Connect with us

gulf

യുഎഇയില്‍ നിന്ന് ഇന്ത്യയിലേക്ക് മടങ്ങുന്നവര്‍ക്ക് രജിസ്‌ട്രേഷന്‍ ഒഴിവാക്കി

ഇന്ത്യ- യുഎഇ എയര്‍ ബബിള്‍ കരാറിന്റെ അടിസ്ഥാനത്തിലാണ് പുതിയ തീരുമാനമെന്ന് ഇന്ത്യന്‍ കോണ്‍സുലേറ്റ് പ്രസ്താവനയില്‍ അറിയിച്ചു

Published

on

ദുബായ്: യുഎഇയില്‍ നിന്ന് ഇന്ത്യയിലേക്ക് മടങ്ങുന്നവര്‍ കോണ്‍സുലേറ്റിലും എംബസിയിലും രജിസ്റ്റര്‍ ചെയ്യണമെന്ന നിബന്ധന ഒഴിവാക്കി. ഇന്ത്യ- യുഎഇ എയര്‍ ബബിള്‍ കരാറിന്റെ അടിസ്ഥാനത്തിലാണ് പുതിയ തീരുമാനമെന്ന് ഇന്ത്യന്‍ കോണ്‍സുലേറ്റ് പ്രസ്താവനയില്‍ അറിയിച്ചു.

വന്ദേ ഭാരത് ദൗത്യത്തിലൂടെ പ്രവാസികളെ തിരികെ നാട്ടിലെത്തിച്ച് തുടങ്ങിയപ്പോള്‍ മുതലാണ് ഇന്ത്യക്കാര്‍ക്ക് എംബസിയില്‍ രജിസ്റ്റര്‍ ചെയ്യണമെന്നത് നിര്‍ബന്ധമാക്കിയത്. എന്നാല്‍ സാങ്കേതിക പരിജ്ഞാനമില്ലാത്തവര്‍ക്ക് പ്രയാമുണ്ടാക്കുന്ന ഈ നിര്‍ദ്ദേശമാണ് ഇപ്പോള്‍ ഒഴിവാക്കിയത്. മടക്കയാത്രയ്ക്ക് തയ്യാറെടുക്കുന്നവര്‍ക്ക് എയര്‍ ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ സര്‍വ്വീസുകളിലേക്ക് ടിക്കറ്റുകള്‍ നേരിട്ടോ ട്രാവല്‍ ഏജന്‍സികള്‍ വഴിയോ ബുക്ക് ചെയ്യാവുന്നതാണ്.

കൊവിഡ് പരിശോധന നിര്‍ബന്ധമല്ലെങ്കിലും യാത്രയ്ക്ക് 96 മണിക്കൂര്‍ മുമ്പ് നടത്തിയ പിസിആര്‍ പരിശോധനാ ഫലം കൈവശമുള്ളത് ഇന്‍സ്റ്റ്യൂഷണല്‍ ക്വാറന്റീന്‍ ഒഴിവാക്കാന്‍ സഹായിക്കുമെന്ന് അധികൃതര്‍ അറിയിച്ചു. പരിശോധനാഫലം എയര്‍ സുവിധ പോര്‍ട്ടലില്‍ അപ്‌ലോഡ് ചെയ്യണം. അതേസമയം യുഎഇയിലേക്ക് മടങ്ങുന്നവര്‍ അതത് എമിറേറ്റുകളിലെ സര്‍ക്കാര്‍ മാര്‍ഗനിര്‍ദ്ദേശങ്ങള്‍ പാലിക്കണം. സന്ദര്‍ശക വിസയിലെത്തുന്നവര്‍ക്ക് ആരോഗ്യ ഇന്‍ഷുറന്‍സ് നിര്‍ബന്ധമാണ്. യുഎഇയിലേക്ക് മടങ്ങുന്നവര്‍ക്ക് ഇന്ത്യയുടെ ഭാഗത്ത് നിന്ന് തടസ്സങ്ങളും രജിസ്ട്രേഷനും ഇല്ലെന്നും ദുബായ് ഹെല്‍ത്ത് അതോറിറ്റിയുടെയും ആരോഗ്യ മന്ത്രാലയങ്ങളുടെയും നിര്‍ദ്ദേശങ്ങള്‍ അനുസരിക്കണമെന്നും കൊവിഡ് മുന്‍കരുതല്‍ നടപടികള്‍ സ്വീകരിക്കണമെന്നും കോണ്‍സുലേറ്റ് അറിയിച്ചു.

