kerala
കെറെയില്; ഒരിക്കലും നടക്കാത്ത പദ്ധതിക്ക് വേണ്ടിയാണ് പോലീസ് ജനങ്ങളുടെ മേല് കുതിര കയറുന്നത്: ഉമ്മന് ചാണ്ടി
കേരളത്തെ തകര്ക്കുന്ന ഈ പദ്ധതി ഒരു കാരണവശാലും അംഗീകരിക്കാന് സാധിക്കില്ല. മാടപ്പള്ളിയില് നടന്ന സംഭവം നിര്ഭാഗ്യകരമാണ്, ഉമ്മന് ചാണ്ടി പറഞ്ഞു.
ജനങ്ങളുടെ എതിര്പ്പ് അവഗണിച്ച് കെ റെയില്പദ്ധതി നടപ്പാക്കാനുള്ള സര്ക്കാര് നീക്കം ജനാധിപത്യത്തിന് യോജിച്ചതല്ലെന്ന് കോണ്ഗ്രസ് നേതാവ് ഉമ്മന് ചാണ്ടി. ഒരിക്കലും നടക്കാത്ത പദ്ധതിക്ക് വേണ്ടിയാണ് പോലീസ് ജനങ്ങളുടെ മേല് കുതിര കയറുന്നതെന്ന് അദ്ദേഹം പറഞ്ഞു. കേരളത്തെ തകര്ക്കുന്ന ഈ പദ്ധതി ഒരു കാരണവശാലും അംഗീകരിക്കാന് സാധിക്കില്ല. മാടപ്പള്ളിയില് നടന്ന സംഭവം നിര്ഭാഗ്യകരമാണ്. സില്വര് ലൈന് പദ്ധതിക്ക് അനുമതി നല്കിയിട്ടില്ലെന്ന് കേന്ദ്രസര്ക്കാര് തന്നെ പാര്ലമെന്റില് വ്യക്തമാക്കിയിട്ടുണ്ടെന്ന് ഉമ്മന് ചാണ്ടി പറഞ്ഞു.
അച്യുതാനന്ദന് സര്ക്കാര് കെ റെയിലിന്റെ പഴയ പേരായ അതിവേഗ റെയില് പാതയ്ക്ക് വേണ്ടിയുള്ള വിദഗ്ദ റിപ്പോര്ട്ടിന് സമര്പ്പിച്ചിട്ടുണ്ടായിരുന്നു. 2011ല് താന് മുഖ്യമന്ത്രിയാകുന്ന സമയത്താണ് റിപ്പോര്ട്ട് ലഭിക്കുന്നതെന്നും റിപ്പോര്ട്ട് പഠിച്ചപ്പോള് കേരളത്തിന് താങ്ങാന് പറ്റാത്ത പദ്ധതിയാണെന്ന് മനസിലായിരുന്നെന്നും ഉമ്മന് ചാണ്ടി വ്യക്തമാക്കി. അപ്പോള് തന്നെ പദ്ധതി വേണ്ടെന്നുവച്ചെന്നും പകരം പദ്ധതി മഹരാഷ്ട്ര സബര്ബന് കോര്പ്പറേഷനുമായി ചേര്ന്ന് നടപ്പിലാക്കാന് തീരുമാനിച്ചെന്നും പറഞ്ഞു.
നിലവിലുള്ള റെയില് പാളം വഴി വേഗത കൂടിയ റെയില് സര്വ്വീസുകള് നടത്താനായിരുന്നു പദ്ധതി. എന്തുവന്നാലും കെ റെയില് നടപ്പിലാക്കുമെന്ന് പറഞ്ഞ മുഖ്യമന്ത്രി ഇപ്പോള് പറയുന്നത് പ്രതിഷേധങ്ങള് കണ്ട് പദ്ധതി ഉപേക്ഷിക്കില്ലെന്നാണ്. കേരളത്തിന്റെ പശ്ചാത്തലം നോക്കുമ്പോള് ഒരു വിധത്തിലും നടപ്പിലാക്കാന് പറ്റാത്ത പദ്ധതിയാണിതെന്നും വന് സാമ്പത്തിക ബാധ്യത, പരിസ്ഥിതി പ്രശ്നങ്ങള്, സ്ഥലം ഏറ്റെടുപ്പ് എന്നിവ പ്രശ്നമായി വരുമെന്നും ഉമ്മന് ചാണ്ടി ഓര്മിപ്പിച്ചു.
