Video Stories
സുല്‍ത്താനെ മറികടന്നു: ബോളിവുഡില്‍ റെക്കോര്‍ഡിട്ട് ദംഗല്‍
മുംബൈ: ആമിര്‍ഖാന്റെ ദംഗല്‍ ഭരണം തിയേറ്ററുകളില്‍ തുടരുന്നു. ഇതിനകം തന്നെ ഒരു പിടി നേട്ടങ്ങള്‍ സ്വന്തമാക്കിയ ചിത്രം മറ്റൊരു നാഴികകല്ല് കൂടി പിന്നിടുന്നു. സിനിമാ പ്രേമികള്‍ കാത്തിരുന്നത് പോലെ ദംഗല്‍ സല്‍മാന്‍ ചിത്രം സുല്‍ത്താനെ മറികടന്നിരിക്കുന്നു. ആഭ്യന്തര ബോക്‌സ് ഓഫീസില്‍ നിന്ന് ചുരുങ്ങിയ സമയത്തിനുള്ളില്‍ 300 കോടി നേടിയെന്ന നേട്ടമാണ് ദംഗല്‍ സ്വന്തമാക്കിയത്. ബോളിവുഡില്‍ നിന്ന് 300 കോടി ക്ലബ്ബിലെത്തുന്ന നാലാമത്തെ ചിത്രം കൂടിയാണ് ദംഗല്‍. വെറും പതിമൂന്ന് ദിവസം കൊണ്ടാണ് ദംഗല്‍ മുന്നൂറ് കോടി ക്ലബ്ബിലെത്തിയത്.
സല്‍മാന്‍ഖാന്റെ ബജ്റംഗി ഭായ്ജാന്‍ (2015), സുല്‍ത്താന്‍ (2016), ആമിര്‍ഖാന്റെ തന്നെ പികെ (2014) എന്നിവയാണ് ഇതിന് മുന്‍പ് ഇന്ത്യയില്‍ നിന്ന് 300 കോടിക്ക് മുകളില്‍ കളക്ഷന്‍ നേടിയിട്ടുള്ളത്. ക്രിസ്തുമസ് റിലീസായി പുറത്തിറങ്ങിയ ദംഗല്‍ വേഗത്തില്‍ 100 കോടി നേടിയ ചിത്രം എന്ന റെക്കോര്‍ഡിന് പുറമെ ഒരു ദിവസം കൂടുതല്‍ കളക്ഷനെന്ന നേട്ടവും സ്വന്തമാക്കിയിരുന്നു. നിതീഷ് തിവാരി സംവിധാനം ചെയ്ത സിനിമയുടെ ഇതിവൃത്തം ഗുസ്തിയാണ് . സല്‍മാന്‍ ഖാന്റെ സുല്‍ത്താന്‍ കൈകാര്യം ചെയ്തതും ഗു്‌സ്തിയായിരുന്നു.
സംസ്ഥാ സര്‍ക്കാര്‍ തീരുമാനപ്രകാരം കായിക മേഖലയെ പ്രോത്സാഹിപ്പിക്കുന്ന ചിത്രം എന്ന നിലയ്ക്ക് ദംഗല്‍ ടാക്‌സ് ഫ്രീയായിട്ടാണ് ഡല്‍ഹിയില്‍ പ്രദര്‍ശിപ്പിക്കുന്നത്. കേരളത്തിലും ദംഗലിന് വന്‍ സ്വീകരണമാണ് ലഭിച്ചത്. പി.കെ ആയിരുന്നു ആമിറിന്റെ ഒടുവില്‍ തിയേറ്ററുകളിലെത്തിയ ചിത്രം. പി.കെയും 300 കോടി ക്ലബ്ബിലെത്തി. വേള്‍ഡ് വൈഡ് കളക്ഷനിലും ദംഗല്‍ കുതിപ്പ് തുടരുന്നുവെന്നാണ് അണിയറക്കാര്‍ അവകാശപ്പെടുന്നത്.
Video Stories
ഗള്‍ഫിലേക്ക് കൊണ്ടുപോകാനായി അയല്‍വാസി ഏല്‍പ്പിച്ച അച്ചാര്‍ കുപ്പിയില്‍ ലഹരിമരുന്ന് കണ്ടെത്തി
കണ്ണൂര്‍ ചക്കരക്കല്‍ ഇരിവേരി കണയന്നൂരിലെ മിഥിലാജിന്റെ വീട്ടില്‍ അയല്‍വാസിയായ ജിസിന്‍ ഏല്‍പ്പിച്ച കുപ്പിയിലാണ് എംഡിഎംഎ, ഹാഷിഷ് ഓയില്‍ എന്നിവ കണ്ടെത്തിയത്.
കണ്ണൂരില്‍ ഗള്‍ഫിലേക്ക് കൊണ്ടുപോകാനായി അയല്‍വാസി ഏല്‍പ്പിച്ച അച്ചാര്‍ കുപ്പിയില്‍ ലഹരിമരുന്ന് കണ്ടെത്തി. കണ്ണൂര്‍ ചക്കരക്കല്‍ ഇരിവേരി കണയന്നൂരിലെ മിഥിലാജിന്റെ വീട്ടില്‍ അയല്‍വാസിയായ ജിസിന്‍ ഏല്‍പ്പിച്ച കുപ്പിയിലാണ് എംഡിഎംഎ, ഹാഷിഷ് ഓയില്‍ എന്നിവ കണ്ടെത്തിയത്. സംഭവവുമായി ബന്ധപ്പെട്ട് മൂന്നു പേരെ പൊലീസ് അറസ്റ്റ് ചെയ്തു.
