kerala
ഈ ജീവനുകള്ക്ക് വിലയില്ലേ;വന്യജീവി ആക്രമണത്തില് അഞ്ച് വര്ഷത്തിനിടെ മരിച്ചത് 160 പേര്
കഴിഞ്ഞ അഞ്ച് വര്ഷത്തിനിടയില് മാത്രം 160 പേരുടെ ജീവനാണ് വന്യജീവി ആക്രമണത്തില് നഷ്ടമായത്.
നയന നാരായണന് കണ്ണൂര്
വനമേഖലയില് താമസിക്കുന്നവരുടെ ജീവനും സ്വത്തിനും സംരക്ഷണം നല്കാന് സര്ക്കാര് കോടികള് ചെലവഴിക്കുമ്പോഴും മലയോര വാസികളുടെ ജീവന് ഇപ്പോഴും ഭീതിയില്. കഴിഞ്ഞ അഞ്ച് വര്ഷത്തിനിടയില് മാത്രം 160 പേരുടെ ജീവനാണ് വന്യജീവി ആക്രമണത്തില് നഷ്ടമായത്. കാട്ടാനയുള്പ്പെടെയുള്ള വന്യമൃഗങ്ങളുടെ ആക്രമണത്തില് ഏറ്റവും കൂടുതല് പേര് മരണപ്പെട്ടത് പാലക്കാടും കുറവ് തൃശൂരുമാണ്. എന്നാല് ഏറ്റവും കൂടുതല് ആക്രമണം നേരിട്ടത് കണ്ണൂരിലാണ്. അഞ്ച് വര്ഷത്തിനിടെ പാലക്കാട് 43 പേര് മരിച്ചു. എന്നാല് കണ്ണൂര് ജില്ലയില് 1300 പേര്ക്കാണ് ഈ കാലയളവില് പരിക്കേറ്റത്. ഇതിന് പുറമെ സംസ്ഥാനത്ത് പാമ്പ് കടിയേറ്റ് മരിച്ചത് 435 പേരാണ്.
കഴിഞ്ഞ പത്ത് വര്ഷത്തിനിടയില് സംസ്ഥാനത്തെ വന്യമൃഗശല്യം നിയന്ത്രിക്കുന്നതിനായി പ്രൊജക്ട് എലിഫെന്റ് സ്കീമില് കേന്ദ്രസര്ക്കാരില് നിന്നു 935.95 ലക്ഷം രൂപയും ഇന്റഗ്രേറ്റഡ് ഡെവലപ്മെന്റ് ഓഫ് വൈല്ഡ് ലൈഫ് ഹാബിറ്റാറ്റ് സ്കീമില് 2098.31 ലക്ഷം രൂപയും വന്യമൃഗശല്യം നിയന്ത്രിക്കുന്നതിനായുള്ള വിവിധങ്ങളായ പ്രവര്ത്തനങ്ങള്ക്ക് സംസ്ഥാന സര്ക്കാരിന് ലഭിച്ചിട്ടുണ്ട്. ഇതിന് പുറമേ ഇന്റഗ്രേറ്റഡ് ഡെവലപ്മെന്റ് ഓഫ് വൈല്ഡ് ലൈഫ് ഹാബിറ്റാറ്റ് സ്കീമില് 2021-22 വര്ഷത്തേക്ക് 805 ലക്ഷം രൂപക്കുള്ള വാര്ഷിക പദ്ധതി രൂപരേഖ കേന്ദ്രസര്ക്കാരിന് സമര്പ്പിക്കുകയും ചെയ്തിട്ടുണ്ട്. എന്നാല് ഈ തുകയൊക്കെ എവിടെ ചെലവാക്കി എന്നാണ് പലരും ചോദിക്കുന്നത്.
സര്ക്കാര് പദ്ധതികള് നിരന്തരം പ്രഖ്യാപിക്കുന്നുണ്ടെങ്കിലും ഇവ നടപ്പിലാക്കുന്ന കാര്യത്തില് അലംഭാവം കാണിക്കുകയാണ്. വന്യമൃഗശല്യത്തില് കണ്ണീര്തോരാത്തവര്ക്ക് ശാശ്വതപരിഹാരമാണ് വേണ്ടതെന്ന ആവശ്യം ശക്തമാണ്. വന്യജീവികളുടെ വാസസ്ഥലത്തിന്റെ പുരോഗതി, സൗരോര്ജ കമ്പിവേലികളുടെ നിര്മാണം, അറ്റകുറ്റപ്പണി, ആനകിടങ്ങിന്റെ നിര്മാണം, ഫയര്ലൈന് തെളിക്കല്, ദ്രുതകര്മസേനയുടെ ശക്തിപ്പെടുത്തല്, വാച്ചര്മാരെ നിയോഗിക്കല്, ജനങ്ങളില് ബോധവല്ക്കരണം തുടങ്ങിയവ സംസ്ഥാന സര്ക്കാര് ആവിഷ്കരിച്ചിട്ടുണ്ട്. എന്നാല് ഇവയൊന്നും കാര്യക്ഷമമാകുന്നില്ല.
