Connect with us

Video Stories

സതേണ്‍ ഡെര്‍ബി: കൊച്ചിയില്‍ ഇന്ന് ബ്ലാസ്റ്റേര്‍സും ചെന്നൈയിനും

Published

on

ആദ്യ സീണില്‍ അവസാന സ്ഥാനത്ത് നിന്ന് ഫൈനലിലേക്ക് കുതിച്ചെത്തിയ ബ്ലാസ്റ്റേഴ്‌സ് ഇപ്പോള്‍ അതിജീവനത്തിന്റെ ആദ്യ സീസണ്‍ ആവര്‍ത്തിക്കുകയാണെന്ന് പറഞ്ഞാല്‍ ഒട്ടും അതിശയോക്തിയില്ല, 2014ലെ പ്രകടനത്തിന് സമാനമാണ് ബ്ലാസ്റ്റേഴ്‌സിന്റെ നിലവിലെ പ്രകടനം, ഇന്ന് ടീം നിലവിലെ ചാമ്പ്യന്‍മാരായ ചെന്നൈയിന്‍ എഫ്.സിക്കെതിരെ സ്വന്തം ഗ്രൗണ്ടില്‍ രണ്ടാം സതേണ്‍ ഡെര്‍ബിക്കിറങ്ങുന്നു. ഗോവക്കെതിരായ ജയത്തില്‍ നിന്ന് ലഭിച്ച ഊര്‍ജ്ജവും ആത്മവിശ്വാസവും മുതലാക്കി ഇന്നും മികച്ച ഗോള്‍ ശരാശരിയോടെ ജയിക്കാനായാല്‍ പോയിന്റ് ടേബിളില്‍ ടീമിന് രണ്ടാം സ്ഥാനക്കാരാവാം. 12 പോയിന്റുമായി പൂനെക്ക് തൊട്ടു പിറകില്‍ അഞ്ചാം സ്ഥാനത്താണ് ടീമിപ്പോള്‍.

ഡല്‍ഹിക്കെതിരെ 4-1 ന് ദയനീയമായി തോറ്റാണ് ചെന്നൈ മച്ചാന്‍സിന്റെ വരവ്. ആദ്യ സീസണില്‍ ഒമ്പത് മത്സരങ്ങള്‍ കഴിഞ്ഞപ്പോള്‍ മൂന്ന് വീതം ജയവും തോല്‍വിയും സമനിലയുമായി 12 പോയിന്റായിരുന്നു കേരളത്തിന്. ഈ സീസണില്‍ ഒമ്പത് മത്സരങ്ങള്‍ പൂര്‍ത്തിയാക്കിയ ടീമിന്റെ പ്രകടനവും പോയിന്റും സമാനമാണ്. 2014ല്‍ ലീഗിലെ തന്നെ ഏറ്റവും മോശം തുടക്കമായിരുന്നു മഞ്ഞപ്പടയുടേത്. എതിരാളികളുടെ തട്ടകത്തില്‍ തുടര്‍ച്ചയായ അഞ്ചു ഹോം മത്സരങ്ങള്‍ കളിക്കേണ്ടി വന്ന ടീം ഒരു ഘട്ടത്തില്‍ പോയിന്റ് പട്ടികയുടെ അവസാന സ്ഥാനത്ത് വരെയെത്തി.

പൂനെക്കെതിരായ ലീഗിലെ അവസാന മത്സരത്തില്‍ ഏക ഗോളിന്റെ വിജയമാണ് ടീമിനെ സെമിഫൈനലിലെത്തിച്ചത്. 14 മത്സരങ്ങളില്‍ നിന്ന് അഞ്ചു ജയവുമായി 19 പോയിന്റോടെയായിരുന്നു അന്ന് ബ്ലാസ്റ്റേഴ്‌സിന്റെ സെമിപ്രവേശം. പിന്നീട് ചെന്നൈയിനെ തോല്‍പിച്ച് കലാശ കളിയിലേക്കും യോഗ്യരായി. ആദ്യ റൗണ്ട് പൂര്‍ത്തിയായപ്പോള്‍ ഗോളടി എണ്ണത്തില്‍ രണ്ടക്കം കടക്കാത്ത ഏക ടീമായിരുന്നു കേരളം. ഈ സീസണിലും ഗോളെണ്ണത്തില്‍ മാറ്റമില്ല, കേരളം ഇതുവരെ നേടിയത് ആകെ ആറു ഗോളുകള്‍ മാത്രം, വഴങ്ങിയത് ഏഴെണ്ണവും.

