Connect with us

india

ശ്രീനഗറില്‍ ഭീകരാക്രമണം; രണ്ട് ജവാന്മാര്‍ക്ക് വീരമൃത്യു

ജമ്മു-ശ്രീനഗര്‍ ദേശീയ പാതയിലെ നഗ്രോട്ടയിലുണ്ടായ ഏറ്റുമുട്ടലില്‍ കഴിഞ്ഞ ദിവസം നാലു ജെയ്‌ഷെ മുഹമ്മദ് ഭീകരര്‍ കൊല്ലപ്പെട്ടിരുന്നു.

Published

on

ശ്രീനഗര്‍: ശ്രീനഗറില്‍ ഭീകരരുമായുള്ള ഏറ്റുമുട്ടലില്‍ രണ്ട് ജവാന്‍മാര്‍ വീരമൃത്യു. ശ്രീനഗറിലെ എച്ച്എംടി മേഖലയിലാണ് ആക്രമണം നടന്നത്. മൂന്ന് ഭീകരര്‍ ഇന്ത്യന്‍ ജവാന്‍മാര്‍ക്ക് നേരേ വെടിയുതിര്‍ക്കുകയും ഗ്രനേഡെറിയുകയും ചെയ്തുവെന്നാണ് റിപ്പോര്‍ട്ട്.

രണ്ട് സൈനികര്‍ക്ക് ഗുരുതരമായി പരിക്കേറ്റിട്ടുണ്ട്. ജയ്‌ഷെ ഭീകരരുടെ സാന്നിധ്യമുള്ള പ്രദേശമാണ് ഇതെന്നും, ആക്രമണ ശേഷം ഇവര്‍ കാറില്‍ സ്ഥലത്ത് നിന്ന് രക്ഷപ്പെട്ടുവെന്നും കശ്മീര്‍ ഐജി പറഞ്ഞു. അക്രമികള്‍ രണ്ടു പേര്‍ പാകിസ്താനികളും ഒരാള്‍ തദ്ദേശവാസിയുമാണ് എന്ന് സംശയിക്കുന്നു. ഇവര്‍ക്കായുള്ള തെരച്ചില്‍ തുടരുകയാണ്.

ജമ്മു-ശ്രീനഗര്‍ ദേശീയ പാതയിലെ നഗ്രോട്ടയിലുണ്ടായ ഏറ്റുമുട്ടലില്‍ കഴിഞ്ഞ ദിവസം നാലു ജെയ്‌ഷെ മുഹമ്മദ് ഭീകരര്‍ കൊല്ലപ്പെട്ടിരുന്നു.

 

india

തമിഴ്നാട്ടില്‍ മോഷണക്കുറ്റം ആരോപിച്ച്‌ യുവാവിനെ കെട്ടിയിട്ട് തല്ലിക്കൊന്നു

തൊഴിലാളികളുടെ ക്രൂരമര്‍ദനത്തിനിരയായ യുവാവ് പൊലീസ് സ്ഥലത്തെത്തുന്പോഴേക്കും കൊല്ലപ്പെട്ടു

Published

on

മോഷണക്കുറ്റം ആരോപിച്ച്‌ തമിഴ്നാട്ടില്‍ യുവാവിനെ കെട്ടിയിട്ട് തല്ലിക്കൊന്നു. തമിഴ്‌നാട്ടിലെ മണികണ്ടത്താണ് സംഭവം.ആശാപുര എന്ന തടിമില്ലില്‍ നുഴഞ്ഞുകയറിയ യുവാവിനെ തൊഴിലാളികള്‍ പിടികൂടി കെട്ടിയിട്ട് മര്‍ദിക്കുകയായിരുന്നു.

തൊഴിലാളികളുടെ ക്രൂരമര്‍ദനത്തിനിരയായ യുവാവ് പൊലീസ് സ്ഥലത്തെത്തുന്പോഴേക്കും കൊല്ലപ്പെട്ടു. മില്ലുടമ അടക്കം മൂന്ന് പേര്‍ അറസ്റ്റിലായി.

Continue Reading

india

പൊലീസുകാരനെ തട്ടിക്കൊണ്ടുപോയതിന് 2 വനിതാപൊലീസുകാര്‍ അറസ്റ്റില്‍

പൊലീസുകാരനെ തട്ടിക്കൊണ്ടുപോയതിന്

Published

on

വനിതാപോലീസുകാരിയെ ബലാല്‍സംഗം ചെയ്ത കേസിലെ പ്രതിയായ പൊലീസുകാരനെ തട്ടിക്കൊണ്ടുപോയതിന് ഉത്തര്‍പ്രദേശില്‍ രണ്ട് വനിതാപൊലീസുകാര്‍ അറസ്റ്റില്‍. നിഷുതോമറാണ് പ്രതി. ഇയാള്‍ സസ്‌പെന്‍ഷനെ തുടര്‍ന്ന് മുങ്ങിനടക്കുകയായിരുന്നു. ജൂലൈയില്‍ നടന്ന സംഭവത്തില്‍ സെപ്തംബര്‍ 22ന് നിഷുവിനെ പ്രതിയാക്കി സുല്‍ത്താന്‍പൂര്‍ പോലീസ് കേസെടുത്തിരുന്നു. സുല്‍ത്താന്‍പൂരിലെ മഹിളാതാന പൊലീസ് സ്റ്റേഷനിലാണ ്‌സംഭവം.

