Video Stories

ഗാബയുടെ മനസുകീഴടക്കി പാകിസ്താന്‍

Published

7 years ago

December 19, 2016

ഗാബ: ജയിച്ചത് ഓസ്‌ട്രേലിയ തന്നെ, പക്ഷെ ഗാബയുടെ മനസ്.. അത് പാകിസ്താന്‍ സ്വന്തമാക്കി. പരാജയത്തിലും തലയുയര്‍ത്തിപ്പിടിച്ചു തന്നെ പാക് താരങ്ങള്‍ മടങ്ങി. രണ്ടാം ടെസ്റ്റില്‍ വര്‍ധിത വീര്യത്തില്‍ തിരിച്ചടിക്കാമെന്ന പ്രതീക്ഷയില്‍.

ആസാദ് ഷഫീഖെന്ന പോരാളിയും പിന്നെ വാലറ്റക്കാരും അവിശ്വസനീയ ജയത്തിനടുത്തെത്തിയതാണ്. പക്ഷെ സ്റ്റാര്‍ക്കിന്റെ 38ാം ഓവര്‍ എല്ലാം തകര്‍ത്തു. ആദ്യ ടെസ്റ്റില്‍ ഓസ്‌ട്രേലിയക്ക് ആശ്വാസവും പാകിസ്താന് കണ്ണീരണിഞ്ഞ തോല്‍വിയും.

രണ്ടാമിന്നിങ്‌സില്‍ ഓസ്‌ട്രേലിയ വെച്ചുനീട്ടിയ 490 റണ്‍സ് പിന്തുടര്‍ന്ന പാകിസ്താന്‍ ആദ്യ ഇന്നിങ്‌സിലേതു പോലെ തകര്‍ന്നടിഞ്ഞതാണ്. ആറാമനായി സര്‍ഫറാസ് അഹമ്മദ് പുറത്താവുമ്പോള്‍ സ്‌കോര്‍ 220 മാത്രം. വാലറ്റക്കാര്‍ ഇനിയെത്ര ഓവര്‍ പിടിച്ചു നില്‍ക്കുമെന്ന് ക്രിക്കറ്റ് ലോകം സംശയിച്ചു. പക്ഷെ എട്ടാമനായെത്തിയ മുഹമ്മദ് ആമിര്‍ എല്ലാം മാറ്റിമറിച്ചു. ഏകദിന ശൈലിയില്‍ ബാറ്റേന്തിയ ആമിര്‍ ക്രീസിലുണ്ടായിരുന്ന അവസാന അംഗീകൃത ബാറ്റ്‌സ്മാന്‍ ആസാദ് ശഫീഖിന് ഉറ്റ പങ്കാളിയായി. പന്ത് യഥേഷ്ടം ബൗണ്ടറികളിലേക്ക് പറന്നപ്പോള്‍ പാക് സ്‌കോര്‍ ബോര്‍ഡിലേക്ക് റണ്‍ യഥേഷ്ടം ഒഴുകിയെത്തി.

ഏഴാം വിക്കറ്റില്‍ ഇരുവരും അടിച്ചെടുത്തത് 19 ഓവറില്‍ 92 റണ്‍സ്. മുഹമ്മദ് ആമിര്‍ 63 പന്തില്‍ 48 റണ്‍സെടുത്തു. ഇരുവരും ആമിര്‍ പുറത്താവുമ്പോള്‍ പാക് സ്‌കോര്‍ 312/. പിന്നീടെത്തിയ വഹാബ് റിയാസും ഉജ്വലമായി ബാറ്റേന്തിയപ്പോള്‍ പാകിസ്താന്‍ ആദ്യമായി ഓസ്‌ട്രേലിയന്‍ പ്രതീക്ഷകള്‍ക്ക് മേല്‍ ചിറകിട്ടടിക്കാന്‍ തുടങ്ങി. അതിനിടെ ആസാദ് ഷഫീഖ് കരിയറിലെ ഉജ്വല സെഞ്ചുറികളിലൊന്ന് നേടി. സ്‌ട്രൈക്ക് കൈമാറി ഇരുവരും വേഗതയില്‍ സ്‌കോര്‍ ബോര്‍ഡ് ഉയര്‍ത്തി. പക്ഷെ നാലാം ദിവസത്തെ അവസാന ഓവറില്‍ ക്യാപ്റ്റന്‍ സ്മിത്തിന് ക്യാച്ച് നല്‍കി വഹാബ് റിയാസ് പുറത്താവുമ്പോള്‍ പാക് സ്‌കോര്‍ 382/8.