ഗോവക്കെതിരെ ഒരു ഗോളിന് പിന്നില്‍ നിന്ന ശേഷം ജയിച്ചെങ്കിലും ടീം മികച്ച കളി പുറത്തെടുത്തുവെന്ന് പറയാനാവില്ല, ശരാശരി പ്രകടനം മാത്രമായിരുന്നു ടീമിന്റേത്, ഇന്ന് ചെന്നൈയിനെതിരെ ജയിക്കാന്‍ ആ കളി മതിയാവില്ല ബ്ലാസ്റ്റേഴ്‌സിന്. രണ്ടു മത്സരങ്ങള്‍ തോറ്റ് നിര പരുങ്ങലിലാവുന്ന ചെന്നൈയിന് ഇന്ന് ജയിച്ചേ തീരൂ, പത്തു പോയിന്റ് മാത്രമുള്ള അവര്‍ നിലവില്‍ ഏഴാം സ്ഥാനത്താണ്. ജയിച്ചാല്‍ ചെന്നൈയിന് മൂന്നാം സ്ഥാനക്കാരായി കുതിച്ചുയരാം. ഇരുടീമും വിജയത്തിനായി പന്ത് തട്ടുമ്പോള്‍ കളത്തില്‍ തീപാറുമെന്നുറപ്പ്. ഇന്നത്തെ മത്സരം കഴിഞ്ഞാല്‍ രണ്ടു വീതം എവേ, ഹോം മത്സരങ്ങള്‍ മാത്രമാണ് ബ്ലാസ്റ്റേഴ്‌സിന് അവശേഷിക്കുന്നത്. സെമിസാധ്യതക്ക് ഏറ്റവും കുറഞ്ഞത് മൂന്ന് മത്സരമെങ്കിലും ജയിക്കണം. അവസാന ഏഴു മത്സരങ്ങളില്‍ ഡല്‍ഹിക്കെതിരെ മാത്രമാണ് ടീം തോറ്റത്. മധ്യനിര ഗോളവസരങ്ങള്‍ സൃഷ്ടിക്കുന്നുണ്ടെങ്കിലും മികച്ചൊരു ഫിനിഷറുടെ അഭാവം ടീമിനെ ഇപ്പോഴും ഉലക്കുന്നുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

കത്ത് വിവാദം ; ക്രൈംബ്രാഞ്ച് ഇന്ന് മേയറുടെ മൊഴിയെടുക്കും

തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

Published

on

തിരുവനന്തപുരം കോര്‍പറേഷനിലെ ശുപാര്‍ശ കത്ത് അന്വേഷിക്കുന്ന ക്രൈം ബ്രാഞ്ച് സംഘം ഇന്ന് മേയര്‍ ആര്യ രാജേന്ദ്രന്റെ മൊഴിയെടുക്കും.തുടര്‍ന്ന് ഓഫീസിലെ ജീവനക്കാരെ ചോദ്യം ചെയ്യും.

നവമാധ്യമങ്ങള്‍ വഴി പ്രചരിച്ച കത്ത്, കോര്‍പ്പറേഷനില്‍ തന്നെ തയ്യാറാക്കിയിരിക്കാമെന്ന നിഗമനത്തിലാണ് പൊലീസ്.
ആരാണ് ഇത് തയ്യാറാക്കി വാട്സ് ആപ്പിലേക്ക് അയച്ചതെന്ന് കണ്ടെത്താന്‍ ശാസ്ത്രീയ തെളിവുകള്‍ പൊലീസിന് ശേഖരിക്കേണ്ടിവരും.പ്രാഥമിക അന്വേഷണം നടത്തിയപ്പോള്‍ ആര്യ രാജേന്ദ്രന്റെ മൊഴി ക്രൈം ബ്രാഞ്ച് രേഖപ്പെടുത്തിയിരുന്നു.

