kerala
യൂത്ത്ലീഗ് ദക്ഷിണ മേഖല സമ്മേളനം നാളെ
സ്വത്വ രാഷ്ട്രീയം സാമൂഹ്യ പുരോഗതിക്ക് പ്രമേയത്തില് മുസ്ലിം യൂത്ത്ലീഗ് ദക്ഷിണ മേഖല സമ്മേളനം നാളെ പാണക്കാട് ഹൈദരലി ശിഹാബ് തങ്ങള് നഗറില് (കാംലോട്ട് ഇന്റര്നാഷണല് കണ്വന്ഷന് സെന്റര്) നടക്കും. സമ്മേളനത്തിനായുള്ള ഒരുക്കങ്ങള് പൂര്ത്തിയായതായി സംസ്ഥാന ജനറല് സെക്രട്ടറി പി. കെ ഫിറോസ് വാര്ത്താ സമ്മേളനത്തില് അറിയിച്ചു.
രാവിലെ 9.30ന് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങള് പതാക ഉയര്ത്തും. 10ന് ദേശീയ മുസ്ലിം ലീഗ് ദേശീയ ജനറല് സെക്രട്ടറി പി. കെ കുഞ്ഞാലിക്കുട്ടി ഉദ്ഘാടനം ചെയ്യും. മുനവ്വറലി തങ്ങള് അധ്യക്ഷത വഹിക്കും. ഓര്ഗനൈസിങ് സെക്രട്ടറി ഇ. ടി മുഹമ്മദ് ബഷീര് എം.പി മുഖ്യപ്രഭാഷണം നിര്വഹിക്കും. സംസ്ഥാന ജനറല് സെക്രട്ടറി പി. എം.എ സലാം, വി. കെ ഇബ്രാഹിംകുഞ്ഞ്, സംസ്ഥാന വൈസ് പ്രസിഡന്റുമാരായ പി. എച്ച്. അബ്ദുല് സലാം ഹാജി, കെ. ഇ അബ്ദുറഹ്മാന്, ആലപ്പുഴ ജില്ലാ പ്രസിഡന്റ് എ. എം നസീര്, എം.എസ്.എഫ് ദേശീയ പ്രസിഡന്റ് ടി. പി അഷ്റഫലി തുടങ്ങിയവര് സംസാരിക്കും. പി. കെ ഫിറോസ് സ്വാഗതവും വൈസ് പ്രസിഡന്റ് കെ. എം മാഹീന് നന്ദിയും പറയും.
11ന് ഫാസിസത്തിന്റെ വര്ത്തമാനവും പ്രതിരോധത്തിന്റെ സാധ്യതകളും സെഷനില് മുസ്ലിംലീഗ് നിയമസഭാ പാര്ട്ടി ഡെപ്യൂട്ടി ലീഡര് ഡോ. എം.കെ മുനീര്, കേരള യൂണിവേഴ്സിറ്റി അസിസ്റ്റന്ഡ് പ്രൊഫസര് അഷ്റഫ് കടയ്ക്കല്, മുസ്ലിംലീഗ് സംസ്ഥാന സെക്രട്ടറി പി. എം സാദിഖലി എന്നിവര് സംസാരിക്കും. ഉച്ചക്ക് രണ്ടിന് ഹിജാബ് ഭരണഘടനയും രാഷ്ട്രീയവും സെഷനില് തിരുവനന്തപുരം സി.ഡി.എസ് പ്രഫസര് ഡോ. ജെ ദേവിക, വനിതാലീഗ് ദേശീയ പ്രസിഡന്റ് ഫാത്തിമ മുസഫര്, ലോയേഴ്സ് ഫോറം സംസ്ഥാന പ്രസിഡന്റ് അഡ്വ. മുഹമ്മദ് ഷാ പ്രഭാഷണം നടത്തും. 3.30ന് നടക്കുന്ന സ്വത്വ രാഷ്ട്രീയം സാമൂഹ്യ പുരോഗതിക്ക് സെഷനില് മുന് എം.എല്.എ ടി.എ അഹമ്മദ് കബീര്, എഴുത്തുകാരന് സണ്ണി എം കപിക്കാട് എന്നിവര് പ്രസംഗിക്കും. 4.30ന് സമാപന സമ്മേളനം മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള് ഉദ്ഘാടനം ചെയ്യും. പാണക്കാട് സയ്യിദ് മുനവ്വറലി ശിഹാബ് തങ്ങള് അധ്യക്ഷത വഹിക്കുന്ന സമ്മേളനത്തില് പി. കെ ഫിറോസ് കര്മരേഖ പ്രഖ്യാപനം നടത്തും.
