Connect with us

News

ഖത്തര്‍ ലോകകപ്പ്; കളി നിയന്ത്രിക്കുന്നത് 129 പേര്‍

ലോകകപ്പ് മല്‍സരങ്ങള്‍ നിയന്ത്രിക്കാനായി ഫിഫ നിയോഗിച്ചിരിക്കുന്നത് 36 മുഖ്യ റഫറിമാരെ, 69 അസിസ്റ്റന്‍ഡ് റഫറിമാരെ, 24 വീഡിയോ റഫറിമാരെ. ആകെ കളി നിയന്ത്രിക്കുന്നത് 129 പേര്‍.

Published

on

ദോഹ: ലോകകപ്പ് മല്‍സരങ്ങള്‍ നിയന്ത്രിക്കാനായി ഫിഫ നിയോഗിച്ചിരിക്കുന്നത് 36 മുഖ്യ റഫറിമാരെ, 69 അസിസ്റ്റന്‍ഡ് റഫറിമാരെ, 24 വീഡിയോ റഫറിമാരെ. ആകെ കളി നിയന്ത്രിക്കുന്നത് 129 പേര്‍. ഒരു മാസം ദീര്‍ഘിക്കുന്ന മെഗാ ചാമ്പ്യന്‍ഷിപ്പില്‍ ഇവരുടെ തീരുമാനങ്ങളാണ് നിര്‍ണായകം. ഇവര്‍ക്കായി ഇതിനകം ഫിഫ മൂന്ന് സെമിനാറുകള്‍ സംഘടിപ്പിച്ചു കഴിഞ്ഞു. എല്ലാത്തിനും മേല്‍നോട്ടം വഹിക്കുന്നത് വിഖ്യാതനായ റഫറിയും ഫിഫ റഫറീസ് കമ്മിറ്റി ചെയര്‍മാനുമായ പിയര്‍ ലുയിജി കൊളീന.

ആദ്യ സെമിനാര്‍ പരാഗ്വേ നഗരമായ. അസുന്‍സിയോണിലായിരുന്നു. പിറകെ ലോകകപ്പ് ആതിഥേയ നഗരമായ ദോഹയില്‍. പിന്നെ മാഡ്രിഡിലും. ഇത്തവണ റഫറിമാര്‍ നേരിടുന്ന വെല്ലുവിളി ഓഫ് സൈഡ് തീരുമാനത്തിലെ വീഡിയോ ഇടപെടല്‍ തന്നെയാവും. ഇതുമായി ബന്ധപ്പെട്ടായിരുന്നു സെമിനാറുകള്‍ വിശദമായി ചര്‍ച്ച ചെയ്തത്. പലപ്പോഴും ഓഫ് സൈഡ് വിളികള്‍ വിവാദമായ സാഹചര്യത്തില്‍ ഖത്തര്‍ ലോകകപ്പില്‍ ഉപയോഗിക്കുന്ന പന്തുകള്‍ തന്നെ റഫറിമാര്‍ക്ക് വ്യക്തമായ ഉത്തരം നല്‍കും. പ്രത്യേക സെന്‍സറുകള്‍ പന്തിലുണ്ട്. ഒരു കളിക്കാരന്‍ പന്ത് റിലീസ് ചെയ്യുമ്പോള്‍ ഓഫ് സൈഡ് പൊസിഷനിലാണെങ്കില്‍ സെന്‍സറുകള്‍ അതിവേഗം ക്യാമറയില്‍ വിവരം കൈമാറും. ഇത് വീഡിയോ റഫറി വഴി മുഖ്യ റഫറിയിലെത്തും. സാങ്കേതികത വളര്‍ന്ന സാഹചര്യത്തില്‍ അതിനെ ഉപയോഗപ്പെടുത്തുമ്പോള്‍ തന്നെ റഫറിയെന്ന മനുഷ്യനായിരിക്കും കളിയെ നിയന്ത്രിക്കുകയെന്ന് കൊളീന വ്യക്തമാക്കി.

