More
ആന്ധ്രയില് ട്രെയിന്പാളം തെറ്റി; 32 മരണം, 54പേര്ക്ക് പരിക്ക്

ഭുവനേശ്വര്: ആന്ധ്രാപ്രദേശിലെ വിസിനഗരം ജില്ലയില് ട്രെയിന് പാളം തെറ്റി 32 യാത്രക്കാര് മരിച്ചു. 54പേര്ക്ക് പരിക്കേറ്റു. പരുക്കേറ്റവരില് നാല് പേരുടെ നില ഗുരുതരമാണ്. ജഗ്ദല്പൂര്-ഭുവനേശ്വര് ഹിരാഖണ്ഡ് എക്സ്പ്രസ്സാണ്(18448) പാളം തെറ്റിയത്.
ശനിയാഴ്ച്ച രാത്രി 11മണിക്കാണ് അപകടമുണ്ടായത്. കനേരു സ്റ്റേഷന് സമീപത്തുവെച്ചാണ് ട്രെയിന് പാളം തെറ്റുന്നത്. ട്രെയിനിന്റെ എഞ്ചിനും ഏഴു കോച്ചുകളും പാളം തെറ്റുകയായിരുന്നു. അപകടത്തില്പ്പെട്ട കോച്ചുകളില് യാത്രക്കാര് കുടുങ്ങിക്കിടക്കുന്നതിനാല് മരണസംഖ്യ ഇനിയും ഉയരാനാണ് സാധ്യത.
പരിക്കേറ്റവരെ ആശുപത്രിയിലേക്ക് മാറ്റി. രക്ഷാപ്രവര്ത്തനത്തിനായി റെയില്വേയുടെ നാല് റിലീഫ് വാനുകള് സ്ഥലത്തെത്തിയിട്ടുണ്ട്. ഡോക്ടര്മാരുടെ സേവനം അപകടസ്ഥലത്ത് ലഭ്യമാണ്. അപകടത്തെ തുടര്ന്ന് ഒട്ടേറെ ട്രെയിനുകള് വഴിതിരിച്ചുവിട്ടിട്ടുണ്ട്.
india
നാല് സംസ്ഥാനങ്ങളില് നാളെ സിവില് ഡിഫന്സ് മോക് ഡ്രില്

ന്യുഡല്ഹി: ദേശീയ സുരക്ഷ ആശങ്കകള് വര്ധിച്ചുവരുന്ന സാഹചര്യത്തില് പാക്കിസ്താനുമായി പങ്കിടുന്ന നാല് സംസ്ഥാനങ്ങളില് കേന്ദ്ര സിവില് ഡിഫന്സ് നാളെ മോക് ഡ്രില് സംഘടിപ്പിക്കും. ജമ്മു കശ്മീര്, പഞ്ചാബ്,രാജസ്ഥാന്, ഗുജറാത്ത്, എന്നിവിടങ്ങളില് നാളെ വൈകുന്നേരം സിവില് ഡിഫന്സ് മോക് ഡ്രില്ലുകള് നടത്തും.
ഏപ്രില് 22ന് ജമ്മു കശ്മീരിലെ പഹല്ഗാമില് പാകിസ്താന് ഭീകര് നടത്തിയ ആക്രമണത്തില് 26 പേര് മരണപ്പെട്ടിരുന്നു. തുടര്ന്ന് ‘ഓപ്പറേഷന് സിന്ദൂര്’ എന്ന പേരില് ഇന്ത്യ മെയ് 7ന് പാകിസ്താനിലെ ഒമ്പത് ഭീകരതാവളങ്ങള് ആക്രമിച്ചു. ഇതിനു പിന്നാലെയാണ് പാകിസ്താനുമായി അതിര്ത്തി പങ്കിടുന്ന സംസ്ഥാനങ്ങളില് സിവില് ഡിഫന്സ് മോക് ഡ്രില് നടക്കുന്നത്.
പഹല്ഗാം ഭികരാക്രമണത്തെ തുടര്ന്ന് ഇന്ത്യയിലെ വിവിധ സംസ്ഥാനങ്ങളില് നേരത്തേ മോക് ഡ്രില് നടന്നിരുന്നു. പെട്ടന്നൊരു ആക്രമണമുണ്ടായാല് ജനങ്ങള് വേഗത്തിലും എകോപിതമായും പ്രാപ്തമാക്കുക എന്നതാണ് മോക് ഡ്രില്ലിന്റെ പ്രധാന ലക്ഷ്യം. അതേസമയം ഓപ്പറേഷന് സിന്ദൂറിലുടെ ഭീകരതക്കെതിരായ ഇന്ത്യയുടെ ഉറച്ച നിലപ്പാട് ലോകത്തിനു മുമ്പില് വ്യക്തമാക്കാന് ഏഴ് പ്രതിനിധി സംഘങ്ങള് ലോകത്തിന്റെ വിവിധ ഭാഗങ്ങളില് സന്ദര്ശനം നടത്തി വരുകയാണ്.
