Connect with us

More

സ്ഥാനങ്ങള്‍ വൈകുന്നതിനെതിരെ രൂക്ഷ വിമര്‍ശനം: എന്‍.ഡി.എ യോഗത്തില്‍ നിന്ന് തുഷാര്‍ ഇറങ്ങിപോയി, സി.കെ ജാനു പങ്കെടുത്തില്ല

Published

on

കൊച്ചി: ഭാവി കാര്യങ്ങള്‍ ചര്‍ച്ച ചെയ്യാന്‍ കൊച്ചിയില്‍ ചേര്‍ന്ന എന്‍.ഡി.എ യോഗത്തില്‍ ഭിന്നത. യോഗത്തിനിടെ എന്‍ഡിഎ കണ്‍വീനറും ബിഡിജെഎസിന്റെ നേതാവുമായ തുഷാര്‍ വെള്ളാപ്പളളി ഇറങ്ങി പോയി. ഗോത്രമഹാസഭ നേതാവ് സി.കെ ജാനു യോഗത്തില്‍ പങ്കെടുത്തതുമില്ല.

യോഗത്തിന് ശേഷം ഇതേ കുറിച്ചുള്ള ചോദ്യത്തിന് തുഷാര്‍ ഒരു കല്യാണത്തില്‍ പങ്കെടുക്കാന്‍ പോയതാണെന്നായിരുന്നു മുന്നണി ചെയര്‍മാന്‍ കുമ്മനം രാജശേഖരന്റെ മറുപടി. സി.കെ ജാനുവും യോഗത്തില്‍ പങ്കെടുത്തില്ലല്ലോയെന്ന ചോദ്യത്തിന് പകരം പ്രതിനിധിയെ അയച്ചിട്ടുണ്ടെന്നും അദ്ദേഹം മറുപടി നല്‍കി. കോര്‍പറേഷന്‍, ബോര്‍ഡ് സ്ഥാനങ്ങള്‍ ലഭിക്കുന്നത് വൈകുന്നതിനെതിരെ യോഗത്തില്‍ ഘടകകക്ഷികള്‍ രൂക്ഷ വിമര്‍ശനമുയര്‍ത്തി.
വാഗ്ദാനം ചെയ്ത സ്ഥാനങ്ങള്‍ മൂന്നു വര്‍ഷം കഴിഞ്ഞിട്ടും ലഭിക്കാത്തത് പ്രതിഷേധാര്‍ഹമാണെന്നും ഇനിയും കാത്തിരിക്കാന്‍ വയ്യെന്നും ഘടക കക്ഷികള്‍ യോഗത്തില്‍ പറഞ്ഞു. നാളുകളായി ഇക്കാര്യങ്ങള്‍ പലതവണ പറഞ്ഞിട്ടും നടപ്പിലാക്കാത്തതിലുള്ള കടുത്ത അതൃപ്തിയും ഘടക കക്ഷികള്‍ യോഗത്തില്‍ അറിയിച്ചു. ബിഡിജെഎസ്, ലോക്ജനശക്തി ഉള്‍പ്പെടെയുള്ള കക്ഷികളാണ് പ്രധാനമായും തങ്ങളുടെ അതൃപ്തി യോഗത്തില്‍ അറിയിച്ചത്. കേന്ദ്രത്തില്‍ എന്‍ഡിഎ അധികാരത്തില്‍ വന്ന് മൂന്നു വര്‍ഷം കഴിഞ്ഞിട്ടും കേന്ദ്രസര്‍ക്കാരിന്റെ മിക്ക ബോര്‍ഡ്,കോര്‍പറേഷന്‍ സ്ഥാനങ്ങളില്‍ ഇപോഴും കോണ്‍ഗ്രസുകാര്‍ തന്നെയാണ് ഇരിക്കുന്നതെന്നും ഘടക കക്ഷി പ്രതിനിധികള്‍ വിമര്‍ശിച്ചു. ലഭിക്കുന്ന ബോര്‍ഡ്,കോര്‍പറേഷന്‍ സ്ഥാനങ്ങള്‍ എല്ലാ ഘടക കക്ഷികള്‍ക്കും പാര്‍ട്ടിയുടെ വലുപ്പ, ചെറുപ്പം നോക്കാതെ തുല്യമായി നല്‍കണമെന്ന ആവശ്യവും കക്ഷികള്‍ ഉന്നയിച്ചു.
ബോര്‍ഡ്,കോര്‍പറേഷന്‍ സ്ഥാനങ്ങള്‍ നല്‍കണമെന്ന് പറയാമെന്നല്ലാതെ ഇക്കാര്യങ്ങളില്‍ തീരൂമാനമെടുക്കേണ്ടത് കേന്ദ്രനേതൃത്വമാണെന്നായിരുന്നു കുമ്മനത്തിന്റെ മറുപടി. ജൂണ്‍ രണ്ടിന് ബിജെപി ദേശീയ പ്രസിഡന്റ് അമിത് ഷാ കേരളത്തില്‍ എത്തുന്നുണ്ട്. അന്ന് ഉച്ചകഴിഞ്ഞ് രണ്ടിന് കൊച്ചിയില്‍ ചേരുന്ന എന്‍ഡിഎ നേതൃയോഗത്തില്‍ ഇക്കാര്യം വീണ്ടും ഉന്നയിക്കാമെന്ന് കുമ്മനം യോഗത്തെ അറിയിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ചെന്നൈയില്‍ പബ്ബിന്റെ മേല്‍ക്കൂര തകര്‍ന്ന് വീണ് 3 പേര്‍ മരിച്ചു

