നൗഷാദ് മന്ദങ്കാവ്

ഷാർജ: മഹാത്മ ഗാന്ധി കൾച്ചറൽ ഫോറം (എം.ജി.സി.എഫ് ) ഷാർജ കമ്മിറ്റി “മുരളീരവം” എന്ന പേരിൽ കുടുംബസംഗമവും, സംഗീത പരിപാടിയും നടത്തി. ഷാർജ ഇന്ത്യൻ അസോസിയേഷൻ ഹാളിൽ വെച്ച് നടത്തിയ പരിപാടി ഷാർജ ഇന്ത്യൻ അസോസിയേഷൻ പ്രസിഡന്റ് അഡ്വ.വൈ.എ റഹീം ഉദ്ഘാടനം ചെയ്തു. എം. ജി.സി.എഫ് പ്രസിഡണ്ട് പി.ഷാജി അദ്ധ്യക്ഷത വഹിച്ചു. മാധ്യമ പ്രവർത്തകൻ ഫസലു മുഖ്യാതിഥിയായിരുന്നു. എം.എ ഷഹനാസ്, മനോജ് ടി.വർഗ്ഗീസ്, ഇ.പി.ജോൺസൻ, ബിജു എബ്രഹാം, നൗഷാദ് മന്ദങ്കാവ് , സുകേഷൻ പൊറ്റെക്കാട് എന്നിവർ സംസാരിച്ചു.

ഷാർജ ഭാരണാധികാരി ഷൈഖ് സുൽത്താൻ ബിൻ മുഹമ്മദ് അൽ ഖാസിമിയുടെ ത്രിമാന ചിത്ര നിർമ്മാണത്തിന് മുൻകയ്യെടുത്ത അഡ്വ.വൈ.എ റഹീമിനെയും ,സാമൂഹിക പ്രവർത്തകൻ എ.വി. മധുവിനെയും ചടങ്ങിൽ ആദരിച്ചു.

ഷാർജ ഭരണാധികാരിയുടെ ത്രിമാന ചിത്ര പ്രദർശനത്തിനോടനുബന്ധിച്ച് നടത്തിയ കലാസന്ധ്യയിൽ പങ്കെടുത്തവർക്കുള്ള സർട്ടിഫിക്കറ്റുകളും, മൊമെന്റോകളും ചടങ്ങിൽ സമ്മാനിച്ചു.പിന്നണി ഗായിക ഹർഷ ചന്ദ്രന്റെ നേതൃത്വത്തിൽ നടന്ന സംഗീത പരിപാടിയിൽ അശ്വനിവിജി, ശ്രാവൺഷാജി, നൗഷാദ്, റഷീദ്, ഫാബിഷൈൻ എന്നിവർ ഗാനങ്ങൾ ആലപിച്ചു. രജീഷ് രമേശ് അവതാരകനായിരുന്നു.

പ്രവീൺ വക്കെക്കാട്ട്, ഗായത്രി എസ്. ആർ നാഥ്, അനിൽ മുഹമ്മദ്, മുസ്ഥഫ കൊച്ചനൂർ, ഹരി ഭക്തവത്സൻ, രതീഷ് കുമാർ, ഇ.ജെ ഉല്ലാസ്, ബെന്നി തലപ്പിള്ളി, രാജ്കുമാർ, അനിൽകുമാർ , കെ. സൈനുദ്ദീൻ, അഭിരാജൻ, പി.ടി പ്രശാന്ത്, അനുപമ രാജ്, രാഖി ശെൽവിൻ, സവിത ജിനോ , രശ്മി റാം എന്നിവർ പരിപാടിക്ക് നേതൃത്വം നൽകി.