 

 

Continue Reading
Advertisement
Click to comment

Leave a Reply

Your email address will not be published. Required fields are marked *

gulf

യുഎഇ ദേശീയദിനം: അബുദാബി ഇന്ത്യന്‍ ഇസ്ലാമിക് സെന്ററില്‍ ഞായറാഴ്ച വിപുലമായ പരിപാടികള്‍

രാത്രി എട്ടുമണിക്ക് നടക്കുന്ന പരിപാടി ശൈഖ് അലി അല്‍ഹാഷിമി ഉല്‍ഘാടനം ചെയ്യും.

Published

on

അബുദാബി: യുഎഇ 51-ാം ദേശീയദിനാഘോഷം വിപുലമായ പരിപാടികളോടെ 4ന് ഞായറാഴ്ച അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കും.രാത്രി എട്ടുമണിക്ക് നടക്കുന്ന പരിപാടി ശൈഖ് അലി അല്‍ഹാഷിമി ഉല്‍ഘാടനം ചെയ്യും. ലുലു ഇന്റര്‍നാഷണല്‍ ഗ്രൂപ്പ് ചെയര്‍മാന്‍ യൂസുഫലി എംഎ മുഖ്യാതിഥിയായിരിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

50 വര്‍ഷം പിന്നിടുന്ന അബുദാബി ഇന്ത്യന്‍ ഇസ്ലാമിക് സെന്റര്‍ യുഎഇയുടെ ചരിത്രത്തോടൊപ്പം സഞ്ചരിച്ച സംഘടനയാണ്. തലസ്ഥാന നഗരിയില്‍ യുഎഇ പ്രസിഡണ്ട് സൗജന്യമായി നിര്‍മ്മിച്ചു നല്‍കിയ കെട്ടിടത്തിലാണ് ഇസ്ലാമിക് സെന്റര്‍ പ്രവര്‍ത്തിച്ചുകൊണ്ടിരിക്കുന്നത്.
ഞായറാഴ്ച നടക്കുന്ന പരിപാടി വന്‍വിജയമാക്കുന്നതിനു വിപുലമായ ഒരുക്കങ്ങളാണ് നടന്നുകൊണ്ടിരിക്കുന്നത്. പൊതുസമ്മേളനത്തിനുശേഷം കണ്ണൂര്‍ ഷരീഫും സംഘവും അവതരിപ്പിക്കുന്ന മാപ്പിളകലാവിരുന്നും അരങ്ങേറും.

ജനറല്‍ സെ്ക്രട്ടറി ടികെ അബ്ദുല്‍സലാം, കെഎംസിസി സംസ്ഥാന ജനറല്‍ സെക്രട്ടറി അഡ്വ. കെവി മുഹമ്മദ്കുഞ്ഞി, അസീസ് കാളിയാടന്‍, മുസ്ഥഫ വാഫി, സലീം നാട്ടിക, അബ്ദുല്‍അസീസ്, അഷറഫ് നജാത്ത്, ഹനീഫ പടിഞ്ഞാര്‍മൂല എന്നിവര്‍ വാര്‍ത്താസമ്മേളനത്തില്‍ സംബന്ധിച്ചു.

Continue Reading

gulf

യുഎഇ ദേശീയദിനം വിപുലമായ പരിപാടികളോടെ ആഘോഷിച്ചു

വിവിധ രാഷ്ട്രത്തലവന്മാര്‍ യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്യാനെ നേരില്‍ വിളിച്ചും സന്ദേശങ്ങള്‍ വഴിയും ആശംസകള്‍ അറിയിച്ചു.

