kerala
ബിജെപിക്കെതിരെ മിണ്ടാന് പോലും സിപിഎം ഭയക്കുന്നു: കെ.സുധാകരന്
സിപിഎം, ഔദ്യോഗികമായി ബിജെപി മുന്നണിയില് ചേര്ന്നാലും പൊതു സമൂഹം അത്ഭുതപ്പെടേണ്ടതില്ലെന്ന് അദ്ദേഹം പറഞ്ഞു.
സിപിഎമ്മിനെതിരെ രൂക്ഷ വിമര്ശനവുമായി കെപിസിസി അധ്യക്ഷന് കെ. സുധാകരന്. ഇന്ത്യന് രാഷ്ട്രീയത്തില് വെറുക്കപ്പെട്ടവരായി കഴിഞ്ഞിരുന്ന സംഘപരിവാര് പ്രസ്ഥാനങ്ങളെ അന്ധമായ കോണ്ഗ്രസ് വിരോധത്തിന്റെ പേരില് മുഖ്യധാരയിലേക്ക് കൈപിടിച്ചുയര്ത്തി വളര്ത്തി വലുതാക്കിയത് സിപിഎം ആണെന്നത് നാം മറന്നു പോകരുതെന്ന് സുധാകരന് പറഞ്ഞു. കോണ്ഗ്രസിനെ തകര്ക്കാന് ഏത് ചെകുത്താനെയും കൂട്ടുപിടിക്കുമെന്ന ചിന്ത തന്നെയാണ് സിപിഎമ്മിനെ എന്നും മുന്നോട്ട് നയിക്കുന്നതെന്ന് അദ്ദേഹം പറഞ്ഞു. ഫേസ്ബുക്ക് പോസ്റ്റ് വഴിയാണ് പ്രതികരണം. വിലക്കയറ്റത്തില് പൊറുതിമുട്ടി ജനം നെട്ടോട്ടമോടുമ്പോഴും ബിജെപിയെ വിമര്ശിക്കാന് ഭയന്ന് കോണ്ഗ്രസിനെതിരെ മാത്രം പറഞ്ഞു കൊണ്ടിരിക്കുകയാണ് സിപിഎമ്മെന്നും കെ. സുധാകരന് കുറ്റപ്പെടുത്തി.
സിപിഎം നേതാക്കളുടെ വാക്കുകളില് നരേന്ദ്ര മോദിയോടുള്ള സ്നേഹം നിറഞ്ഞ് തുളുമ്പുന്നത് ജനം കണ്ടു കൊണ്ടിരിക്കുകയാണ്. ഈ രഹസ്യ ബാന്ധവം അവസാനിപ്പിച്ചു കൂടേയെന്നാണ് ഞങ്ങള്ക്ക് നിങ്ങളോട് ചോദിക്കാനുള്ളതെന്ന് കെ. സുധാകരന് വ്യക്തമാക്കി. സിപിഎം, ഔദ്യോഗികമായി ബിജെപി മുന്നണിയില് ചേര്ന്നാലും പൊതു സമൂഹം അത്ഭുതപ്പെടേണ്ടതില്ലെന്നും ഓര്മപ്പെടുത്തി.
ഫേസ്ബുക്ക് പോസ്റ്റിന്റെ പൂര്ണരൂപം:
നരേന്ദ്ര മോദിയുടേത് ഫാഷിസ്റ്റ് ഭരണം അല്ലെന്ന് പണ്ട് പ്രകാശ് കാരാട്ട് പറഞ്ഞിട്ടുണ്ട്. ഇപ്പോള് സി.പി.എം നേതാക്കളായ എസ് രാമചന്ദ്രന് പിള്ളയും എം എ ബേബിയും ആവര്ത്തിച്ച് വ്യക്തമാക്കുന്നു നരേന്ദ്ര മോദിയുടെ ഭരണകൂടത്തിന് ഫാഷിസ്റ്റ് സ്വഭാവം ഇല്ലെന്ന് !!
ഒപ്പം കോണ്ഗ്രസ് രാജ്യത്ത് തകര്ന്ന് ഇല്ലാതാകണമെന്ന പ്രതീക്ഷയും സ്വപ്നവും കേരളത്തിന്റെ മുഖ്യമന്ത്രി പങ്ക് വെയ്ക്കുന്നു. അപ്പോഴും ബിജെപി തകരണമെന്നോ ഇല്ലാതാകണമെന്നോ ഉള്ള വിദൂരചിന്ത പോലും അദ്ദേഹത്തിനില്ല. രാഷ്ട്രീയ ജീവിതത്തിലുടനീളം കിട്ടിയ ബി ജെ പി പിന്തുണയുടെ നന്ദി അദ്ദേഹം ഇങ്ങനെ പ്രകടിപ്പിക്കുന്നതാകാം.
