Video Stories
2,000 രൂപയുടെ കൂടുതല് നോട്ടുകള് സ്വന്തമാക്കി ലത്തീഫ്
അഫ്സല് കോണിക്കല്
ദുബൈ: ഗള്ഫില് ആദ്യമായി 2000 രൂപയുടെ കൂടുതല് നോട്ടുകള് സ്വന്തമാക്കി മലയാളി യുവാവ്. നോട്ട് ശേഖരണം ഹോബിയാക്കിയ കോഴിക്കോട് നടക്കാവ് സ്വദേശി ലത്തീഫ് ആണ് ദുബൈയില് ആദ്യമായി 2000 രൂപയുടെ നിരവധി നോട്ടുകള് തന്റെ ശേഖരത്തില് എത്തിച്ചിരിക്കുന്നത്. ഡല്ഹിയിലെ സുഹൃത്ത് മുഖേനയാണ് നോട്ടുകള് സ്വന്തമാക്കിയിരിക്കുന്നത്. നിലവില് ബാങ്കു വഴി 4000 രൂപ മാത്രമാണ് വിതരണം ചെയ്യുന്നത്. ഇതു കാരണമാണ് സുഹൃത്തുക്കള് മുഖേന കൂടുതല് നോട്ടുകള് സംഘടിപ്പിച്ചതെന്ന് ലത്തീഫ് പറയുന്നു.
ഒരു വര്ഷം മുമ്പ് ഭാരത സര്ക്കാര് പുറത്തിറക്കിയ പുതിയ ഒരു രൂപ നോട്ടുകള് ആദ്യമായി സ്വന്തമാക്കി ലത്തീഫ് വാര്ത്തകളില് നിറഞ്ഞിരുന്നു. 20 വര്ഷത്തെ ഇടവേളക്ക് ശേഷമാണ് 2015ല് ഒരു രൂപയുടെ പുതിയ നോട്ടുകള് ഇറക്കിയത്. ഇത് ഇപ്പോഴും വിപണിയില് വ്യാപകമായിട്ടില്ല. മുന്പ് 1994ല് ആണ് അവസാനമായി ഒരു രൂപ നോട്ട് സര്ക്കാര് പുറത്തിറക്കിയത്.
1000, 500, 100, 50 രൂപകളുടെ വിവിധ നോട്ടുകളിലെ സീരിയല് നമ്പറുകളില് പ്രശസ്തരുടെ ജന്മദിനം ശേഖരിക്കുന്നതാണ് ലത്തീഫിന്റെ മറ്റൊരു വിനോദം. ഇത്തരത്തില് ബര്ത്ത് ഡേ നോട്ടുകള് ശേഖരിച്ച് മുഖ്യമന്ത്രി മുതല് പ്രധാനമന്ത്രി വരെയുള്ളവര്ക്ക് ഇത്തരത്തില് ലത്തീഫ് കൈമാറിയിട്ടുണ്ട്. ബര്ത്ത്ഡേ നോട്ടുകള് കാണുമ്പോള് പലരും അത്ഭുത്തോടെയും അതിലേറെ കൗതുകത്തോടെയുമാണ് ലത്തീഫിന്റെ പ്രവര്ത്തനത്തെ നോക്കിക്കാണുന്നത്.
ഒരു മാസം മുന്പ് കോഴിക്കോട്ടെത്തിയ പ്രധാനമന്ത്രി നരേന്ദ്രമോദിക്ക് തളി ക്ഷേത്ര പരിസരത്തു വെച്ചാണ് ലത്തീഫ് ജന്മദിന നോട്ടുകള് കൈമാറിയത്. ഇതു കണ്ട നരേന്ദ്ര മോദി വളരെയധികം സന്തോഷം പ്രകടിപ്പിക്കുകയും ചെയ്തു.ഷാര്ജ അന്താരാഷ്ട്ര പുസ്തക മേളയിലെത്തിയ പ്രമുഖര്ക്കെല്ലാം ലത്തീഫ് ജന്മദിന നോട്ടുകള് കൈമാറിയിട്ടുണ്ട്. ഷാര്ജ ഭരണാധികാരി ശൈഖ് ഡോ. സുല്ത്താന് ബിന് മുഹമ്മദ് അല് ഖാസിമിക്ക് ജന്മദിന നോട്ടുകള് കൈമാറിയതാണ് ഇതില് ്പ്രധാനം.