ഏറ്റവുമൊടുവില് കണ്ണൂര് ജില്ലയില് കഴിഞ്ഞ തിങ്കളാഴ്ച ആറളം ഫാം ബ്ലോക്ക് ഒന്നില് ചെത്തുതൊഴിലാളിയായ റിജേഷ് കാട്ടാനയുടെ ആക്രമണത്തില് മരണപ്പെട്ടതിനെ തുടര്ന്ന് ആദിവാസികള് വന് പ്രതിഷേധത്തിലാണ്. ഇവിടെ 22 കോടി കരിങ്കല് മതില് സര്ക്കാര് പ്രഖ്യാപിച്ചിരുന്നെങ്കിലും ഒരു പ്രവര്ത്തിയും നടന്നിട്ടില്ല. ആറളം പുനരധിവാസമേഖലയില് നിലവില് 1800 കുടുംബങ്ങളാണ് കഴിയുന്നത്. വന്യമൃഗങ്ങളുടെ വിളയാട്ടം കാരണം അതീവ ദയനീയാവസ്ഥയിലും ഭിതിയിലുമാണ് ഇവരുടെ ജീവിതം.
kerala
കേരളത്തില് ആര് ജനവിധി നേടും? വോട്ടെണ്ണല് ഉടന്; അന്തിമഫലം 11 മണിയോടെ
രാവിലെ എട്ടുമണി മുതല് വോട്ടെണ്ണല് ആരംഭിക്കും. 11 മണിയോടെ അന്തിമഫലം പുറത്തു വരുമെന്നാണ് കരുതുന്നത്.
തിരുവനന്തപുരം: കേരളം ആകാംക്ഷയോടെ കാത്തിരിക്കുന്ന തദ്ദേശ തിരഞ്ഞെടുപ്പിലെ ജനവിധി ഇന്നറിയാം. രാവിലെ എട്ടുമണി മുതല് വോട്ടെണ്ണല് ആരംഭിക്കും. 11 മണിയോടെ അന്തിമഫലം പുറത്തു വരുമെന്നാണ് കരുതുന്നത്. ഒരു മാസത്തിലേറെ നീണ്ട രാഷ്ട്രീയ പോരാട്ടത്തിനൊടുവിലാണ് രണ്ട് ഘട്ടങ്ങളിലായി സംസ്ഥാനം വിധിയെഴുതിയത്. ശബരിമല സ്വര്ണക്കൊള്ളയും സര്ക്കാരിന്റെ ഭരണ പരാജയവും പ്രധാന ചര്ച്ചയായ തിരഞ്ഞെടുപ്പില് ശക്തമായ പ്രചരണമാണ് യു.ഡി.എഫ് നേത്യത്വത്തില് നടന്നത്.
244 കേന്ദ്രങ്ങളിലായാണ് വോട്ടെണ്ണല് നടക്കുന്നത്. ബ്ലോക്ക് തലത്തിലുള്ള കേന്ദ്രങ്ങളില് വെച്ച് പഞ്ചായത്തുകളുടെയും മുനിസിപ്പാലിറ്റി, കോര്പറേഷന് തലങ്ങളില് അതത് സ്ഥാപനങ്ങളുടെയും വോട്ടെണ്ണും. 14 ജില്ലാ പഞ്ചായത്തിലേക്കുള്ള പോസ്റ്റല് ബാലറ്റുകള് എണ്ണുന്നത് അതത് ജില്ലാകലക്ടറുടെ നേതൃത്വത്തില് കലക്ടറേറ്റുകളിലാണ്. ഗ്രാമ, ബ്ലോക്ക്, ജില്ലാപഞ്ചായത്തുകളുടെ വോട്ടെണ്ണുന്നത് ബ്ലോക്ക് തലത്തിലുള്ള കേന്ദ്രത്തിലായിരിക്കും. ഇവിടെ ഗ്രാമ, ബ്ലോക്ക് പഞ്ചായത്തുകളുടെ പോസ്റ്റല് ബാലറ്റുകള് അതത് വരണാധികാരികളുടെ ടേബിളില് എണ്ണും
kerala
നടിയെ ആക്രമിച്ച കേസ്; ആകാശം ഇടിഞ്ഞുവീണാലും നീതി നടപ്പാകട്ടെ, വിധിപ്പകര്പ്പ് പുറത്ത്
കേസില് ഗൂഢാലോചനയുണ്ടായി എന്നതിന് തെളിവുകളില്ലെന്നാണ് വിധിപ്പകര്പ്പിലുള്ളത്.
