Video Stories
അസ്വസ്ഥത മാറാതെ അമേരിക്ക; യു.എന്നില് എതിര്ത്തവരെ ഒഴിവാക്കി സൗഹൃദ വിരുന്ന്

ന്യൂയോര്ക്ക്: ജറൂസലം വിഷയത്തില് യു.എന് പൊതുസഭയിലേറ്റ കനത്ത തിരിച്ചടിയില് അമേരിക്കയുടെ അസ്വസ്ഥത മാറുന്നില്ല. 2018 ജനുവരി മൂന്നിന് യു.എന്നിലെ അമേരിക്കന് അംബാസഡര് നിക്കി ഹാലി ഒരുക്കുന്ന ‘സൗഹൃദ വിരുന്നി’ലേക്ക് യു.എന്നില് തങ്ങള്ക്കെതിരായി വോട്ട് രേഖപ്പെടുത്തി ഒരു രാജ്യത്തിന്റെയും പ്രതിനിധിയെ ക്ഷണിച്ചില്ല.
ഇസ്രാഈല് തലസ്ഥാനമായി ജറൂസലം പ്രഖ്യാപിച്ച അമേരിക്കന് നീക്കത്തിനെതിരായ പ്രമേയത്തെ എതിര്ത്തവരോ അഭിപ്രായം രേഖപ്പെടുത്താത്തവരോ അസംബ്ലിയില് പങ്കെടുക്കാത്തവരോ ആയ 64 രാഷ്ട്ര പ്രതിനിധികളെയാണ് വിരുന്നിലേക്ക് ക്ഷണിച്ചിരിക്കുന്നത്. ‘അമേരിക്കയുമായുള്ള സൗഹൃദത്തിന് നന്ദി’ രേഖപ്പെടുത്താനാണ് വിരുന്ന് എന്ന് ക്ഷണക്കത്തിലുണ്ട്.
#US ambo Nikki Haley invites the 64 countries who voted ‘no’, abstained or didn’t show up for #UNGA #Jerusalem resolution to “friendship” party. pic.twitter.com/ebMw5KnNYE
— Margaret Besheer (@mbesheer) December 21, 2017
സഖ്യ രാഷ്ട്രങ്ങളായ ബ്രിട്ടന്, ഇറ്റലി, ഫ്രാന്സ്, ജര്മനി, ജപ്പാന് തുടങ്ങിയ രാഷ്ട്രങ്ങള് യു.എന്നില് അമേരിക്കയെ എതിര്ത്തിരുന്നു. ഇന്ത്യയും അറബ് രാജ്യങ്ങളും ഫലസ്തീന് അനുകൂലമായി തന്നെ വോട്ട് രേഖപ്പെടുത്തി. അമേരിക്കയില് നിന്ന് സഹായം സ്വീകരിക്കുന്ന അഫ്ഗാനിസ്താന്, എത്യോപ്യ, ജോര്ദാന്, നൈജീരിയ, യമന്, ഇറാഖ്, പാകിസ്താന്, സോമാലിയ, കോംഗോ, ദക്ഷിണാഫ്രിക്ക തുടങ്ങിയ രാജ്യങ്ങളും അമേരിക്കക്കെതിരെയാണ് വോട്ട് രേഖപ്പെടുത്തിയത്. ഈ രാജ്യങ്ങളുമായുള്ള ബന്ധം പുനഃപരിശോധിക്കുമെന്ന് യു.എസ് പ്രസിഡണ്ട് ഡൊണാള്ഡ് ട്രംപ് വ്യക്തമാക്കിയിട്ടുണ്ട്.
President Trump threatened to cut off foreign aid to countries that voted against his decision to recognize Jerusalem as Israel's capital.
These are the top recipients of U.S. aid who voted against the U.S. earlier today: https://t.co/iog51CzjSU pic.twitter.com/YGIAtGrvLx
— NBC News (@NBCNews) December 22, 2017
യു.എന് പൊതുസഭയില് അമേരിക്കയെ ഒറ്റപ്പെടുത്തിയ ദിനം ഓര്ത്തുവെക്കുമെന്നും യു.എന്നിനും മറ്റ് രാജ്യങ്ങള്ക്കുമെതിരായ സമീപനങ്ങളില് മാറ്റം വരുത്തുമെന്നും നിക്കി ഹാലി വോട്ടിങില് പരാജയപ്പെട്ട ശേഷം പറഞ്ഞിരുന്നു. യു.എന് എതിരായാലും ജറുസലമിലെ എംബസി നിര്മാണവുമായി മുന്നോട്ടു പോകുമെന്നും അവര് പറഞ്ഞു.
Video Stories
അസമിലെ കുടിയൊഴിപ്പിക്കല്; അധികൃതർ നടത്തിയ നിയമ വിരുദ്ധ പ്രവര്ത്തനം; സമദാനി
ന്യൂനപക്ഷ വേട്ടക്കെതിരെ പാര്ലമെന്റില് സമദാനിയുടെ ശക്തമായ ഇടപെടല്

Video Stories
ട്രെയിന് അട്ടിമറി ശ്രമം; പാലക്കാട് ഒറ്റപ്പാലത്ത് റെയില്പാളത്തില് ഇരുമ്പ് ക്ലിപ്പുകള് കണ്ടെത്തി
ഒറ്റപ്പാലം ലക്കിടി റെയില്വേ സ്റ്റേഷനുകള്ക്കിടയില് പാളത്തിലെ അഞ്ചിടങ്ങളിലായാണ് ഇരുമ്പ് ക്ലിപ്പുകള് കണ്ടെത്തിയത്.