ഒരു രൂപ മുതല് ആയിരം രൂപ വരെയുള്ള ഇന്ത്യന് നോട്ടുകളിലാണ് ശൈഖിന്റെ ജന്മദിന നോട്ടുകള് തയ്യാറാക്കിയത്. ഇത് സ്വീകരിച്ച ശൈഖ് സുല്ത്താന് ഫ്രൈം ചെയ്ത ജന്മദിന നോട്ടുകള് കയ്യില് വെക്കുകയും ചെയ്തു. യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂമിന് ജന്മദിന നോട്ടുകള് സമ്മാനിക്കുകയാണ് ലത്തീഫിന്റെ അടുത്ത ലക്ഷ്യം. ഇതിനായി നോട്ടുകള് ശേഖരിച്ച് ഫ്രൈം ചെയ്ത് തയ്യാറാക്കി വെച്ചിട്ടുണ്ട്. ശശി തരൂര്, ചേതന് ഭഗത്, മമ്മൂട്ടി, സുരേഷ് ഗോപി, മുകേഷ്, നവാഗത എഴുത്തുകാരി ഷെമി തുടങ്ങിയവര്ക്ക് ജന്മദിന നോട്ടുകള് സമ്മാനിച്ചിട്ടുണ്ട്.
ഇന്ത്യയടക്കം മിക്ക രാജ്യങ്ങളുടെയും പഴയതും പുതിയതുമായ നോട്ടുകള് ലത്തീഫിന്റെ ശേഖരത്തിലുണ്ട്. വിവിധ രാജ്യങ്ങളിലെ അപൂര്വ നോട്ടുകള്, നാണയങ്ങള് തുടങ്ങിയവയും ശേഖരിക്കുന്ന ലത്തീഫിന്റെ വീട് നാണയ ശേഖരം കൊണ്ട് വീര്പ്പുമുട്ടുകയാണിപ്പോള്.
Video Stories
ജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
ജാതി വിവേചനത്തെ തുടര്ന്ന് ബിജെപിയില് പൊട്ടിത്തെറി. പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
തിരൂര് നഗരസഭയില് ബിജെപി സ്ഥാനാര്ഥിയായി ഉദേഷിനെ പരിഗണിച്ചിരുന്നു. കാലങ്ങളായി ചിലര് സീറ്റുകള് കുത്തകയാക്കി വെച്ചിരിക്കുകയായിരുന്നുവെന്നും അദ്ദേഹം ആരോപിച്ചു. പാര്ട്ടിയില്നിന്ന് ജാതി വിവേചനം നേരിട്ടെന്ന് ഉദേഷ് പറഞ്ഞു. ഉദേഷിനെ പിന്തുണയ്ക്കുന്നവരും രാജിഭീഷണി മുഴക്കി.
News
എഐ തട്ടിപ്പുകളില് കുടുങ്ങരുത്; മുന്നറിയിപ്പുമായി ഗൂഗിള്
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി.
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി. വ്യാജ തൊഴില് അവസരങ്ങള്, ക്ലോണ് ചെയ്ത ബിസിനസ് വെബ്സൈറ്റുരള്, യഥാര്ത്ഥ ആപ്ലിക്കേഷനുകളോട് സാമ്യമുള്ള കബളിപ്പിക്കാന് വേണ്ടി നിര്മ്മിക്കുന്ന ആപ്പുകള് എന്നിവ നിര്മ്മിക്കാന് ഇപ്പോള് സൈബര് കുറ്റവാളികള് ജനറേറ്റീവ് എഐ ടൂളുകള് വിനിയോഗിക്കുന്നതായി ഗൂഗുളിന്റെ ട്രസ്റ്റ് ആന്ഡ് സേഫ്റ്റി ടീം വ്യക്തമാക്കി. ഗൂഗിളിന്റെ മുന്നറിയിപ്പ് പ്രകാരം ഈ തട്ടിപ്പുകളില് പ്രധാനമായും തൊഴിലന്വേഷകരെയും ചെറുകിട ബിസിനസ് ഉടമകളെയും ലക്ഷ്യമിടുന്നു. പലപ്പോഴും അറിയപ്പെടുന്ന കമ്പനികളുടെയോ സര്ക്കാര് ഏജന്സികളുടെയോ പേരില് വ്യാജ ജോലി ലിസ്റ്റിംഗുകള് സൃഷ്ടിക്കപ്പെടുന്നു. ഇരകളോട് വ്യക്തിഗത വിവരങ്ങള് പങ്കിടാനും, ജോലി പ്രോസസ്സിംഗ് ഫീസ് എന്ന പേരില് പണം അടയ്ക്കാനും ആവശ്യപ്പെടുന്നതാണ് സാധാരണ രീതി. ചിലര് മാല്വെയര് ഇന്സ്റ്റാള് ചെയ്യാനോ ഡാറ്റ മോഷ്ടിക്കാനോ ലക്ഷ്യമിട്ടുള്ള വ്യാജ അഭിമുഖ സോഫ്റ്റ്വെയറുകളും അയക്കുന്നു. ഇത്തരം തട്ടിപ്പുകള് വ്യക്തികള്ക്കും സ്ഥാപനങ്ങള്ക്കും ഗുരുതരമായ ഭീഷണിയാണെന്ന് ഗൂഗിള് മുന്നറിയിപ്പ് നല്കി. നിയമാനുസൃത തൊഴിലുടമകള് ഒരിക്കലും സാമ്പത്തിക വിവരങ്ങളോ പേയ്മെന്റെ് ആവശ്യങ്ങളോ ഉന്നയിക്കില്ലെന്നും ഉപയോക്താക്കള് ഓണ്ലൈനില് കൂടുതല് ജാഗ്രത പാലിക്കണമെന്നും ഗൂഗിള് വ്യക്തമാക്കി.