ഇന്ത്യന് രാഷ്ട്രീയത്തില് വെറുക്കപ്പെട്ടവരായി കഴിഞ്ഞിരുന്ന സംഘപരിവാര് പ്രസ്ഥാനങ്ങളെ അന്ധമായ കോണ്ഗ്രസ് വിരോധത്തിന്റെ പേരില് മുഖ്യധാരയിലേക്ക് കൈപിടിച്ചുയര്ത്തി വളര്ത്തി വലുതാക്കിയത് സിപിഎം ആണെന്നത് നാം മറന്നു പോകരുത്. കോണ്ഗ്രസിനെ തകര്ക്കാന് ഏത് ചെകുത്താനെയും കൂട്ടുപിടിക്കുമെന്ന ചിന്ത തന്നെയാണ് സിപിഎമ്മിനെ എന്നും മുന്നോട്ട് നയിക്കുന്നത്.
അതിനു വേണ്ടി അവര് സ്വയം ചീഞ്ഞ് വളം കൊടുത്ത് വളര്ത്തിയെടുത്ത ബിജെപി ഇന്ന് രാജ്യത്തെ തകര്ത്തു കൊണ്ടിരിക്കുകയാണ്. വിലക്കയറ്റത്തില് പൊറുതിമുട്ടി ജനം നെട്ടോട്ടമോടുമ്പോഴും ബിജെപിയെ വിമര്ശിക്കാന് ഭയന്ന് കോണ്ഗ്രസിനെതിരെ മാത്രം പറഞ്ഞു കൊണ്ടിരിക്കുകയാണ് സിപിഎം.
ഞങ്ങള്ക്ക് നിങ്ങളോട് ചോദിക്കാനുള്ളത്, ഈ രഹസ്യ ബാന്ധവം അവസാനിപ്പിച്ചു കൂടേയെന്നാണ്. നിങ്ങളുടെ നേതാക്കളുടെ വാക്കുകളില് നരേന്ദ്ര മോദിയോടുള്ള സ്നേഹം നിറഞ്ഞ് തുളുമ്പുന്നത് ജനം കണ്ടു കൊണ്ടിരിക്കുകയാണ്.
അദ്വാനിക്കും വാജ്പേയിക്കും ഒപ്പം തോളോടു തോള് ചേര്ന്ന് കോണ്ഗ്രസിനെതിരെ കുപ്രചാരണങ്ങള് നടത്തിയ സിപിഎം, ഔദ്യോഗികമായി ബിജെപി മുന്നണിയില് ചേര്ന്നാലും പൊതു സമൂഹം അത്ഭുതപ്പെടേണ്ടതില്ല.
kerala
നീതി ലഭിച്ചില്ലെന്ന് അതിജീവിത പറയുമ്പോള്, നീതി ലഭിച്ചു എന്ന് നമുക്കെങ്ങനെ പറയാന് കഴിയും; പ്രേംകുമാര്
ഈ കേസില് ഗൂഢാലോചനയുണ്ട് എന്ന് വ്യക്തമാണ്.
നടി ആക്രമിക്കപ്പെട്ട കേസില് പ്രതികരണവുമായി നടന് പ്രേംകുമാര്. നീതി ലഭിച്ചില്ലെന്ന് അതിജീവിത പറയുമ്പോള്, നീതി ലഭിച്ചു എന്ന് നമുക്കെങ്ങനെ പറയാന് കഴിയുമെന്ന് നടന് ചോദിച്ചു. ഈ കേസില് ഗൂഢാലോചനയുണ്ട് എന്ന് വ്യക്തമാണ്. പ്രോസിക്യൂഷനും, ദിലീപും, അതിജീവിതയും ഗൂഢാലോചന ആരോപിക്കുന്നു. എന്നാല് ഇതില് ആര്ക്കെതിരെയാണ് ഗൂഢാലോചന എന്നതാണ് കണ്ടെത്തേണ്ടത്. ആരാണ് ഗൂഢാലോചന നടത്തിയത്, എന്താണ് ഗൂഢാലോചന എന്നത് കൃത്യമായി കണ്ടെത്തണം. അവരെ നിയമത്തിനു മുന്നില് കൊണ്ടുവരണമെന്നും പ്രേംകുമാര് പ്രതികരിച്ചു.
