india
ശ്രദ്ധിക്കുക; ബ്യൂട്ടി പാര്ലറില് ചെന്ന് ഫേഷ്യല് ചെയ്ത യുവതിക്ക് കിട്ടിയ പണി
ഡീറ്റാന് ഫേഷ്യല് ചെയ്തവര്ക്ക് ബ്ലീച്ച് ചെയ്യുന്നത് അനുയോജ്യമല്ലെന്ന് പറഞ്ഞെങ്കിലും യുവതിയുടെ നിര്ബന്ധത്തിന് വഴങ്ങിയാണ് ഇത് ചെയ്തതെന്നാണ് ദീപ് റോയ് പറഞ്ഞത്. എന്നാല് അങ്ങനെ നിര്ബന്ധം പിടിക്കാന് താന് വിഡ്ഢിയല്ലെന്നായിരുന്നു ബിനിതയുടെ മറുപടി
ഗുവാഹത്തി: ബ്യൂട്ടി പാര്ലറില് ചെന്ന് ഫേഷ്യല് ചെയ്ത യുവതിക്ക് കിട്ടിയത് മുട്ടന് പണി. മുഖത്താകെ പൊള്ളലേറ്റു. അസമിലെ ഗുവാഹത്തിയിലാണ് സംഭവം. ബിനിത എന്ന യുവതിക്കാണ് ഈ ദാരുണ സംഭവം ഉണ്ടായത്. ഗുവാഹത്തി ലിങ്ക് റോഡിലെ ശാരദ എന്ന ബ്യൂട്ടി പാര്ലറില് വിവാഹാഘോഷത്തിനു പങ്കെടുക്കുന്നതിന് വേണ്ടി ഫേഷ്യല് ചെയ്യാനെത്തിയതായിരുന്നു.
സംഭവത്തെ കുറിച്ച് യുവതി പറയുന്നത്:
‘വിവാഹശേഷം ആദ്യമായാണ് ഒരു ബ്യൂട്ടിപാര്ലറില് പോയത്. ത്രെഡിംഗ് പോലും ചെയ്യാറില്ല. ‘ഡീറ്റാന് ഫേഷ്യല്’ ആണ് നല്ലതെന്ന് നിര്ദേശിച്ചത് ബ്യൂട്ടി പാര്ലര് ജീവനക്കാര് തന്നെയാണ്. മുഖത്ത് രോമങ്ങളുള്ളത് വാക്സ് ചെയ്തോ ത്രെഡ് ചെയ്തോ നീക്കാമെന്ന് അവര് പറഞ്ഞപ്പോള് ഞാന് വിസമ്മതിച്ചു അങ്ങനെയാണ് ബ്ലീച്ച് ഇടാമെന്ന് പറഞ്ഞത്. ഞാനത് സമ്മതിച്ചു. ബ്ലീച്ച് മുഖത്ത് പുരട്ടിയതോടെ തിളച്ച എണ്ണ വീണത് പോലെയാണ് തോന്നിയത്. ഉറക്കെ നിലവിളിച്ചതോടെ അവര് മുഖത്ത് പുരട്ടിയത് നീക്കം ചെയ്തു. അതിനുശേഷം മുഖത്ത് ഐസ് ബാഗ് വച്ചു. എന്നാല് അപ്പോഴേക്കും വൈകിപ്പോയിരുന്നു. മുഖത്ത് പൊള്ളലേറ്റ ശേഷം ഉടമക്ക് ചിത്രങ്ങളും അയച്ചു കൊടുത്തിരുന്നു. എന്നാല് പ്രതികരിക്കാന് പോലും അവര് തയ്യാറായില്ല.’