Published

on

അബുദാബി: യുഎഇ 51-ാം ദേശീയദിനം വിപുലമായ പരിപാടികളോടെ ആഘോഷിച്ചു. അബുദാബി നാഷണല്‍ എക്സിബിഷന്‍ സെന്ററില്‍ നടന്ന ഒദ്യോഗിക പരിപാടിയില്‍ യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്യാന്‍, പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍മഖ്തൂം, ഷാര്‍ജ ഭരണാധികാരി ശൈഖ് സുല്‍ത്താന്‍ ബിന്‍ മുഹമ്മദ് അല്‍ഖാസിമി, അജ്മാന്‍ ഭരണാധികാരി ശൈഖ് ഹുമൈദ് ബിന്‍ റാഷിദ് അല്‍നുഐമി, ഫുജൈറ ഭരണാധികാരി ശൈഖ് ഹമദ് ബിന്‍ മുഹമ്മദ് അല്‍ഷര്‍ഖി, ഉമ്മുല്‍ഖുവൈന്‍ ഭരണാധികാരി ശൈഖ് ശൈഖ് സഊദ് ബിന്‍ റാഷിദ് അല്‍മുഅല്ല, റാസല്‍ഖൈമ ഭരണാധികാരി ശൈഖ് സഊദ് ബിന്‍ സഖര്‍ അല്‍ഖാസിമി എന്നിവരും കിരീടാവകാശികള്‍ ഉള്‍പ്പെടെ നിരവധി രാജകുടുംബാംഗങ്ങളും, മന്ത്രിമാരും മറ്റു ഉന്നതരും സംബന്ധിച്ചു.

വിവിധ രാഷ്ട്രത്തലവന്മാര്‍ യുഎഇ പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍നഹ്യാനെ നേരില്‍ വിളിച്ചും സന്ദേശങ്ങള്‍ വഴിയും ആശംസകള്‍ അറിയിച്ചു. വിവിധ എമിറേറ്റുകളില്‍ വ്യത്യസ്ഥമായ നൂറുകണക്കിന് പരിപാടികളാണ് കഴിഞ്ഞ ദിവസങ്ങളില്‍ അരങ്ങേറിയത്.

പ്രത്യേകം സജ്ജീകരിച്ചയിടങ്ങളില്‍ രാജ്യത്തിന്റെ പൈതൃകം വിളിച്ചോതുന്ന നിരവധി കാഴ്ചകള്‍ ഒരുക്കിയിരുന്നു. രാജ്യം രൂപീകൃതമായ 1971ന് മുമ്പും ശേഷവുമുള്ള ചരിത്രപ്രധാനമായ സംഭവങ്ങളും അതിന്റെ വിവരണങ്ങളും ഏറെ ഹൃദ്യമായിരുന്നു. കടലില്‍നിന്നും മുത്തുവാരി ജീവിച്ചിരുന്ന ജനത സര്‍വ്വസൗകര്യങ്ങളുമുള്ള അത്യാധുനിക ജീവിതത്തിന്റെ വഴികളിലേക്ക് നടന്നുകയറിയ നാള്‍വഴികള്‍ പുതിയ തലമുറക്കും വിദേശികള്‍ക്കും ഒരുപോലെ പഠനാര്‍ഹമായിരുന്നു.

ശൈഖ് സായിദ് ഫെസ്റ്റിവെലില്‍ ഒരുക്കിയ പ്രത്യേക പരിപാടികള്‍ ആസ്വദിക്കാന്‍ പതിനായിരങ്ങളാണ് ഒഴുകിയെത്തിയത്. ആകാശത്ത് ഡ്രോണുകള്‍ തീര്‍ത്ത വിസ്മയക്കാഴ്കളും വര്‍ണ്ണങ്ങള്‍ പെയ്തിറങ്ങിയ വെടിക്കെട്ടും കാണാന്‍ പതിനായിരങ്ങളാണ് തടിച്ചുകൂടിയത്.

നാലുദിവസം പൊതുഅവധി പ്രഖ്യാപിച്ചിരുന്നതുകൊണ്ട് പ്രവാസിള്‍ക്ക് കൂടുതല്‍ സന്തോഷം പകര്‍ന്നു. ആഘോഷങ്ങള്‍ ആസ്വദിക്കാന്‍ നിരവധി കുടുംബങ്ങളാണ് കഴിഞ്ഞ ദിവസങ്ങളില്‍ സന്ദര്‍ശക വിസയില്‍ അബുദാബിയിലും ഇതര എമിറേറ്റുകളിലും നാട്ടില്‍നിന്നെത്തിയത്.

