Video Stories
ആര്.എസ്.എസ് ആയുധ പരിശീലനം തുടരുന്നു; പൊലീസ് നോക്കുകുത്തി

കോഴിക്കോട്: സംസ്ഥാന വ്യാപകമായി പൊതു സ്ഥാപനങ്ങളിലും മറ്റും ആയുധ പരിശീലനം തുടരുമ്പോഴും പൊലീസ് നോക്കുകുത്തി. ‘പ്രാഥമിക ശിക്ഷാ വര്ഗ്’ എന്ന പേരിലാണ് അടുത്ത മാസം ഒന്നു വരെ നീണ്ടു നില്ക്കുന്ന ആയോധന മുറകളുടെ പരിശീലനം നടക്കുന്നത്. സംസ്ഥാനത്തെ 30ല് ഏറെ കേന്ദ്രങ്ങളിലാണ് ഒരാഴ്ച നീണ്ടു നില്ക്കുന്ന ആയുധ പരിശീലനം. ‘എതിരാളികള്ക്ക് അവസരം നല്കാതെ അങ്ങോട്ട് ആക്രമിക്കുക’ എന്നാല് പരിശീലകര്ക്ക് നല്കിയ കൈപുസ്കത്തിലെ നിര്ദേശം. അത്തരം നിയമവിരുദ്ധ കായിക പരിശീലനങ്ങള്ക്ക് പൊതു സ്ഥാപനങ്ങള് ദുരുപയോഗം ചെയ്യുമ്പോഴും നടപടിയെടുക്കാതെ വിദ്യാഭ്യാസ വകുപ്പും പൊലീസും മൗനം പാലിക്കുകയാണ്.
കണ്ണൂരിലെ നാറാത്ത് എസ്.ഡി.പി.ഐ-പോപ്പുലര് ഫ്രണ്ട് പ്രവര്ത്തകരായ 21 പേരെ ആയുധ പരിശീലനം നടത്തിയെന്ന കുറ്റത്തിന് അറസ്റ്റ് ചെയ്ത് യു.എ.പി.എ എന്ന കരിനിയമം ചുമത്തി തുറുങ്കിലടച്ച കേരള പൊലീസ് ആര്.എസ്.എസ് ആയുധ പരിശീലനത്തെ ലാഘവത്തോടെയാണ് കൈകാര്യം ചെയ്യുന്നത്. സാമൂഹ്യ സ്പര്ദ്ദയുണ്ടാക്കാന് ലക്ഷ്യമിട്ട് ഇസ്ലാംമതം സ്വീകരിച്ച കൊടിഞ്ഞിയിലെ ഫൈസലിനെ വെട്ടിക്കൊന്നതുള്പ്പെടെയുള്ള സംഭവങ്ങളിലെ പ്രതികള് ആര്.എസ്.എസ് ആയുധ പരിശീലനം ലഭിച്ചവരാണ്. ആ സംഭവത്തിലും യു.എ.പി.എ ഉള്പ്പെടെ ചുമത്താതെ മൃദു സമീപനമാണ് പൊലീസ് സ്വീകരിച്ചത്.