അതേ സമയം പൊള്ളലേറ്റതു തന്നെയാണെന്ന് ഡോക്ടര്മാരും സ്ഥിരീകരിച്ചിട്ടുണ്ട്. നിലവില് മുഖത്തെ പാടുകള് പോവാന് ഡോക്ടര്മാരുടെ നിര്ദേശാനുസരണം മരുന്നുകള് പുരട്ടിക്കൊണ്ടിരിക്കുകയാണ്. പാടുകള് മായാന് കാലതാമസമെടുക്കുമെന്നാണ് ഡോക്ടര്മാര് പറയുന്നത്.
സംഭവത്തില് ഖേദം പ്രകടിപ്പിച്ച് ബ്യൂട്ടി പാര്ലര് ഉടമകളിലൊരാളായ ദീപ് ദേബ് റോയ് പിന്നീടെ രംഗത്തെത്തി. ഡീറ്റാന് ഫേഷ്യല് ചെയ്തവര്ക്ക് ബ്ലീച്ച് ചെയ്യുന്നത് അനുയോജ്യമല്ലെന്ന് പറഞ്ഞെങ്കിലും യുവതിയുടെ നിര്ബന്ധത്തിന് വഴങ്ങിയാണ് ഇത് ചെയ്തതെന്നാണ് ദീപ് റോയ് പറഞ്ഞത്. എന്നാല് അങ്ങനെ നിര്ബന്ധം പിടിക്കാന് താന് വിഡ്ഢിയല്ലെന്നായിരുന്നു ബിനിതയുടെ മറുപടി.
india
വാല്പ്പാറയില് വീട്ടുമുറ്റത്ത് കളിച്ചുകൊണ്ടിരുന്ന നാലുവയസുകാരനെ പുലി കടിച്ചുകൊന്നു
കുട്ടിയെ കാണാത്തതിനെ തുടര്ന്ന് വീട്ടുകാര് നടത്തിയ തിരച്ചിലിലാണ് സമീപത്തെ വനത്തില് പാതി ഭക്ഷിച്ച നിലയില് മൃതദേഹ ഭാഗങ്ങള് കണ്ടെത്തിയത്.
തമിഴ്നാട് വാല്പ്പാറയില് വീട്ടുമുറ്റത്ത് കളിച്ചുകൊണ്ടിരുന്ന നാലുവയസുകാരനെ പുലി കടിച്ചുകൊന്നു. വാല്പ്പാറ ആയിപ്പാടി എസ്റ്റേറ്റിലെ തോട്ടം തൊഴിലാളികളുടെ മകന് സൈബുളാണ് മരിച്ചത്. വീട്ടുമുറ്റത്ത് കളിച്ചുകൊണ്ടിരുന്ന കുട്ടിയെ പുലി കടിച്ചു കൊണ്ടുപോവുകയായിരുന്നു.
കുട്ടിയെ കാണാത്തതിനെ തുടര്ന്ന് വീട്ടുകാര് നടത്തിയ തിരച്ചിലിലാണ് സമീപത്തെ വനത്തില് പാതി ഭക്ഷിച്ച നിലയില് മൃതദേഹ ഭാഗങ്ങള് കണ്ടെത്തിയത്. കുട്ടിയുടെ മൃതദേഹം വാല്പ്പാറ താലൂക്ക് ആശുപത്രിയിലേക്ക് മാറ്റി.
വാല്പ്പാറയില് കഴിഞ്ഞ ആറുമാസത്തിനിടെ മൂന്നുകുട്ടികളെയാണ് പുലി പിടിച്ചത്. അസം സ്വദേശികളുടെ എട്ടുവയസുകാരനായ മകന് നൂറിന് ഇസ്ലാമിനെയും ജാര്ഖണ്ഡ് സ്വദേശികളുടെ ആറുവയസുകാരിയായ മകളെയും നേരത്തെ പുലി ഭക്ഷിച്ചിരുന്നു.
india
‘രാജ്യത്തെ എല്ലാ മുസ്ലിം പള്ളികളിലും മദ്രസകളിലും സിസിടിവി ക്യാമറകള് സ്ഥാപിക്കണം’; ലോക്സഭയില് ആവശ്യവുമായി ബി.ജെ.പി എം.പി
ഉത്തര്പ്രദേശിലെ മീററ്റില് നിന്നുള്ള എം.പിയാണ് ആണ് ലോക്സഭയിലെ ശൂന്യവേളയില് ആവശ്യം ഉന്നയിച്ചത്.