മുസ്ലിംലീഗ് സംസ്ഥാന സെക്രട്ടറി കെ. എം ഷാജി മുഖ്യപ്രഭാഷണവും ദേശീയ ട്രഷറര് പി. വി അബ്ദുല് വഹാബ് എം.പി, സംസ്ഥാന സെക്രട്ടറിമാരായ ടി. എം സലിം, ബീമാപള്ളി റഷീദ്, ആലപ്പുഴ ജില്ലാ ജനറല് സെക്രട്ടറി അഡ്വ. എച്ച്. ബഷീര്കുട്ടി, എം.എസ്.എഫ് സംസ്ഥാന പ്രസിഡന്റ് പി.കെ നവാസ് എന്നിവര് സംസാരിക്കും. വാര്ത്താസമ്മേളനത്തില് സംസ്ഥാന ട്രഷറര് പി. ഇസ്മയില്, വൈസ് പ്രസിഡന്റ് അഷ്റഫ് എടനീര്, ആലപ്പുഴ ജില്ലാ പ്രസിഡന്റ് പി. ബിജു, ജനറല് സെക്രട്ടറി ഷാഫി കാട്ടില് എന്നിവര് പങ്കെടുത്തു.
kerala
മലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
സംഭവത്തില് പെണ്കുട്ടിയുടെ ആണ് സുഹൃത്തിനെ പൊലീസ് ചോദ്യം ചെയ്തു.
മലയാറ്റൂരിലെ മുണ്ടങ്ങമറ്റത്ത് രണ്ട് ദിവസം മുമ്പ് കാണാതായ പെണ്കുട്ടിയെ മരിച്ചനിലയില് കണ്ടെത്തി. കഴിഞ്ഞ ശനിയാഴ്ച മുതല് കാണാതായ മുണ്ടങ്ങമറ്റം സ്വദേശി ചിത്രപ്രിയ(19)യാണ് മരിച്ചത്. സംഭവത്തില് പെണ്കുട്ടിയുടെ ആണ് സുഹൃത്തിനെ പൊലീസ് ചോദ്യം ചെയ്തു.
ആത്മഹത്യയാണോ കൊലപാതകമാണോയെന്ന് അന്വേഷണം നടന്നുവരികയാണെന്നും പോസ്റ്റ്മോര്ട്ടം റിപ്പോര്ട്ട് ലഭിച്ചാലേ മരണകാരണം വ്യക്തമാകുകയുള്ളൂവെന്നും പൊലീസ് അറിയിച്ചു. വീടിന് ഒരു കിലോമീറ്റര് അകലെ ഒഴിഞ്ഞ പറമ്പിലാണ് കുട്ടിയെ മരിച്ച നിലയില് കണ്ടെത്തിയത്. തുരുത്തിപ്പറമ്പിലെ ഷൈജുവിന്റെയും ഷിനിയുടെയും മകളാണ് ചിത്രപ്രിയ.
പെണ്കുട്ടികളുടെ ശരീരത്തില് മുറിവുകളും തലയില് കല്ലുപയോഗിച്ച് ഇടിച്ച പാടുകളുമുണ്ട്. കൊലപാതകമാണെന്നാണ് പ്രാഥമിക നിഗമനം. ബെംഗളൂരുവിലെ ഏവിയേഷന് ബിരുദ വിദ്യാര്ഥിയായ ചിത്രപ്രിയയെ ശനിയാഴ്ച മുതലാണ് കാണാതായത്. ഇതേതുടര്ന്ന് കാലടി പൊലീസില് വീട്ടുകാര് പരാതി നല്കിയിരുന്നു. അന്വേഷണത്തിലാണ് ഇന്ന് മൃതദേഹം കണ്ടെത്തിയത്. പെണ്കുട്ടിയുടെ മൊബൈല് ഫോണ് പൊലീസ് പരിശോധിക്കും. ആണ്സുഹൃത്തിനെ ചോദ്യം ചെയ്തുവരികയാണെന്ന് പൊലീസ് വ്യക്തമാക്കി.
kerala
വയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്
റോഡരികിലൂടെ കടന്നുപോകുകയായിരുന്ന ഇവരെ ആന തുമ്പിക്കൈ കൊണ്ട് റോഡിലേക്ക് തള്ളിയിടുകയായിരുന്നു.
വയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്. ചീയമ്പം ഉന്നതിയിലെ മാച്ചി(60)ക്കാണ് കാലിന് പരിക്കേറ്റത്. റോഡരികിലൂടെ കടന്നുപോകുകയായിരുന്ന ഇവരെ ആന തുമ്പിക്കൈ കൊണ്ട് റോഡിലേക്ക് തള്ളിയിടുകയായിരുന്നു. പശുവിനെ മേയ്ച്ച് മാച്ചിയും മകളും വീട്ടിലേക്ക് മടങ്ങുന്നതിനിടെയാണ് സംഭവം.
പരിക്കേറ്റവരെ പുല്പ്പള്ളി സാമൂഹിക ആരോഗ്യ കേന്ദ്രത്തില് പ്രവേശിപ്പിച്ചു. നേരത്തെ, പൊന്മുടിയില് വോട്ട് ചെയ്യാന് പോകുകയായിരുന്ന സംഘം സഞ്ചരിച്ചിരുന്ന കാര് കാട്ടാന നശിപ്പിച്ചിരുന്നു. കൊമ്പ് കൊണ്ട് കുത്തി നശിപ്പിക്കുകയായിരുന്നു. പൊന്മുടി സ്വദേശി രാഹുലിന്റെ കാറാണ് നശിപ്പിച്ചത്. വനംവകുപ്പും ഫയര്ഫോഴ്സും ചേര്ന്ന് വാഹനം എടുത്തുമാറ്റി.
kerala
എറണാകുളത്ത് കള്ളവോട്ടിന് ശ്രമിച്ച സിപിഎം പ്രവര്ത്തകന് പിടിയില്
ജിന്സന് എന്നയാളാണ് പൊലീസിന്റെ പിടിയിലായത്.
എറണാകുളം പള്ളുരുത്തിയില് കള്ളവോട്ടിന് ശ്രമിച്ച സിപിഎം പ്രവര്ത്തകന് പിടിയില്. ജിന്സന് എന്നയാളാണ് പൊലീസിന്റെ പിടിയിലായത്. ഇതിന് പിന്നാലെ നമ്പ്യാപുരത്ത് സംഘര്ഷാവസ്ഥ തുടരുകയാണ്.
ഇടുക്കിയിലെ വട്ടവട പഞ്ചായത്തിലെ കടവരി വാര്ഡിലും കള്ളവോട്ടിനെ ചൊല്ലി ബിജെപി സിപിഎം സംഘര്ഷം നടന്നിരുന്നു. നേരത്തെ, തിരുവനന്തപുരം വഞ്ചിയൂര് വാര്ഡില് സിപിഎം വ്യാപകമായി കള്ളവോട്ട് ചേര്ത്തെന്ന് ആരോപണമുന്നയിച്ചിരുന്നു.
-
india1 day agoഡോളറിന്റെ മൂല്യം കൂടിയാല് നമുക്കെന്ത ഇന്ത്യക്കാര് രൂപയല്ലേ ഉപയോഗിക്കുന്നത്: വിവാദ പരാമര്ശവുമായി ബിജെപി എംപി
-
india1 day ago‘നെഹ്റു ജീവിച്ചതും മരിച്ചതും ഇന്ത്യയ്ക്ക് വേണ്ടി’; പ്രിയങ്ക ഗാന്ധി
-
kerala1 day agoകുപ്പിവെള്ളത്തില് ചത്ത പല്ലി; വെള്ളം കുടിച്ച യുവാവ് ആശുപത്രിയില്
-
editorial3 days agoമുന്നാ ഭായ് ഫ്രം സി.പി.എം
-
Sports1 day ago2026 ഫിഫ ലോകകപ്പ് ഫിക്സ്ച്ചര്; മത്സരങ്ങള് 104
-
kerala1 day agoഇലക്ഷൻ ഡ്യൂട്ടിയ്ക്കെത്തിയ പൊലീസ് ഉദ്യോഗസ്ഥന് പാമ്പുകടിയേറ്റു
-
india1 day agoവന്ദേമാതര ഗാനം ബിജെപി പ്രചരണം ആത്മാര്ത്ഥത ഇല്ലാത്തത്: കെസി വേണുഗോപാല് എംപി
-
crime1 day agoഐഎഫ്എഫ്കെ സ്ക്രീനിങ്ങിനിടെ ഹോട്ടലില് വച്ച് കടന്നുപിടിച്ചു; പ്രമുഖ സംവിധയാകനെതിരെ ചലച്ചിത്രകാരി; മുഖ്യമന്ത്രിക്ക് പരാതി