മലപ്പുറം: ദേശീയപാത വട്ടപ്പാറ വയഡക്റ്റിന് മുകളില് ഓടി ക്കൊണ്ടിരിക്കെ കാര് കത്തിനശിച്ചു. ചാവക്കാട് സ്വദേശികള് സഞ്ചരിച്ചിരുന്ന കാറാണ് കത്തിനശിച്ചത്. പുക വരുന്നത് ശ്രദ്ധയില്പ്പെട്ടയുടന് യാത്രക്കാര് പുറത്തിറങ്ങിയതിനാല് വന് ദുരന്തം ഒഴിവായി.
വാഹനം പൂര്ണമായും കത്തിനശിച്ചു. വ്യാഴാഴ്ച ഉച്ചക്ക് രണ്ടോടെയാണ് കാറിന് തീപിടിച്ചത്. ഫയര് ഫോഴ്സ് എത്തിയാണ് തീ പൂര്ണമായും അണച്ചത്. അപകടത്തെ തുടര്ന്ന് ദേശീയപാതയില് ഏറെ നേരം ഗതാഗത തടസ്സം നേരിട്ടു. വളാഞ്ചേരി പൊലിസ് സ്ഥലത്തെത്തി തുടര് നടപടി സ്വീകരിച്ചു.