kerala
യൂഡിഎഫ് തികഞ്ഞ ആത്മവിശ്വാസത്തില്; കള്ളവോട്ട് നടത്താന് സി.പി.എമ്മിനെ അനുവദിക്കില്ല: വി.ഡി സതീശന്
കോണ്ഗ്രസ് സ്ഥാനാര്ഥിക്ക് വലിയ സ്വീകാര്യത ലഭിച്ചു. വര്ഗീയതയെ പ്രീണിപ്പിക്കാനുള്ള നീക്കമാണ് പിണറായിയും സി.പി.എമ്മും നടത്തിയതെന്ന് അദ്ദേഹം ചൂണ്ടിക്കാട്ടി.
യൂഡിഎഫ് തികഞ്ഞ ആത്മവിശ്വാസത്തിലാണെന്നും പി.ടി തോമസ് വിജയിച്ചതിനേക്കാള് വലിയ ഭൂരിപക്ഷത്തില് ഉമ തോമസ് വിജയിക്കുമെന്നും പ്രതിപക്ഷ നേതാവ് വി.ഡി സതീശന്. കള്ളവോട്ട് നടത്താന് സി.പി.എമ്മിനെ അനുവദിക്കില്ല. സി.പി.എമ്മിന് ഒരു കള്ളവോട്ട് പോലും ചെയ്യാന് കഴിയാത്ത തരത്തിലുള്ള മുന്നൊരുക്കങ്ങള് നടത്തിയിട്ടുണ്ട്. മരിച്ചവരുടെയും സ്ഥലത്ത് ഇല്ലാത്തവരുടെയും പട്ടിക തയാറാക്കി നിയോജക മണ്ഡലം റിട്ടേണിങ് ഓഫീസര്മാരെ ഏല്പ്പിക്കും. ഏതെങ്കിലും രീതിയില് കള്ളവോട്ട് ചെയ്യാന് ശ്രമിച്ചാല് അതിനെ എതിര്ക്കുകയും കൂട്ടു നില്ക്കുന്ന ഉദ്യോഗസ്ഥര്ക്കെതിരെ നിയമ നടപടി സ്വീകരിക്കുകയും ചെയ്യും. ഇക്കാര്യത്തില് ഒരു വിട്ടുവീഴ്ചയും ഉണ്ടാകില്ല. കേരളത്തില് വ്യാപകമായി നടക്കുന്ന കള്ളവോട്ടുകള്ക്ക് തൃക്കാക്കര ഉപതിരഞ്ഞെടുപ്പോടെ അന്ത്യം കുറിക്കണമെന്ന് അദ്ദേഹം വ്യക്തമാക്കി.
കള്ളവോട്ട് ചെയ്യുന്നത് സി.പി.എം ആണെന്നത് പകല് പോലെ വ്യക്തമാണ്. യു.ഡി.എഫ് ഭൂരിപക്ഷം കുറയ്ക്കാന് മൂവായിരത്തോളം വോട്ടുകളാണ് ചേര്ക്കാതെ പോയത്. അതുകൊണ്ടു തന്നെ കള്ളവോട്ട് ശക്തമായി തടയും. പോളിങ് ശതമാനം ഉയര്ത്തുന്നതിന് വേണ്ടിയുള്ള എല്ലാ നടപടികളും സ്വീകരിച്ചിട്ടുണ്ടെന്ന് അദ്ദേഹം പറഞ്ഞു.
കേരള ചരിത്രത്തില് ഒരു ഉപതെരഞ്ഞെടുപ്പിലും ഉണ്ടാകാത്ത തരത്തിലുള്ള പ്രവര്ത്തനമാണ് തൃക്കാക്കരയില് നടത്തിയത്. ഈ തെരഞ്ഞെടുപ്പില് അജണ്ട നിശ്ചയിച്ചതും യു.ഡി.എഫാണ്. അവസാനഘട്ടത്തില് വ്യാജ വീഡിയോ സൃഷ്ടിച്ച് അതിന് പിന്നാലെ പോകാന് എല്.ഡി.എഫ് ശ്രമിച്ചെങ്കിലും അത് ബൂമറാങായെന്ന് വി.ഡി സതീശന് പറഞ്ഞു.
യൂഡിഎഫ് നേതാക്കളും പ്രവര്ത്തകരും വര്ധിത വീര്യത്തോടെ പ്രവര്ത്തിച്ചു. കോണ്ഗ്രസ് സ്ഥാനാര്ഥിക്ക് വലിയ സ്വീകാര്യത ലഭിച്ചു. വര്ഗീയതയെ പ്രീണിപ്പിക്കാനുള്ള നീക്കമാണ് പിണറായിയും സി.പി.എമ്മും നടത്തിയതെന്ന് അദ്ദേഹം ചൂണ്ടിക്കാട്ടി.