കേസില് പ്രതികള്ക്ക് ഇന്ന് കോടതി ശിക്ഷ വിധിച്ചിരുന്നു. ഒന്ന് മുതല് ആറ് വരെയുള്ള പ്രതികള്ക്ക് 20 വര്ഷം കഠിന തടവ് കോടതി വിധിച്ചിരുന്നു. 120ബി ഉള്പ്പെടെയുള്ള കുറ്റങ്ങള്ക്കാണ് ശിക്ഷ. പ്രതികള്ക്ക് 50000 രൂപ പിഴയും കോടതി വിധിച്ചു. അതിജീവിതക്ക് അഞ്ച് ലക്ഷം രൂപ നഷ്ടപരിഹാരം നല്കണം. അതിജീവിതയുടെ വിവാഹമോതിരം തിരികെ നല്കണമെന്നും കോടതി ഉത്തരവിട്ടു. തട്ടിക്കൊണ്ടുപോകലിന് 10 വര്ഷം കഠിനതടവും 25000 പിഴയും ശിക്ഷ. അന്വേഷണ ഉദ്യോഗസ്ഥന്റെ പെന്െ്രെഡവ് അതിജീവിതയുടെ സ്വകാര്യതയെ ബാധിക്കുന്ന തരത്തില് കൈകാര്യം ചെയ്യരുതെന്നും കോടതി. ശിക്ഷ എല്ലാം ഒരുമിച്ച് അനുഭവിച്ചാല് മതി. ഫൈന് അടയ്ക്കാത്ത പക്ഷം ഒരുവര്ഷം അധികം ശിക്ഷ അനുവദിക്കണം.
kerala
40 വയസില് താഴെയാണ് എല്ലാ പ്രതികളുടെയും പ്രായം, വധശിക്ഷയോ ജീവപര്യന്തമോ നല്കേണ്ട സാഹചര്യമില്ല; കോടതി
40 വയസില് താഴെയാണ് എല്ലാ പ്രതികളുടെയും പ്രായമെന്നും പ്രതികളുടെ കുടുംബ സാഹചര്യം, ഒന്നാം പ്രതിയൊഴികെ ബാക്കിയുള്ളവര്ക്ക് മറ്റ് ക്രിമിനല് പശ്ചാത്തലമില്ലെന്ന വാദം എന്നിവയും പരിഗണിക്കുന്നതായും ജഡ്ജി നിരീക്ഷിച്ചു.
നടിയെ ആക്രമിച്ച കേസിലെ വിധിയില് ഒന്ന് മുതല് ആറ് വരെയുള്ള പ്രതികള്ക്ക് വിവിധ സാഹചര്യങ്ങള് കണക്കിലെടുക്കുമ്പോള് വധശിക്ഷയോ ജീവപര്യന്തമോ നല്കേണ്ട സാഹചര്യമില്ലെന്ന് എറണാകുളം പ്രിന്സിപ്പല് സെഷന്സ് കോടതി ജഡ്ജി ഹണി എം വര്ഗീസ്. 40 വയസില് താഴെയാണ് എല്ലാ പ്രതികളുടെയും പ്രായമെന്നും പ്രതികളുടെ കുടുംബ സാഹചര്യം, ഒന്നാം പ്രതിയൊഴികെ ബാക്കിയുള്ളവര്ക്ക് മറ്റ് ക്രിമിനല് പശ്ചാത്തലമില്ലെന്ന വാദം എന്നിവയും പരിഗണിക്കുന്നതായും ജഡ്ജി നിരീക്ഷിച്ചു.
ഇരയായ സ്ത്രീയുടെ സുരക്ഷിതത്വത്തിനുള്ള അവകാശം ലംഘിക്കപ്പെടുകയും അവരില് ഭയവും അപമാനവും നിസഹായതയും ഉണ്ടാക്കുകയും ചെയ്തു. പ്രതികളുടെ പ്രവൃത്തി സ്ത്രീയുടെ അന്തസിനെ ചോദ്യം ചെയ്യുന്നതായിരുന്നു എന്ന വസ്തുത പരിഗണിക്കാതിരിക്കാനാവില്ല. ഇത് അവര്ക്ക് മാനസികാഘാതവുമുണ്ടാക്കി. സുഹൃത്തിന്റെ വീട്ടിലേക്ക് പോകുംവഴിയാണ് അവര് ആക്രമിക്കപ്പെട്ടത് എന്നതും, മുന്കൂട്ടി കാണാതെയുള്ള സംഭവമായിരുന്നു ഇതെന്നതും പരിഗണിക്കേണ്ടതുണ്ടെന്ന് വിധിയില് പറയുന്നു.