മാനുഷികമായ ഇടപെടലില്‍ ചിലപ്പോള്‍ തെറ്റുകള്‍ വരാം. അത് തിരുത്താന്‍ മാത്രമാണ് സാങ്കേതികതയെ ഉപയോഗപ്പെടുത്തുക. ഫിഫ നടത്തിയ സെമിനാറുകള്‍ ഫലപ്രദമായിരുന്നുവെന്ന് നെതര്‍ലന്‍ഡ്‌സുകാരനായ റഫറി ഡാനി മകാലി പറഞ്ഞു. 12-ാം വയസ് മുതല്‍ മല്‍സര നിയന്ത്രണമെന്ന ജോലി നിര്‍വഹിക്കുകയാണ് താനെന്ന് മക്കാലി പറഞ്ഞു. വലിയ മോഹമെന്നത് ലോകകപ്പ് മല്‍സരം നിയന്ത്രിക്കുക എന്നതായിരുന്നു. അതിന് കഴിയുന്നത് വലിയ സന്തോഷമാണെന്നും അദ്ദേഹം പറഞ്ഞു. 2018 ലെ റഷ്യന്‍ ലോകകപ്പില്‍ മക്കാലി വീഡിയോ അസി റഫറിയായിരുന്നെങ്കില്‍ ഖത്തറില്‍ അദ്ദേഹം മുഖ്യ റഫറിമാരില്‍ ഒരാളാണ്. ഇത്തവണ ആറ് വനിതകളുണ്ട് റഫറിമാരായി. അസി. റഫറിമാരായി കാരന്‍ ഡയസ് (മെക്‌സിക്കോ), നുസ ബാക് (ബ്രസീല്‍), കാതറിന്‍ നസ്ബ്യുട്ട് (അമേരിക്ക) റഫറിമാരായി സ്‌റ്റെഫാനി ഫ്രാപാര്‍ട്് (ഫ്രാന്‍സ്), സലീമ മുകന്‍സാഗ (റുവാണ്ട), യോഷിമി യമഷിത (ജപ്പാന്‍) എന്നിവരാണ് കളത്തില്‍.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

അറ്റ്ലസ് രാമചന്ദ്രന്‍ അന്തരിച്ചു

ഹൃദയാഘാതത്തെ തുടര്‍ന്ന് ദുബായിലെ ആസ്റ്റര്‍ മന്‍ഖൂള്‍ ഹോസ്പിറ്റലില്‍ ഞായറാഴ്ച രാത്രിയോടെയായിരുന്നു മരണം.

Published

on

പ്രവാസി വ്യവസായിയും ചലച്ചിത്ര നിര്‍മാതാവുമായ അറ്റ്ലസ് രാമചന്ദ്രന്‍ (80) അന്തരിച്ചു. ഹൃദയാഘാതത്തെ തുടര്‍ന്ന് ദുബായിലെ ആസ്റ്റര്‍ മന്‍ഖൂള്‍ ഹോസ്പിറ്റലില്‍ ഞായറാഴ്ച രാത്രിയോടെയായിരുന്നു മരണം. നിരവധി വര്‍ഷങ്ങളായി കുടുംബത്തോടൊപ്പം ദുബായില്‍ സ്ഥിരതാമസക്കാരനാണ്.

‘ജനകോടികളുടെ വിശ്വസ്ത സ്ഥാപനം’ എന്ന അദ്ദേഹത്തിന്റെ സ്ഥാപനത്തിന്റെ പരസ്യവാചകം വളരെ പ്രശസതമായിരുന്നു.എന്നാല്‍ നല്ല നിലയില്‍ മുന്നോട്ട് പോകുകയായിരുന്ന സാഥാപനത്തിന് പിന്നീട് കോടികളുടെ കടബാധ്യത ഉണ്ടാകുകയും സ്ഥാപനം തകരുകയുമായിരുന്നു.

1942 ജൂലൈ 31ന് തൃശൂരില്‍ വി. കമലാകര മേനോന്റെയും എം.എം. രുഗ്മിണി അമ്മയുടെയും മകനായിട്ടായിരുന്നു രാമചന്ദ്രന്റെ ജനനം. ഭാര്യ ഇന്ദിരാ രാമചന്ദ്രന്‍, മകള്‍ ഡോ.മഞ്ജു രാമചന്ദ്രന്‍ എന്നിവരാണ്.

1947 ല്‍ കുവൈത്തില്‍ എത്തിയ രാമചന്ദ്രന്‍ 1981 ഡിസംബറിലാണ് അറ്റ്ലസ് ജ്വല്ലറിക്ക് തുടക്കമിടുന്നത്. അറ്റ്ലസ് ജ്വല്ലറി ഗ്രൂപ്പിന് യുഎഇ, കുവൈത്ത്, സൗദി അറേബ്യ എന്നിവിടങ്ങളിലായി 48 ശാഖകള്‍ ഉണ്ടായിരുന്നു.2015 ല്‍ അറ്റ്‌ലസ് ഗ്രൂപ്പ് ഓഫ് ജ്വല്ലറിയുടെ സാമ്പത്തിക ഇടപാടുകളുമായി ബന്ധപ്പെട്ട് ദുബായ് ജയിലിലായ അദ്ദേഹം 2018 ലാണ് പുറത്തിറങ്ങിയത്. കേന്ദ്ര സര്‍ക്കാരിന്റെയും പ്രവാസി സംഘടനകളുടെയും സജീവ ഇടപ്പെടലുകളെ തുടര്‍ന്നാണ് അദ്ദേഹത്തിന്റെ മോചനം സാധ്യമായത്.ജയില്‍ മോചിതനായതിന് ശേഷം അറ്റ്ലസ് വീണ്ടും തുറക്കാനുള്ള ശ്രമങ്ങള്‍ തുടരുന്നതിനിടെയാണ് അദ്ദേഹം അകാലത്തില്‍ മരണത്തിന് കീഴടങ്ങുന്നത്.