Continue Reading

gulf

ലഹരിക്കെതിരെ ബോധവല്‍ക്കരണവുമായി അബുദാബി ഇന്ത്യന്‍ ഇസ്ലാഹി സെന്റര്‍; ഉന്നത ഉദ്യോഗസ്ഥര്‍ സംബന്ധിക്കും

ലഹരി വസ്തുക്കളുടെ ഉപയോഗത്തില്‍നിന്നും വളര്‍ന്നുവരുന്ന തലമുറയെ മോചിപ്പിക്കുകയെന്ന ലക്ഷ്യത്തോടെ അബുദാബി ഇന്ത്യന്‍ ഇസ്ലാഹി സെന്റര്‍ ബോധവല്‍ക്കരണ പരിപാടി സംഘടിപ്പിക്കുന്നു.

Published

on

അബുദാബി: ലഹരി വസ്തുക്കളുടെ ഉപയോഗത്തില്‍നിന്നും വളര്‍ന്നുവരുന്ന തലമുറയെ മോചിപ്പിക്കുകയെന്ന ലക്ഷ്യത്തോടെ അബുദാബി ഇന്ത്യന്‍ ഇസ്ലാഹി സെന്റര്‍ ബോധവല്‍ക്കരണ പരിപാടി സംഘടിപ്പിക്കുന്നു.ഡിസംബര്‍ രണ്ടിന് രാത്രി എട്ടുമണിക്ക് അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കുന്ന പരിപാടിയില്‍ അബുദാബിയിലെ ഉന്നത പൊലീസ് ഉദ്യോഗസ്ഥര്‍ സംബന്ധിക്കും.

വര്‍ത്തമാനകാലത്തെ യുവതികള്‍ പോലും മയക്കുമരുന്നിന് അടിപ്പെട്ടുകൊണ്ടിരിക്കുന്ന വിഷമകരമായ ആഗോള ചുറ്റുപാടില്‍ ഇതിനെതിരെ മതാപിതാക്കളെയും കുട്ടികളെയും ബോധവല്‍ക്കരിക്കുയെന്നതാണ് പരിപാടികൊണ്ട് ലക്ഷ്യമിടുന്നതെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

‘മാറുന്നലോകം മയങ്ങുന്ന മക്കള്‍’ എന്ന വിഷയം ആസ്പദമാക്കി ഡോ.ജൗഹര്‍ മുനവ്വറും ധാര്‍മ്മികതയുടെവീണ്ടെടുപ്പിന് എന്ന വിഷയത്തില്‍ ഷാര്‍ജ അല്‍അസീസ് മസ്ജിദ് ഇമാം ഹുസൈന്‍ സലഫിയും സംസാരിക്കും.

പ്രവാസികള്‍ തങ്ങളുടെ മക്കളുടെ ജീവിത രീതിയും സൗഹൃദങ്ങളും പരിശോധിക്കുകയും സമൂഹത്തിന് നന്മ പകരുന്ന മക്കളായി വളരുകയും ചെയ്യേണ്ടതിന്റെ ആവശ്യകത പരിപാടിയില്‍ പ്രമുഖര്‍ അവതരിപ്പിക്കും. അബുദാബി പൊലീസിലെ ഉന്നതരും ലഹരിവിരുദ്ധ വിഭാഗം ഉദ്യോഗസ്ഥരും പരിപാടിയില്‍ം സംബന്ധിക്കും.

അബുദാബി ഇസ്ലാഹി സെന്റര്‍ പ്രസിഡണ്ട് ഡോ.ബഷീര്‍, സെക്രട്ടറി അബ്ദുല്‍റഹ്മാന്‍ സെയ്ദുട്ടി, മാലിക് ബിന്‍ അനസ് ഖുര്‍ആന്‍ സെന്റര്‍ പ്രിന്‍സിപ്പള്‍ സായിദ് അല്‍ഹകമി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.

Continue Reading

Trending