ട്രൂ കോളര് മൊബൈല് ആപ്ലിക്കേഷനില് ആം ആദ്മി പാര്ട്ടിയുടെ പേരില് വ്യാജ അക്കൗണ്ടുണ്ടാക്കി ഇടത് സ്ഥാനാര്ഥിക്ക് വോട്ടഭ്യര്ഥിക്കുന്നുണ്ട്. വ്യാജ വീഡിയോ ഉണ്ടാക്കിയ സി.പി.എമ്മുകാര് തന്നെയാണ് വ്യാജ ഫോണ് കോളിന് പിന്നിലുമുള്ളത്. തെരഞ്ഞെടുപ്പ് കാലത്ത് എല്ലാ രാഷ്ട്രീയ മര്യാദകളും ധാര്മ്മികയും ലംഘിക്കുന്ന പ്രവൃത്തികളാണ് സി.പി.എം ചെയ്തതെന്ന് വി.ഡി സതീശന് ഓര്മിപ്പിച്ചു. തെരഞ്ഞെടുപ്പ് പ്രചരണത്തില് എറണാകുളത്തെ വികസനമാണ് യു.ഡി.എഫ് ചര്ച്ചയാക്കിയത്. രണ്ട് മുഖ്യമന്ത്രിയുടെ കാലത്തും ഒരു വികസനവും നടത്താല് എല്.ഡി.എഫിന് കഴിഞ്ഞിട്ടില്ലെന്നും കമ്മീഷന് റെയില് ചര്ച്ചയാക്കാന് യു.ഡി.എഫിന് സാധിച്ചെന്നും അദ്ദേഹം പറഞ്ഞു.
തൃക്കാക്കരയില് വോട്ടുറപ്പിക്കാന് പോപ്പുലര് ഫ്രണ്ടിന്റെ നേതാക്കളുമായി മുന് മന്ത്രിമാരടക്കമുള്ള എല്ഡിഎഫ് സംഘം ചര്ച്ച നടത്തി. ആലപ്പുഴയിലെ കൊലവിളി പ്രകടനത്തിന് അനുമതി നല്കിയതും ഈ ചര്ച്ചയെ തുടര്ന്നാണെന്ന് വി.ഡി സതീശന് പറഞ്ഞു. കോടിയേരി പറയുന്ന പോലെ ഒരു അടിയൊഴുക്കും ഉണ്ടാകില്ല. ആര്ക്കും സ്വപ്നം കാണാമെന്നും പക്ഷേ അതുപോലെ കാര്യങ്ങള് നടക്കില്ലെന്നും വി.ഡി സതീശന് കൂട്ടിചേര്ത്തു.
kerala
ഗൂഗിള് മാപ്പിട്ട് ആശുപത്രിയിലേക്ക് പോയ സംഘം കാട്ടില് കുടുങ്ങി; ഫയര്ഫോഴ്സ് എത്തി രക്ഷപ്പെടുത്തി
തൃശൂര് സ്വദേശി അലന് വര്ഗീസിന്റെ നേതൃത്വത്തിലുള്ള സംഘത്തിലാണ് സംഭവം ഉണ്ടായത്.
കണ്ണൂര്: ആശുപത്രിയിലേക്ക് പോകാനിറങ്ങിയ സംഘം ഗൂഗിള് മാപ്പിന്റെ നിര്ദ്ദേശത്തെ ആശ്രയിച്ച് യാത്ര ചെയ്തപ്പോള് നേരിട്ട് കാട്ടിനുള്ളിലേക്ക് എത്തിപ്പെട്ടതാണ് വലിയ അപകടത്തിലേക്ക് നയിച്ചത്. തൃശൂര് സ്വദേശി അലന് വര്ഗീസിന്റെ നേതൃത്വത്തിലുള്ള സംഘത്തിലാണ് സംഭവം ഉണ്ടായത്.
ജോലി സംബന്ധിച്ച് കണ്ണൂരിലെത്തിയവര്ക്ക് ഇടയില് ഒരാള്ക്ക് അസ്വസ്തത അനുഭവപ്പെട്ടതോടെ കണ്ണപുരം ഭാഗത്തുനിന്ന് പരിയാരം ഗവ. മെഡിക്കല് കോളജിലേക്ക് പോകാന് ഗൂഗിള് മാപ്പിന്റെ സഹായം തേടുകയായിരുന്നു. എന്നാല് മാപ്പ് കാണിച്ച പാത കാടിനുള്ളിലെ ഇടുങ്ങിയ കുഞ്ഞന്ചാല് ഭാഗംവഴിയായിരുന്നു. വാഹനങ്ങള് സഞ്ചരിക്കാന് ബുദ്ധിമുട്ടുള്ള ഈ വഴിയിലൂടെ ജീപ്പ് മുന്നോട്ടുപോയപ്പോള് ചെറിയ താഴ്ചയില് വാഹനം ചരിഞ്ഞ് പൂര്ണമായി കുടുങ്ങി.