പരിശീലനവും ഗൂഢാലോചനയും നടന്ന സംഘ്പരിവാര് കേന്ദ്രം അടച്ചു പൂട്ടാനോ റൈയ്ഡ് നടത്താനോ പൊലീസ് തയ്യാറായിട്ടുമില്ല. ആയുധ പരിശീലനത്തിനായി ആര്.എസ്.എസ് ക്ഷേത്രങ്ങള് ദുരുപയോഗം ചെയ്യുന്നുണ്ടെന്നും അതു തടയണമെന്നും സംസ്ഥാന സര്ക്കാര് മാസങ്ങള്ക്ക് മുമ്പ് ഉത്തരവിറക്കിയിരുന്നു. ക്ഷേത്രങ്ങളെ സംശയത്തിന്റെ മുള്മുനയില് നിര്ത്താന് ലക്ഷ്യമിട്ടുള്ള ഇടതു സര്ക്കാറിന്റെ അത്തരം നടപടികള് വിവാദമായിരുന്നു. ക്ഷേത്രങ്ങളെ ആര്.എസ്.എസ് ആയുധ പരിശീലനത്തിന് ദുരുപയോഗം ചെയ്യുന്നുണ്ടെങ്കില് 1988ലെ ‘ദ റിലീജ്യസ് ഇന്സ്റ്റിറ്റിയൂഷന്-പ്രിവന്ഷന് ഓഫ് മിസ്യൂസ് ആക്ടിലെ സെക്ഷന് 5 മുതല് 7 വരെയുള്ള വകുപ്പുകള് പ്രകാരം നടപടിയെടുക്കാന് പൊലീസിനാവും.
പക്ഷെ, അങ്ങിനെ വിവരമുണ്ടെങ്കില് നടപടിയെടുക്കാതെ സംഘ്പരിവാറിന് വളംവെക്കുന്ന രീതിയില് ക്ഷേത്രങ്ങളെ കേന്ദ്രബിന്ദുവാക്കുന്ന ഉത്തരവിറക്കിയവരാണ് പൊതു സ്ഥാപനങ്ങളിലെ ആര്.എസ്.എസ് പരിശീലനത്തോട് മുഖം തിരിക്കുന്നത്. സംഭവം വിവാദമായതോടെ ആര്.എസ്.എസ് ആയുധപരിളശീലനത്തിനെതിരെ നടപടി സ്വീകരിക്കണമെന്ന് സി.പി.എം കണ്ണൂര് ജില്ലാ സെക്രട്ടറിതന്നെ ഡി.ജി.പിക്ക് പരാതി നല്കിയിട്ടുണ്ട്. പക്ഷെ, പിണറായിയുടെ പൊലീസിന് ആര്.എസ്.എസ് ആയുധം മൂര്ച്ചകൂട്ടുന്നത് എല്ലാ വര്ഷവും നടക്കുന്ന ‘പതിവ് പരിശീലനങ്ങള്’ മാത്രമാവുകയാണ്.
kerala
സംസ്ഥാനത്ത് ശക്തമായ മഴ തുടരും, ഇന്ന് നാല് ജില്ലകളില് യെല്ലോ അലര്ട്ട്

സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. തെക്കന് ജാര്ഖണ്ഡിന് മുകളിലായി ചക്രവാത ചുഴിയുടെ സ്വാധീന ഫലമായി വടക്കന് കേരളത്തിലെ നാല് ജില്ലകളില് ഇന്ന് യെല്ലോ അലര്ട്ടാണ്. കോഴിക്കോട്, വായനാട്, കണ്ണൂര്, കാസര്ഗോഡ് ജില്ലകളിലാണ് യെല്ലോ മുന്നറിയിപ്പുള്ളത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. ഈ ജില്ലകളില് 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.
കേരളത്തിന് മുകളില് മണിക്കൂറില് പരമാവധി 40 മുതല് 50 കിലോമീറ്റര് വരെ വേഗതയില് കാറ്റ് ശക്തമാകാനും സാധ്യതയുണ്ട്. ശനിയാഴ്ച വരെ സംസ്ഥാനത്ത് വ്യാപക മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനം. വിവിധ ജില്ലകളില് യെല്ലോ അലര്ട്ടും പുറപ്പെടുവിച്ചിട്ടുണ്ട്. കണ്ണൂര്, കാസര്കോട് ജില്ലകളില് ശനിയാഴ്ച വരെ ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും, മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ട്.
