കാസര്കോട്: പൊട്ടിവീണ വൈദ്യുതി കമ്പിയില് നിന്നു ഷോക്കേറ്റ് ക്ഷീരകര്ഷകന് ദാരുണാന്ത്യം. ചെമ്മനാട്, കോളിയടുക്കം വയലാംകുഴി പഞ്ചിലാങ്കല് വയലിലാണ് സംഭവം. വയലാംകുഴിയിലെ മേലത്ത് കുഞ്ഞുണ്ടന് നായര് ആണ് മരിച്ചത്. ഇദ്ദേഹത്തിന്റെ പശുവിനെയും ഷോക്കേറ്റ് ചത്ത നിലയില് കണ്ടെത്തി.
വയലില് പശുവിനെ പുല്ല് മേക്കാനായി പോയതായിരുന്നു ഇയാള്. എന്നാല് ഏറെ നേരമായിട്ടും വീട്ടില് തിരിച്ചെത്താത്തതിനെ തുടര്ന്ന് അന്വേഷിച്ച് ചെന്നപ്പോഴാണ് കര്ഷകനെ ഷോക്കേറ്റ് മരിച്ച നിലയില് കണ്ടെത്തിയത്.