 

Continue Reading

Video Stories

ഖത്തറില്‍ ഡെന്മാര്‍ക്കും തുണീഷ്യയും ഇന്ന് നേര്‍ക്കുനേര്‍

Published

on

ഇന്ത്യന്‍ സമയം വൈകീട്ട് 6.30 നാണ് ഗ്രൂപ്പ് ഡി മല്‍സരങ്ങളുടെ തുടക്കം. അട്ടിമറിക്കാരായ ഡെന്മാര്‍ക്കിനെതിരെ ഖത്തറില്‍ ധാരാളം പിന്തുണക്കാരുള്ള തുണീഷ്യ. ലോക ചാമ്പ്യന്മാരായ ഫ്രാന്‍സ് കളിക്കുന്ന ഗ്രൂപ്പായതിനാല്‍ ഡെന്മാര്‍ക്കിനും തുണീഷ്യക്കും അടുത്ത റൗണ്ട് എന്ന ലക്ഷ്യത്തില്‍ ഇന്ന് വിജയിക്കാനാവണം.

ഒരു വര്‍ഷം മുമ്പ് നടന്ന യൂറോയില്‍ ആരും സാധ്യത കല്‍പ്പിക്കാതിരുന്ന ടീമായിരുന്നല്ലോ ഡെന്മാര്‍ക്ക്. നായകന്‍ ക്രിസ്റ്റിയന്‍ എറിക്‌സണെ നഷ്ടമായിട്ടും റഷ്യ, വെയില്‍സ്, ചെക് റിപ്പബ്ലിക് എന്നിവരെയെല്ലാം മറികടന്നവര്‍ ഇംഗ്ലണ്ടിനോട് തോല്‍ക്കുകയായിരുന്നു. പിയറി എമിലി ഹോജ്ബര്‍ഗും ശ്രദ്ധിക്കേണ്ട താരം. പുതിയ കോച്ച് ജലീല്‍ കാദ്‌രിക്ക് കീഴില്‍ കരുത്തരായിരിക്കുന്നു അവര്‍. പ്രീമീയര്‍ ലീഗില്‍ സണ്ടര്‍ലന്‍ഡിനായി കളിച്ച വഹബി കസ്‌രിയാണ് തുണീഷ്യക്കാരിലെ അപകടകാരി.

Continue Reading

Video Stories

അര്‍ജന്റീനക്കാര്‍ ചില്ലറക്കാരല്ല; വേങ്ങരയില്‍ 500 പേര്‍ക്കുള്ള ബിരിയാണി ഒരുക്കി അര്‍ജന്റീന ഫാന്‍സ്

500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്

Published

on

ആദില്‍ മുഹമ്മദ്

കളി ഖത്തറില്‍ ആണെങ്കിലും ആവേശം മലപ്പുറത്താണെന്ന് പറയുന്നത് എന്തായാലും വെറുതെയല്ല. അത് തെളിയിക്കുകയാണ് മലപ്പുറത്തെ ഓരോരോ സംഭവങ്ങളും. ഇന്നത്തെ സംഭവം മലപ്പുറം വേങ്ങരയിലാണ്. 500 പേര്‍ക്കുള്ള ബിരിയാണിയാണ് ഇവിടുത്തെ അര്‍ജന്റീന ഫാന്‍സ് ഒരുക്കിയിരിക്കുന്നത്.

മലപ്പുറം വേങ്ങര എടയാട്ടുപറമ്പിലെയും ചേക്കാലിമാടിലെയും അര്‍ജന്റീന ഫാന്‍സ് സംയുക്തമായിയാണ് തങ്ങളുടെ ടീമിന്റെ ഉദ്ഘാടനമത്സരത്തിന്റെ ഭാഗമായി 500 പേര്‍ക്കുള്ള ബിരിയാണി ഒരുക്കുന്നത്.മത്സരത്തിനു മുന്‍പ് ഇത് വിതരണം ചെയ്യുകയും ചെയ്യും. നാട്ടിലുള്ള അര്‍ജന്റീന ഫാന്‍സ് എല്ലാവരും ഒത്തുചേര്‍ന്നാണ് ഭക്ഷണത്തിനുള്ള ഫണ്ട് കണ്ടെത്തിയത്. 80 കിലോയോളം വരുന്ന ഭക്ഷണത്തിന്റെ തയ്യാറെടുപ്പുകള്‍ കഴിഞ്ഞ ദിവസം തന്നെ തുടങ്ങിയിരുന്നു.

ഇന്ന് വൈകിട്ട് മൂന്നര മണിക്കാണ് ഖത്തര്‍ വേള്‍ഡ് കപ്പില്‍ അര്‍ജന്റീനയുടെ ആദ്യ പോരാട്ടം. സൗദി അറേബ്യയാണ് എതിരാളി.

 

Continue Reading

Trending