Culture

പ്ലസ്ടു, വി.എച്ച്.എസ്.ഇ സേ പരീക്ഷ നാളെ മുതല്‍

Published

7 years ago

June 6, 2017

തിരുവനന്തപുരം: പ്ലസ്ടു, വി.എച്ച്.എസ്.ഇ സേ പരീക്ഷകള്‍ക്ക്
നാളെ തുടക്കമാകും. പ്ലസ്ടു സേ പരീക്ഷകള്‍ 13നും വി.എച്ച്.എസ്.ഇ സേ തിയറി പരീക്ഷകള്‍ 14നും അവസാനിക്കും.
ഹയര്‍സെക്കന്ററി വിഭാഗത്തില്‍ രാവിലെ 9.30മുതലും ഉച്ചകഴിഞ്ഞ് രണ്ടുമണി മുതലുമാണ് സേ പരീക്ഷ. പ്രായോഗിക പരീക്ഷയുള്ള വിഷയങ്ങള്‍ക്ക് കൂള്‍ ഓഫ് ടൈം ഉള്‍പ്പെടെ രണ്ടേകാല്‍ മണിക്കൂറും പ്രായോഗിക പരീക്ഷ ഇല്ലാത്ത വിഷയങ്ങള്‍ക്ക് കൂള്‍ ഓഫ് ടൈം ഉള്‍പ്പെടെ രണ്ടേമുക്കാല്‍ മണിക്കൂറും ആയിരിക്കും പരീക്ഷാസമയം. മ്യൂസിക്കിന് കൂള്‍ ഓഫ് ടൈം ഉള്‍പ്പെടെ ഒന്നേമുക്കാല്‍ മണിക്കൂറും ആയിരിക്കും പരീക്ഷാ സമയം. ഇന്ന് രാവിലെ ഫിസിക്‌സ്, ജോഗ്രഫി, അക്കൗണ്ടന്‍സി, ഫിലോസഫി, മ്യൂസിക്, ആന്ത്രപ്പോളജി, ജേര്‍ണലിസം പരീക്ഷ നടക്കും,
ഉച്ചകഴിഞ്ഞ് ജിയോളജി, സോഷ്യല്‍ വര്‍ക്ക് പരീക്ഷ. എട്ടിന് രാവിലെ കെമിസ്ട്രി, പൊളിറ്റിക്കല്‍ സയന്‍സ്, സംസ്‌കൃത ശാസ്ത്രം എന്നിവയും ഉച്ചക്ക് ഇക്കണോമിക്‌സ്, ഇംഗ്ലീഷ് ലിറ്ററേച്ചര്‍ പരീക്ഷയും നടക്കും.
ഒന്‍പതിന് രാവിലെ മാത്തമാറ്റിക്‌സ്, പാര്‍ട്ട് മൂന്ന് ഭാഷകള്‍, കമ്പ്യൂട്ടര്‍ ആപ്ലിക്കേഷന്‍, സൈക്കോളജി, സംസ്‌കൃത സാഹിത്യം. ഉച്ചക്ക് ഗാന്ധിയന്‍ സ്റ്റഡീസ്, സ്റ്റാറ്റിസ്റ്റിക്‌സ്. 12ന് രാവിലെ ഇംഗ്ലീഷ് പാര്‍ട്ട് ഒന്ന്. ഉച്ചക്ക് രണ്ടാംഭാഷ, കമ്പ്യൂട്ടര്‍ ഇന്‍ഫര്‍മേഷന്‍ ടെക്‌നോളജി. 13ന് രാവിലെ ബയോളജി, സോഷ്യോളജി, കമ്പ്യൂട്ടര്‍ സയന്‍സ്. ഉച്ചക്ക് ഹോം സയന്‍സ്, ഹിസ്റ്ററി, ബിസിനസ് സ്റ്റഡീസ്, ഇസ്‌ലാമിക് ഹിസ്റ്ററി ആന്‍ഡ് കള്‍ച്ചര്‍, ഇലക്‌ട്രോണിക്‌സ്, ഇ.എസ്.ടി, കമ്മ്യൂണിക്കേറ്റീവ് ഇംഗ്ലീഷ്.
വി.എച്ച്.എസ്.ഇയില്‍ ഏഴിന് രാവിലെ 9.30 മുതല്‍ ഫിസിക്സ്/ജിയോഗ്രഫി/അക്കൗണ്ടന്‍സി, എട്ടിന് രാവിലെ കെമിസ്ട്രി, ഉച്ചക്ക് ഇക്കണോമിക്സ്, ഒന്‍പതിന് രാവിലെ മാത്തമാറ്റിക്സ്, 12ന് രാവിലെ ഇംഗ്ലീഷ്, ഉച്ചക്ക് മാനേജ്മെന്റ്, 13ന് രാവിലെ ബയോളജി, ഉച്ചക്ക് ഹിസ്റ്ററി, ബിസിനസ് സ്റ്റഡീസ്, 14ന് രാവിലെ ഇന്റര്‍പ്രണര്‍ഷിപ്പ് ഡവലപ്മെന്റ്/ജി.എഫ്.സി, ഉച്ചക്ക് വൊക്കേഷണല്‍ തിയറി പരീക്ഷകള്‍ നടക്കും. തിയറി പരീക്ഷകള്‍ തെരഞ്ഞെടുത്ത കേന്ദ്രങ്ങളിലും എല്ലാ വൊക്കേഷണല്‍, നോണ്‍ വൊക്കേഷണല്‍ മോഡുലാര്‍ പ്രായോഗിക പരീക്ഷകളും ജൂണ്‍ 15 മുതല്‍ 22 വരെയുള്ള തിയതികളില്‍ വിദ്യാര്‍ത്ഥികള്‍ പഠിച്ച സ്‌കൂളുകളിലും നടക്കും.
റജിസ്റ്റര്‍ ചെയ്തവരുടെ ഹാള്‍ടിക്കറ്റുകള്‍ സ്‌കൂള്‍ അധികൃതര്‍ പോര്‍ട്ടലില്‍ നിന്നും ഡൗണ്‍ലോഡ് ചെയ്ത് വിദ്യാര്‍ത്ഥികള്‍ക്ക് നല്‍കണം. ഹാള്‍ടിക്കറ്റില്‍ അപാകതകള്‍ ഉണ്ടെങ്കിലോ ലഭിക്കാതിരിക്കുകയോ ചെയ്താല്‍ വിവരം അടിയന്തരമായി പരീക്ഷാ ഓഫീസില്‍ അറിയിക്കണം.