നാട്ടുകാരാണ് സംഭവം ശ്രദ്ധയില്പ്പെടുത്തി അഗ്നിരക്ഷാസേനയെ വിവരം അറിയിച്ചത്. തുടര്ന്ന് തളിപ്പറമ്പ് ഫയര്ഫോഴ്സ് സംഘം സ്ഥലത്തെത്തി. നാട്ടുകാരുടെ സഹായത്തോടൊപ്പം നടത്തിയ ശ്രമത്തിലൂടെ കുടുങ്ങിയ വാഹനം വീണ്ടും റോഡിലേക്ക് വലിച്ചുകയറ്റി വലിയ അപകടത്തില് നിന്ന് ഒഴിവായി.
kerala
ഇറ്റലിയില് ജോലി വാഗ്ദാനം ചെയ്ത് അഞ്ച് ലക്ഷം രൂപ തട്ടിയ കേസ്; പ്രധാന പ്രതി പിടിയില്
ബംഗളൂരുവിലെ ജ്ഞാനഹള്ളി വിനായക നഗര് അപ്പാര്ട്ട്മെന്റിലെ തേര്ഡ് ക്രോസിലാണ് ജോസ് ഫ്രാന്സിസ് (42) എന്നയാളെ മൂവാറ്റുപുഴ ഇന്സ്പെക്ടര് ബേസില് തോമസിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
മൂവാറ്റുപുഴ: ഇറ്റലിയിലെ സൂപ്പര്മാര്ക്കറ്റില് ജോലി ലഭ്യമാക്കാമെന്ന് വാഗ്ദാനം ചെയ്ത് മൂവാറ്റുപുഴ സ്വദേശിനിയില് നിന്ന് അഞ്ച് ലക്ഷം രൂപ തട്ടിയെടുത്ത കേസില് പ്രധാന പ്രതി പൊലീസ് പിടിയിലായി. ബംഗളൂരുവിലെ ജ്ഞാനഹള്ളി വിനായക നഗര് അപ്പാര്ട്ട്മെന്റിലെ തേര്ഡ് ക്രോസിലാണ് ജോസ് ഫ്രാന്സിസ് (42) എന്നയാളെ മൂവാറ്റുപുഴ ഇന്സ്പെക്ടര് ബേസില് തോമസിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
പ്രോട്ടോ ടാലന്റ് ഹയറിങ് സര്വീസ് എന്ന പേരില് മുമ്പ് ബംഗളൂരുവില് സ്ഥാപനം നടത്തിയിരുന്ന പ്രതി ഒരു വര്ഷത്തിലേറെയായി ഒളിവിലായിരുന്നു. ഒളിസങ്കേതത്തില് നിന്നാണ് ഇയാളെ പിടികൂടിയത്. സമാന രീതിയില് കൂടുതല് ആളുകളെ ചതിച്ചിട്ടുണ്ടൊയെന്ന കാര്യത്തില് അന്വേഷണം പുരോഗമിക്കുന്നു. അന്വേഷണ സംഘത്തില് എസ്.ഐമാരായ അതുല് പ്രേം ഉണ്ണി, പി.വി. സജി, വി.സി. സജി, പി.സി. ജയകുമാര്, എ.എസ്.ഐ ബിജു, സീനിയര് സി.പി.ഒമാരായ എച്ച്. ഹാരിസ്, കെ.കെ. ജയന് എന്നിവര് പങ്കെടുത്തു.
kerala
ബാര്ക്ക് റേറ്റിംഗ് തട്ടിപ്പ്: പ്രാഥമിക അന്വേഷണം തുടങ്ങി , സംഭവം ഗൗരവമേറിയതെന്ന് സംസ്ഥാന പൊലീസ് മേധാവി
പരാതിയുടെ അടിസ്ഥാനത്തില് പ്രാഥമിക പരിശോധന നടക്കുകയാണെന്നും അന്വേഷണത്തില് ലഭിക്കുന്ന കണ്ടെത്തലുകള് അനുസരിച്ചായിരിക്കും തുടര്ന്ന് നടപടികള് എന്നും ഡിജിപി മാധ്യമങ്ങളോട് പറഞ്ഞു.