അവസാന ദിവസം പാകിസ്താന് ജയിക്കാന്‍ 108 റണ്‍സ്. 10ാമനായിറങ്ങിയ യാസിര്‍ഷാ ഗൃഹപാഠം കഴിഞ്ഞെത്തിയ പോലെ ബാറ്റേന്തിയപ്പോള്‍ ഗാബയില്‍ ആരാധകരുടെ മുഖത്ത് സമ്മര്‍ദമേറി. 71 റണ്‍സിന്റെ ഉജ്വല കൂട്ടുകെട്ട് പടുത്തുയര്‍ത്തി ഇരുവരും ജയത്തിലേക്ക് തോന്നിച്ച നിമിഷത്തില്‍ സ്റ്റാര്‍ക്ക് ഓസീസ് രക്ഷകനായി. ആസാദ് ഷഫീഖിനെ വാര്‍ണറുടെ കൈകളിലെത്തിച്ച് സ്റ്റാര്‍ക്ക് ഗാബയുടെ ശ്വാസം വീണ്ടെടുത്തു. ഓസീസ് ആരാധകര്‍ എഴുന്നേറ്റ് നിന്നാണ് ഷഫീഖിനെ മടക്കിയയച്ചത്. അതേഓവറില്‍ തന്നെ യാസിര്‍ ഷാ റണ്‍ഔട്ടായതോടെ പാക് പോരാട്ടം അവസാനിച്ചു. പാകിസ്താന് 39 റണ്‍സ് തോല്‍വി. പക്ഷെ തോല്‍വിയിലും പാക് താരങ്ങള്‍ക്ക് തലയുയര്‍ത്തി നില്‍ക്കാനായി.

ആദ്യ ഇന്നിങ്‌സില്‍ 142 റണ്‍സിന് ആള്‍ഔട്ടായതാണ് പാകിസ്താന് തിരിച്ചടിയായത്. 287 റണ്‍സ് ലീഡുമായിറങ്ങിയ ഓസ്‌ട്രേലിയ രണ്ടാമിന്നിങ്‌സില്‍ 202/5 എന്ന നിലയില്‍ ഡിക്ലയര്‍ ചെയ്യുകയായിരുന്നു.

Video Stories

സംസ്ഥാനത്ത് വൈദ്യുതി ഉപയോഗം വീണ്ടും സര്‍വകാല റെക്കോര്‍ഡില്‍

കഴിഞ്ഞ ദിവസം കേരളത്തിലെ ആകെ വൈദ്യതി ഉപയോഗം 104.86 ദശലക്ഷം യൂണിറ്റായി ഉയര്‍ന്നെന്ന് കെഎസ്ഇബി അറിയിച്ചു

Published

5 days ago

April 27, 2024

webdesk14

തിരുവനന്തപുരം: സംസഥാനത്ത് ചൂട് കനക്കുന്നതിനാല്‍ വൈദ്യുതി ഉപയോഗത്തില്‍ വന്‍ വദ്ധനവ് തുടരുന്നതായി കെഎസ്ഇബി. കഴിഞ്ഞ ദിവസത്തെ വൈദ്യുതി ഉപയേഗം സര്‍വകാല റെക്കോര്‍ഡില്‍ എത്തിയിരിക്കുകയാണ്. കഴിഞ്ഞ ദിവസം കേരളത്തിലെ ആകെ വൈദ്യതി ഉപയോഗം 104.86 ദശലക്ഷം യൂണിറ്റായി ഉയര്‍ന്നെന്ന് കെഎസ്ഇബി അറിയിച്ചു.

പീക്ക് സമയത്ത് ഒരു കാരണവശാലും വൈദ്യുതി വാഹനങ്ങള്‍ ചാര്‍ജ്ജ് ചെയ്യരുതെന്നും, പീക്ക് ലോഡ് അല്ലാത്ത സമയത്ത് വൈദ്യുതി വാഹനം ചാര്‍ജ്ജ് ചെയ്യാവുന്നതാണെന്ന് കെഎസ്ഇബി മുന്നറിയിപ്പ് നല്‍കി.

business

സ്വര്‍ണവിലയില്‍ വീണ്ടും വര്‍ധനവ്; പവന് 160 രൂപ കൂടി

സംസ്ഥാനത്ത് സ്വര്‍ണവില വീണ്ടുമുയര്‍ന്നു. പവന് 160 രൂപയാണ് ഇന്ന് വര്‍ധിച്ചത്

Published

5 days ago

April 27, 2024

webdesk14

സംസ്ഥാനത്ത് സ്വര്‍ണവില വീണ്ടുമുയര്‍ന്നു. പവന് 160 രൂപയാണ് ഇന്ന് വര്‍ധിച്ചത്. ഇതോടെ ഒരു പവന്‍ സ്വര്‍ണത്തിന്റെ വില 53,480 രൂപയിലെത്തി. ഇന്നലെ പവന് 320 രൂപ വര്‍ധിച്ചിരുന്നു. ഏപ്രില്‍ 19ന് സ്വര്‍ണവില സര്‍വകാല റെക്കോര്‍ഡില്‍ എത്തിയിരുന്നു. 54,520 രൂപയാണ് അന്ന് സ്വര്‍ണവിലയുണ്ടായിരുന്നത്.

ഏപ്രില്‍ 23ന് 1120 രൂപയുടെ കുറവ് പവനുണ്ടായി. എന്നാല്‍ 24ന് വീണ്ടും വര്‍ധിച്ചു. 26ന് സ്വര്‍ണവില കുറഞ്ഞ് 53,000ത്തില്‍ എത്തി. എന്നാല്‍ 27,28 തീയതികളിലായി 480 രൂപയുടെ വര്‍ധനവ് വീണ്ടും വന്നു.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

1 week ago

April 23, 2024

webdesk13

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.