gulf
മലയാളി നഴ്സ് സഊദിയില് തൂങ്ങിമരിച്ച നിലയില്
റിയാദ് ഖുറൈസ് റോഡിലെ അല് ജസീറ ആശുപത്രിയില് കഴിഞ്ഞ ഒന്നര വര്ഷമായി സ്റ്റാഫ് നഴ്സ് ആയി ജോലി ചെയ്തു വരികയായിരുന്നു
റിയാദ്: മലയാളി നഴ്സിനെ സഊദിയില് തൂങ്ങി മരിച്ച നിലയില് കണ്ടെത്തി. ആര്പ്പൂക്കര സ്വദേശിനിയായ സൗമ്യ നോബിളനെയാണ് റിയാദിലെ താമസസ്ഥലത്ത് തൂങ്ങിമരിച്ച നിലയില് കണ്ടെത്തിയത്. 33 വയസായിരുന്നു. റിയാദ് ഖുറൈസ് റോഡിലെ അല് ജസീറ ആശുപത്രിയില് കഴിഞ്ഞ ഒന്നര വര്ഷമായി സ്റ്റാഫ് നഴ്സ് ആയി ജോലി ചെയ്തു വരികയായിരുന്നു.
ഭര്ത്താവ്: നോബിള്, മകന്: ക്രിസ് നോബിള് ജോസ്. ഇരുവരും നാട്ടിലാണ്. ശുമൈസി ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നാട്ടിലെത്തിക്കുന്നതിനുള്ള നടപടികള് നടക്കുന്നു.
gulf
ഒമാനില് അപകടം: ട്രക്കുകള് കൂട്ടിയിടിച്ച് രണ്ട് ഏഷ്യന് പൗരന്മാര് മരിച്ചു, നിരവധി പേര്ക്ക് പരിക്ക്
സുല്ത്താന് തുവൈനി ബിന് സഈദ് റോഡിലെ ബിദ്ബിദ്-ഷര്ഖിയ പാലത്തിനടിയിലായിരുന്നു അപകടം
മസ്കത്ത്: ഒമാനിലെ ഷര്ഖിയ ഗവര്ണറേറ്റിലെ ബിദിയയില് നടന്ന ട്രക്ക് കൂട്ടിയിടിയില് രണ്ട് ഏഷ്യന് പൗരന്മാര് ദുരുദേഹിതരായി. സുല്ത്താന് തുവൈനി ബിന് സഈദ് റോഡിലെ ബിദ്ബിദ്-ഷര്ഖിയ പാലത്തിനടിയിലായിരുന്നു അപകടം. നിസ്വ-മസ്കത്ത് റൂട്ടിലുണ്ടായ അപകടത്തില് അതേ റോഡില് സഞ്ചരിച്ചിരുന്ന അഞ്ച് വാഹനങ്ങള് കൂടി തകര്ന്നു.
അപകടത്തെ തുടര്ന്ന് രണ്ട് ഏഷ്യന് പൗരന്മാര് മരിച്ചു, നിരവധി പേര്ക്ക് പരിക്കേറ്റതായും പരിക്കേറ്റവരെ സമീപത്തെ ആശുപത്രികളിലേക്ക് മാറ്റിയതായും റോയല് ഒമാന് പൊലീസ് (ROP) അറിയിച്ചു. സ്ഥലത്തെ ഗതാഗതം അധികാരികള് തിരിച്ചുവിട്ടിട്ടുണ്ട്. സംഭവത്തില് കൂടുതല് അന്വേഷണം തുടരുകയാണ്.
gulf
ഒരുമാസത്തിനിടെ 1.39 കോടി പേര് ഉംറ നിര്വഹിച്ചു: ഹജ്-ഉംറ മന്ത്രാലയം
ഇതില് 17 ലക്ഷത്തിലേറെ പേര് രാജ്യാന്തര തീര്ഥാടകരാണ്.