യു.ഡി.എഫ് സര്ക്കാര് തുടക്കം കുറിച്ച സംസ്ഥാനത്തിന്റെ സ്വപ്നപദ്ധതിയായ വിഴിഞ്ഞം തുറമുഖം രണ്ട് വര്ഷം മുമ്പ് പൂര്ത്തീകരിക്കേണ്ടതായിരുന്നു. പദ്ധതി നീണ്ടുപോകാന് കാരണം നിര്മ്മാണ പ്രവര്ത്തനങ്ങള്ക്ക് ആവശ്യമായ പാറകല്ലുകളും മണ്ണും മറ്റ് നിര്മ്മാണ സാമഗ്രഹികളും എത്തിക്കാന് സാധിക്കാത്തതിനാലാണ്. തുറമുഖ നിര്മ്മാണത്തിന് ആവശ്യമായ പാറകല്ലുകളും മണ്ണും കണ്ടെത്താന് കഴിയാത്ത സര്ക്കാര് തിരുവനന്തപുരം മുതല് കാസര്ഗോഡ് വരെ പാറകല്ലുകള്കൊണ്ട് കൂറ്റന് മതില് നിര്മ്മിച്ച് പദ്ധതി നടപ്പിലാക്കുമെന്ന് പറയുന്നത് പ്രായോഗ്യമാകുന്നതല്ലെന്നും ഉമ്മന് ചാണ്ടി പറഞ്ഞു. സില്വര് ലൈന് എതിരായി ഉയര്ന്നുവന്നിട്ടുള്ള എല്ലാ പോരാഴ്മകളുമില്ലാത്ത ഈ ബദല് നിര്ദ്ദേശം അംഗീകരിക്കുകയാണ് ഏറ്റവും നല്ല മാര്ഗ്ഗമെന്നും ചൂണ്ടിക്കാട്ടി.
kerala
നടി ആക്രമിക്കപ്പെട്ട കേസ്; കോടതിയലക്ഷ്യ പരാമര്ശം നടത്തിയവര്ക്കെതിരെ കേസുമായി ദിലീപ്
നികേഷ് കുമാര്, അന്വേഷണ ഉദ്യോഗസ്ഥന് ബൈജു പൗലോസ്, സംവിധായകന് ബാലചന്ദ്രകുമാര്, ചില മാധ്യമപ്രവര്ത്തകര് എന്നിവര്ക്കെതിരെയാണ് കേസ്
കൊച്ചി: നടി ആക്രമിക്കപ്പെട്ട കേസില് വെറുതേവിട്ടതിന് പിന്നാലെ കോടതിയലക്ഷ്യ പരാമര്ശം നടത്തിയവര്ക്കെതിരെ കേസുമായി നടന് ദിലീപ്. മാധ്യമപ്രവര്ത്തകര് നികേഷ് കുമാര്, അന്വേഷണ ഉദ്യോഗസ്ഥന് ബൈജു പൗലോസ്, സംവിധായകന് ബാലചന്ദ്രകുമാര്, ചില മാധ്യമപ്രവര്ത്തകര് എന്നിവര്ക്കെതിരെയാണ് കേസ് നല്കിയത്. ദിലീപിന് വേണ്ടി അഭിഭാഷകനാണ് കോടതിയലക്ഷ്യ കേസുമായി എറണാകുളം പ്രിന്സിപ്പല് സെഷന്സ് കോടതിയെ സമീപിച്ചത്.
കോടതിയലക്ഷ്യ കേസുകള് ഡിസംബര് 18ന് കോടതി പരിഗണിക്കും. പള്സര് സുനി എന്ന സുനില് എന്.എസ്. (37), മാര്ട്ടിന് ആന്റണി (33), ബി. മണികണ്ഠന് (36), വി.പി. വിജീഷ് (38), വടിവാള് സലിം എന്ന എച്ച്. സലിം (29), പ്രദീപ് (31) എന്നിവരെ കേസില് കുറ്റക്കാരായി കോടതി കണ്ടെത്തിയിരുന്നു.
കൂട്ടബലാത്സംഗം, തട്ടിക്കൊണ്ടുപോകല് പ്രേരണാക്കുറ്റം, തെളിവ് നശിപ്പിക്കല് ഗൂഢാലോചന, ബലപ്രയോഗത്തിലൂടെ സ്ത്രീകളെ അപമാനിക്കല്, നഗ്നയാകാന് നിര്ബന്ധിക്കല്, തൊണ്ടിമുതല് ഒളിപ്പിക്കല്, ഭീഷണിപ്പെടുത്തല്, അന്യായമായി തടവില് പാര്പ്പിക്കല്, സ്വകാര്യത ലംഘിച്ച് അപകീര്ത്തികരമായ ചിത്രമെടുക്കല്, ലൈംഗികചൂണണ ദൃശ്യങ്ങള് പ്രചരിപ്പിക്കല് എന്നീ കുറ്റങ്ങളാണ് പള്സര് സുനി അടക്കമുള്ള പ്രതികള്ക്കെതിരെ ചുമത്തിയിട്ടുള്ളത്. ഇന്ന് മൂന്നു മണമിക്ക് പ്രതികളുടെ ശിക്ഷാവിധി.
kerala
നടി ആക്രമണക്കേസ്: പ്രതികളുടെ ശിക്ഷാവിധി ഇന്ന് 3.30ന്
ശിക്ഷയെ സംബന്ധിച്ച വാദം എറണാകുളം പ്രിന്സിപ്പല് സെഷന്സ് കോടതിയില് പൂര്ത്തിയായി
കൊച്ചി: നടിയെ ആക്രമിച്ച കേസില് പ്രതികള്ക്കുള്ള ശിക്ഷ ഇന്ന് ഉച്ചതിരിഞ്ഞ് 3.30ന് പ്രഖ്യാപിക്കും. ശിക്ഷയെ സംബന്ധിച്ച വാദം എറണാകുളം പ്രിന്സിപ്പല് സെഷന്സ് കോടതിയില് പൂര്ത്തിയായി. ആറു പ്രതികള്ക്കും ജീവപര്യന്തം ശിക്ഷ നല്കണമെന്നാണ് പ്രോസിക്യൂഷന്റെ ആവശ്യം.