News
മമദാനിയുടെ യുഎസ് പൗരത്വം എടുത്തുകളയാനുള്ള സാധ്യത തേടി ട്രംപ് ഭരണകൂടം
ഫെഡറല് ഇമിഗ്രേഷന് അധികാരികളെ വെല്ലുവിളിച്ചാല് ന്യൂയോര്ക്ക് സിറ്റി മേയര് സ്ഥാനാര്ത്ഥി സൊഹ്റാന് മമദാനിയെ അറസ്റ്റ് ചെയ്യുമെന്ന് യുഎസ് പ്രസിഡന്റ് ഡൊണാള്ഡ് ട്രംപ് ഭീഷണിപ്പെടുത്തി.

ന്യൂയോര്ക്ക് സിറ്റിയിലെ ഡെമോക്രാറ്റിക് മേയര് സ്ഥാനാര്ത്ഥി സൊഹ്റാന് മമദാനിയുടെ യുഎസ് പൗരത്വം നീക്കം ചെയ്യാനുള്ള സാധ്യത തേടി ട്രംപ് ഭരണകൂടം.
ഫെഡറല് ഇമിഗ്രേഷന് അധികാരികളെ വെല്ലുവിളിച്ചാല് ന്യൂയോര്ക്ക് സിറ്റി മേയര് സ്ഥാനാര്ത്ഥി സൊഹ്റാന് മമദാനിയെ അറസ്റ്റ് ചെയ്യുമെന്ന് യുഎസ് പ്രസിഡന്റ് ഡൊണാള്ഡ് ട്രംപ് ഭീഷണിപ്പെടുത്തി.
നഗരത്തിലെ രേഖകളില്ലാത്ത കുടിയേറ്റക്കാരെ അറസ്റ്റ് ചെയ്യാന് ഐസിഇ (ഇമിഗ്രേഷന് ആന്ഡ് കസ്റ്റംസ് എന്ഫോഴ്സ്മെന്റ്) അനുവദിക്കാന് മമദാനി വിസമ്മതിക്കുന്നത് നിയമപരമായ പ്രത്യാഘാതങ്ങള്ക്ക് ഇടയാക്കുമെന്ന് മാധ്യമപ്രവര്ത്തകരോട് സംസാരിക്കവെ ട്രംപ് പറഞ്ഞു. ”ശരി, അപ്പോള് നമുക്ക് അദ്ദേഹത്തെ അറസ്റ്റ് ചെയ്യേണ്ടിവരും,” മമദാനിയെക്കുറിച്ച് ചോദിച്ചപ്പോള് ട്രംപ് പറഞ്ഞു. ‘നമുക്ക് ഈ രാജ്യത്ത് ഒരു കമ്മ്യൂണിസ്റ്റുകാരനെ ആവശ്യമില്ല, പക്ഷേ ഞങ്ങള്ക്ക് ഒരാളുണ്ടെങ്കില്, രാഷ്ട്രത്തിനുവേണ്ടി ഞാന് അവനെ വളരെ ശ്രദ്ധാപൂര്വ്വം നിരീക്ഷിക്കും.’
മമദാനിയുടെ പൗരത്വത്തെക്കുറിച്ച് അന്വേഷണം നടത്താനുള്ള സാധ്യതയും ട്രംപ് ഭരണകൂടം സൂചിപ്പിച്ചിട്ടുണ്ട്. വൈറ്റ് ഹൗസ് പ്രസ് സെക്രട്ടറി കരോലിന് ലീവിറ്റ്, റിപ്പബ്ലിക്കന് കോണ്ഗ്രസ് അംഗം ആന്ഡി ഓഗ്ലെസിനോട് പ്രതികരിച്ചു, മമദാനിയുടെ പൗരത്വം റദ്ദാക്കണമെന്ന് അദ്ദേഹം നിര്ദ്ദേശിച്ചു, അദ്ദേഹത്തിന്റെ സ്വാഭാവികവല്ക്കരണ പ്രക്രിയയില് ‘ഭീകര’ സഹതാപം മറച്ചുവെച്ചെന്ന് ആരോപിച്ചു.