തിരുവനന്തപുരം: കേരളത്തിലെ ടിവി റേറ്റിംഗ് കണക്കെടുപ്പില് വന് കൃത്രിമം നടന്നെന്ന വെളിപ്പെടുത്തലിനെ തുടര്ന്ന് ബാര്ക്ക് റേറ്റിങ് തട്ടിപ്പില് പ്രാഥമിക അന്വേഷണം ആരംഭിച്ചതായി സംസ്ഥാന പൊലീസ് മേധാവി റവാഡ ചന്ദ്രശേഖര് അറിയിച്ചു. പരാതിയുടെ അടിസ്ഥാനത്തില് പ്രാഥമിക പരിശോധന നടക്കുകയാണെന്നും അന്വേഷണത്തില് ലഭിക്കുന്ന കണ്ടെത്തലുകള് അനുസരിച്ചായിരിക്കും തുടര്ന്ന് നടപടികള് എന്നും ഡിജിപി മാധ്യമങ്ങളോട് പറഞ്ഞു. സംഭവം അതീവ ഗൗരവമേറിയതാണെന്നും അദ്ദേഹം വ്യക്തമാക്കി.
ബാര്ക്ക് ഡാറ്റ അട്ടിമറിക്കാന് കോടികള് കൈക്കൂലി വാങ്ങുന്ന ഒരു സംഘം പ്രവര്ത്തിച്ചിരുന്നതിന്റെ തെളിവുകള് പുറത്തുവന്നിരുന്നു. മുംബൈ ആസ്ഥാനമായി പ്രവര്ത്തിക്കുന്ന ബാര്ക്ക് മിഡില് ലെവല് ഉദ്യോഗസ്ഥന് പ്രേംനാഥിന്റെ നേതൃത്വത്തിലുള്ള സംഘമാണ് തട്ടിപ്പിന്റെ പ്രധാനം. പ്രേംനാഥിന്റെ Trust Wallet-ലേക്ക് ഒഴുകിയെത്തിയത് ഏകദേശം 100 കോടി രൂപയോളം.
ഈ തുക കേരളത്തിലെ ഒരു ചാനല് ഉടമയുടെ അക്കൗണ്ടില് നിന്നാണ് ക്രിപ്റ്റോ കറന്സി USDT (Tether) വഴി കൈമാറിയതെന്ന് റിപ്പോര്ട്ടുകള് സൂചിപ്പിക്കുന്നു. പ്രേംനാഥും ചാനല് ഉടമയും തമ്മിലുള്ള നിരന്തര ഫോണ് കോളുകളുടെ ഡാറ്റയും വാട്ട്സ് ആപ്പ് ചാറ്റുകളും ഉള്പ്പെടെ നിരവധി തെളിവുകള് മാധ്യമങ്ങള് പുറത്തുവിട്ടിരുന്നു.
ബന്ധപ്പെട്ട ചാനലിന്റെ റേറ്റിംഗ് കൃത്രിമമായി ഉയര്ത്തി പരസ്യ വരുമാനം വര്ദ്ധിപ്പിക്കുകയും മറ്റു ചാനലുകളുടെ റേറ്റിംഗ് ക്രമബദ്ധമായി താഴ്ത്തുകയും ചെയ്തുവെന്നതാണ് പ്രാഥമിക അന്വേഷണത്തില് വെളിവാകുന്നത്. കഴിഞ്ഞ ഒരു വര്ഷത്തിലേറെയായി ഈ ഗൂഢതന്ത്രം കേരളത്തില് വിജയകരമായി നടപ്പിലാക്കിയതായി സൂചനകള് ലഭിക്കുന്നു.
സംഭവം മാധ്യമരംഗത്തെ വിശ്വാസ്യതയും പരസ്യ വിപണിയിലെ നിഷ്പക്ഷതയും ചൂഷണം ചെയ്യുന്നതായതിനാല് സൈബര് വിങിന്റെ വിശദമായ അന്വേഷണം തുടരുമെന്നാണ് സൂചന.
-
News3 days agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
News15 hours agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
kerala3 days agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
kerala3 days agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
kerala16 hours agoആരോഗ്യ പ്രശ്നം; വേടനെ തീവ്രപരിചരണ വിഭാഗത്തില് പ്രവേശിപ്പിച്ചു
-
kerala3 days agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്
-
gulf3 days agoസൗദിയില് കെട്ടിടത്തിന് മുകളില് നിന്ന് വീണ് മലയാളി യുവാവ് മരിച്ചു.
-
india2 days agoപരീക്ഷാഫലത്തെ തുടര്ന്ന് ഹൈദരാബാദില് പത്താം ക്ലാസ് വിദ്യാര്ത്ഥിനി കെട്ടിടത്തില് നിന്ന് ചാടി മരിച്ചു