സിനിമാ മേഖലയില്‍ സജീവമായിരുന്ന അറ്റ്ലസ് രാമചന്ദ്രന്‍ നിരവധി സിനിമികള്‍ നിര്‍മിക്കുകയും ഒപ്പം അഭിനയിക്കുകയും ചെയ്തിട്ടുണ്ട്.ഫിലിം പ്രൊഡ്യൂസേഴ്സ് അസോസിയേഷന്‍ വൈസ് പ്രസിഡന്റ്,ഫിലിം മാഗസിനായ ചലച്ചിത്രത്തിന്റെ എഡിറ്ററായും അദ്ദേഹം പ്രവര്‍ത്തിച്ചു. അദ്ദേഹത്തിന്റെ ശവ സംസ്‌കാര ചടങ്ങുകള്‍ തിങ്കളാഴ്ച വൈകീട്ട് ദുബായില്‍ നടക്കും.

Continue Reading

india

മുലായം സിങ് യാദവ് അതീവ ഗുരുതരാവസ്ഥയില്‍

ആരോഗ്യനില വഷളായതോടെ ഇന്ന് ഐസിയുവിലേക്ക് മാറ്റി.

Published

on

സമാജ് വാദി പാര്‍ട്ടി നേതാവും യുപി മുന്‍ മുഖ്യമന്ത്രിയുമായ മുലായം സിംഗ് യാദവ് അതീവ ഗുരുതരാവസ്ഥയില്‍.ഏതാനും ദിവസമായി ഹരിയാനയിലെ ഗുരുഗ്രാമിലെ മേദാന്ത ആശുപത്രിയില്‍ ചികിത്സയിലായിരുന്നു. ആരോഗ്യനില വഷളായതോടെ ഇന്ന് ഐസിയുവിലേക്ക് മാറ്റി.

എന്നാല്‍ അതേസമയം മുതിര്‍ന്ന ഡോക്ടര്‍മാര്‍ ചികിത്സയ്ക്ക് മേല്‍നോട്ടം വഹിക്കുന്നുണ്ടെന്നും ആരോഗ്യസ്ഥിതി സാധാരണ നിലയിലാണെന്ന് പാര്‍ട്ടി വൃത്തങ്ങള്‍ അറിയിക്കുന്നു.

Continue Reading

News

സഞ്ജു ടീമില്‍; ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു

ടി-20 ലോകകപ്പിന് ഉള്ള ആരും തന്നെ ഏകദിന പരമ്പരയ്ക്കുള്ള ടീമിലില്ല.

Published

on

ദക്ഷിണാഫ്രിക്കയ്ക്കെതിരായ മൂന്ന് ഏകദിന പരമ്പരയ്ക്കുള്ള ഇന്ത്യന്‍ ടീമില്‍ ഇടം നേടി മലയാളി താരം സഞ്ജു സാംസണ്‍. ശിഖര്‍ ധവാനാണ് നായകന്‍.ശ്രേയസ് അയ്യര്‍ ഉപനായകനാകും.16 അംഗ ടീമിനെയാണ് നിലവില്‍ പ്രഖ്യാപിച്ചിരിക്കുന്നത്.ഒക്ടോബര്‍ ആറിന് ലക്നൗവിലാണ് ആദ്യ മത്സരം.ഡല്‍ഹിയിലൂം റാഞ്ചിയിലുമായാണ് മറ്റു രണ്ട് മത്സരങ്ങള്‍.

ടി-20 ലോകകപ്പിന് ഉള്ള ആരും തന്നെ ഏകദിന പരമ്പരയ്ക്കുള്ള ടീമിലില്ല. ട്വന്റി 20 സംഘം ഒക്ടോബര്‍ ആറിന് ഓസ്ട്രേലിയയിലേക്ക് യാത്ര തിരിക്കും.

ടീം:- ശിഖര്‍ ധവാന്‍(നായകന്‍), ശ്രേയസ് അയ്യര്‍(ഉപനായകന്‍), സഞ്ജു സാംസണ്‍, റുതുരാജ് ഗെയ്ക്ക്വാദ്, ശുഭ്മാന്‍ ഗില്‍, രജത് പട്ടീദാര്‍, രാഹുല്‍ ത്രിപാഠി, ഇഷാന്‍ കിഷന്‍, ഷഹബാസ് അഹമ്മദ്, ഷാര്‍ദ്ദൂല്‍ താക്കൂര്‍, കുല്‍ദീപ് യാദവ്, രവി ബിഷ്ണോയ്, മുകേഷ് കുമാര്‍, ആവേശ് ഖാന്‍, മുഹമ്മദ് സിറാജ്, ദീപക് ചഹാര്‍

Continue Reading

Trending