ഫ്ലോറിഡ: ലയണല് മെസ്സിയുടെ മായാജാലത്തില് ഇന്റര് മയാമി തന്റെ ചരിത്രത്തിലെ ഏറ്റവും വലിയ നേട്ടം കുറിച്ചു. ഫ്ലോറിഡയിലെ ചേസ് സ്റ്റേഡിയത്തില് നടന്ന എം.എല്.എസ് കപ്പ് ഫൈനലില് വാന്കൂവര് വൈറ്റ്കാപ്പ്സിനെ 3-1നു പരാജയപ്പെടുത്തി മയാമി ആദ്യ കിരീടം സ്വന്തമാക്കി.
മെസ്സി രണ്ട് അസിസ്റ്റുകളുമായി മത്സരം നിയന്ത്രിച്ചപ്പോള്, താരം കരിയറിലെ 48-ാം കിരീടവും നേടിയെടുത്തു. 2020-ല് ഡേവിഡ് ബെക്കാമിന്റെ നേതൃത്വത്തില് പിറന്ന മയാമിക്ക് ഇത് ആദ്യ എം.എല്.എസ് കപ്പ് വിജയമാണ്. മയാമിയുമായുള്ള മെസ്സിയുടെ മൂന്നാം കിരീടവുമാണിത് – 2023ലെ ലീഗ്സ് കപ്പ്, 2014ലെ സപ്പോര്ട്ടേഴ്സ് ഷീല്ഡ് എന്നിവയ്ക്ക് ശേഷം.
മയാമിയുടെ വിജയഗോളുകള്, എഡിര് ഒകാമ്പ – 8-ാം മിനിറ്റില് ഓണ് ഗോള്; മയാമിക്ക് തുടക്ക ലീഡ്, അലി അഹ്മദ് – 60-ാം മിനിറ്റില് വാന്കൂവറിന് സമനില, റോഡ്രിഗോ ഡി പോള് – 71-ാം മിനിറ്റില് മെസ്സിയുടെ അസിസ്റ്റില് നിന്ന് ഗോള്, ടാഡിയോ അല്ലെന്ഡെ – 90+6-ല് മെസ്സിയുടെ മറ്റൊരു അസിസ്റ്റില് നിന്ന് മൂന്നാം ഗോള്
രണ്ടാം പകുതിയില് വാന്കൂവര് ശക്തമായി തിരിച്ചെത്തിയെങ്കിലും മെസ്സിയുടെ കൃത്യമായ അസിസ്റ്റുകളാണ് മത്സരത്തിന്റെ ഗതി മാറ്റിയത്. ഡി പോളിന്റെ ലീഡ് ഗോളും ഇന്ജുറി ടൈമില് അല്ലെന്ഡെയുടെ ഉറപ്പിക്കുന്ന ഗോളും മയാമിക്ക് കിരീടം ഉറപ്പാക്കി.
ടൂര്ണമെന്റിലെ ഏറ്റവും മൂല്യമേറിയ താരമായി (MVP) മെസ്സിയെ തിരഞ്ഞെടുത്തു. സീസണില് ആറ് ഗോളുകള് നേടിയതോടൊപ്പം 15 അസിസ്റ്റുകളും താരം നല്കിയിട്ടുണ്ട്., ”മയാമിയുടെ ആരാധകര്ക്ക് അത്യന്തം മാനസികമായ നിമിഷമാണ് ഇത്,” എന്ന് മത്സരംശേഷം മെസ്സി പറഞ്ഞു.
ഇതോടെ മെസ്സിയുടെ ക്ലബ്-അന്താരാഷ്ട്ര കരിയര് നേട്ടങ്ങളില് ചരിത്രപ്രാധാന്യമുള്ള മറ്റൊരു കിരീടം കൂടി ചേര്ന്നു.