Video Stories
റിയല് സൂപ്പര്
പാരീസ്: ലോകത്തിലെ ഏറ്റവും മികച്ച ഫുട്ബോളര്ക്ക് ലഭിക്കുന്ന ഫ്രാന്സ് ഫുട്ബോള് മാസികയുടെ ബാലന്ണ് ഡി ഓര് പുരസ്കാരം റയല് മാഡ്രിഡിന്റെ പോര്ച്ചുഗീസ് സ്ട്രൈക്കര് ക്രിസ്റ്റ്യാനോ റൊണാള്ഡോയ്ക്ക്. ലയണല് മെസ്സി, അന്റോണിന് ഗ്രീസ്മാന് എന്നിവരെ പിന്തള്ളിയണ് ക്രിസ്റ്റ്യാനോയുടെ ഈ പുരസ്കാര നേട്ടം. ഇത് നാലാം തവണയാണ് ക്രിസ്റ്റ്യാനോ ഈ പുരസ്കാരത്തിന് അര്ഹനാകുന്നത്. അഞ്ചു തവണ പുരസ്കാരം നേടിയ മെസ്സിയാണ് പുരസ്കാര നേട്ടത്തില് ക്രിസ്റ്റ്യാനോയ്ക്കു മുന്നിലുള്ളത്. ഫിഫയുമായുള്ള ബന്ധം വിട്ടതിനു ശേഷമുള്ള ഫ്രാന്സ് ഫുട്ബോള് മാസികയുടെ ആദ്യ ബാലന് ഡി ഓര് പുരസ്കാര പ്രഖ്യാപനമാണിത്. അര്ജന്റീന ക്യാപ്റ്റന് ലയണല് മെസ്സിയാണ് പുരസ്കാര ജേതാവിനെ കണ്ടെത്താനുള്ള തെരഞ്ഞെടുപ്പില് രണ്ടാമതെത്തിയത്.
അത്ലറ്റികോ മാഡ്രിഡിന്റെ ഫ്രഞ്ച് സട്രൈക്കര് അന്റോണിന് ഗ്രിസ്മാനാണ് മൂന്നാം സ്ഥാനത്ത്. ഉറുഗ്വേയുടെ ലൂയിസ് സുവാരസ് നാലാമതും ബ്രസീല് താരം നെയ്മര് അഞ്ചാം സ്ഥാനത്തുമെത്തി. വിവിധ രാജ്യങ്ങളില് നിന്നുള്ള 173 മാധ്യമ പ്രവര്ത്തകരാണ് വോട്ടെടുപ്പില് പങ്കെടുത്തത്. അതേ സമയം ദേശീയ ടീമിന്റെ കോച്ചുമാരോ ക്യാപ്റ്റന്മാരോ വോട്ടെടുപ്പില് പങ്കെടുത്തിട്ടില്ല. ഫിഫ പുരസ്കാര നിര്ണയത്തില് ഇവരുടെ വോട്ടുകളാണ് നിര്ണായകമാവുക. പുരസ്കാരം ലഭിച്ചതില് താന് വളരെ സന്തോഷവാനാണെന്ന് റൊണാള്ഡോ പറഞ്ഞു. ഇത് നാലാം തവണയാണ് താന് ആദരിക്കപ്പെടുന്നത്. എന്റെ എല്ലാ ടീം അംഗങ്ങളോടും ഞാന് നന്ദി അറിയിക്കുന്നു. അവരാണ് എന്നെ ഇങ്ങനെ ഒരു അവാര്ഡിന് അര്ഹനാക്കിയതെന്നും റൊണാള്ഡോ കൂട്ടിച്ചേര്ത്തു. റയല് മാഡ്രിഡിനെ ചാമ്പ്യന്സ് ലീഗ് കിരീടത്തിലേക്കും പോര്ച്ചുഗലിനെ യൂറോകപ്പ് വിജയത്തിലേക്കും നയിച്ചതാണ് റൊണാള്ഡോയെ പുരസ്കാര നേട്ടത്തിന് അര്ഹനാക്കിയത്. ലോക ഫുട്ബോളര്ക്കുള്ള ഫിഫയുടെ പുരസ്കാരം ജനുവരി ഒമ്പതിന് സൂറിച്ചില് പ്രഖ്യാപിക്കും. 2016ല് ക്ലബ്ബിനും രാജ്യത്തിനുമായി 51 ഗോളുകളാണ് റൊണാള്ഡോ സ്വന്തമാക്കിയത്. 94 മിനിറ്റിന് ഒരു ഗോള് എന്നതാണ് ഈ വര്ഷം റൊണാള്ഡോയുടെ ശരാശരി. 16 ഗോളുകള്ക്ക് പിന്തുണ നല്കുകയും ചെയ്തു.
