബരിമല സ്വര്ണക്കൊള്ളയില് സി.പി.എം നേതാവും ദേവസ്വം ബോര്ഡ് പ്രസിഡന്റും എം.എല്.എയുമായിരുന്ന പത്മകുമാറിന്റെ അറസ്റ്റോടെ കേരളം അമ്പരന്നു നില്ക്കുകയാണെന്ന് പ്രതിപക്ഷ നേതാവ് വി ഡി സതീശന്. ക്ഷേത്രം കൊള്ളയടിച്ച നേതാക്കള് ഒരോരുത്തരും ജയിലേക്ക് പോകുന്ന ഘോഷയാത്രയാണ് കാണുന്നതെന്നും വി ഡി സതീശന് പറഞ്ഞു.
ശബരിമല സ്വര്ണക്കൊള്ള നടന്നത് സിപിഎമ്മിന്റെ അറിവോടെയാണെന്നെന്നും സതീശന് പറഞ്ഞു. കടകംപള്ളി സുരേന്ദ്രനെയാണ് ഇനി ചോദ്യം ചെയ്യേണ്ടതെന്നും മന്ത്രി വാസവനും അറിവുണ്ടെന്നും വി.ഡി സതീശന് പറഞ്ഞു.
ശബരിമല സ്വര്ണക്കൊള്ളയില് മുഖ്യമന്ത്രി പിണറായി വിജയന് എന്തുകൊണ്ട് മൗനം പാലിക്കുന്നു. സ്വന്തം നേതാക്കള് ജയിലിലേക്ക് പോകുമ്പോള് പാര്ട്ടിക്ക് ഒരു കുഴപ്പവുമില്ലെന്ന് പറയാന് എം.വി ഗോവിന്ദന് മാത്രമേ കഴിയൂവെന്നും വി.ഡി സതീശന് പരിഹസിച്ചു. എന്തുകൊണ്ട് ദേവസ്വം ബോര്ഡ് പോറ്റിക്കെതിരെ പരാതി നല്കിയില്ലെന്നും പോറ്റി കുടുങ്ങിയാല് പലരും കുടുങ്ങും എന്ന് സിപിഎമ്മിന് അറിയാമായിരുന്നുവെന്നും അദ്ദേഹം കൂട്ടിച്ചേര്ത്തു.
Film
‘ഹനുമാനെ വിശ്വസിക്കുന്നില്ല’; രാജമൗലിയുടെ പ്രസ്താവനയില് പരാതി
ഹിന്ദു വികാരങ്ങളെ വൃണപ്പെടുത്തിയതാണെന്നാരോപിച്ച് വാരണസി സെന സംഘടന രാജമൗലിക്കെതിരെ പൊലീസ് പരാതി നല്കിയിട്ടുണ്ട്
വാരണസി: ചലച്ചിത്ര സംവിധായകന് എസ്.എസ്. രാജമൗലി നടത്തിയ പ്രസ്താവന വിവാദത്തില്. വരാനിരിക്കുന്ന ‘വാരണസി’ എന്ന ചിത്രത്തിന്റെ ടീസര് ലോഞ്ച് ചടങ്ങില്’ എനിക്ക് ദൈവമായ ഹനുമാനില് വിശ്വാസമില്ല’ എന്ന രാജമൗലിയുടെ വാക്കുകളാണ് വിവാദത്തിന് ഇടയായത്. ഈ പ്രസ്താവന ഹിന്ദു വികാരങ്ങളെ വൃണപ്പെടുത്തിയതാണെന്നാരോപിച്ച് വാരണസി സെന സംഘടന രാജമൗലിക്കെതിരെ പൊലീസ് പരാതി നല്കിയിട്ടുണ്ട്. ഹൈദരാബാദിലെ രാമോജി ഫിലിം സിറ്റിയില് നവംബര് 15ന് നടന്ന ‘ Globe Trotter ‘ എന്നാണ് ഇവന്റ്.
ലോകത്തിന്റെ വിവിധ ഭാഗങ്ങളില് നിന്ന് ആയിരക്കണക്കിന് ആളുകള് പങ്കെടുത്ത വന് വേദിയില് ചിത്രത്തിന്റെ ടീസറും ‘കുംബ’ എന്ന ടൈറ്റിലും പുറത്തിറക്കിയിരുന്നു. സാങ്കേതിക പ്രശ്നങ്ങള് നേരിട്ട സമയത്താണ് രാജമൗലി വിവാദമായി മാറിയ പ്രസ്താവന നടത്തിയതെന്ന് പരാതിയില് ചൂണ്ടിക്കാണിക്കുന്നു. ‘സംവിധായകന് രാജമൗലി ഹിന്ദു മതവികാരങ്ങളെ വൃണപ്പെടുത്തി എന്നാരോപിച്ച് പരാതി ലഭിച്ചിട്ടുണ്ട്. ഇതുവരെ കേസായി രജിസ്റ്റര് ചെയ്തിട്ടില്ല.
സംഭവത്തിന്റെ നിജസ്ഥിതി പരിശോധിച്ചു വരുന്നു’ എന്ന് വാരണസി പൊലീസിന്റെ വക്താവ് അറിയിച്ചു. ചടങ്ങില് പ്രധാന താരങ്ങള് ആയിരുന്ന മഹേഷ് ബാബു, പൃഥ്വിരാജ് സുകുമാരന്, പ്രിയങ്ക ചോപ്ര എന്നിവരുടെ സാന്നിധ്യം ഇവന്റിനെ ദേശീയ തലത്തില് തന്നെ ശ്രദ്ധേയമാക്കി. ചിത്രത്തില് പ്രിയങ്ക ചോപ്ര മന്ദാകിനിയായി, പൃഥ്വിരാജ് സുകുമാരന് കുംബയായി പ്രത്യക്ഷപ്പെടും. 2027ലെ സങ്ക്രാന്തി റിലീസിനായി ‘വാരണസി’ ഒരുക്കപ്പെടുന്നുണ്ട്. എന്നാല് ചിത്രത്തെക്കാള് വലിയ ചര്ച്ചയാകുന്നത് സംവിധായകന്റെ പ്രസ്താവനയും അതിനുശേഷം ഉയര്ന്ന പ്രതിഷേധങ്ങളുമാണ്.
-
world2 days agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
News1 day agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
kerala2 days ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
kerala1 day agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
Health2 days agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala1 day agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala1 day agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്
-
gulf1 day agoസൗദിയില് കെട്ടിടത്തിന് മുകളില് നിന്ന് വീണ് മലയാളി യുവാവ് മരിച്ചു.