Film

പ്രോഗ്രസീവ് ഫിലിം മേക്കേഴ്‌സ് അസോസിയേഷന്‍; മലയാള സിനിമാ മേഖലയില്‍ പുതിയ സംഘടനയ്ക്ക് നീക്കം

തൊഴിലാളികളുടെ ശാക്തീകരണം ലക്ഷ്യംവെച്ചാണ് പുതിയ സംഘടനയെന്നും പുത്തന്‍ സിനിമാ സംസ്‌കാരം രൂപീകരിക്കുമെന്നും അണിയറ പ്രവര്‍ത്തകര്‍ പറഞ്ഞു.

Published

10 hours ago

September 16, 2024

webdesk13

മലയാള സിനിമാ മേഖലയില്‍ പുതിയ സംഘടനയ്ക്ക് നീക്കം. പ്രോഗ്രസീവ് ഫിലിം മേക്കേഴ്‌സ് അസോസിയേഷന്‍ എന്നാണ് സംഘടനയുടെ പേര്. ആഷിഖ് അബു, അഞ്ജലി മേനോന്‍, ലിജോ ജോസ് പെല്ലിശ്ശേരി, രാജീവ് രവി, റിമ കല്ലിങ്കല്‍ തുടങ്ങിയവരുടെ നേതൃത്വത്തിലാണ് സംഘടന.

തൊഴിലാളികളുടെ ശാക്തീകരണം ലക്ഷ്യംവെച്ചാണ് പുതിയ സംഘടനയെന്നും പുത്തന്‍ സിനിമാ സംസ്‌കാരം രൂപീകരിക്കുമെന്നും അണിയറ പ്രവര്‍ത്തകര്‍ പറഞ്ഞു. തൊഴിലാളികളുടെ അവകാശം സംരക്ഷിക്കും, സമത്വം, സഹകരണം, സാമൂഹിക നീതി മൂല്യങ്ങളെ വേര് ഊന്നി പ്രവര്‍ത്തിക്കും, പിന്നണി പ്രവര്‍ത്തകര്‍ എന്ന നിലയില്‍ മുന്നിട്ട് ഇറങ്ങണമെന്നും പറഞ്ഞു.

crime

ഷെയിന്‍ നിഗം നായകനായ ‘ഹാല്‍’ സിനിമാ സെറ്റില്‍ ആക്രമണം

സിനിമയ്ക്കുവേണ്ടി വാടകയ്‌ക്കെടുത്ത ബൈക്കിന്റെ വാടകയുമായി ബന്ധപ്പെട്ടാണ് തര്‍ക്കമുണ്ടായത്.