ന്യൂഡല്ഹി: രാജ്യത്തെ എല്ലാ മുസ്ലിം പള്ളികളിലും മദ്രസകളിലും സിസിടിവി ക്യാമറകള് സ്ഥാപിക്കണമെന്ന ആവശ്യവുമായി ബി.ജെ.പി എം.പി അരുണ് ഗോവില്. ഉത്തര്പ്രദേശിലെ മീററ്റില് നിന്നുള്ള എം.പിയാണ് ആണ് ലോക്സഭയിലെ ശൂന്യവേളയില് ആവശ്യം ഉന്നയിച്ചത്.
രാജ്യസുരക്ഷ കണക്കിലെടുത്ത് ഒരു ‘ഏകീകൃത സുരക്ഷാ നയം'(Uniform Security Policy) നടപ്പിലാക്കണമെന്നും അദ്ദേഹം കേന്ദ്ര സര്ക്കാരിനോട് ആവശ്യപ്പെട്ടു. എന്നാല് തന്റെ ആവശ്യം ഏതെങ്കിലും പ്രത്യേക മതവിഭാഗത്തിന് എതിരല്ലെന്നും പൗരന്മാരുടെ സുരക്ഷ ഉറപ്പാക്കുക മാത്രമാണ് ലക്ഷ്യമെന്നും അദ്ദേഹം വ്യക്തമാക്കി. ക്ഷേത്രങ്ങള്, ക്രൈസ്തവ ദേവാലയങ്ങള്, ഗുരുദ്വാരകള്, ആശുപത്രികള്, കോളേജുകള്, മാര്ക്കറ്റുകള് തുടങ്ങി ജനങ്ങള് കൂടുന്ന മറ്റ് പൊതുയിടങ്ങളിലെല്ലാം ഇതിനകം സിസിടിവികള് സ്ഥാപിച്ചിട്ടുണ്ട്. ഇത് സുതാര്യത ഉറപ്പാക്കാനും കുറ്റകൃത്യങ്ങള് തടയാനും സഹായിക്കുന്നുണ്ട്. എന്നാല്, ആളുകള് ധാരാളമായി എത്തുന്ന മസ്ജിദുകളിലും മദ്രസകളിലും ഇത്തരം നിരീക്ഷണ സംവിധാനങ്ങള് ഇല്ലെന്നാണ് അദ്ദേഹം പറയുന്നത്.
india
ഇന്ഡിഗോ പ്രതിസന്ധി; ഡിജിസിഐ ഉത്തരവ് പൂര്ണമായും മരവിപ്പിച്ചിട്ടില്ലെന്ന് വ്യോമയാനമന്ത്രാലയ വൃത്തങ്ങള്
പൈലറ്റുമാരുടെ ഡ്യൂട്ടി സമയവുമായി ബന്ധപ്പെട്ട് ഇന്ഡിഗോയ്ക്ക് ഭാഗികമായ ഇളവുകള് മാത്രമാണ് നല്കുകയെന്നും വ്യോമയാനമന്ത്രാലയ വൃത്തങ്ങള് അറിയിച്ചു.
ന്യൂഡല്ഹി: ഇന്ഡിഗോ വിമാനയാത്രാ പ്രതിസന്ധിയില് ഡിജിസിഐ ഉത്തരവ് പൂര്ണമായും മരവിപ്പിച്ചിട്ടില്ലെന്ന് വ്യോമയാനമന്ത്രാലയ വൃത്തങ്ങള്. പൈലറ്റുമാരുടെ ഡ്യൂട്ടി സമയവുമായി ബന്ധപ്പെട്ട് ഇന്ഡിഗോയ്ക്ക് ഭാഗികമായ ഇളവുകള് മാത്രമാണ് നല്കുകയെന്നും ചില വ്യവസ്ഥകള് മാത്രമാണ് മരവിപ്പിച്ചതെന്നും വ്യോമയാനമന്ത്രാലയ വൃത്തങ്ങള് അറിയിച്ചു.
