നിര്‍മാതാവ് വി.എ ദുരൈക്ക് ചികിത്സ കൈതാങ്ങായി നടന്‍ രജനികാന്ത്. ദുരൈയുമായി ഫോണില്‍ സംസാരിക്കുകയും ചികിത്സാ ചെലവുകള്‍ ഏറ്റെടുക്കാമെന്ന് അറിയിച്ചാതായും റിപ്പോര്‍ട്ട്. കൂടാതെ ജയിലറിന്റെ ചിത്രീകരണം പൂര്‍ത്തിയായതിന് ശേഷം നേരില്‍ കാണുമെന്ന് ഉറപ്പ് നല്‍കിട്ടുണ്ട്. രജനികാന്തിന്റെ ഹിറ്റ് ചിത്രമായ ബാബയുടെ എക്‌സിക്യുട്ടീവ് പ്രൊഡ്യൂസറായിരുന്നു വി.എ ദുരൈ. രജനിയുമായി അടുത്ത ബന്ധമാണ് ദുരൈക്കുള്ളത്. ബാബ പൂര്‍ത്തിയായതതിന് ശേഷം 51 ലക്ഷം രൂപ പ്രതിഫലം നല്‍കിയെന്നും തങ്ങളുടെ സൗഹൃദത്തിന് നാല്‍പ്പത് വര്‍ഷത്തിലധികം ബന്ധമുണ്ടെന്നും ദുരൈ മുമ്പൊരിക്കല്‍ പറഞ്ഞിറുന്നു. ചികിത്സക്കായി സാമ്പത്തിക സഹായം അഭ്യര്‍ത്ഥിച്ചു കൊണ്ട് വീഡിയോ പുറത്തുവന്നതോടെയാണ് വി.എ ദുരൈയുടെ അവസ്ഥ പുറംലോകമറിഞ്ഞത്. താമസിക്കാന്‍ വീടില്ലാത്ത ഇദ്ദേഹം സാലിഗ്രാമത്തിലെ സുഹൃത്തിന്റെ കൂടെയാണ് കഴിയുന്നത്. നടന്‍ സൂര്യ ചികിത്സക്കായി സഹായം നല്‍കിയിരുന്നു.