ഇന്നലെ
രാത്രി 8 മണിയോടെയാണ് അപകടമുണ്ടായത്

Published

on

ചെന്നൈ ആള്‍വാര്‍പേട്ടില്‍ പബ്ബിന്റെ മേല്‍ക്കൂര ഇടിഞ്ഞ് മൂന്നുപേര്‍ മരിച്ചു. പബ്ബ് ജീവനക്കാരായ മണിപ്പൂര്‍ സ്വദേശികള്‍ മാക്‌സ്, ലാലി എന്നിവരാണ് മരിച്ചതെന്ന് തിരിച്ചറിഞ്ഞിട്ടുണ്ട്. മരണപ്പെട്ട മൂന്നാമത്തെയാളെ തിരിച്ചറിഞ്ഞിട്ടില്ല. ഇന്നലെ
രാത്രി 8 മണിയോടെയാണ് അപകടമുണ്ടായത്. ആള്‍വാര്‍പേട്ടിലെ ഷെക്‌മെറ്റ് പബ്ബിന്റെ മേല്‍ക്കൂരയാണ് ഇടിഞ്ഞുവീണത്.

അപകടത്തിന്റെ കാരണമെന്തെന്ന് ഇപ്പോഴും വ്യക്തമായിട്ടില്ല. പബ്ബിനുള്ളില്‍ ആരും തന്നെ കുടുങ്ങിക്കിടപ്പില്ലെന്ന് രക്ഷാ പ്രവര്‍ത്തകരും ഫയര്‍ ഫോഴ്‌സും അറിയിച്ചു. ഐപിഎല്‍ നടക്കുന്നതിനാലും ഇന്ന് അവധി ദിവസമായതിനാലും ധാരാളം ആളുകള്‍ പബ്ബിലുണ്ടായിരുന്നുവെന്നാണ് പൊലീസ് പറയുന്നത്. ഇതിനിടെയാണ് മേല്‍ക്കൂര പൂര്‍ണമായും തകര്‍ന്ന് താഴേക്ക് വീണത്.

Continue Reading

kerala

അനു കൊലപാതകം: പ്രതിയുടെ ഭാര്യയും പിടിയിൽ, അനുവിൻ്റെ സ്വർണം വിറ്റ പണം കൈവശം വച്ചതും ചിലവഴിച്ചതും റവീന

ഇന്നലെയാണ് കൊണ്ടോട്ടിയിലെ വീട്ടിലെത്തി റൗഫീനയെ പൊലീസ് അറസ്റ്റ് ചെയ്തത്

Published

on

കോഴിക്കോട്: കോഴിക്കോട് പേരാമ്പ്രയില്‍ അനുവിനെ തോട്ടില്‍ മുക്കിക്കൊലപ്പെടുത്തിയ കേസില്‍ ഒരാള്‍ കൂടി അറസ്റ്റില്‍. പ്രതി മുജീബ് റഹ്മാന്റെ ഭാര്യ റൗഫീനയാണ് അറസ്റ്റിലായത്. തെളിവു നശിപ്പിക്കാന്‍ ശ്രമിച്ചതിനാണ് അറസ്റ്റ്.