സ്ത്രീകള്ക്കെതിരായ കുറ്റകൃത്യങ്ങള് അവരുടെ ആത്മാഭിമാനത്തെ മാത്രമല്ല, സമൂഹത്തിന്റെ വികാസത്തെയും ബാധിക്കുന്നു. ലിംഗ നീതിയെക്കുറിച്ച് പൊതുസമൂഹത്തെ ബോധവത്കരിക്കേണ്ടതിന്റെ ആവശ്യകതയും വിധിയില് പരാമര്ശിക്കുന്നുണ്ട്.
‘ശിക്ഷ വിധിക്കുമ്പോള്, കുറ്റകൃത്യം ഇരയിലും സമൂഹത്തിലും ഉണ്ടാക്കിയ ആഘാതം കോടതി കണക്കിലെടുക്കേണ്ടതുണ്ട്. ശിക്ഷ വിധിക്കുമ്പോള് സമൂഹത്തോടും കുറ്റവാളിയോടും നീതി പുലര്ത്തുന്ന രീതിയില് സന്തുലിതമായിരിക്കണം കാര്യങ്ങള് പരിഗണിക്കേണ്ടത്. കുറ്റകൃത്യത്തിന്റെ ചരിത്രം, പ്രതിയുടെ സ്വയം തിരുത്തപ്പെടാനുള്ള സാധ്യത, ശിക്ഷയുടെ ലക്ഷ്യങ്ങള് എന്നിവയും പരിഗണിക്കണം. ശിക്ഷ വിധിക്കുമ്പോള് കോടതി വികാരങ്ങള്ക്ക് അടിപ്പെടാനോ പക്ഷപാതപരമായി പെരുമാറാനോ പാടില്ല.
അതേസമയം, പ്രതികളുടെ പ്രവൃത്തി സ്ത്രീയുടെ അന്തസിനെ ചോദ്യം ചെയ്യുന്നതായിരുന്നു എന്ന വസ്തുത കോടതിക്ക് പരിഗണിക്കാതിരിക്കാന് കഴിയില്ല. ഇരയായ സ്ത്രീയുടെ സുരക്ഷിതത്വത്തിനുള്ള അവകാശം ലംഘിക്കപ്പെടുകയും അവരില് ഭയവും അപമാനവും നിസഹായതയും ഉണ്ടാക്കുകയും ചെയ്തു. ഇത് അവര്ക്ക് മാനസികാഘാതവും നല്കി. സുഹൃത്തിന്റെ വീട്ടിലേക്ക് പോകുംവഴിയാണ് അവര് ആക്രമിക്കപ്പെട്ടത് എന്നതും, മുന്കൂട്ടി കാണാതെയുള്ള സംഭവമായിരുന്നു ഇതെന്നതും പരിഗണിക്കേണ്ടതുണ്ട്.
എന്നിരുന്നാലും, പ്രതികളുടെ പ്രായം, അവരുടെ കുടുംബ സാഹചര്യം, ഒന്നാം പ്രതിയൊഴികെ ബാക്കിയുള്ളവര്ക്ക് മറ്റ് ക്രിമിനല് പശ്ചാത്തലമില്ലെന്ന വാദം എന്നിവയും കോടതി പരിഗണിക്കുന്നു. 40 വയസില് താഴെയാണ് എല്ലാ പ്രതികളുടെയും പ്രായം. നിര്ഭയ കേസില് (മുകേഷ് ്. സ്റ്റേറ്റ് ഓഫ് ഡല്ഹി) സുപ്രിംകോടതി നടത്തിയ നിരീക്ഷണങ്ങള് ഇവിടെ പ്രസക്തമാണ്. സ്ത്രീകള്ക്കെതിരായ കുറ്റകൃത്യങ്ങള് അവരുടെ ആത്മാഭിമാനത്തെ മാത്രമല്ല, സമൂഹത്തിന്റെ വികാസത്തെയും ബാധിക്കുന്നു. ലിംഗ നീതിയെക്കുറിച്ച് പൊതുസമൂഹത്തെ ബോധവത്കരിക്കേണ്ടതുണ്ട്. മുകളില് പറഞ്ഞ സാഹചര്യങ്ങള് കണക്കിലെടുക്കുമ്പോള്, പരമാവധി ശിക്ഷ (വധശിക്ഷയോ ജീവപര്യന്തമോ) നല്കേണ്ട സാഹചര്യമില്ലെന്ന് കോടതി കാണുന്നു. അതിനാല് പ്രതികള്ക്ക് താഴെ പറയുന്ന ശിക്ഷ വിധിക്കുന്നു: -കോടതി നിരീക്ഷിച്ചു.