ഇന്നലെ രാത്രിയാണ് സൗദി അറേബ്യയിലേക്ക് പോകാനിരിക്കുന്ന മിഥിലാജിന്റെ വീട്ടില്‍ ജിസിന്‍ അച്ചാര്‍ കുപ്പി ഏല്‍പ്പിച്ചത്. മിഥിലാജിന്റെ ഒപ്പം ജോലി ചെയ്യുന്ന ആള്‍ക്ക് കൊടുക്കാന്‍ നല്‍കിയ അച്ചാര്‍ കുപ്പിക്ക് സീല്‍ ഇല്ലാതിരുന്നതാണ് വീട്ടുകാര്‍ക്ക് സംശയം തോന്നാന്‍ കാരണം. തുടര്‍ന്ന് നടത്തിയ പരിശോധനയിലാണ് ചെറിയ പ്ലാസ്റ്റിക് കവറിലാക്കി ലഹരി മരുന്ന് ഒളിപ്പിച്ചതായി കണ്ടെത്തിയത്. സംശയം തോന്നിയ വീട്ടുകാര്‍ പൊലീസിനെ അറിയിക്കുകയായിരുന്നു.
പൊലീസെത്തി പരിശോധിച്ചപ്പോള്‍ എംഡിഎംഎ ആണെന്ന് സ്ഥിരീകരിച്ചു. 2.6 ഗ്രാം എംഡിഎംഎയും, 3.4 ഗ്രാം ഹാഷിഷും ഉണ്ടായിരുന്നു. സംഭവവുമായി ബന്ധപ്പെട്ട് ചക്കരക്കല്‍ സ്വദേശികളായ കെ.പി.അര്‍ഷദ് (31), കെ.കെ.ശ്രീലാല്‍ (24), പി. ജിസിന്‍ എന്നിവരെ പൊലീസ് അറസ്റ്റു ചെയ്തു.
Video Stories
അസമിലെ കുടിയൊഴിപ്പിക്കല്‍; അധികൃതർ നടത്തിയ നിയമ വിരുദ്ധ പ്രവര്‍ത്തനം; സമദാനി
ന്യൂനപക്ഷ വേട്ടക്കെതിരെ പാര്‍ലമെന്റില്‍ സമദാനിയുടെ ശക്തമായ ഇടപെടല്‍
Video Stories
ട്രെയിന്‍ അട്ടിമറി ശ്രമം; പാലക്കാട് ഒറ്റപ്പാലത്ത് റെയില്‍പാളത്തില്‍ ഇരുമ്പ് ക്ലിപ്പുകള്‍ കണ്ടെത്തി
ഒറ്റപ്പാലം ലക്കിടി റെയില്‍വേ സ്‌റ്റേഷനുകള്‍ക്കിടയില്‍ പാളത്തിലെ അഞ്ചിടങ്ങളിലായാണ് ഇരുമ്പ് ക്ലിപ്പുകള്‍ കണ്ടെത്തിയത്.
പാലക്കാട് ഒറ്റപ്പാലത്ത് റെയില്‍പാളത്തില്‍ ഇരുമ്പ് ക്ലിപ്പുകള്‍ നിരത്തി ട്രെയിന്‍ അട്ടിമറിക്കാന്‍ ശ്രമം. ഒറ്റപ്പാലം ലക്കിടി റെയില്‍വേ സ്‌റ്റേഷനുകള്‍ക്കിടയില്‍ പാളത്തിലെ അഞ്ചിടങ്ങളിലായാണ് ഇരുമ്പ് ക്ലിപ്പുകള്‍ കണ്ടെത്തിയത്.
മായന്നൂര്‍ മേല്‍പ്പാലത്തിന് സമീപമാണ് ഇരുമ്പ് ക്ലിപ്പുകള്‍ കണ്ടെത്തിയത്. ആര്‍പിഎഫും കേരള പൊലീസും സ്ഥലത്ത് പരിശോധന നടത്തി.
-
india3 days ago71ാമത് ദേശീയ ചലച്ചിത്ര പുരസ്കാരം: ‘ഉള്ളൊഴുക്ക്’ മികച്ച മലയാള ചിത്രം
-
kerala2 days agoനടന് കലാഭവന് നവാസ് അന്തരിച്ചു
-
kerala3 days ago69 ലക്ഷം രൂപ തട്ടിയെടുത്ത കേസ്; ദിയ കൃഷ്ണയുടെ സ്ഥാപനത്തിലെ മുൻജീവനക്കാർ കീഴടങ്ങി
-
kerala3 days agoസ്നേഹത്തണല്
-
Health3 days agoആരോഗ്യ വകുപ്പിന്റെ വാദങ്ങള് പൊളിയുന്നു; ചികിത്സയ്ക്ക് ഉപകരണങ്ങള് ആവശ്യപ്പെട്ട് ഡോ. ഹാരിസ് അയച്ച കത്ത് പുറത്ത്
-
kerala2 days agoഛത്തീസ്ഗഢ് – ആസാം ന്യൂനപക്ഷവേട്ട; മുസ്ലിം യൂത്ത് ലീഗ് പ്രതിഷേധ സദസ്സ് തിരുവനന്തപുരത്ത്
-
india2 days agoകന്യാസ്ത്രീകളെ സ്ഥിരമായി ജയിലില് അടയ്ക്കാനുള്ള സംഘ്പരിവാറിന്റെ ഗൂഢതന്ത്രമാണ് എന്ഐഎ കേടതിയില് നടന്നത്; വി ഡി സതീശന്
-
News3 days agoകഴിഞ്ഞ രണ്ട് മാസത്തിനകം ഭക്ഷണത്തിന് ക്യൂ നിന്ന 1,373 ഫലസ്തീനികളെ ഇസ്രാഈല് സേന വെടിവെച്ച് കൊന്നു