1,43,000 രൂപയും ഇവരുടെ കൈയിൽ നിന്ന് കണ്ടെടുത്തു. അറുപതോളം കേസുകളിൽ പ്രതിയാണ് അനുവിനെ കൊലപ്പെടുത്തിയ കേസിലെ പ്രതിയായ മുജീബ് റഹ്മാൻ. പിടികൂടാൻ ശ്രമിക്കവെ മുജീബിൻ്റെ ആക്രമണത്തിൽ ഒരു പൊലീസുകാരന് കൈയ്ക്ക് പരിക്കേറ്റിരുന്നു. പ്രതിയുടെ വീട്ടിൽ നിന്ന് മാരകായുധങ്ങളും പൊലീസ് കണ്ടെടുത്തിരുന്നു.

സ്വര്‍ണാഭരണങ്ങള്‍ വിറ്റ പണം ചീട്ടു കളിച്ച് നശിപ്പിച്ചു എന്നാണ് മുജീബ് ആദ്യം പറഞ്ഞത്. പിന്നീട് കൂടുതല്‍ ചോദ്യം ചെയ്തതോടെയാണ് പണം റൗഫീനയെ ഏല്‍പ്പിച്ചതായി വെളിപ്പെടുത്തിയത്. പൊലീസ് എത്തുമെന്ന് അറിഞ്ഞതോടെ, പണം കൂട്ടുകാരിയെ ഏല്‍പ്പിച്ചു. ഇന്നലെയാണ് കൊണ്ടോട്ടിയിലെ വീട്ടിലെത്തി റൗഫീനയെ പൊലീസ് അറസ്റ്റ് ചെയ്തത്.

Continue Reading

kerala

മഅ്ദനിയുടെ ആരോഗ്യനില അതീവ ഗുരുതരമായി തുടരുന്നു

ജീവൻ നിലനിർത്തുന്നത് വെന്റിലേറ്ററിന്റെ സഹായത്തോടെയാണ്

Published

on

പിഡിപി സംസ്ഥാന അധ്യക്ഷൻ അബ്ദുൽ നാസര്‍ മഅദനിയുടെ ആരോഗ്യനിലയിൽ പുരോഗതി ഇല്ല. അതീവ ഗുരുതരാവസ്ഥയിൽ കൊച്ചിയിലെ ആശുപത്രിയിൽ ചികിത്സയിൽ തുടരുകയാണ്. എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിൽ തുടരുന്നു. ജീവൻ നിലനിർത്തുന്നത് വെന്റിലേറ്ററിന്റെ സഹായത്തോടെയാണ്.

വിദഗ്ധ ഡോക്ടർമാരുടെ സംഘം മഅ്ദനിയെ പരിശോധിച്ച് വരികയാണ്. കഴിഞ്ഞ മാസമാണ് മഅ്ദനിയെ വൃക്ക സംബന്ധമായ അസുഖം മൂലം കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചത്. വ്യാഴാഴ്ച പുലർച്ച കടുത്ത ശ്വാസതടസം നേരിട്ടതോടെയാണ് വെന്‍റിലേറ്ററിലേക്ക് മാറ്റിയത്.

ഡയാലിസിസ് തുടരുന്നുണ്ട്. കരള്‍ രോഗത്തിന്റെ ബാധിതനായ മഅദനി ഒരു മാസത്തിലേറെയായി ആശുപത്രിയില്‍ ചികിത്സയിലായിരുന്നു. ജാമ്യവ്യവസ്ഥയില്‍ സുപ്രീംകോടതി ഇളവ് അനുവദിച്ചതിനെത്തുടര്‍ന്ന് മഅദനി കഴിഞ്ഞ വര്‍ഷം ജൂലൈ 20 നാണ് കേരളത്തിലേക്ക് എത്തിയത്.

Continue Reading

Trending