Video Stories
കടം വാങ്ങിയ പൈസ കൊണ്ടെടുത്ത ലോട്ടറിക്ക് 11 കോടി സമ്മാനം; സുഹൃത്തിന് 1 കോടി നല്കി പച്ചക്കറി കച്ചവടക്കാരന്
ജയ്പൂര് ജില്ലയിലെ കോട്പുടി പട്ടണത്തില് നിന്നുള്ള 38 കാരനായ അമിത് സെഹ്റയാണ് പഞ്ചാബ് സംസ്ഥാന ലോട്ടറിയുടെ ദീപാവലി ബമ്പര് സമ്മാനം നേടിയത്.
ജയ്പൂര്: ജീവിതം മുഴുവന് മാറ്റിമറിച്ച ഭാഗ്യചിരിയിലൂടെ രാജസ്ഥാനിലെ പച്ചക്കറി കച്ചവടക്കാരന് കോടിപതിയായി. കടം വാങ്ങിയ പണത്തില് വാങ്ങിയ ലോട്ടറി ടിക്കറ്റിനാണ് 11 കോടി രൂപയുടെ ജാക്ക്പോട്ട് അടിച്ചത്. അതിലെ ഒരു കോടി രൂപ സുഹൃത്തിന് നല്കി അമിത് സെഹ്റ മനുഷ്യസ്നേഹത്തിന്റെ മാതൃകയായി. ജയ്പൂര് ജില്ലയിലെ കോട്പുടി പട്ടണത്തില് നിന്നുള്ള 38 കാരനായ അമിത് സെഹ്റയാണ് പഞ്ചാബ് സംസ്ഥാന ലോട്ടറിയുടെ ദീപാവലി ബമ്പര് സമ്മാനം നേടിയത്. റോഡരികില് ചെറിയ വണ്ടിയില് പച്ചക്കറികള് വിറ്റ് ഉപജീവനം നടത്തുന്നയാളാണ് അദ്ദേഹം. ഒക്ടോബര് 16-ന് സുഹൃത്ത് മുകേഷ് സെന്നിനൊപ്പം പഞ്ചാബിലേക്ക് പോയപ്പോള് ബതിന്ഡയിലെ ചായക്കടക്കരികിലെ സ്റ്റാളില് നിന്നാണ് രണ്ട് ലോട്ടറി ടിക്കറ്റുകള് വാങ്ങിയത്. കയ്യില് പണമില്ലാത്തതിനാല് മുകേഷിനോട് 1000 രൂപ കടം വാങ്ങുകയായിരുന്നു. ഒക്ടോബര് 31ന് രാത്രി 10 മണിക്ക് മുകേഷിന്റെ ഫോണ് കോളിലൂടെയാണ് 11 കോടിയുടെ ജാക്ക്പോട്ട് അടിച്ചതറിയുന്നത്. രണ്ടാമത്തെ ടിക്കറ്റിനും 1000 രൂപ സമ്മാനമായി ലഭിച്ചു. ലോട്ടറി അടിച്ച വിവരം അറിഞ്ഞപ്പോള് ആദ്യം ഓര്ത്തത് സുഹൃത്ത് മുകേഷിനെയായിരുന്നു. അദ്ദേഹത്തിന്റെ രണ്ട് പെണ്മക്കള്ക്ക് 50 ലക്ഷം രൂപ വീതം ആകെ ഒരു കോടി നല്കുമെന്ന് അമിത് പറഞ്ഞു. ‘ പഞ്ചാബിലേക്ക് വരാന്പോലും 8,000 രൂപ കടം വാങ്ങിയിരുന്നു. അത് ഇപ്പോള് തിരിച്ചടക്കും. കോടിപതിയായെങ്കിലും ഞാന് പഴയപോലെ കച്ചവടം തുടരും. ഭാര്യയുടെ ആഗ്രഹം പോലെ സ്ഥലം വാങ്ങി വീട് പണിയും ‘ എന്നതായിരുന്നു അമിതിന്റെ പ്രതികരണം. സാധാരണ മനുഷ്യന്റെ മനോഹരമായ പങ്കുവെക്കലാണ് ഇപ്പോള് സോഷ്യല് മീഡിയയില് ചര്ച്ചയായിരിക്കുന്നത്.
-
GULF6 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
Video Stories18 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം