kerala
ശബരിമല കൊള്ള: എസ്.ഐ.ടിയില് സിപിഎം ബന്ധമുള്ള രണ്ട് സിഐമാര്, അന്വേഷണം അട്ടിമറിക്കാനെന്ന് വിഡി സതീശന്
എസ്.ഐ.ടിയുടെ നീക്കങ്ങള് സര്ക്കാരിലേക്ക് ചോര്ത്തുകയും അന്വേഷണത്തെ വഴിതിരിച്ചു വിട്ട് യഥാര്ത്ഥ കുറ്റവാളികളെ സംരക്ഷിക്കുകയുമാണ് ഈ സംഘത്തിന്റെ ലക്ഷ്യം.
തിരുവനന്തപുരം: ശബരിമല സ്വര്ണക്കൊള്ള കേസില് പ്രത്യേക അന്വഷണ സംഘത്തില് സിപിഎം ബന്ധമുള്ള രണ്ട് സിഐമാരെ നിയോഗിച്ചത് അന്വേഷണം അട്ടിമറിക്കാനെന്ന് പ്രതിപക്ഷ നേതാവ് വിഡി സതീശന്. ഇത് അന്വേഷണ സംഘത്തിന്റെ വിശ്വാസ്യത തകര്ക്കുന്നതാണെന്നും അദ്ദേഹം വാര്ത്താ സമ്മേളനത്തില് പറഞ്ഞു.
നിയമനത്തിന് പിന്നില് മുതിര്ന്ന രണ്ട് ഐപിഎസ് ഉദ്യോഗസ്ഥരും ക്രൈംബ്രാഞ്ചിലെ ഉന്നതനുമാണ്. ഹൈക്കോടതി മേല്നോട്ടത്തിലുള്ള എസ്.ഐ.ടിയില് നുഴഞ്ഞ് കയറാനും വാര്ത്തകള് സര്ക്കാരിലേക്ക് ചോര്ത്താനുമുള്ള നീക്കം.എസ്.ഐ.ടിയെ നിര്വീര്യമാക്കാനുള്ള നീക്കത്തില് ഹൈക്കോടതി അടിയന്തരമായി ഇടപെടണമെന്നും അദ്ദേഹം വാര്ത്താ സമ്മേളനത്തില് ആവശ്യപ്പെട്ടു.
എസ്.ഐ.ടിയുടെ നീക്കങ്ങള് സര്ക്കാരിലേക്ക് ചോര്ത്തുകയും അന്വേഷണത്തെ വഴിതിരിച്ചു വിട്ട് യഥാര്ത്ഥ കുറ്റവാളികളെ സംരക്ഷിക്കുകയുമാണ് ഈ സംഘത്തിന്റെ ലക്ഷ്യം. ശബരിമലയിലെ സ്വര്ണക്കൊള്ള കേസ് അട്ടിമറിക്കാനുള്ള സര്ക്കാരിന്റെയും സി.പി.എമ്മിന്റെയും നീക്കത്തിന് പൊലീസിലെ ഒരു വിഭാഗം ഉദ്യോഗസ്ഥര് ഒത്താശ ചെയ്യുന്നു. ഹൈക്കോടതിയുടെ ഇടപെടല് പോലും അട്ടമറിക്കാനാണ് ഇവരുടെ നീക്കം. ഇക്കാര്യത്തില് ബഹു. ഹൈക്കോടതി അടിയന്തിര പരിശോധനയും ഇടപെടലും നടത്തണം
എന്ത് മാനദണ്ഡത്തിന്റെ അടിസ്ഥാനത്തിലാണ് സിപിഎം ഫ്രാക്ഷനില് ഉള്പ്പെട്ടവരെ എസ്ഐടിയില് നിയോഗിച്ചത്? ഹൈക്കോടതിയുടെ മുന്നില് വന്ന രണ്ട് പേരുകളാണ് അംഗീകരിക്കപ്പെട്ടതെന്ന് മനസിലാക്കുന്നു. ഈ പേരുകള് വന്നതിന് പിന്നില് സംസ്ഥാനത്തെ രണ്ട് മുതിര്ന്ന ഐപിഎസ് ഉദ്യോഗസ്ഥരും ക്രൈംബ്രാഞ്ച് ആസ്ഥാനത്തിരുന്ന് സിപിഎമ്മിനു വേണ്ടി വിടുപണി ചെയ്യുന്ന ഉന്നതനുമാണ്. ക്രമസമാധാന ചുമതലയില് ഇരുന്നപ്പോള് ഇതേ ഉദ്യോഗസ്ഥന് കോണ്ഗ്രസ് നേതാക്കള്ക്കെതിരെ കള്ളക്കേസുകള് ചുമത്തി കുപ്രസിദ്ധനായ വ്യക്തിയാണ്. ക്രൈംബ്രാഞ്ച് ആസ്ഥാനത്ത് ഇരുന്ന് സി.പി.എമ്മിനു വേണ്ടി അന്വേഷണം അട്ടിമറിക്കാനുള്ള ശ്രമമാണ് ഇയാള് നടത്തുന്നതെന്നായിരുന്നു അദ്ദേഹം പറഞ്ഞത്.
kerala
‘മലപ്പുറം ചോദ്യത്തില്’ കണ്ട്രോള് പോയി വെള്ളാപ്പള്ളി; റിപ്പോര്ട്ടറുടെ മൈക്ക് തട്ടിമാറ്റി ആക്രോശം
kerala
സിറ്റി ബസ് വിവാദം; ‘ബസ് വേണമെന്ന് ആവശ്യപ്പെട്ടാല് 24 മണിക്കൂറില് തിരിച്ചയ്ക്കും -ഗണേഷ് കുമാര്
സിറ്റി ബസ് വിവാദത്തില് തിരുവനന്തപുരം മേയര് വിവി രാജേഷിന് മറുപടിയുമായി ഗതാഗത വകുപ്പ് മന്ത്രി കെ ബി ഗണേഷ് കുമാര്.
തിരുവനന്തപുരം: സിറ്റി ബസ് വിവാദത്തില് തിരുവനന്തപുരം മേയര് വിവി രാജേഷിന് മറുപടിയുമായി ഗതാഗത വകുപ്പ് മന്ത്രി കെ ബി ഗണേഷ് കുമാര്. തിരുവനന്തപുരം മേയര് 113 ബസുകളും തങ്ങള്ക്ക് വേണമെന്ന് ആവശ്യപ്പെട്ടാല് 24 മണിക്കൂറിനുള്ളില് തിരിച്ചയയ്ക്കും. സിഎംഡിക്ക് ഒരു കത്ത് കൊടുത്താല് മാത്രം മതി. പകരം 150 ബസ് കെഎസ്ആര്ടിസി സിറ്റിയില് ഇറക്കുമെന്ന് അദ്ദേഹം പറഞ്ഞു.
താന് പറയുന്ന കാര്യങ്ങള് വളച്ചൊടിക്കാന് ശ്രമിക്കരുതെന്നും കോര്പ്പറേഷന് ബസുകള് വാങ്ങിയത് കേന്ദ്ര പദ്ധതിയില് എന്ന് പറയാന് കഴിയില്ല, സ്റ്റേറ്റ് ഷെയര് 500 കോടിയാണ്. 60% വിഹിതവും സംസ്ഥാനത്തിന്റേതാണ്. 113 വാഹനങ്ങളും കോര്പ്പറേഷന് ഈ രീതിയില് വാങ്ങിയതാണ്. മൂന്നു പാര്ട്ടികളുമായുള്ള എഗ്രിമെന്റാണ്. കോര്പ്പറേഷനിലെ കെഎസ്ആര്ടിസി വേറൊരു ജില്ലയിലും ഓടുന്നില്ല. സങ്കീര്ണമായ മെയിന്റനന്സ് ഉള്ളതുകൊണ്ട് മറ്റൊരു ജില്ലയില് നിലവില് ഓടിക്കുന്നില്ല. ബാറ്ററി നശിച്ചാല് മാറ്റിവയ്ക്കാന് 28 ലക്ഷം രൂപ വേണമെന്നും അദ്ദേഹം പ്രതികരിച്ചു.