kerala
‘അൻവർ യുഡിഎഫ് സ്ഥാനാർത്ഥിയെ തള്ളിപ്പറഞ്ഞത് അംഗീകരിക്കാനാകില്ല, യുഡിഎഫ് നയങ്ങളോട് അൻവർ യോജിക്കണം’: സണ്ണിജോസഫ് എം.എൽ.എ

നിലമ്പൂരിലെ യുഡിഎഫ് സ്ഥാനാർത്ഥിയെ പി.വി.അൻവർ തള്ളിപ്പറഞ്ഞത് അംഗീകരിക്കാൻ കഴിയില്ലെന്ന് കെപിസിസി പ്രസിഡന്റ് സണ്ണി ജോസഫ് എംഎൽഎ. യുഡിഎഫിന്റെ നയങ്ങളോട് അൻവർ യോജിക്കണം.അൻവര് എൽഡിഎഫിനെതിരെ, സർക്കാരിന്റെ നയങ്ങൾക്കെതിരെ ആക്ഷേപമുയർത്തിക്കൊണ്ടാണ് എൽഡിഎഫ് വിട്ടതും എംഎൽഎ സ്ഥാനം രാജിവെച്ചതും. ആ നയങ്ങൾ ജനങ്ങളുടെ മുന്നിൽ ജനകീയ കോടതിയിൽ ചോദ്യം ചെയ്ത് എൽഡിഎഫ് സർക്കാരിന് ഒരു തിരിച്ചടി നൽകണമെങ്കിൽ ആർക്കാണ് സാധിക്കുക? കേരള രാഷ്ട്രീയത്തിൽ അത് വളരെ സുവ്യക്തമാണ്. എൽഡിഎഫിനെതിരെ നിയമസഭയ്ക്ക് അകത്തും പുറത്തും ശക്തമായ നീക്കം നടത്തുന്ന ജനപിന്തുണയുള്ള മുന്നണിയാണ് യുഡിഎഫ്. അത് പുതുപ്പള്ളിയിലും തൃക്കാക്കരയിലും പാലക്കാടും വയനാട് ഉപതെരഞ്ഞെടുപ്പിലും കണ്ടു. ഇപ്പോൾ നിലമ്പൂരും കാണാൻ പോകുകയാണ്.
സ്ഥാനാർത്ഥിയെ കോൺഗ്രസ് നേതൃത്വമാണ് പ്രഖ്യാപിച്ചത്. കേരളത്തിലെ കോൺഗ്രസിന്റെ ഇലക്ഷൻ കമ്മിറ്റി, നേരിട്ട് യോഗം ചേരാൻ സാധിച്ചില്ല, ഞാനും പ്രതിപക്ഷനേതാവും മുൻ കെപിസിസി പ്രസിഡന്റ് ഉൾപ്പെടെയുള്ള മുതിർന്ന നേതാക്കളുമായി ആശയവിനിമയം നടത്തി ഒറ്റപ്പേരിൽ എത്തി. അത് എഐസിസി പരിശോധിച്ച് പരിഗണിച്ച് അത് പ്രഖ്യാപിച്ചാൽ പിന്നെ യുഡിഎഫിന്റെ ഭാഗമാകാൻ ആഗ്രഹിക്കുന്ന ഒരാളും പാർട്ടിയും അതിനോട് പരസ്യമായി വിയോജിപ്പ് പ്രകടിപ്പിക്കുന്നത് ഞങ്ങളെങ്ങനെ അംഗീകരിക്കും? ആ ചോദ്യത്തിന് അൻവർ കൃത്യമായും വ്യക്തമായും ഉത്തരം പറയണമെന്നും സണ്ണി ജോസഫ് പറഞ്ഞു.