നടിയെ ആക്രമിച്ച കേസിന്റെ വിധിപ്പകര്പ്പ് പുറത്ത്. ആകാശം ഇടിഞ്ഞുവീണാലും നീതി നടപ്പാകട്ടെ എന്ന വരി ഉള്പ്പടെ 1,711 പേജുള്ള വിധിന്യായമാണ് കോടതി പുറപ്പെടുവിച്ചത്. കേസില് ഗൂഢാലോചനയുണ്ടായി എന്നതിന് തെളിവുകളില്ലെന്നാണ് വിധിപ്പകര്പ്പിലുള്ളത്. എട്ടാം പ്രതിയായ ദിലീപ് ട്രയല് കോടതിയിലടക്കം ജഡ്ജിയെ സ്വാധീനിക്കാന് ശ്രമിച്ചു എന്ന ആരോപണങ്ങളും നിഷേധിക്കുന്നു.
എട്ടാം പ്രതിയായ ദിലീപ് ട്രയല് കോടതിയിലടക്കം ജഡ്ജിയെ സ്വാധീനിക്കാന് ശ്രമിച്ചെന്ന തരത്തില് സ്പെഷ്യല് പബ്ലിക് പ്രോസിക്യൂട്ടര് ചില രേഖകള് സമര്പ്പിച്ചിരുന്നു. എന്നാല് ഇത് അടിസ്ഥാനരഹിതമാണെന്നും വിധിന്യായത്തില് പറയുന്നു. ഒന്പതാം പ്രതി മേസ്തിരി സനല് ജയിലില് പള്സര് സുനിയുമായി ചേര്ന്ന് ഗൂഢാലോചന നടത്തിയതില് തെളിവില്ലെന്നും വിധിന്യായത്തിലെ 1547ാം പേജിലുണ്ട്.
ദിലീപിന്റ ഫോണുകളിലെ ചാറ്റു ചെയ്തു എങ്കില് ഫോണുകള് എന്തുകൊണ്ട് ഫോറന്സിക് പരിശോധനയ്ക്ക് വിധേയമാക്കിയില്ല എന്ന് കോടതി ചോദിച്ചു വ്യാജ സ്ക്രീന് ഷോട്ട് കേസില് എന്ത് കൊണ്ട് ഷോണ് ജോര്ജിനെ വിസ്തരിച്ചില്ല എന്നും കോടതി ചോദിച്ചു. ഉന്നയിച്ച സംശയങ്ങള്ക്ക് കൃത്യമായ തെളിവുകള് ഹാജരാക്കാന് സാധിച്ചില്ല. ഇരയുടെ മോതിരത്തിന്റെ കാര്യം എന്തുകൊണ്ട് ആദ്യ മൊഴിയില് പറഞ്ഞില്ല എന്നും കോടതി സംശയം ഉന്നയിച്ചു. ഗൂഢാലോചന തെളിയിക്കാന് പ്രോസിക്യൂഷന് സാധിച്ചില്ലെന്നും വിധിന്യായത്തില് വ്യക്തമാക്കുന്നു.
കേസില് പള്സര് സുനി ഉള്പ്പെടെ 6 പ്രതികള്ക്കും 20 വര്ഷം കഠിനതടവ് വിധിച്ചു. പ്രോസിക്യൂഷന്റെയും പ്രതികളുടെയും വാദം കേട്ട ശേഷമാണ് എറണാകുളം പ്രിന്സിപ്പല് സെഷന്സ് ജഡ്ജി ഹണി എം. വര്ഗീസ് ശിക്ഷ വിധിച്ചത്. പള്സര് സുനിയെ കൂടാതെ, മാര്ട്ടിന് ആന്റണി, ബി. മണികണ്ഠന്, വി.പി. വിജീഷ്, എച്ച്. സലിം (വടിവാള് സലിം), പ്രദീപ് എന്നിവര് കുറ്റക്കാരാണെന്ന് തിങ്കളാഴ്ച കോടതി കണ്ടെത്തിയിരുന്നു. കൂട്ടബലാത്സംഗം ഉള്പ്പെടെയുള്ള കുറ്റങ്ങളാണ് പ്രതികള്ക്കെതിരേ തെളിഞ്ഞിട്ടുള്ളത്.