Video Stories
കഠിനം, തീവ്രം, അസഹ്യം..ഞാൻ വളരെ പരിഭ്രാന്തിയിലാണ്”, ഭീകര ലുക്കില് രശ്മിക മന്ദാന; ‘മൈസ’ ഫസ്റ്റ് ലുക്ക് ട്രെൻഡിങ്
ചിത്രത്തിന്റെ ടൈറ്റിലും ഫസ്റ്റ് ലുക്ക് പോസ്റ്ററും റിലീസ് ചെയ്തിട്ടുണ്ട്. ‘മൈസ’ എന്നാണ് ചിത്രത്തിന്റെ പേര്.

വെള്ളിത്തിരയിൽ എത്തി വളരെ ചുരുങ്ങിയ കാലം കൊണ്ട് തന്നെ സൗത്ത് ഇന്ത്യൻ സിനിമയിൽ ഒരു പ്രമുഖ സ്ഥാനം നേടിയെടുത്ത നടിയാണ് രശ്മിക മന്ദാന. നാഷണൽ ക്രഷ് എന്ന് ആരാധകർ വിളിക്കുന്ന രശ്മിക തന്റെ കരിയറിൽ ഇതുവരെ ചെയ്തതിൽ നിന്നും വ്യത്യസ്തമായൊരു വേഷത്തിലെത്തുന്നു. ചിത്രത്തിന്റെ ടൈറ്റിലും ഫസ്റ്റ് ലുക്ക് പോസ്റ്ററും റിലീസ് ചെയ്തിട്ടുണ്ട്. ‘മൈസ’ എന്നാണ് ചിത്രത്തിന്റെ പേര്.
ദുൽഖർ സൽമാനാണ് മൈസയുടെ മലയാളം പോസ്റ്റർ റിലീസ് ചെയ്തതത്. വളരെ ബോൾഡ് ആയിട്ടുള്ള വേഷത്തിലാണ് പടത്തിൽ രശ്മിക എത്തുന്നതെന്നാണ് പോസ്റ്റർ സൂചിപ്പിക്കുന്നത്. ഫസ്റ്റ് ലുക്ക് ഇതിനകം ഏറെ ട്രെൻഡിങ് ആയി കഴിഞ്ഞു. മലയാളത്തിന് പുറമെ ഹിന്ദി, തെലുഗു, കന്നഡ, തമിഴ് ഭാഷകളിലും ചിത്രം റിലീസ് ചെയ്യും. രവീന്ദ്ര പുല്ലെ സംവിധാനം ചെയ്യുന്ന ചിത്രം അജയ്, അനിൽ സയ്യാപുരെഡ്ഡി എന്നിവർ ചേർന്നാണ് നിർമിക്കുന്നത്. സഹനിർമ്മാണം – സായി ഗോപ, ബാനർ- ആൺഫോർമുല ഫിലിംസ്, പി ആർ ഒ- വൈശാഖ് വടക്കേവീട് & ജിനു അനിൽകുമാർ
കഴിഞ്ഞ ദിവസമായിരുന്നു രശ്മിക മന്ദാനയുടെ പുതിയ സിനിമ വരുന്നുവെന്ന വിവരം പുറത്തുവന്നത്. “ഹണ്ടഡ്, വൂണ്ടഡ്, അൺബ്രോക്കൺ” എന്ന ടാഗ്ലൈനോട് കൂടിയായിരുന്നു പ്രഖ്യാപനം. അൺഫോർമുല ഫിലിംസിന്റെ ബാനറിലാണ് പുതിയ ചിത്രം നിര്മ്മിക്കുന്നത്. ‘പുഷ്പ 2: ദി റൂൾ’, ‘ഛാവ’, ‘സികന്ദർ’, ‘കുബേര’ തുടങ്ങിയ സിനിമകളുടെ വിജയത്തിനു ശേഷം എത്തുന്ന രശ്മികയുടെ ചിത്രമാണ് മൈസ. നൂറ് കോടിയിലധികം കളക്ഷൻ നേടി ധനുഷ് നായകനായി എത്തിയ കുബേരയാണ് രശ്മികയുടെ ഇപ്പോൾ പ്രദർശനത്തിലുള്ള ചിത്രം.