മക്ക: കഴിഞ്ഞ ഒരുമാസത്തിനിടെ 1.39 കോടിയിലധികം വിശ്വാസികള് ഉംറ നിര്വഹിച്ചതായി ഹജ്-ഉംറ മന്ത്രാലയം അറിയിച്ചു. ഇതില് 17 ലക്ഷത്തിലേറെ പേര് രാജ്യാന്തര തീര്ഥാടകരാണ്. ശേഷിക്കുന്നവര് സൗദി സ്വദേശികളെയും സൗദിയില് താമസിക്കുന്ന വിദേശികളെയും ഉള്പ്പെടുന്ന ആഭ്യന്തര തീര്ഥാടകര്. ഒരു വ്യക്തി ഒരിലധികം തവണ ഉംറ നിര്വഹിച്ചിട്ടുണ്ടെങ്കില് അതും മൊത്തം കണക്കില് ഉള്പ്പെടുത്തിയിട്ടുണ്ടെന്ന് മന്ത്രാലയം വ്യക്തമാക്കിയിട്ടുണ്ട്.
gulf
കളഞ്ഞുകിട്ടിയ പണം കൈമാറി; സമൂഹബോധം തെളിയിച്ച ബാലികക്ക് അഭിനന്ദനം
വഴിയില് കണ്ടെത്തിയ പണം സുരക്ഷിതമായി കൈമാറുന്നതിനായി മൂത്ത സഹോദരിയുടെ സഹായം തേടിയ ഷൈമ എന്ന ബാലിക മുശരീഫ് പൊലീസ് സ്റ്റേഷനില് തന്നെയാണ് പണം ഏല്പിച്ചത്.
അജ്മാന്: പൊതുസ്ഥലത്ത് കളഞ്ഞുകിടന്ന പണം കണ്ടെത്തി പൊലീസിന് ഏല്പിച്ച ബാലികയെ അജ്മാന് പൊലീസ് ആദരിച്ചു. വഴിയില് കണ്ടെത്തിയ പണം സുരക്ഷിതമായി കൈമാറുന്നതിനായി മൂത്ത സഹോദരിയുടെ സഹായം തേടിയ ഷൈമ എന്ന ബാലിക മുശരീഫ് പൊലീസ് സ്റ്റേഷനില് തന്നെയാണ് പണം ഏല്പിച്ചത്.
കുട്ടിയുടെ സത്യസന്ധതയും ഉത്തരവാദിത്വബോധവും പ്രശംസിച്ച് ബ്രിഗേഡിയര് ജനറല് അല് മുഹൈരി അഭിനന്ദനം അറിയിച്ചു. പിതാവടക്കമുള്ള കുടുംബാംഗങ്ങളുടെ സാന്നിധ്യത്തില് പൊലീസ് ഷൈമയ്ക്ക് അഭിനന്ദന സര്ട്ടിഫിക്കറ്റും സമ്മാനവും നല്കി. കുട്ടികളില് മൂല്യബോധം വളര്ത്തുന്നതിനുള്ള കുടുംബത്തിന്റെ പങ്ക് പ്രശംസനീയമാണെന്നും, സമൂഹത്തിലെ പൊതുസ്വത്ത് സംരക്ഷണവും നഷ്ടപ്പെട്ട വസ്തുക്കള് തിരികെ നല്കുന്ന സംസ്കാരവും പ്രോത്സാഹിപ്പിക്കുന്ന മാതൃകാപരമായ പെരുമാറ്റമാണിതെന്ന് അല് മുഹൈരി പറഞ്ഞു.
-
india3 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment3 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india3 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india3 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala2 days agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala2 days agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
Sports20 hours agoസെഞ്ചുറി നേടി കോലി, അര്ധസെഞ്ചുറിയടിച്ച് രോഹിത്ത്; ദക്ഷിണാഫ്രിക്കയ്ക്കെതിരെ ഇന്ത്യക്ക് മികച്ച നേട്ടം
-
News15 hours agoദക്ഷിണാഫ്രിക്കക്കെതിരായ ആദ്യ ഏകദിനം അടിച്ചെടുത്ത് ഇന്ത്യ