ഒന്ന് മുതല് ആറ് വരെ പ്രതികള്: ഐപിസി സെക്ഷന് 376 (ഡി) (കൂട്ടബലാത്സംഗം) പ്രകാരം 20 വര്ഷം കഠിനതടവും ഓരോരുത്തര്ക്കും 50,000 രൂപ പിഴയും. പിഴയടച്ചില്ലെങ്കില് ഒരു വര്ഷം കൂടി അധികതടവ് അനുഭവിക്കണം. ഒന്ന് മുതല് ആറ് വരെ പ്രതികള്: ഐപിസി സെക്ഷന് 342 വകുപ്പ് (അന്യായമായി തടങ്കലില്വയ്ക്കല്) പ്രകാരം ഒരു വര്ഷം വെറും തടവ്. ഐപിസി സെക്ഷന് 366, 354 (ബി) തുടങ്ങിയ വകുപ്പുകള്ക്ക് പ്രത്യേക ശിക്ഷ വിധിക്കുന്നില്ല.
ഐപിസി സെക്ഷന് 357 പ്രകാരം ഒരു വര്ഷം തടവ്. തട്ടിക്കൊണ്ടുപോകലിന് 10 വര്ഷം കഠിനതടവും 25,000 രൂപ പിഴയും. പിഴയടച്ചില്ലെങ്കില് ആറ് മാസം കൂടി തടവ്. ഒന്നാം പ്രതിക്ക് (പള്സര് സുനി) ഐടി ആക്ട് സെക്ഷന് 66ഇ പ്രകാരം: മൂന്ന് വര്ഷം കഠിനതടവും ഒരു ലക്ഷം രൂപ പിഴയും (അടച്ചില്ലെങ്കില് ആറ് മാസം കൂടി തടവ്). ഐടി ആക്ട് സെക്ഷന് 67എ പ്രകാരം: അഞ്ച് വര്ഷം കഠിനതടവും ഒരു ലക്ഷം രൂപ പിഴയും (അടച്ചില്ലെങ്കില് ആറ് മാസം കൂടി തടവ്). രണ്ടാം പ്രതിക്ക് (മാര്ട്ടിന്): ഐപിസി സെക്ഷന് 201 (തെളിവ് നശിപ്പിക്കല്) പ്രകാരം: 3 വര്ഷം കഠിനതടവും 25,000 രൂപ പിഴയും (അടച്ചില്ലെങ്കില് 6 മാസം കൂടി തടവ്). തൊണ്ടിമുതലായ മൊബൈല് ഫോണും പെന്ഡ്രൈവും അന്വേഷണ ഉദ്യോഗസ്ഥന്റെ കസ്റ്റഡിയില് സൂക്ഷിക്കണം. അപ്പീല് കാലാവധിക്ക് ശേഷം മാത്രമേ ഇവ നശിപ്പിക്കാന് പാടുള്ളൂ.