4794 മിനിറ്റാണ് ഈ വര്ഷം കളത്തിലിറങ്ങിയത്. ആറു സീസണുകളില് തുടര്ച്ചയായി 30 ഗോളുകള് നേടുന്ന ആദ്യത്തെ ലാ ലീഗ കളിക്കാരനാണ് റൊണാള്ഡോ. റൊണാള്ഡോ ഉള്പ്പെട്ട പോര്ച്ചുഗല് യൂറോ കപ്പും റയല് മൂന്ന് ചാമ്പ്യന്സ് ലീഗ് കിരീടങ്ങളും സ്വന്തമാക്കിയിട്ടുണ്ട്.
kerala
വൈറ്റില ബാറില് മാരകായുധങ്ങളുമായി ആക്രമണം: യുവതി ഉള്പ്പെടെ മൂന്നുപേര് പിടിയില്
വൈറ്റിലയിലെ ഒരു ബാറില് മാരകായുധങ്ങളുമായി നടത്തിയ അക്രമവുമായി ബന്ധപ്പെട്ട് യുവതി ഉള്പ്പെടെ മൂന്നു പേരെ മരട് പൊലീസ് അറസ്റ്റ് ചെയ്തു.
കൊച്ചി: വൈറ്റിലയിലെ ഒരു ബാറില് മാരകായുധങ്ങളുമായി നടത്തിയ അക്രമവുമായി ബന്ധപ്പെട്ട് യുവതി ഉള്പ്പെടെ മൂന്നു പേരെ മരട് പൊലീസ് അറസ്റ്റ് ചെയ്തു. തിരുവനന്തപുരം സ്വദേശിനി അലീന, കൊല്ലം സ്വദേശികളായ ഷഹിന്ഷാ, അല് അമീന് എന്നിവരാണ് പിടിയിലായത്. മറ്റൊരാള്, വടിവാള് കൊണ്ടുവന്നതായി കണ്ടെത്തിയ തിരുവനന്തപുരം സ്വദേശി വൈഷ്ണവ്, ഇപ്പോഴും ഒളിവിലാണ്. ഞായറാഴ്ച നടന്ന സംഭവത്തില് ബാറിന് പുറത്തുനിന്ന് സംഘം കാറില് നിന്നിറങ്ങി വടിവാള് എടുത്ത് അകത്തു കടന്നുവരുന്ന ദൃശ്യങ്ങള് സി.സി.ടി.വിയില് വ്യക്തമായി രേഖപ്പെട്ടു. മദ്യപിക്കുന്നതിനിടെ അഞ്ചംഗ സംഘവും അവിടെ എത്തിയ മറ്റൊരാളുമായി തര്ക്കത്തിലാകുകയായിരുന്നു ആദ്യ ഘട്ടത്തില്. ഇത് ചോദ്യം ചെയ്ത ബാര് ജീവനക്കാരുമായി സംഘര്ഷം ശക്തമായി. പ്രതികളുടെ സംഘം ആദ്യം ബാറില് നിന്ന് പുറത്തുപോയെങ്കിലും, അലീനയും കൂട്ടരും കുറച്ച് സമയത്തിനുശേഷം വടിവാളുമായി തിരികെ എത്തി. തുടര്ന്ന് ബാര് ജീവനക്കാര്ക്ക് മര്ദനമേല്ക്കുകയും അക്രമം ആവര്ത്തിച്ച് അഞ്ചുതവണ വരെ തിരിച്ചെത്തി ആക്രമണം നടത്തിയതായും ബാര് ഉടമ നല്കിയ പരാതിയില് പറയുന്നു. വിദ്യാഭ്യാസ ആവശ്യങ്ങള്ക്കായി എറണാകുളത്ത് എത്തിയവരാണ് പ്രതികളെന്ന് പൊലീസ് കണ്ടെത്തിയിട്ടുണ്ട്. സംഭവത്തില് അലീനയുടെ കൈക്ക് പരുക്കേല്ക്കുകയും ചെയ്തു.
Video Stories
ജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
ജാതി വിവേചനത്തെ തുടര്ന്ന് ബിജെപിയില് പൊട്ടിത്തെറി. പാര്ട്ടിയില്നിന്ന് ജാതി വിവേചനം നേരിട്ടെന്ന് ചൂണ്ടിക്കാട്ടി മലപ്പുറം വെസ്റ്റ് ജില്ല മീഡിയ സെല് കണ്വീനറും എടരിക്കോട് മണ്ഡലം പ്രഭാരിയുമായ മണമല് ഉദേഷ് രാജിവച്ചു.