നിഷുതോമറിന്റെ ഭാര്യയുടെ പരാതിപ്രകാരമാണ് വനിതാപൊലീസുകാര്‍ക്കെതിരെ കേസെടുത്ത് അറസ്റ്റ്‌ചെയ്തത്.

Continue Reading

india

ഗുജറാത്തില്‍ ബി.ജെ.പിക്ക് ഗുണകരമായി ഉവൈസിയുടെ പാര്‍ട്ടി; എക്‌സിറ്റ് പോള്‍ ഫലം വൈകീട്ട്

മുന്‍ കോണ്‍ഗ്രസ് എം.എല്‍.എയായ സബീര്‍ കഴിഞ്ഞതവണ സ്വതന്ത്രനായി മല്‍സരിച്ചെങ്കിലും വിജയിച്ചിരുന്നില്ല.

Published

on

ഗുജറാത്തില്‍ ബി.ജെ.പിക്ക് ഗുണകരമായി ഉവൈസിയുടെ പാര്‍ട്ടി. എ.ഐ.എം.ഐ.എം നിര്‍ത്തിയ അഹമ്മദാബാദിലെ ജമാല്‍പൂര്‍ ഖാദിവാല സീറ്റില്‍ സബീര്‍ കബീല്‍വാലയുടെ സ്ഥാനാര്‍ത്ഥിത്വം ബി.ജെ.പിക്ക് ഗുണകരമാകും. മുസ്‌ലിംകള്‍ കൂടുതലായി താമസിക്കുന്ന മണ്ഡലമാണിത്. ഇവിടെ ആംആദ്മിപാര്‍ട്ടിയുടെ സ്ഥാനാര്‍ത്ഥിയേക്കാള്‍ വോട്ടുകള്‍ പിടിക്കുക കോണ്‍ഗ്രസില്‍നിന്നായിരിക്കും. ഫലത്തില്‍ വിജയം ബി.ജെ.പിക്കാകുമെന്ന് മാധ്യമങ്ങള്‍ ചൂണ്ടിക്കാട്ടുന്നു. മുന്‍ കോണ്‍ഗ്രസ് എം.എല്‍.എയായ സബീര്‍ കഴിഞ്ഞതവണ സ്വതന്ത്രനായി മല്‍സരിച്ചെങ്കിലും വിജയിച്ചിരുന്നില്ല.

എ.ഐ.എം.ഐ.എം  14 സ്ഥാനാര്‍ത്ഥികളെയാണ് നിര്‍ത്തിയിട്ടുള്ളത്. കോണ്‍ഗ്രസ് ആറും. ആം ആദ്മിപാര്‍ട്ടിയും ഉവൈസിയുടെ പാര്‍ട്ടിയും കോണ്‍ഡഗ്രസ് വോട്ടുകള്‍ ചോര്‍ത്തുമെന്ന ഭീതിയുണ്ടെങ്കിലും അങ്ങനെ പൂര്‍ണമായും മുസ്‌ലിംവോട്ടുകള്‍ ചേരിതിരിഞ്ഞിട്ടില്ല. നിലവില്‍ സംസ്ഥാന നിയമസഭയില്‍ മൂന്ന് മുസ്‌ലിം എം.എല്‍.എമാരാണുള്ളത്. മൂന്നുപേരും കോണ്‍ഗ്രസുകാരും. ബി.ജെ.പിക്ക് ഒരൊറ്റ എം.എല്‍.എയോ സ്ഥാനാര്‍ത്ഥിപോലുമോ ഇല്ല. 42 മണ്ഡലങ്ങളിലെങ്കിലും വിജയത്തെ സ്വാധീനിക്കാനുള്ള ശേഷിയുണ്ട് മുസ്‌ലിംന്യൂനപക്ഷത്തിന്. സംസ്ഥാനത്ത് 10 ശതമാനത്തോളമാണ ്മുസ്‌ലിം ജനസംഖ്യ. അതേസമയം ഏകസിവില്‍കോഡിനെ അനുകൂലിച്ചതും ബില്‍ക്കിസ് ബാനു കേസിലെ പ്രതികളെ വിട്ടയച്ചതില്‍ മൗനം പാലിച്ചതും കാരണം ആംആദ്മിയെ മുസ്‌ലിംകള്‍ കാര്യമായെടുക്കുന്നില്ല. കോണ്‍ഗ്രസിന് തന്നെയാണ് പ്രചാരണത്തില്‍ മുസ്‌ലിംകള്‍ക്കിടയില്‍ കാര്യമായ സ്വാധീനം നേടാനായത്. ബി.ജെ.പിയുടെ ബിടീമെന്ന പ്രചാരണം ആംആദ്മിയുടെ സാധ്യതകള്‍ കുറയ്ക്കാനാണ് സാധ്യത.

ഇന്ന് രണ്ടാം ഘട്ട വോട്ടെടുപ്പ് കൂടി കഴിയുന്നതോടെ വൈകീട്ട് എക്‌സിറ്റ് പോള്‍ ഫലം പുറത്തുവരും. ഇതില്‍ ഏകദേശചിത്രം തെളിയുമെന്നാണ ്കരുതപ്പെടുന്നത്. ഏഴാം തവണയാണ ്ബി.ജെ.പി സംസ്ഥാനത്ത് ഭരണത്തുടര്‍ച്ച കാത്തിരിക്കുന്നത്. മോദിയുടെ പ്രഭാവത്തിന് ഇടിവ് തട്ടിയോ എന്നതും ഈ തെരഞ്ഞെടുപ്പ് വിലയിരുത്തും.

Continue Reading

Trending