Published

3 days ago

September 13, 2024

webdesk13

മലാപറമ്പ് സിനിമാ സെറ്റില്‍ ഗുണ്ടാ ആക്രമണം. സിനിമയ്ക്കുവേണ്ടി വാടകയ്‌ക്കെടുത്ത ബൈക്കിന്റെ വാടകയുമായി ബന്ധപ്പെട്ടാണ് തര്‍ക്കമുണ്ടായത്. ഇന്നലെ രാത്രിയാണ് അഞ്ചംഗ സംഘം സിനിമാ സെറ്റിലെത്തി ആക്രമിച്ചത്. പ്രൊഡക്ഷന്‍ മാനേജര്‍ ടിടി ജിബു ഉള്‍പ്പെടെ നിരവധിപേര്‍ക്ക് പരിക്കേറ്റു. ഷെയിന്‍ നിഗം നായകനായ ‘ഹാല്‍’ സിനിമയുടെ അണിയറ പ്രവര്‍ത്തകര്‍ക്കാണ് മര്‍ദനമേറ്റത്. സംഭവത്തില്‍ അഞ്ച് പേര്‍ക്കെതിരെ നടക്കാവ് പൊലീസ് കേസെടുത്തു.

ജിബുവിനെ കത്തികൊണ്ട് കുത്തി മര്‍ദുക്കുകയായിരുന്നു. പരിക്കേറ്റ ജിബു ആശുപത്രിയില്‍ ചികിത്സയിലാണ്. സംഭവത്തില്‍ അന്വേഷണം പുരോഗിമിക്കുകയാണെന്നും പൊലീസ് പറഞ്ഞു.

Film

സിനിമ നയരൂപീകരണ സമിതിയില്‍ നിന്നും ബി ഉണ്ണികൃഷ്ണന്‍ രാജിവെച്ചു

ഫെഫ്ക ജനറല്‍ സെക്രട്ടറി എന്ന നിലയില്‍ സമിതിയോഗത്തില്‍ പങ്കെടുക്കേണ്ടതുക്കൊണ്ടാണ് രാജിവെക്കുന്നതെന്ന് ഉണ്ണികൃഷ്ണന്‍ വ്യക്തമാക്കി.

Published

4 days ago

September 13, 2024

webdesk13

സിനിമ നയരൂപീകരണ സമിതിയില്‍ നിന്നും സംവിധായകന്‍ ബി ഉണ്ണികൃഷ്ണന്‍ രാജിവെച്ചു. ഫെഫ്ക ജനറല്‍ സെക്രട്ടറി എന്ന നിലയില്‍ സമിതിയോഗത്തില്‍ പങ്കെടുക്കേണ്ടതുക്കൊണ്ടാണ് രാജിവെക്കുന്നതെന്ന് ഉണ്ണികൃഷ്ണന്‍ വ്യക്തമാക്കി. സമിതിയുടെ അടുത്ത ചര്‍ച്ച ഫെഫ്‌കെയുമായാണ്. അതില്‍ ജനറല്‍ സെക്രട്ടറി എന്ന നിലയില്‍ പങ്കെടുത്ത് അഭിപ്രായം പറയാനാണ് ഫെഫ്ക നിര്‍ദേശിച്ചിരിക്കുന്നത്.

റെഗുലേറ്ററി അതോറിറ്റി മാത്രമല്ലാതെ സംഘടനയുമായി ബന്ധപ്പെട്ട് ഒരുപാട് ആവശ്യങ്ങളുണ്ടെന്നും നയരൂപീകരണ സമിതി അംഗമായിരുന്നാല്‍ തനിക്ക് അതിന് കഴിയില്ലെന്നും ഉണ്ണികൃഷ്ണന്‍ പറഞ്ഞു. അതേസമയം തന്നെ സിനിമ നയരൂപീകരണ സമിതി അംഗമായി തിരഞ്ഞെടുത്തതില്‍ സര്‍ക്കാരിനോട് നന്ദിയുണ്ടെന്നും അദ്ദേഹം പറഞ്ഞു.

സമിതില്‍ നിന്ന് ബി ഉണ്ണികൃഷ്ണനെ മാറ്റണമെന്ന് ആവശ്യപ്പെട്ടുകൊണ്ട് സംവിധായകന്‍ വിനയന്‍ ഹൈകോടതിയില്‍ ഹര്‍ജി നല്‍കിയിരുന്നു. തൊഴില്‍ നിഷേധത്തിന് കോംപറ്റീഷന്‍ കമ്മീഷന്‍ പിഴയിട്ട വ്യക്തിയെ സമിതിയില്‍ ഉള്‍പ്പെടുത്തരുതെന്ന് വിനയന്‍ ഹര്‍ജിയില്‍ പറഞ്ഞിരുന്നു.