ഇതുവരെ താൻ കണ്ടിട്ടില്ലാത്ത ഒരു കഥാപാത്രത്തെയാണ് ഈ കഥാപാത്രം പ്രതിനിധീകരിക്കുന്നതെന്ന് നടി പങ്കുവെച്ചു. ‘ഞാൻ എപ്പോഴും നിങ്ങൾക്ക് പുതിയ എന്തെങ്കിലും, വ്യത്യസ്തമായ എന്തെങ്കിലും ആവേശകരമായ എന്തെങ്കിലും നൽകാൻ ശ്രമിക്കാറുണ്ട്. ഇതും അത്തരത്തിലൊന്നാണ്. ഞാൻ ഇതുവരെ അഭിനയിച്ചിട്ടില്ലാത്ത ഒരു കഥാപാത്രം. ഞാൻ ഒരിക്കലും കടന്നുചെന്നിട്ടില്ലാത്ത ഒരു ലോകത്തിലേക്ക്. ഇതുവരെ ഞാൻ കണ്ടിട്ടില്ലാത്ത എന്റെ ഒരു പതിപ്പ്. ഇത് കഠിനമാണ്. അത് തീവ്രവും അത്യധികം പരുക്കനുമാണ്. ഞാൻ വളരെ പരിഭ്രാന്തനും അതിയായ ആവേശഭരിതയുമാണ്. നമ്മൾ എന്താണ് സൃഷ്ടിക്കാൻ പോകുന്നതെന്ന് കാണാൻ ഞാൻ ശരിക്കും കാത്തിരിക്കുകയാണ്.. ഇത് ഒരു തുടക്കം മാത്രമാണ്..’ എന്നാണ് രശ്മിക കുറിച്ചത്.
-
kerala3 days ago
സൂംബ വിവാദം: ടി.കെ അഷ്റഫിന്റെ സസ്പെന്ഷന് പിന്വലിക്കണം; മുസ്ലിം സംഘടനാ നേതാക്കള്
-
kerala3 days ago
നിപ; സമ്പര്ക്കപ്പട്ടികയില് ആകെ 425 പേര്
-
india2 days ago
ഇന്ത്യയില് റോയിട്ടേഴ്സ് എക്സ് അക്കൗണ്ട് ബ്ലോക്ക് ചെയ്തു
-
GULF3 days ago
പ്രവാസി മലയാളികള്ക്ക് ആശ്വാസം; കോഴിക്കോട്ടേക്ക് അധിക സര്വീസുമായി എയര് ഇന്ത്യ എക്സ്പ്രസ്
-
kerala3 days ago
അഭിപ്രായം പറഞ്ഞവരെ വേട്ടയാടുന്ന ഉത്തരേന്ത്യന് മോഡല് കേരളത്തിലും നടപ്പിലാക്കാന് ശ്രമം: ഇ.ടി മുഹമ്മദ് ബഷീര്
-
kerala3 days ago
തെക്കന് ജില്ലകളില് പ്ലസ്ടു സീറ്റുകള് ഒഴിഞ്ഞുകിടക്കുമ്പോള് മലപ്പുറത്ത് വിദ്യാര്ത്ഥികള് നെട്ടോട്ടമോടുന്നു -ആര്യാടന് ഷൗക്കത്ത്
-
kerala3 days ago
കോട്ടയം മെഡിക്കല് കോളജപകടം: ഇന്നും വ്യാപക പ്രതിഷേധം
-
kerala3 days ago
വി.എസിന്റെ നില മാറ്റമില്ലാതെ തുടരുന്നതായി മെഡിക്കല് ബുളളറ്റിന്