തിരൂര് നഗരസഭയില് ബിജെപി സ്ഥാനാര്ഥിയായി ഉദേഷിനെ പരിഗണിച്ചിരുന്നു. കാലങ്ങളായി ചിലര് സീറ്റുകള് കുത്തകയാക്കി വെച്ചിരിക്കുകയായിരുന്നുവെന്നും അദ്ദേഹം ആരോപിച്ചു. പാര്ട്ടിയില്നിന്ന് ജാതി വിവേചനം നേരിട്ടെന്ന് ഉദേഷ് പറഞ്ഞു. ഉദേഷിനെ പിന്തുണയ്ക്കുന്നവരും രാജിഭീഷണി മുഴക്കി.
News
എഐ തട്ടിപ്പുകളില് കുടുങ്ങരുത്; മുന്നറിയിപ്പുമായി ഗൂഗിള്
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി.
തൊഴിലന്വേഷകരെയും ബിസിനസുകളെയും ലക്ഷ്യമാക്കി ഓണ്ലൈനില് നടക്കുന്ന തട്ടിപ്പുകളില് എഐ (AI) വ്യാപകമായി ഉപയോഗപ്പെടുന്നതായി ഗൂഗിള് മുന്നറിയിപ്പ് നല്കി. വ്യാജ തൊഴില് അവസരങ്ങള്, ക്ലോണ് ചെയ്ത ബിസിനസ് വെബ്സൈറ്റുരള്, യഥാര്ത്ഥ ആപ്ലിക്കേഷനുകളോട് സാമ്യമുള്ള കബളിപ്പിക്കാന് വേണ്ടി നിര്മ്മിക്കുന്ന ആപ്പുകള് എന്നിവ നിര്മ്മിക്കാന് ഇപ്പോള് സൈബര് കുറ്റവാളികള് ജനറേറ്റീവ് എഐ ടൂളുകള് വിനിയോഗിക്കുന്നതായി ഗൂഗുളിന്റെ ട്രസ്റ്റ് ആന്ഡ് സേഫ്റ്റി ടീം വ്യക്തമാക്കി. ഗൂഗിളിന്റെ മുന്നറിയിപ്പ് പ്രകാരം ഈ തട്ടിപ്പുകളില് പ്രധാനമായും തൊഴിലന്വേഷകരെയും ചെറുകിട ബിസിനസ് ഉടമകളെയും ലക്ഷ്യമിടുന്നു. പലപ്പോഴും അറിയപ്പെടുന്ന കമ്പനികളുടെയോ സര്ക്കാര് ഏജന്സികളുടെയോ പേരില് വ്യാജ ജോലി ലിസ്റ്റിംഗുകള് സൃഷ്ടിക്കപ്പെടുന്നു. ഇരകളോട് വ്യക്തിഗത വിവരങ്ങള് പങ്കിടാനും, ജോലി പ്രോസസ്സിംഗ് ഫീസ് എന്ന പേരില് പണം അടയ്ക്കാനും ആവശ്യപ്പെടുന്നതാണ് സാധാരണ രീതി. ചിലര് മാല്വെയര് ഇന്സ്റ്റാള് ചെയ്യാനോ ഡാറ്റ മോഷ്ടിക്കാനോ ലക്ഷ്യമിട്ടുള്ള വ്യാജ അഭിമുഖ സോഫ്റ്റ്വെയറുകളും അയക്കുന്നു. ഇത്തരം തട്ടിപ്പുകള് വ്യക്തികള്ക്കും സ്ഥാപനങ്ങള്ക്കും ഗുരുതരമായ ഭീഷണിയാണെന്ന് ഗൂഗിള് മുന്നറിയിപ്പ് നല്കി. നിയമാനുസൃത തൊഴിലുടമകള് ഒരിക്കലും സാമ്പത്തിക വിവരങ്ങളോ പേയ്മെന്റെ് ആവശ്യങ്ങളോ ഉന്നയിക്കില്ലെന്നും ഉപയോക്താക്കള് ഓണ്ലൈനില് കൂടുതല് ജാഗ്രത പാലിക്കണമെന്നും ഗൂഗിള് വ്യക്തമാക്കി.
-
india2 days agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News2 days agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india22 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
kerala21 hours agoവാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി
-
kerala2 days agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
Sports19 hours agoഎമേര്ജിങ് സ്റ്റാര്സ് ഏഷ്യ കപ്പില് ഒമാനെ തകര്ത്ത് ഇന്ത്യ
-
india20 hours agoപോക്സോ കേസ്; ബിജെപി നേതാവ് ബി.എസ് യെദ്യൂരപ്പക്ക് സമന്സ് അയച്ച് പ്രത്യേക കോടതി