india
ഔദ്യോഗിക വസതിയില് നിന്ന് പണം കണ്ടെത്തിയ സംഭവം: ജസ്റ്റിസ് യശ്വന്ത് വർമക്കെതിരെ ഇംപീച്ച്മെന്റ് പ്രമേയം പരിഗണിക്കും

ഔദ്യോഗിക വസതിയില് നിന്ന് പണം കണ്ടെത്തിയ സംഭവത്തില് ഡല്ഹി ഹൈക്കോടതി മുന് ജഡ്ജി ജസ്റ്റിസ് യശ്വന്ത് വര്മ്മയെ ഇമ്പീച്ച് ചെയ്യാന് കേന്ദ്ര സര്ക്കാര് നടപടികള് ആരംഭിച്ചു. പാര്ലമെന്റിന്റെ വര്ഷകാല സമ്മേളനത്തില് ഇംപീച്ച്മെന്റ് പ്രമേയം കൊണ്ടുവരാനാണ് നീക്കം. ജസ്റ്റിസ് യശ്വന്ത് വര്മ്മയെ ഇമ്പ്പീച് ചെയ്യാന് സുപ്രിംകോടതി മുന് ചീഫ് ജസ്റ്റിസ് സഞ്ജീവ് ഖന്ന രാഷ്ട്രപതി ക്കും പ്രധാനമന്ത്രിക്കും ശുപാര്ശ ചെയ്തിരുന്നു.
ജൂലൈ പകുതിയോടെ ആരംഭിക്കുന്ന പാർലമെന്റിന്റെ മൺസൂൺ സമ്മേളനത്തിൽ ജഡ്ജിക്കെതിരായ ഇംപീച്ച്മെന്റ് പ്രമേയം പരിഗണിക്കുന്നുണ്ടെന്ന് പി.ടി.ഐ റിപ്പോർട്ട് ചെയ്തു. ആഭ്യന്തര സമിതിയുടെ അന്വേഷണ റിപ്പോർട്ടിനെത്തുടർന്ന് ജസ്റ്റിസ് വർമ്മയോട് രാജിവെക്കാൻ സുപ്രീംകോടതി ഇതിനകം ആവശ്യപ്പെട്ടിട്ടുണ്ട്.
ജഡ്ജി ജസ്റ്റിസ് യശ്വന്ത് വര്മ്മയുടെ വസതിയില് നിന്നും പണം കണ്ടെത്തി എന്ന ആരോപണം ശരിവെക്കുന്നതാണ് സുപ്രിംകോടതി നിയോഗിച്ച മൂന്നംഗ സമിതിയുടെ റിപ്പോര്ട്ട്. ജസ്റ്റിസ് വര്മ്മയോട് രാജിവയ്ക്കാന് ആവശ്യപ്പെട്ടെങ്കിലും അദ്ദേഹം അത് നിരസിച്ച പശ്ചാത്തലത്തില് ചീഫ് ജസ്റ്റിസ് സഞ്ജീവ് ഖന്ന അന്വേഷണ റിപ്പോര്ട്ടിന്റെ പകര്പ്പും ഇംപീച്ച്മെന്റ് ശുപാര്ശയും രാഷ്ട്രപതി ദ്രൗപതി മുര്മുവിനും പ്രധാനമന്ത്രി നരേന്ദ്ര മോദിക്കും അയച്ചിരുന്നു.മുന് ചീഫ് ജസ്റ്റിസിന്റെ ശുപാര്ശ രാഷ്ട്രപതി രാജ്യസഭാ ചെയര്മാനും ലോക്സഭാ സ്പീക്കര്ക്കും കൈമാറി.
-
News3 days ago
ഗസ്സയിലെ വംശഹത്യ; ഇസ്രാഈല് കൊല്ലപ്പെടുത്തിയ മാധ്യമപ്രവര്ത്തകരുടെ എണ്ണം 220 കടന്നു
-
gulf3 days ago
യുഎഇ സ്വദേശിവല്ക്കരണം ലംഘിച്ച 2200 സ്ഥാപനങ്ങള്ക്കെതിരെ നടപടിയെടുത്തു
-
film2 days ago
രാമനെ അറിയില്ല, രാവണനാണ് നായകന്; പുതിയ റാപ്പിനെ കുറിച്ച് റാപ്പര് വേടന്
-
kerala2 days ago
ജുബൈലില് കോഴിക്കോട് സ്വദേശിനി മരണപ്പെട്ടു
-
kerala3 days ago
മാനന്തവാടിയില് യുവതിയെ ആണ് സുഹൃത്ത് കുത്തിക്കൊന്നു
-
kerala3 days ago
നിലമ്പൂര് ഉപതെരഞ്ഞെടുപ്പ്; ‘യുഡിഎഫ് സ്ഥാനാര്ത്ഥിയെ ഇന്ന് പ്രഖ്യാപിക്കും’; സണ്ണി ജോസഫ്
-
kerala2 days ago
മാനന്തവാടിയില് യുവതി വെട്ടേറ്റ് മരിച്ച സംഭവം; പ്രതിയെയും കാണാതായ കുട്ടിയെയും കണ്ടെത്തി
-
kerala2 days ago
തമിഴ്നാട്ടില് ലഡുവിന് ടൊമാറ്റോ സോസ് നല്കാത്തതില് മലയാളി ഹോട്ടല് ജീവനക്കാര്ക്ക് മര്ദനം