കോര്പ്പറേഷന് വണ്ടികള് കൊടുത്താല് കെഎസ്ആര്ടിസിയുടെ സ്ഥലത്ത് ഇടാന് സമ്മതിക്കില്ല. ഈ വിഷയവുമായി ബന്ധപ്പെട്ട് മേയര് തന്നോട് സംസാരിച്ചിട്ടില്ല. മേയറിനെ ആരോ തെറ്റ് ധരിപ്പിച്ചതാണ്. വാഹനങ്ങള് സന്തോഷത്തോടെ തിരികെ കൊടുക്കാന് തയ്യാറാണ്. ഡ്രൈവറും വര്ക് ഷോപ്പും കണ്ടക്ടറും എല്ലാം കെഎസ്ആര്ടിസിയുടെതാണ് എന്നും മന്ത്രി വിശദീകരിച്ചു.
ഇ-ബസുകള് നഗരത്തില് മാത്രം ഓടിയാല് മതിയെന്നും ഇ-ബസുകള് ഉടന് തിരിച്ചെത്തിക്കണമെന്നും തിരുവനന്തപുരം മേയര് വിവി രാജേഷ് കഴിഞ്ഞ ദിവസം പറഞ്ഞിരുന്നു. രാഷ്ട്രീയ സമ്മര്ദം കാരണം മറ്റ് സ്ഥലങ്ങളില് ഓടിക്കുകയാണെന്നും നഗരത്തിന് പുറത്തേക്ക് നല്കിയ ബസുകള് ഉടന് തിരിച്ചെത്തിക്കണം. കോര്പ്പറേഷന് കൃത്യമായി ലാഭവിഹിതം കിട്ടണമെന്നും മേയര് പറഞ്ഞു. കരാര് മാറ്റാന് ഒന്നോ രണ്ടോ വ്യക്തികള്ക്ക് അധികാരമില്ല. ബസുകള് കേന്ദ്രം തിരുവനന്തപുരം കോര്പ്പറേഷന് നല്കിയതാണ്. കോര്പ്പറേഷന് കിട്ടിയത് കോര്പ്പറേഷനിലുളളവര്ക്ക് ഉപകാരപ്പെടണമെന്നും കെഎസ്ആര്ടിസിയുമായുള്ള കരാര് രേഖകള് പരിശോധിക്കുമെന്നും വിവി രാജേഷ് പറഞ്ഞു.
kerala
കലൂര് സ്റ്റേഡിയത്തിലെ അപകടം; നഷ്ടപരിഹാരം ആവശ്യപ്പെട്ട് ഉമ തോമസ് എംഎല്എ
ജിസിഡിഎ, സംഘാടകരായ മൃദംഗവിഷന് എന്നിവരെ എതിര്കക്ഷികളാക്കിയാണ് ഉമ തോമസ് നഷ്ടപരിഹാരത്തിന് വക്കീല് നോട്ടീസ് അയച്ചത്.
കൊച്ചി: കലൂര് സ്റ്റേഡിയത്തിലെ അപകടത്തില് രണ്ട് കോടി രൂപ നഷ്ടപരിഹാരം ആവശ്യപ്പെട്ട് ഉമ തോമസ് എംഎല്എ. ജിസിഡിഎ, സംഘാടകരായ മൃദംഗവിഷന് എന്നിവരെ എതിര്കക്ഷികളാക്കിയാണ് ഉമ തോമസ് നഷ്ടപരിഹാരത്തിന് വക്കീല് നോട്ടീസ് അയച്ചത്. ഗിന്നസ് റെക്കോഡിടാന് ലക്ഷ്യമിട്ട് നടത്തിയ പരിപാടിയുടെ വിശദാംശങ്ങള് ശേഖരിച്ച ശേഷമാണ് വക്കീല് നോട്ടീസ്.