kerala
രാജ്യാന്തര ചലച്ചിത്രമേളയ്ക്ക് തുടക്കം; വേദിയില് അവള്ക്കൊപ്പം പ്ലക്കാര്ഡ് ഉയര്ത്തി കാണികള്
ചിലി സംവിധായകന് പാബ്ലോ ലാറോ, ഫലസ്തീര് അംബാസിഡര് അബ്ദുള്ള എം. അബു ഷവേഷ്, ജര്മന് അംബാസിഡര് ഡോ.ഫിലിപ് അക്കര്മെന് എന്നിവര് വേദിയില് അതിഥികളായി.
മുപ്പതാമത് രാജ്യാന്തര ചലച്ചിത്രമേളയ്ക്ക് തലസ്ഥാനത്ത് തുടക്കം. എട്ടു ദിവസം നീണ്ടുനില്ക്കുന്ന സിനിമാ സംവാദങ്ങള്ക്കാണ് തലസ്ഥാനത്ത് തുടക്കമായത്. നിശാഗന്ധിയില് സാംസ്കാരിക വകുപ്പ് മന്ത്രി സജി ചെറിയാന് മേള ഉദ്ഘാടനം ചെയ്തു. ഉദ്ഘാടന വേദിയില് ഡെലിഗേറ്റുകളില് ചിലര് അവള്ക്കൊപ്പം പ്ലക്കാര്ഡ് ഉയര്ത്തി.
ചിലി സംവിധായകന് പാബ്ലോ ലാറോ, ഫലസ്തീര് അംബാസിഡര് അബ്ദുള്ള എം. അബു ഷവേഷ്, ജര്മന് അംബാസിഡര് ഡോ.ഫിലിപ് അക്കര്മെന് എന്നിവര് വേദിയില് അതിഥികളായി. പൊരുതുന്ന ജനതയ്ക്ക് ഐക്യദാഢ്യം പ്രഖ്യാപിക്കുന്നതാണ് ഇത്തവണത്തെ ചലചിത്ര മേളയുടെ സന്ദേശം. ഈ മാസം 19 വരെയാണ് മേള. നിശാഗന്ധി ഓപ്പണ് തീയറ്റര് ഉള്പ്പെടെ 16 വേദികളിലാ മാണ് സിനിമകള് പ്രദര്ശിപ്പിക്കുക.
-
india3 days agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
Sports2 days agoകൂച്ച് ബെഹാര് ട്രോഫിയില് ഇഞ്ചോടിഞ്ച് പോരാട്ടം; ആറു റണ്സിന് കേരളത്തിന് തോല്വി
-
india3 days ago‘മോദിജി പകുതി സമയവും വിദേശത്ത്, പിന്നെ രാഹുലിന്റെ യാത്രയെ ചോദ്യം ചെയ്യുന്നത് എന്തിന്?’: പ്രിയങ്ക ഗാന്ധി
-
kerala2 days agoഇരട്ടവോട്ട് ശ്രമം; രണ്ട് പേരെ പൊലീസ് പിടികൂടി
-
india1 day agoഇന്ത്യന് ജലാതിര്ത്തിയില് പാക് മത്സ്യബന്ധന ബോട്ട് പിടികൂടി; 11 പേര് കസ്റ്റഡിയില്
-
kerala3 days agoതദ്ദേശ തെരഞ്ഞെടുപ്പ് രണ്ടാം ഘട്ടം; ഏഴു ജില്ലകള് നാളെ പോളിംഗ് ബൂത്തിലേക്ക്
-
kerala3 days agoവ്യാജരേഖ ചമച്ച് വോട്ടര് പട്ടികയില് പേര് ചേര്ത്തു; സിപിഎം സ്ഥാനാര്ഥി ഉള്പ്പെടെ മൂന്നുപേര്ക്കെതിരെ കേസ്
-
india1 day agoസ്കൂള് വിദ്യാര്ത്ഥിനികളോട് മോശമായി പെരുമാറിയ അധ്യാപകനെ രക്ഷിതാക്കളും നാട്ടുകാരും മര്ദിച്ച് പൊലീസിന് കൈമാറി