പാലക്കാട് ഒറ്റപ്പാലത്ത് റെയില്പാളത്തില് ഇരുമ്പ് ക്ലിപ്പുകള് നിരത്തി ട്രെയിന് അട്ടിമറിക്കാന് ശ്രമം. ഒറ്റപ്പാലം ലക്കിടി റെയില്വേ സ്റ്റേഷനുകള്ക്കിടയില് പാളത്തിലെ അഞ്ചിടങ്ങളിലായാണ് ഇരുമ്പ് ക്ലിപ്പുകള് കണ്ടെത്തിയത്.
മായന്നൂര് മേല്പ്പാലത്തിന് സമീപമാണ് ഇരുമ്പ് ക്ലിപ്പുകള് കണ്ടെത്തിയത്. ആര്പിഎഫും കേരള പൊലീസും സ്ഥലത്ത് പരിശോധന നടത്തി.
kerala
ആലപ്പുഴയില് സ്കൂള് കെട്ടിടത്തിന്റെ മേല്ക്കൂര തകര്ന്നു വീണു; ഉപയോഗശൂന്യമായ കെട്ടിടമാണ് പൊളിഞ്ഞതെന്ന് പ്രധാനാധ്യാപകന്
അവധി ദിവസമായതിനാല് വന് അപകടം ഒഴിവായി.

ആലപ്പുഴ കാര്ത്തികപ്പള്ളിയില് ശക്തമായ മഴയില് കാഞ്ഞിരപ്പള്ളി യു.പി സ്കൂളിന്റെ മേല്ക്കൂര തകര്ന്നു വീണു. അവധി ദിവസമായതിനാല് വന് അപകടം ഒഴിവായി. 50 വര്ഷത്തോളം പഴക്കമുള്ള കെട്ടിടമാണ് തകര്ന്നു വീണത്.
അതേസമയം കെട്ടിടത്തിന് ഒരു വര്ഷമായി ഫിറ്റ്നസ് ഇല്ലെന്നാണ് ലഭിക്കുന്ന വിവരം. ഉപയോഗ ശൂന്യമായ കെട്ടിടത്തിന്റെ മേല്ക്കൂരയാണ് തകര്ന്നു വീണതെന്ന് പ്രധാനാധ്യാപകന് ബിജു പറഞ്ഞു. എന്നാല് മൂന്ന് ദിവസം മുമ്പ് വരെ ഇവിടെ ക്ലാസ് നടന്നിരുന്നതായി വിദ്യാര്ഥികള് പറയുന്നു.
നിലവില് 14 മുറി കെട്ടിടം കിഫ്ബി അനുവദിച്ചിട്ടുണ്ടെന്നും അടുത്തയാഴ്ച കുട്ടികളെ മാറ്റാന് സാധിക്കുമെന്നാണ് അധികൃതരില് നിന്നും ലഭിക്കുന്ന വിവരമെന്നും പ്രധാനാധ്യാപകന് പറഞ്ഞു.
-
india3 days ago
തിരിച്ചുകയറി രൂപ മൂല്യം; 9 പൈസയുടെ നേട്ടം
-
News3 days ago
ഗസ്സയില് പട്ടിണി രൂക്ഷം; ഇസ്രാഈല് ആക്രമണത്തില് 63 പേര് കൊല്ലപ്പെട്ടു
-
india3 days ago
കണക്കില്പ്പെടാത്ത പണം: ജസ്റ്റിസ് യശ്വന്ത് വര്മ നല്കിയ ഹര്ജി സുപ്രീംകോടതി ഇന്ന് പരിഗണിക്കും
-
india2 days ago
വനിതാ ചെസ് ലോകകപ്പ് ഫൈനലില് കൊനേരു ഹംപിയെ പരാജയപ്പെടുത്തി ദിവ്യ ദേശ്മുഖ്
-
kerala3 days ago
കന്യാസ്ത്രീകള്ക്കെതിരെ ചുമത്തിയത് ഗുരുതര വകുപ്പുകള്; പത്തുവര്ഷം വരെ തടവു ലഭിക്കാവുന്ന കുറ്റം, എഫ്ഐആര് പുറത്ത്
-
india3 days ago
നിയമ സാധുതയില്ല; ബിഹാര് വോട്ടര് പട്ടികയിലെ തീവ്രപരിശോധനക്കെതിരെ മുസ്ലിം ലീഗ് സുപ്രിംകോടതിയില്
-
kerala2 days ago
മുണ്ടക്കൈ-ചൂരല്മല ദുരന്തം; ഓര്മകള്ക്ക് ഒരു വര്ഷം; എങ്ങുമെത്താതെ പുനരധിവാസം
-
GULF2 days ago
സൗദി അറേബ്യയിലെ ദമ്മാമിൽ പുതിയ ഹൈപ്പർമാർക്കറ്റ് തുറന്ന് ലുലു