ഫെമ കേസില്‍ ബിനീഷ് കോടിയേരിയെ ഇ.ഡി ചോദ്യം ചെയ്യുന്നു. കൊച്ചി ഓഫീസിലാണ് ചോദ്യം ചെയ്യല്‍. ബിനീഷ് കോടിയേരിക്ക് ബിസിനസ് പങ്കാളിത്തമുള്ള കമ്പനികള്‍ ഉള്‍പ്പെട്ട ഫെമ കേസിലാണ് ചോദ്യം ചെയ്യല്‍.
ഇന്ന് രാവിലെ 10.30 ഓടുകൂടിയാണ് ഇഡിയുടെ കൊച്ചി ഓഫീസില്‍ ബിനീഷ് ഹാജരായത്. ചോദ്യം ചെയ്യല്‍ രണ്ടര മണിക്കൂര്‍ പിന്നിട്ടു.
കേസില്‍ കൊച്ചി ഓഫീസില്‍ നേരിട്ട് ഹാജരാകണമെന്ന് ആവശ്യപ്പെട്ട് ഇഡി കഴിഞ്ഞ ആഴ്ച ബിനീഷിന് നോട്ടീസ് നല്‍കിയിരുന്നെങ്കിലും ബിനീഷ് ഹാജരായിരുന്നില്ല. തുടര്‍ന്ന്, ഇഡി വീണ്ടും നോട്ടീസ് നല്‍കിയതിനെ തുടര്‍ന്നാണ് ഇന്ന് ഹാജരായിരിക്കുന്നത്.
2020ല്‍ അറസ്റ്റിലായ ബിനീഷ് കോടിയേരി ഒരു വര്‍ഷത്തെ തടവിനുശേഷം ജാമ്യത്തില്‍ ഇറങ്ങുകയായിരുന്നു. കേസില്‍ അദായനികുതിയിലടക്കം പൊരുത്തക്കേടുകള്‍ ഉണ്ടെന്ന് ഇ.ഡി. കണ്ടെത്തിയിരുന്നു. ഇതില്‍ കൂടുതല്‍ വ്യക്തത വരുത്താനാണ് ചോദ്യം ചെയ്യലെന്നാണ് വിവരം.