kerala
നടി ആക്രമിക്കപ്പെട്ട കേസ്; കോടതിയലക്ഷ്യ പരാമര്ശം നടത്തിയവര്ക്കെതിരെ കേസുമായി ദിലീപ്
നികേഷ് കുമാര്, അന്വേഷണ ഉദ്യോഗസ്ഥന് ബൈജു പൗലോസ്, സംവിധായകന് ബാലചന്ദ്രകുമാര്, ചില മാധ്യമപ്രവര്ത്തകര് എന്നിവര്ക്കെതിരെയാണ് കേസ്
കൊച്ചി: നടി ആക്രമിക്കപ്പെട്ട കേസില് വെറുതേവിട്ടതിന് പിന്നാലെ കോടതിയലക്ഷ്യ പരാമര്ശം നടത്തിയവര്ക്കെതിരെ കേസുമായി നടന് ദിലീപ്. മാധ്യമപ്രവര്ത്തകര് നികേഷ് കുമാര്, അന്വേഷണ ഉദ്യോഗസ്ഥന് ബൈജു പൗലോസ്, സംവിധായകന് ബാലചന്ദ്രകുമാര്, ചില മാധ്യമപ്രവര്ത്തകര് എന്നിവര്ക്കെതിരെയാണ് കേസ് നല്കിയത്. ദിലീപിന് വേണ്ടി അഭിഭാഷകനാണ് കോടതിയലക്ഷ്യ കേസുമായി എറണാകുളം പ്രിന്സിപ്പല് സെഷന്സ് കോടതിയെ സമീപിച്ചത്.
കോടതിയലക്ഷ്യ കേസുകള് ഡിസംബര് 18ന് കോടതി പരിഗണിക്കും. പള്സര് സുനി എന്ന സുനില് എന്.എസ്. (37), മാര്ട്ടിന് ആന്റണി (33), ബി. മണികണ്ഠന് (36), വി.പി. വിജീഷ് (38), വടിവാള് സലിം എന്ന എച്ച്. സലിം (29), പ്രദീപ് (31) എന്നിവരെ കേസില് കുറ്റക്കാരായി കോടതി കണ്ടെത്തിയിരുന്നു.
കൂട്ടബലാത്സംഗം, തട്ടിക്കൊണ്ടുപോകല് പ്രേരണാക്കുറ്റം, തെളിവ് നശിപ്പിക്കല് ഗൂഢാലോചന, ബലപ്രയോഗത്തിലൂടെ സ്ത്രീകളെ അപമാനിക്കല്, നഗ്നയാകാന് നിര്ബന്ധിക്കല്, തൊണ്ടിമുതല് ഒളിപ്പിക്കല്, ഭീഷണിപ്പെടുത്തല്, അന്യായമായി തടവില് പാര്പ്പിക്കല്, സ്വകാര്യത ലംഘിച്ച് അപകീര്ത്തികരമായ ചിത്രമെടുക്കല്, ലൈംഗികചൂണണ ദൃശ്യങ്ങള് പ്രചരിപ്പിക്കല് എന്നീ കുറ്റങ്ങളാണ് പള്സര് സുനി അടക്കമുള്ള പ്രതികള്ക്കെതിരെ ചുമത്തിയിട്ടുള്ളത്. ഇന്ന് മൂന്നു മണമിക്ക് പ്രതികളുടെ ശിക്ഷാവിധി.
-
india2 days agoരാജ്യസ്നേഹം പഠിപ്പിക്കാന് അമിത് ഷാ വളര്ന്നിട്ടില്ല; നെഹ്റുവിനെ അപമാനിച്ചതിനെതിരെ ഖാര്ഗെ
-
kerala3 days agoമലയാറ്റൂരില് രണ്ട് ദിവസം മുമ്പ് കാണാതായ പെണ്കുട്ടി മരിച്ചനിലയില്
-
kerala3 days agoവയനാട് പുല്പ്പള്ളിയില് കാട്ടാന ആക്രമണത്തില് വയോധികയ്ക്ക് പരിക്ക്
-
kerala3 days agoഎറണാകുളത്ത് കള്ളവോട്ടിന് ശ്രമിച്ച സിപിഎം പ്രവര്ത്തകന് പിടിയില്
-
Sports1 day agoകൂച്ച് ബെഹാര് ട്രോഫിയില് ഇഞ്ചോടിഞ്ച് പോരാട്ടം; ആറു റണ്സിന് കേരളത്തിന് തോല്വി
-
india2 days ago‘മോദിജി പകുതി സമയവും വിദേശത്ത്, പിന്നെ രാഹുലിന്റെ യാത്രയെ ചോദ്യം ചെയ്യുന്നത് എന്തിന്?’: പ്രിയങ്ക ഗാന്ധി
-
kerala1 day agoഇരട്ടവോട്ട് ശ്രമം; രണ്ട് പേരെ പൊലീസ് പിടികൂടി
-
india23 hours agoഇന്ത്യന് ജലാതിര്ത്തിയില് പാക് മത്സ്യബന്ധന ബോട്ട് പിടികൂടി; 11 പേര് കസ്റ്റഡിയില്