”യഥാര്ത്ഥത്തില് കുറ്റം ചെയ്തത് സുനി മാത്രമല്ലേയെന്ന്?” എന്നായിരുന്നു കോടതിയുടെ ചോദ്യം. എന്നാല് എല്ലാവരും ചേര്ന്നാണ് കുറ്റകൃത്യം നടന്നതെന്നും യഥാര്ത്ഥ പ്രതി ഇപ്പോഴും മറഞ്ഞിരിക്കുകയാണെന്നും പ്രോസിക്യൂഷന് മറുപടി നല്കി.
വാദത്തിനിടെ അനാവശ്യ വിവാദങ്ങള് തുടക്കം മുതല് സൃഷ്ടിക്കപ്പെട്ടുവെന്നും ”എന്റെ ഭൂതകാലം അന്വേഷിക്കേണ്ടവര് തിരയട്ടെ” എന്നും ജഡ്ജി ഹണി എം. വര്ഗീസ് അഭിപ്രായപ്പെട്ടു.
വാദത്തിനിടെ പ്രതികളായ മാര്ട്ടിനും പ്രദീപും കണ്ണീരൊഴുക്കിയതായി കോടതിവിവരങ്ങള് വ്യക്തമാക്കുന്നു.
kerala
ദേശീയപാത വട്ടപ്പാറ വയഡക്റ്റില് ഓടിക്കൊണ്ടിരുന്ന കാര് കത്തിനശിച്ചു; യാത്രക്കാര് തലനാരിഴയ്ക്ക് രക്ഷപ്പെട്ടു
വാഹനം പൂര്ണമായും കത്തിനശിച്ചു.
മലപ്പുറം: ദേശീയപാത വട്ടപ്പാറ വയഡക്റ്റിന് മുകളില് ഓടി ക്കൊണ്ടിരിക്കെ കാര് കത്തിനശിച്ചു. ചാവക്കാട് സ്വദേശികള് സഞ്ചരിച്ചിരുന്ന കാറാണ് കത്തിനശിച്ചത്. പുക വരുന്നത് ശ്രദ്ധയില്പ്പെട്ടയുടന് യാത്രക്കാര് പുറത്തിറങ്ങിയതിനാല് വന് ദുരന്തം ഒഴിവായി.
വാഹനം പൂര്ണമായും കത്തിനശിച്ചു. വ്യാഴാഴ്ച ഉച്ചക്ക് രണ്ടോടെയാണ് കാറിന് തീപിടിച്ചത്. ഫയര് ഫോഴ്സ് എത്തിയാണ് തീ പൂര്ണമായും അണച്ചത്. അപകടത്തെ തുടര്ന്ന് ദേശീയപാതയില് ഏറെ നേരം ഗതാഗത തടസ്സം നേരിട്ടു. വളാഞ്ചേരി പൊലിസ് സ്ഥലത്തെത്തി തുടര് നടപടി സ്വീകരിച്ചു.
-
india2 days agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
kerala3 days ago‘ഒരു സ്ത്രീക്കും അനുഭവിക്കാനാകാത്ത ക്രൂരത ആ നടുക്കം ഇന്നും മനസില്’; നടിയുടെ മൊഴി രേഖപ്പെടുത്തിയ എസ്എച്ച്ഒയുടെ വെളിപ്പെടുത്തല്
-
kerala3 days agoമലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
-
india3 days agoആര്എസ്എസ് പിന്തുടരുന്നത് അരാജകത്വമാണ്, അവര് സമത്വത്തെ പിന്തുണക്കുന്നില്ല; രാഹുല് ഗാന്ധി
-
kerala3 days agoവയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്
-
kerala3 days agoഎറണാകുളത്ത് കള്ളവോട്ടിന് ശ്രമിച്ച സിപിഎം പ്രവര്ത്തകന് പിടിയില്
-
Sports21 hours agoകൂച്ച് ബെഹാര് ട്രോഫിയില് ഇഞ്ചോടിഞ്ച് പോരാട്ടം; ആറു റണ്സിന് കേരളത്തിന് തോല്വി
-
india2 days ago‘മോദിജി പകുതി സമയവും വിദേശത്ത്, പിന്നെ രാഹുലിന്റെ യാത്രയെ ചോദ്യം ചെയ്യുന്നത് എന്തിന്?’: പ്രിയങ്ക ഗാന്ധി