രാത്രി ഡ്യൂട്ടി, രാത്രി ലാന്ഡിങ് എന്നിവയില് ഇന്ഡിഗോയ്ക്ക് മാത്രമാകും ഫെബ്രുവരി 10 വരെ ഇളവ്. കേന്ദ്രത്തിന്റെ ഉന്നതതല അന്വേഷണ സമിതി 15 ദിവസത്തിനുള്ളില് റിപ്പോര്ട്ട് നല്കണമെന്നും വ്യോമയാന മന്ത്രാലയ വൃത്തങ്ങള് അറിയിച്ചു.
തുടര്ച്ചയായ മൂന്നാം ദിവസവും യാത്രക്കാര് വലിയ പ്രതിസന്ധിയാണ് നേരിടുന്നത്. ശക്തമായ പ്രതിഷേധത്തിനാണ് വിമാനത്താവളങ്ങള് സാക്ഷിയായത്. ഇതിന് പിന്നാലെ ഇന്ഡിഗോ പ്രതിസന്ധിയില് മാപ്പ് പറഞ്ഞ് സിഇഒ പീറ്റര് എല്ബേഴ്സ് രംഗത്തെത്തിയിരുന്നു.
പ്രശ്നം പരിഹരിക്കാന് ത്രിതല നടപടികള് സ്വീകരിച്ചു. സമൂഹമാധ്യമങ്ങളിലൂടെ യാത്രക്കാര്ക്ക് കൃത്യമായ നിര്ദേശങ്ങള് നല്കും. നാളെ മുതല് മികച്ച സേവനം ഉറപ്പാക്കാന് ശ്രമിക്കും. നിര്ദേശം പിന്വലിച്ച ഡിജിസിഎ തീരുമാനം സ്വാഗതാര്ഹമെന്നും സിഇഒ പറഞ്ഞു. ഡിസംബര് പത്തിനും 15 നും ഇടയില് പൂര്വസ്ഥിതിയിലേക്ക് എത്താന് സാധിക്കുമെന്നും അദ്ദേഹം പറഞ്ഞു.
-
kerala1 day agoയുഡിഎഫ് സ്ഥാനാര്ത്ഥിയുടെ വ്യാജ ചിത്രവുമായി സിപിഎമ്മുകാരുടെ വര്ഗീയ പ്രചാരണം; കുറ്റക്കാര്ക്കെതിരെ നിയമ നടപടി
-
kerala2 days agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
kerala2 days agoസംഘടനാപരമായ പ്രവര്ത്തനങ്ങള്ക്കുള്ള പിന്തുണ മാത്രമേ ഇതുവരെ രാഹുലിന് ഞാന് നല്കിയിട്ടുള്ളൂ: ഷാഫി പറമ്പില്
-
kerala2 days agoസ്വര്ണക്കൊള്ള ഒരു ജനതയുടെ നെഞ്ചിനേറ്റ മുറിവ്
-
GULF2 days agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
health13 hours agoഡയറ്റ് പ്ലാനിങ്ങിലുണ്ടോ? നമുക്കാവശ്യമായ ഭക്ഷണ ശൈലി ഇങ്ങനെ ക്രമീകരിക്കാം
-
kerala3 days agoബിജെപിയോ സിജെപിയോ…? ഇടുക്കിയില് ബിജെപിക്കായി വോട്ടുപിടിക്കാനിറങ്ങി സിപിഎം മുന് എംഎല്എ
-
india2 days agoമദ്യം വാങ്ങാന് പണം നിഷേധിച്ചതിനെ തുടര്ന്ന് അമ്മയെ തീകൊളുത്തിയ മകന് അറസ്റ്റില്