കൊച്ചി കലൂര് സ്റ്റേഡിയത്തിലെ താത്കാലിക സ്റ്റേജില് നിന്ന് വീണ് പരിക്കേറ്റ ഉമ തോമസ് എംഎല്എ 46 ദിവസം നീണ്ട ചികിത്സക്കുശേഷമായിരുന്നു ആശുപത്രി വിട്ടത്. കൊച്ചി കലൂര് സ്റ്റേഡിയത്തിലെ താത്കാലിക സ്റ്റേജില് നിന്ന് വീണ് പരിക്കേറ്റ ഉമ തോമസ് എംഎല്എ 46 ദിവസം നീണ്ട ചികിത്സക്കുശേഷമായിരുന്നു ആശുപത്രി വിട്ടത്. ഉമ തോമസിന്റേത് അത്ഭുതകരമായ തിരിച്ച് വരവാണെന്നും നട്ടെല്ലിനേറ്റ പരിക്ക് ഭേദമാകാന് വിശ്രമം അത്യാവശ്യമാണെന്നും അന്ന് റിനൈ മെഡിസിറ്റി മെഡിക്കല് ഡയറക്ടര് ഡോ. കൃഷ്ണനുണ്ണി പോളക്കുളത്ത് പറഞ്ഞിരുന്നു.
കഴിഞ്ഞ ഡിസംബര് 29 നാണ് 12,000 പേര് പങ്കെടുത്ത നൃത്ത പരിപാടിക്കിടെ കലൂര് സ്റ്റേഡിയത്തില് താത്കാലികമായി കെട്ടിപ്പൊക്കിയ സ്റ്റേജില് നിന്ന് വീണ് ഉമ തോമസിന് പരിക്കേറ്റത്. വിഐപി ഗാലറിയുടെ അറ്റത്തുള്ള ഇരിപ്പിടത്തിലേക്ക് പോവുകയായിരുന്ന ഉമ തോമസ് കാല്വഴുതി താത്കാലികമായി കെട്ടിയ ബാരിക്കേഡുകളും മറികടന്ന് നിന്ന് താഴേക്ക് വീഴുകയായിരുന്നു. താത്കാലികമായി സ്ഥാപിച്ചിരുന്ന
-
kerala3 days agoമുഖ്യമന്ത്രി പിണറായി വിജയൻ പറഞ്ഞത് പോലെയൊന്നും കർണാടകയിൽ നടന്നിട്ടില്ല: വി.ഡി.സതീശൻ
-
india3 days agoഎലഹങ്ക: മുസ് ലിം ലീഗ് നേതൃസംഘം മുഖ്യമന്ത്രിയുമായി കൂടിക്കാഴ്ച നടത്തി
-
kerala2 days agoപിണറായി മോദിയുടെ ദക്ഷിണേന്ത്യന് ഏജന്റ്: കെ. മുരളീധരന്
-
kerala2 days agoമലപ്പുറത്ത് അഞ്ചംഗ സംഘത്തിന്റെ ആക്രമണം 11 വയസുകാരി ഉള്പ്പെടെ നാല് പേര്ക്ക് പരിക്ക്
-
india1 day agoകര്ണാടകയിലെ യെലഹങ്കയില് വീട് നഷ്ടപ്പെട്ടവര്ക്ക് 11 ലക്ഷത്തിന്റെ ഫ്ളാറ്റ്
-
india18 hours agoഎസ്.ഐ.ആർ ഹിയറിങ്ങ് നോട്ടീസ്; വയോധികൻ ട്രെയിനിന് മുന്നിൽ ചാടി മരിച്ചു
-
kerala18 hours agoഗാന്ധി പ്രതിമയുടെ മുഖത്തടിച്ചും അസഭ്യം പറഞ്ഞും മദ്യപാനിയുടെ അതിക്രമം; അറസ്റ്റില്
-
More3 days agoഗസ്സ വംശഹത്യയില് ഇതുവരെ കൊല്ലപ്പെട്ടത് ഫലസ്തീന് മാധ്യമപ്രവര്ത്തകരുടെ 706 കുടുംബാംഗങ്ങള്: ഫലസ്തീന് ജേണലിസ്റ്റ് സിന്ഡിക്കേറ്റ്